茶木‧台式休閒餐廳 (德福廣場1期)

营业中

休息中

陪媽咪係德福買野 行到累 佢話去茶木坐下先再搏殺過。芒果蜜糖磚 其實呢個甜品 我完全諗唔通點解阿媽咁歡喜 佢的蜜糖磚係焗得唔錯 好香脆 唔會太硬 但是 配料中的芒果雪糕 係香精味雪糕 忌廉唔滑 芒果肉浸透了糖漿 整個甜品 我只是食了兩口面包。香脆炸花枝 賣相唔錯 一入口 硬到根本咬唔開 炸粉洋溢 我肯定勉強食左冇幸福。熱帶水果茶 其實冇咩特別 只是正常的紅茶包配上果汁 但已經係最令人滿意的一樣。埋單後 我同媽咪講 下次可唔可以揀第二間。

行街行到攰攰地, 就響商場搵地方坐下食野, 茶木好多地區都有分店, 可以一試.主打台灣美食, 所以茶類唔少得, 所以要左杯"洛神鳳梨綠茶"($34), 綠茶味淡淡地, 反而鳳梨味重D香D, 幾解渴."紅燒牛肉麵"($58), 湯好濃香, 牛肉炆得腍但不失牛肉味, 麵質幾彈牙煙韌, 配菜入晒湯既精華."芝麻奶酥吐司"($32), 賣相夠特別, 芝麻味夠濃, 吐司夠香脆."奶油酥吐司"($32), 呢款傳統D, 不過吐司表面都好香脆, 不過包里面夠軟熟, 奶油味香.

食茶木, 除了講心情, 仲要睇埋時間! 咁岩今日放假又搞掂晒D私務, 拎飛後只需等2張枱, 就一於棄壽司而食台灣料理每次食茶木, 頭呢2樣係必叫 :1) 紅燒牛肉麵湯底較朗豪坊分店無咁咸, 牛肉始於都係咁軟滑, 一入口就化開, 蘿蔔就食唔到鮮甜味, 但好彩無渣2) 綜合水果茶味道酸甜, 有少少似益力多味, 有多款水果粒咬下, 每杯有2粒甜話梅, 今次呢2粒浸到無晒味, 有D失望3) 糖心旦肉燥飯隻糖心旦口感幾好, 而個肉燥味道唔會過濃, 用黎送飯唔錯4) 芒果香草磚塊蜜糖吐司食完主食, 見仍然有空間可以比甜品, 於是就..........................哈!回想起第一次食時, 上枱時見到佢都不期然發出......................."哇"一聲, 份量足夠3-4人食, 邪惡程度................中上級!!入座前, 侍應提醒用餐時間為90分鐘, 送餐速度都算快, 兩個人都可以好優閒咁用餐^^

太太好友帶著女兒相約我們一日遊。重頭節目乃是到太空館看天幕電影，接下來一行人就乘車到九龍灣內的大商場四處跑跑。跑到咁上下，是時候去祭一下五臟廟了....到了德福那邊，就算是平日亦四圍都是人。來到"茶木"門口，依舊仍然要等。這樣一等便是半個多小時....最後卒之能就座。不及細想，馬上便叫至滿檯皆是食物....柚子南瓜茸沙拉有小朋友在自然就要叫道沙律讓他們吃多一點菜蔬。沙律菜算是夠鮮爽，菜葉皆帶微濕潤色水亦翠綠。個人很少有機會吃到冷的南瓜茸，好像有點不太習慣的，而其甜度也沒想像中高及濃，算是失色了；柚子的酸和其他材料配合起來口感算是相當搭調的，這應是本菜的唯一亮點....牛肉麵記起第一次來此光顧時也有點了這個。基本上味道和上趟嚐到的相差無幾，湯底雖不甚濃郁但勝在手打的麵條夠晒煙韌而牛展肉是炆得既鬆化而軟淰，只要輕輕用筷子一分就斷開....至於缺失方面則是伴麵的白蘿蔔是偏硬兼有點渣及筋....阿嫲手作蔥油麵所用的麵條跟前述的牛肉麵是同一種的故此其咬口自然亦不會差；舖面經炸透過後的乾蔥樣子尤如一扎稻草一般，縱使質地是又乾又柴口但卻能滲出一點油香來，吃起來有些似在吃豬油渣一樣。配合著黏著蔥油的粗

牛肉麵份量極少，舊牛肉好似香口膠，趙極都趙唔爛，麵大概只有2口份量，價錢居然要70多元！朋友叫了酥炸豬排，入面竟然未熟和見紅，其餘小菜味道亦非常普通，令人失望～

從茶木第一天來香港，全城熱烘，Facebook上不停見到朋友洗版式的甜品照片，看像很漂亮，但一直也沒有興趣光顧，因為太不喜歡排隊（要知道開張之初，經常閒閒地都十幾廿人排緊隊），更不喜歡被限時限刻，不能好好享受食物，感覺食店尤如只供「到此一遊」。這天午餐，朋友說來這裡。由於剛好過了午餐時間，午市人龍散去，雖然店內仍幾乎坐滿人，但不用久候便能安排入座。座位算是舒適，但音樂配上周遭人聲，其實很嘈吵，對我來說比快餐店更趕客。若然想與朋友坐得舒適一點傾下偈，可選擇的地方實在太多。時間所限（入座起計限時90分鐘），還是趕快點菜。餐牌像一本雜誌，食物照片看來也是專業食品攝影師的作品，讓人涶延三尺，還有選擇困難症，因為照片裡的食品、飲品都很吸引。看圖識字，太多東西想吃，但又吃一點有熱湯的，來到台式食肆，就每人點一個「蚵嗲肉碎泡飯」，餐牌上的圖片也很吸引呀。誰知實物來到，賣相也相差太遠吧！湯太多，芫茜像求其灑上去。好，賣相不行，就試試味道。噢！太鹹了！蚵仔粒粒飽滿有咬口，可惜有沙；飯算可以，沒有浸得過份腍；湯就真的太鹹了，味精太重。由於剛過了午餐時間，沒有午市套餐了，但另外點了飲品。我選了水果茶，朋友選

近年這間餐廳的曝光率頗高，經常在不同的商場內見到它的影踪。這天下班後，很想很想走進去，見識一下。這餐廳很吸人，晚上8時多仍要等上45分鐘才能入座，而附近的餐廳已不需等候，想必食物一定是很吸引，很好味的。在等候期間簡直是超期待啊！終於有位喇，侍應很快便把餐牌放下，餐牌設計像雜誌般，內容圖文並茂，好靚。首先選了蘋果梳打，很清新。三文魚生果手打麵，嘩，很多生果放在碟面哩，很靚。手打麵麵質煙韌，很喜歡這種感覺。蚝仔泡飯的蚝仔頗大隻，沒有零碎蚝壳黏着，湯底好甜，好味。豬手很琳，入味，上菜時還有臘觸暖着，防止汁液變硬，很細心唷。

自從屋企附近開左間茶木我家裡長者同母親都指定每星期必到此晚餐最少兩次.......佢地話多款式又好味!尋晚我同左我媽咪黎食可惜我又遲左,黎到已經食曬,只好影張相作紀錄佢揀左呢款再轉套餐佢話份量太少,送唔到飯但味道可以可惜我無緣試返一隻==”......飲品每次我必點的!~香蕉巧克力冰淇淋~是次我跟餐補差價轉特飲原HKD32,補差價HKD12味道不錯,有香蕉朱古力味道,稍略嫌太甜但味道比某連鎖咖啡店來得好飲及清新雪糕正常餐牌上各款都大致食過了於是選了'酒糟甘粟雞(HKD56)’好美味呢意想不到,雖然汁係稍為鹹但十分好飲,而且酒味不會太濃雞是用雞翼弄的,雞翼應該先煎炸過,再同煮所以較香同入味配上彈牙白飯,淡淡的剛好相配合粟子又唔好太碎太稔大致原粒上,令我可成粒食,因我是粟子粉絲^^食完後,當然要點個飯後甜品綠茶提拉米蘇是跟餐配的,可惜蛋糕賣完就無,所以只剩佢不過亦好吃,不會太甜又有綠茶香氣(套餐包一個白飯,一款指定飲品,一件蛋糕/凱撒沙律,只需加HKD30)諗起又想食添!!!

朋友從外國返黎一段短時間,問我有咩野食推介,之前曾經試過茶木銅鑼灣分店,又知道九龍灣開左新分店就去試下,但結果有d失望。禁左飛等左7個字左右,終於等到下一張就係我地，見前一張飛個兩個女人本身被編去最近門口個張枱，佢地同門口接待員講話唔想坐門口,個接待員就笑笑口咁俾佢地換入面既枱。跟住叫到我地, 個接待員又叫我地坐門口, 我地同前一張飛個兩個女人一樣話唔想坐門口(德福店近門口位係完全無玻璃隔住店外, 只得半個人高既圍欄隔一隔,出面就係一大堆人企係你食野個位隔離望住你同好嘈,完全傾唔到計，而且又擔心出面咁大堆人趁亂伸手黎攞左你個袋/電話個d好唔安全),所以就同接待員講話唔想坐最門口,點知佢一手搶左我地張飛同我地講“無得揀位嫁!得呢張枱嫁咋！”於是我朋友就話: 咁我地再等下一張俾其他人先啦佢竟然好唔耐煩咁話: 如果你唔要呢張就要重新拎飛再等過嫁喇!咁等左咁耐我地又唔想轉去其他地方食,唯有硬食張枱啦，但我同我朋友都覺得佢好明顯係蝦我地(我同我朋友都係大學yr1), 前一張飛個兩個女人大約三十幾四十就可以揀位, 我地就話無得揀位仲搶左我地張飛話如果你唔要就重新揀過, 我覺得如果真係無得揀位/太多

之前看到朋友去各區的茶木，感覺悠閒舒適，好想一下，環境令人感覺放鬆，終於最近茶木黎到德福商場，就約埋班同事一齊去試下喇！6點半去到大排人龍，但都唔係等好耐，7點未到就入得，限時1.5小時，5個人被安排在4人卡位，都几逼下。店內嘈喧巴閉，感覺渾亂非常，服務員忙到跑黎跑去，氣氛令人感到焗侷，一點都不像CAFE，茶餐廳都冇咁嘈。凱撒沙律，不過不失，SOURCE和芝士既量有點小，同埋建議菜葉可以切細D，方便入口。紅油抄手，勁辣！我不敢試，同事話都几好食架。酥炸雞排几好味，外層香脆酥香，沒有油膩感，咸味剛剛好，內裡還有少少肉汁，沒有雪味之餘還有雞味。滷肉飯都几好味，有肥肉在裡增加油香，溏心蛋味道濃郁，生熟控制的剛剛好，質地細軟。五香牛肉麵都几大碗，同事話都几好食，牛肉味濃而且夠淋，五香湯汁鮮美，麵底軟硬適中。飲品，完全冇味，好似無落糖咁，係風味定係唔記得落糖呢? 我地要叫侍應全部拎番入去加糖。1.5小時，半個鐘前叫你埋單，本來好想試甜品，因為好似几靚咁，不過已經唔夠時間，而且唔會再有下次架喇，只嘆我地同呢度既甜品無緣啦！

之前食過幾次都覺得幾好味，就帶細佬同媽咪來試下啦！點知遲左少少到，第一輪啱啱入晒去，我地拎左一號飛有排等。等左45分鐘以內，終於入得叫左#牛肉麵#，湯好濃，牛肉又唔un,不過啲麵係粗麵，我唔like,試左一條就無食。細佬一個人食左大半碗又叫左個#熏蛋魯肉飯#幾大碟。媽咪好鍾意嗰啲鹹菜的配菜撈埋落啲飯度，的確幾好食。我都食左兩碗仔。仲叫左個青菜。最後有甜品，新上市的#黑糖金磚#啲黑糖實在太甜，雖然健康。平時好鍾意甜品的我，都食唔落去喇！下次都係諗清楚先好試新野！不過呢間我都會再去的

一直都聽朋友講茶木好好食好正，但每次行過都係排長龍所以未試過。今日見到德福開左新分店，一如以往都係好多人，不過見同朋友兩個都唔係好餓，就拎張飛等下咁啦。預左等好耐，所以拎完飛就去左行街喇。點知行左足足一個鐘都係未到我地有得食既。結果等足個半鐘終於比我入到去，好感動！兩個人一人叫杯野飲一個小食一個久仰既多士甜品。第一樣到既就係呢個薯仔絲炸蝦，超級的脆！薯仔炸到好似薯片咁脆，加埋入面包住少量薯蓉，口感豐富，味道亦係唔錯！之後兩杯特飲就真係失望喇！紫薯特飲冇味！淡到水一樣！好難接受！百香果亦只係沙冰底加百香果漿，有欠誠意喎！到左萬眾期待既多士，一切落去係好脆既，但一食落去好肯定係過左火既，有d太硬太脆。味道好但口感差，可能係個別例子啦。

好姐妹約我晚飯, 收工過到黎德福, 佢話未收工叫我是但搵間野坐低, 見新開茶木唔算太多人等位, 等到佢黎應該差唔多, 就揀佢.一貫既主調, 好田園氣息.<酥炸豬排肉燥飯>$54, 豬扒炸粉唔厚, 炸得好鬆脆, 好香口, 而且豬扒肉質好有咬口. 肉燥鹵得好入味, 好香, 糖心蛋依然夠糖心, 好味.<古旱烤香腸肉燥飯>$56, 香腸烤得個皮脆脆地, 個心就軟, 兩者配搭好好. 肉燥都係鹵得好入味, 好正. <紅豆搽茶拿鐵>$32, 搽茶味唔算太濃, 配埋面頭D cream清清地唔錯, 紅豆少少甜味, 配合好好.整體 試過幾間茶木, 大家既水準依然OK, 所以開咁多間都要排隊.  而且唔算太貴, 地方又坐得舒服.

之前買了團購食吐司，於是搵啱時間過黎食，等了要35分鐘才有位，比其他餐廳來說很久。叫咗以下食物：鱸魚意粉，魚煎得幾香，但意粉略為硬身豬扒肉燥飯，肉燥及飯味道幾好，但豬扒不夠軟，一般藍莓蜜糖吐司（團購），份量可以，味道也不錯。這份吐司我落單之後等了超過20分鐘，之後問2個侍應，都冇人理會。後來再問多一個侍應，他才說漏了單，要重新再入單，即要再等20分鐘。如果不是買了團購我才不會要，於是重新入單，但再多等35分鐘才來到 ，超激氣。當我地食緊吐司時，嗰位漏單侍應竟然走埋黎同我地講用餐時間已過（一般係1.5小時）。唔係我想霸住張枱唔走，係你地漏單搞到咁耐，仲要浪費我啲時間，然後仲趕我地走，超級氣憤 ，下次絕不再來。

I knew I would have to wait for tea wood but I didn’t know that I would need to wait for an hour and a half for a table. There were just so many people. While we were waiting, we looked through the menu and decide what to have so once we’ve been seated, we can order straight away.We knew the mains will take a bit of time to cook so we ordered a Taiwanese style marinated meat combination as starter. The food were very tasty, we could taste the special sauce in every bite.I love the fried chicken