茶星人 (金馬倫中心)

营业中

休息中

建議：唔係好覺眼有應援物拎，不過影下相已經好開心❤茶飲店既應援愈黎愈多， 通常見到最多既都係韓團同#Mirror ，到依家仲有#Collar 同#全民造星 👍終於有日飯既應援❤️ 除左上一次#植作茶 既Morning 娘既#佐藤優樹 畢業應援👏🏻👏🏻今次#試伏專員 K君都等到Arashi 啦‼️ 今次既應援好似無咩見到有宣傳，而舖頭位置就係尖沙咀既#茶星人 🥤舖面有好多海報，仲有貼左簡介、手繪畫👍 今次試左：▫️黃芝朱朱 (700ml 少甜 HK$30)茶星人既#芝士奶蓋 🧀係每次必點item，之前飲親都係芝士配純茶、士多啤梨脆皮 同芋泥烏龍奶🥤芝士奶蓋一如既往夠質感好厚，加淡淡芝士味🧀 今次試既係芝士雪沙系列，奶蓋X#朱古力沙冰 🍫 可能叫左少甜，所以飲落又唔會暴甜。加埋芝士又有少少咸香，估唔到兩個都幾夾。

呢日我地兩個3點都未食午餐，就決定去茶星人尖沙咀分店飲杯野頂下肚，店舖仲有網紅牆可以打下影相📷🔸手工芋泥鮮奶 前排食左芋泥鮮奶麻糬幾好食，睇到呢個組合已經好吸引，仲要每日限量，杯面設計吸睛獨特，兩個人share黎飲叫左大杯，足足有700ml真係好大杯，鮮奶同芋泥幾平衡，芋泥同鮮奶係perfect match😋，芋泥份量唔少真材實料有芋頭香，軟滑有顆粒令口感更豐富，奶味出揀左半糖唔會太甜，飲完成杯都唔會好漏，記住要拌勻先飲呀

尖沙咀都有茶星人喇，食完 lunch 行過，見無人排隊，仲以為唔使等，原來前面兩個女仔落咗張大單，起碼有十幾廿杯，仲有幾單外賣速遞，不過茶星人都好快手，等咗唔夠10分鐘就有得飲。收銀美女又靚又好笑容又有禮貌，真係隔住口罩都感受到佢對眼識笑。🥰🥰講返飲品，我點咗個手工芋泥烏龍奶茶，真心推介，個芋泥真係好好味，少甜已經好好飲。👍👍我選擇少冰，但原來天氣仍然太熱，返到公司啲冰竟然差不多溶晒，下次唔需要少冰，返到公司就應該啱啱好。🤣🤣

呢間想試好耐🤩，原來尖沙咀已經有茶星人！同事通知之後就即刻試下啦！買左杯黑糖波霸宇治抹茶！正常味唔會太甜好有抹茶味，珍珠size囗感唔錯👍一定會再幫襯。聽講佢地出名鹹蛋黃奶蓋，下次要試下！

最近迷上了茶星人的海鹽芝士奶蓋四季春 依排茶更加係愈開愈多 咁岩經過依間新開既 當然要試下。位置上係超便利 係正尖東噴水池對面 。 絕對行過突然想飲都飲到今次買左海鹽芝士奶蓋四季春 （M size $26）同芝士火火（$30） 四季春 另加海鹽芝士奶蓋需加$6，四季春有分2個size ,M size就$20 、L size就$24 任君選擇。 芝士火火基本都係set死700ml 值得一提 茶星人接受whatsapp order 如果唔想熱辣辣係條街等 都可以whatsapp落左單先。飲品好快有。首先介紹番芝士火火， 芝士火火以真·火龍果制成，唔會係啲色素加化季物質造成 另外 建議番少甜應該會比較好 因為火龍果味就會突出啲 ， 芝士奶蓋其實都相對比較淡 。 而我最愛既海鹽芝士奶蓋四季春， 四季春味幾甘香 ， 配上小小咸咸地既海鹽芝士奶蓋 絕對係絕配 不過值得一提係，對比剛開業飲既味道略為失色，因為個海鹽芝士奶蓋真係好淡味 芝士味冇乜圖中既「香港」logo杯現已改成新既logo 唔知係咪只係尖沙咀限定呢haha