茶木‧台式休閒餐廳 (MegaBox) (已結業)

今日終於有機會一嘗茶木嘅下午茶，當然要來一個紅燒牛肉麵，然後再叫咗雞排肉燥飯及總匯三明治。原本一心諗住下午茶份量應該不多，誰知……份量竟等同正餐份量，我倆二人食完，飽到要捧腹走，價錢亦只不過是$152.9相當便宜紅燒牛肉麵嘅牛肉相當腍滑，配菜葫蘿蔔亦好甜好腍，配上濃湯及彈牙嘅麵唯一不足，個人覺得濃湯略咸雞排肉燥飯份量很多，非常飽肚，肉燥飯味道本身可以，可惜雞排只有酥炸感，味道欠奉，肉薄皮厚總匯三明治其實應該係乾煙肉粒雞蛋沙律，一口咬下軟綿綿嘅雞蛋沙律，會咬到一粒粒好似潮濕咗嘅乾煙肉粒，個人不太愛這怪怪嘅口感其實味道不錯。

Megabox開左茶木有段日子，但每次lunch去到都多人到爆，排隊排到唔敢入去，今日落大雨少d人，想試下，結果大失所望！門面係好華麗，但其實幾嘈，傾計no way！去其他茶木分店都會有set menu，但呢度話無，我當堂O左嘴！個main menu d野好鬼貴！我叫個面都$75食物個樣係正，但味道就一般，牛肉太硬唔鬆化，杯芒果蘆薈得個甜字無芒果味！個雞扒粉多到爆，雞扒好薄，無咩味道，無肉汁又乾！價錢簡直令人嬲！人人百五，仲要唔好食！我食個lunch姐！

朝早第一個客，落單7點31分，等到其他外賣都走曬，明明為左省時間；lunch時段外賣仲耐，試過30分鐘。 相信唔會再外賣了～ 希望都係提高服務先啦～ 唔好一路擴張擴張。

之前光顧過茶木一次，但太大貪叫太多食品所以未能試甜品 知道megabox新茶木分店試業後，就沖著甜品而來了。甜品寫著製作時間大約為20分鐘左右，我們怕人太多而要等太久，所以點餐時連甜品也一起叫了~（千萬千萬不要學！因為…）怎料，6-7分鐘後……石板街蜜糖磚塊來了……既然來了，那先吃甜品吧～但…後面……怕麵條淋了，唯有先吃咸的吧（但3對👀絕對是望著甜品吃其他的！）炸雞扒牛肉麵~ 炸雞扒份量不少，剛炸起很酥脆，亦很juicy。牛肉麵麵質彈牙，肉味頗濃，湯也很鮮美再來沙朗牛拼肉燥飯~ 牛扒很嫰得juicy十分好味。肉燥飯普普通通啦，但配上青瓜後，也可算是營養均衡的一餐啦。終於可以開吃甜品啦，望上去甜品是由三大塊吐司層疊而成的，上面鋪有一大層忌廉，擠上朱古力醬，再加上棉花糖點綴及新鮮士多啤梨。正當無從入手時，店員上前告知其實中間是已經切好的~分贓啦~分贓啦~ 發現原來忌層下藏有1球朱古力雪糕的，現正處於半溶狀態啦😢雖然甜品已經不是冰火了，但還是很好吃，脆脆的立方吐司粒，點著雪糕及忌廉，一口一粒，好幸福唷 3人搶奪下，幸福隱形了……下次一起再來找更完美的幸福吧

茶木喺10/5進駐咗megabox,同其他分店唔同嘅係呢度居然有早餐食,聽講係商場硬性規定嚟,我係上星期六發現嘅,但因為當時已經買咗麥當當所以試唔到,睇過佢餐牌知道佢有好幾個餐,而且全部都唔算貴,今日...終於買咗其中一個返去試喇!我食嘅係紐倫堡腸配板煎雞扒餐,加埋杯飲品都唔駛40蚊真係好抵,要知道餐飲包嘅飲品唔係一般嘅奶茶咖啡,連珍珠奶茶同紅豆豆漿都有得揀,而且凍飲係唔駛另外加錢嘅(凍咖啡除外),食過茶木嘅都知散買杯飲品閒閒地都要30幾蚊啦!而家咁嘅價錢就可以食埋個早餐仲唔係超值?講返食物先,除主菜紐倫堡腸同雞扒外仲會跟埋配菜,包括肉鬆餐包,煙燻培根,紫薯餅,焗茄黃豆同有機水耕菜;肉鬆包鬆軟,培根唔乾,紫薯餅唔太甜仲好香紫薯味,水耕菜好新鮮,全部都好好味;主菜紐倫堡腸唔會死鹹,雞扒好嫩滑,整體質素中上有餘,下星期會去試吓佢個直布羅陀腸鱈魚扒,希望都係咁好食啦!