茶悅

营业中

休息中

N年都唔去石籬石蔭一次，因業務關係要去和宜合道，所以呢排要响附近一眾商場及小店搵食今次誤打誤撞黎到石蔭商場，一入到去已經feel到陣好hea，勁多阿公阿婆坐晒响凳度hea嘆免費冷氣吹水。因為唔想食其他食過嘅連鎖餐廳，所以選左呢間應該唔係連鎖嘅臺式小店。感覺上唔係開左好耐。叫左個魯肉飯下午茶+珍珠奶茶❨$38+$5❩ 合理價格。個飯都OK水準，份量偏少，男士一定唔夠食，不過下午茶份量預左。但去到個珍奶就飲到陣"伏"味，珍珠煮得唔好，口感不太好，葵廣任一珍奶店都整得好過佢。

呢間餐廳嘅鹽酥雞肉燥便當係好食但係我去買外賣嘅時候係呢間鋪啱啱開門時間冇耐我企係個門口等左好耐啲職員只是一直在聊天完全唔有理會過我企左係門口好耐雖然係好食，但唔會再幫襯….

疫情期間無得去台灣🇹🇼係度食到久違嘅台灣滋味大推鴨血好好食辣得黎又會想繼續食落去牛肉米線湯底香濃 齒頰留香胚芽珍珠奶茶唔會係死甜 珍珠又煙韌雞扒夠曬酥脆 而且又大份食得飽Cp值之選會再推薦朋友黎食餐廳環境乾淨整潔 員工好nice

下午茶時間餓餓地，到屋企附近新開嘅台式小店外賣了一個台灣滷肉飯加百香果凍飲。價錢唔貴，味道不錯。個人覺得佢用嘅米幾好食😋！比起其他大型快餐店嘅米好吃得多，所以會繼續支持！

今次就試咗喺葵涌呢個商場新開嘅台灣嘢。試咗佢嘅招牌豬扒滷肉飯豬扒係經過油炸所以食落好酥脆而且豬扒嘅肉質都非常嫩唔會好老同埋好鞋豬扒醃製得都幾夠味。而滷肉方面呢，佢唔係香港嗰啲就咁普通肉碎，而係真係有啲五花肉嘅肉粒再配埋佢嘅滷水汁。入面好香五香粉味，整體來講算有台灣嘅嗰種風味。另外加咗錢配佢嘅珍珠奶茶，奶茶嘅水準同平時台式飲品店嘅差唔多所以整體都唔錯。

蔥油乾拌麵配滷蛋 檸檬紅茶 ＄39麵有咬口 唔會太淋 亦唔會太乾 蔥味唔濃 所以小小似食緊淨麵加油 尚算可以蛋半個 幾好食 最起碼係有滷味 檸檬紅茶幾surprising 唔係就咁hea沖比你 上嘅時候有泡 幾片檸檬真心擺得好靚 好有美感下午茶時間去 無咩人 幾好 幾靜但我座嗰個位有少少污漕 應該係上位客人唔小心整到 而店員無留意到裝潢不錯 有家庭餐廳feel 好適合一家大細嚟食服務員其實幾Nice 幾識拉客🤣 可能天生西臉(? 但係服務態度真心唔錯真係好想食台式嘢 又唔想走咁遠嘅 可以嚟試下

諗住間野開左咁耐，都未試過去試下啦！我地叫左一個C,一個D，叫外賣都覺得個呀毛唔係好態度🙂叫完，等5分鐘有外賣啦，我地明明叫左一個C,一個D,點都比左B同C,我地問番佢地，佢地過頭先我地係叫B同C,仲有態度勁西☺️您態度好，其實成件事無問題，就係您態度西既係問題！睇您幾時汁 咁既服務態度！ 番到去食 野食一般！唔值呢個價！唔會再有下次！！！！！！！！！！！！！！！！！！！！！！！！！！！！！！

附近好少台式餐廳，呢排新開一間茶悅，聽同事講試過唔錯，特登抽左一日去試，結果令我相當驚喜，好開心有美味台食。午市套餐都配有三小碟配菜，蓮藕粒，青瓜粒，醋黑木耳，三樣我都覺得交足貨，好食。「台灣牛肉麵 🥩🍝 $52」首先賣相都唔錯，感覺豐富，有蔥有酸菜有紅白蘿蔔有菜，份量畀得好足，牛𦟌有四塊，牛𦟌相當軟糯，帶有香料味，麵條係刀削麵，咬落有口感，不會過硬過軟，性價比好高！「台南府城炸蝦卷配滷肉飯 🍤🍚$50」感恩讚嘆一下，炸蝦卷都有三條，滷肉超級慷慨，幾乎包裹全部飯，滷肉香不死咸，炸蝦卷好有蝦味。追加小食非常抵食！「鹽酥雞$8」 & 「QQ地瓜棒$18」前者只係加八蚊，份量都好足，重點係佢鹽酥香，外脆內嫩滑！我原本諗住咁平都無特別期望，點知一直驚喜不斷，連綿不絕🤪後者本身以為係類似蕃薯薯條，點知係相當有口感，煙韌內裡，外層香脆，香甜地瓜味，完美。「台灣鴨血 $18 」麻辣汁辣度剛好，惹味，鴨血軟身好味。已經讚到唔想再讚，唔想以後要排長龍🥲

本來無諗住寫食評所以沒有拍照，食落又幾好喎，所以就寫兩句啦，經熊貓叫外賣，送到仲熱的，牛肉米粉+鹽酥雞，牛肉用牛展有紅白蘿蔔各2舊仲有青瓜粒小棠菜同酸菜，好淋入味，味道不錯，用幼身米粉好味。鹽酥雞好滑夠脆，跟餐份量算多。雞扒魯肉飯+鸭血，雞扒超大塊，魯肉香口惹味。鴨血麻香夠辣，正。跟餐飲品也是大杯裝，非常超值，飲品正常。普遍份量多，味道也好，價錢正常，可能再食。

雞排好juicy好入味👍🏻食得出個配方係研究過，好有台灣夜市先食到果隻味，十分還原台灣風味😋珍珠奶茶都拍得住李圓圓／老虎糖果啲🤤覺得呢間店真係好著重台灣味係點樣，盡力去還原，食完即刻想嗌多個餐😂

2020年係災難的一年，又無得去旅行食好野，又無得周圍去捐窿捐罅睇下有咩隱世食店，對於吃貨既我黎講真係悲劇不過新年都有新驚喜既，係屋企附近既石蔭商場居然有新餐廳開張，仲要不是大型既連鎖食店，是獨立一間的小店，誠意滿滿。 新一年就去試試佢啦因為限聚令和禁晚市堂食，我只可以2人食午餐了價錢方面，可以話吸引，最貴都不過55，包小食和餐飲食物方面，我點左牛肉麵和口水雞飯，加了鴨血和鹽酥雞髀菇。牛肉麵肉量很足，紅蘿蔔和白蘿蔔都非常入味，不過湯底就普普通通。口水雞味道非常濃郁，而且份量真係可以以誇張來形容，性價比很高。另外二份小食都不錯，其他就靠大家再發掘喇飲品都有驚喜，係其他台式餐廳未見過的，而熱飲都係大大杯，係冬天飲真係好幸福呀