茶星人 (美孚新邨) (已結業)

今日去左美孚等人，期間有想飲野，就去左茶星人叫杯野飲，綠油油的一杯特濃芝士奶蓋宇治抹茶醇正宇治抹茶結合了芝士打造而成，頂部是細膩輕盈芝士奶蓋，第一口下去能夠引起撲鼻而來的芝士香氣味，宇治抹茶超級好飲，極力推介

芝士奶蓋喺香港一直都好受歡迎，所以今日嚟到美孚黃店E TEA 試下究竟有幾吸引😋啱啱開鋪唔算太多人所以好快就買到，之前試過排咗20分鐘先有🥴講返杯野先，佢用料都好足，芝士味好濃好鐘意，而且佢啲杯上面都有香港加油嘅字眼👍🏻價錢同同類型飲品相比算平，大家經過可以試吓呀🤩地址：荔枝角美孚新村二期吉利徑49號地下E2號舖

幾經辛苦終於都搵到呢間台式飲品店喇😣原來就係美孚站A出轉入去邨行到附近就係喇雖然一眼就睇哂成間店舖不過店面嘅雪櫃擺放左好多水果🍓🍉同埋好多好有特色嘅公仔呀睇左一陣餐牌📃發覺啲名好特別，亦都有好多選擇😵其中一個個名叫「水果大爆炸」💥好奇就問左店員係咩嚟❓ cc_pointer;原來係用六款水果加埋一齊嘅一款飲品嚟🤔平時我就好少食到水果，咁就不如嗌個水果飲品啦水果大爆炸 $33先講講個杯身先🥛因為印上左「香港」兩字 已經先畀佢一個讚喇👍而且我真心比較鍾意飲品嘅甜度，對我嚟講真係啱啱好又可以一眼睇到各款水果，每款都足料咁浮係杯內🍎🍊700ml 正常size，分量啱啱好👍住係附近嘅朋友仔，可以去試埋其他款式，又或者試下我呢杯「水果大爆炸」啦。

今日黎到美孚，口痕想飲下野，見到呢間E Tea，決定要一飲💪🏻💪🏻💪🏻最近香港掀起左一股芝士奶蓋嘅熱潮，周街都係芝士奶蓋嘅鋪頭，但好壞參半，今日黎到E TEA 試下，點知有驚喜❗️❗️佢呢間有兩種：鹹蛋芝士同特濃海鹽芝士今次叫左杯熱特濃海鹽芝士配四季春，都只係$26，好抵芝士味好濃郁，海鹽味鹹鹹地，更加帶出芝士香味，又一啲都唔慳😍😍四季春茶味濃郁，唔會淡而無味，睇得出係落足料，值得一讚價錢相對其他鋪頭來講算好平，抵飲💪🏻💪🏻

今日去朋友屋企度玩，喺荔枝角叫外賣，想屋企到食網上外賣平台，但係叫嘢食嗰度呢就唔好嘢飲嘅，於是就諗起不如叫一杯台式飲品啦，於是就同朋友一人叫咗一杯茶勝任嘅嘢飲，我就叫咗呢杯水果茶，當然要叫微糖健康啲，水果茶就唔係度度都好飲嘅，有啲地方偷工減料得好少水果，再加大量嘅糖漿，真係會嚇死人。呢間就唔同啦，茶味同埋水果味啱啱好，仲有始終唔同種類嘅水果落去，講真三十幾蚊一杯茶真係唔算抵飲，但係當見到咁多水果喺入面，即刻覺得抵返晒

今晚，在荔枝角公園欣賞完《孤星淚社區巡演音樂會》，路過「茶星人」看到米豬連黃店認證時，立即二話不說出錢幫襯！我望了望menu，就放低30元，點了杯cheese mango smoothie芝芝芒芒。由於排隊的同行兒女眾多，加上每一杯都是即叫即造，所以大概等了20分鐘飲品才到手。Smoothie大大杯，由於真材實料不加糖漿，所以啖啖都是芒果的清甜；加上粒粒沙冰，口感零啥涼快！頂層的芝士奶蓋，超級滑溜，極芝味！而且，杯身特別印有「香港/加油」字眼，跟飲品一樣黃！小店由三位90後年輕人打理，勤力有禮，值得街坊們大大力支持！

自從屋企樓下開咗呢間茶星人都無再買過貢茶一直都有幫襯開最近就緊係要落力啲幫襯支持下啦平時最鍾意飲水果茶係用新鮮水果沖泡佢地嘅茶底好香醇真係用茶葉沖泡唔係開粉所以今日就剩係買杯茶飲下正

平時成日經過都冇諗過買嚟飲， 今晚喺附近食完壽司又冇飲嘢， 路過見到都有唔少人等緊飲品， 把心一橫就試下叫左杯“波霸珍珠宇治綠茶“。我叫咗走冰，但係忘記了甜度要“小甜“， 等咗唔係好耐， 飲品到手。 走冰溫度微涼，甜度適中， 其實都唔知有冇得揀甜度。 綠茶味度不算太濃，我反而鍾意， 唔覺太重奶味。 珍珠有咬口不太韌， 口感還可接受。 個人覺得整體感覺不錯， 接受多款付款方式，包括wechat pay， alipay，八達通...... 同場加送pepe貼紙，一定會再幫襯。

之前不時經過都會買黎飲💓依家更加要支持🌟-芝芝莓莓 $30第一次見咁足料咁厚嘅奶蓋，飲極都仲有lol😂呢度嘅奶蓋係我飲過最好飲嘅，好濃厚，咸香芝士味道恰到好處，唔會話油膩感好重👍🏻🤩個莓果汁落左好多新鮮莓落去打，飲得出好濃莓味，而且有打碎嘅果肉，好飲過喜茶越來越啖嘅水果茶底🧐小編手痕加左d仙草落去，分開食係ok，但就唔太夾，大家唔好學我😂😂-厚芝士奶蓋四季春 $30呢杯就清d，茶味好香，一啖奶蓋一啖茶真係透心涼💓睇下喜茶d奶蓋茶賣到成45蚊杯，仲貴過食餐飯，呢度$30真係良心價啦🖖🏻

🍽黑糖波霸碳燒奶茶同事請喝的飲品茶味香濃 奶茶很醇厚黑糖很香 有淡淡的碳燒味不過波霸令人失望太過淋 沒有咬口 份量亦太少因為是黑糖飲品較適合喜歡甜飲的人士整體中規中矩 波霸有進步空間

最近香港人嘅負能量真係爆燈！睡前甜一甜，介紹下兩杯飲品💪💪個日見到呢間飲品店個名騎騎呢呢，所以就決定試吓啦🤡🤡🤡最特別嘅就係佢哋鹹蛋黃奶蓋，因為出面都無呢款飲品嘅味道有啲似平時食月餅嗰隻奶黃味，而非起沙個隻鹹蛋😃質地都幾creamy,甜度適中，飲落去都無違和感！配左一個比較清啲嘅四季春😄所以奶蓋同茶味剛好中和左，飲唒成杯都唔會好膩，值得一試☝️ 另一杯芝芝火火，就係普通芝士奶蓋加火龍果

要黎嘅，始終都要黎！果然唔係一支歌仔唱到尾，喜茶嘅芝士奶蓋嘅首名位置終於不保了！廢話唔多講，直接入正題，#芝士火火 $30，呢個價錢係叫做真心抵，比起香港嘅喜茶平左一大截，但係個芝士奶蓋更高一層次，如果你係重口味嘅朋友，呢個芝士奶蓋絕對啱你，呢個 texture 係仲更加結，如果係要我係呢個芝士奶蓋嘅濃度加一個期限，我會話係喜茶嘅濃結度嘅 1.5 年，即係 1.5 倍，真係真心痴線濃，而底下嘅火龍果仲係重成本嘅紅火龍果製造，呢杯算係我飲過之中入面最高 CP 之一 😍 #鹹蛋黃奶蓋四季春 $30，第一次飲鹹蛋黃嘅奶蓋，估唔到又唔錯，飲落有啲似奶皇味月餅果隻奶皇味，帶小小鹹，再濃啲就更正 🤘🏿 #而豬隊友就叫左呢杯 #香蕉雙朱脆皮 $33，其實香蕉夾朱古力真係冇得輸，而底下嘅碎蕉溝埋脆脆朱古力又另一番嘅口感，但味道都係唔錯 😋 一句講哂，一定要飲芝士奶蓋 🤤🤤🤤-茶星人美孚新村二期吉利徑 49 號地下 E2 號舖天水圍天盛商場 M419 鋪

鍾意飲喜茶既人通常都係鍾意個芝士奶蓋今日同朋友係美孚食飯估唔到以前無乜好食既地方而家愈開愈多野食 係天氣熱辣辣既時候 路過呢間台式飲品平時要4x$既芝芝飲品呢度$3x就有得飲於是就同朋友試試啦我買左黃芝金菠蘿 而朋友買左芝芝火火拎返屋企吹住冷氣慢慢飲 趁佢個冰未溶好飲否則會溝淡個奶蓋個芝士奶蓋超濃厚 第一啖直頭要垂直杯野先倒到個奶蓋出黎飲芝士奶蓋咸香味足 而且奶蓋好厚 但略嫌無乜咸蛋味個菠蘿飲品好有菠蘿味杯野整體都幾好相返 朋友既芝芝火火 試飲左啖發現個奶蓋味同我杯差唔多說好的黃芝呢？而火龍果同芝士個咸香好似唔太夾火火太甜 芝士太咸鍾意芝士咸香既朋友 呢間都係一個好選擇

店鋪：茶星人 (荔枝角)地址：荔枝角美孚新村二期吉利徑49號地下E2號舖每一個地方都有一個屬於自己嘅好茶，茶星人希望我地都市人喺繁忙急速嘅節奏都可以細味好茶，我哋即刻飛去茶星睇下佢地有咩好茶推介比我先由荔枝角美孚新邨開到天水圍天盛商場，仲有六月中會試業的屯門悅湖山莊商場，相信嚟緊茶星人將會侵佔更加多嘅地方，比地球人更加容易咁享受到茶星人嘅福利話明係茶星人嘅福利，佢哋當然帶嚟唔少新嘅元素啦，除咗平時嘅飲品可以加$6配海鹽芝士或者鹹蛋黃芝士外，我今日最主要試下佢地比較特別而且係岩岩推出嘅新飲品—鮮奶朱古力脆皮黑洞芒果雙朱脆皮 $33以脆皮朱古力同黑朱古力調製，香濃的黑朱古力配上鮮奶嘅香滑仲有芒果嘅鮮香，每一啖都充滿着滑嘟嘟嘅享受，飲飲下仲可以食到粒粒脆皮朱古力，絕對係鍾意朱古力嘅人嘅福利！飲飲下仲食到芒果粒粒添，一杯嘢飲就有多重享受，真係多謝茶星人嘅推介😍除咗有芒果之外，仲有草莓同香蕉俾你揀，無藉口話唔鍾意食邊一款水果而唔飲啦~

初製成品樣子也算美，但飲上芒芒只有百香果同菠蘿味，這跟芒果汁價錢十分大差距，用嘅果肉當然十分十分少，少得可憐，既然用果醬為何都要咁吝嗇，不加到似返杯芒果汁？ 不夠十分鐘水汁分離士多啤梨奶蓋同樣是用果醬製，水汁分離，至少呢杯有士多啤梨味。因芒芒太唔係芒果又酸，實在飲唔落，攞去換，換返杯士多啤梨醬汁奶蓋。可讚的是服務，服務真的好；芝士奶都有芝士味。如不是芝士奶控，不必花$30買果醬水😆可試其他奶類產品，珍珠奶茶樣子賣相很好