茶屋町 (砵蘭街) (已結業)

这间位于朗晴坊的茶屋町，地方都几大，不过那天光顾客人不多，楼面亦只有一位侍应。本身没有太大期望，但食物又唔差wo。.⭐黄金咸蛋黄酱脆脆猪扒配饭👍 我估唔到会有半碟咸蛋黄酱， 一大块炸猪扒，望到都流口水🤤 到底个酱用了几多咸蛋黄？因为不断食工一粒粒起沙的蛋黄，好正！胆固醇和脂肪？唔理啦～ 猪扒炸得酥脆，不过肉质少少韧，扣了分。这个份量真系好多，适合男士吃。.🐮牛丼配糖心蛋，卖相同样好，不过牛肉多根，煮得唔够稔。酱汁方面，不过不失，饭量多。糖心蛋正常。.⭐ 黄金咸蛋黄酱脆脆猪扒配饭 $88🐮 牛丼配糖心蛋 $88…查看更多

今日一起身就嚟咗旺角呢间食个午餐因为我哋12点正去到呀基本上间舖头都系冇乜人嘅啲位系任坐架喇上网都睇过下餐牌内容见到个餐牌内容都几靓同埋啲嘢都啱我哋食咁我哋就嚟咗呢间试吓佢啦我同女朋友一人嗌咗一个午餐黑松露滑蛋叉烧饭 $60有黑松露味同埋云吞都剪得唔错系叉烧卖相麻麻地食落都OK嘅黄金咸蛋酱脆脆猪扒配饭$68一开头食辣啲咸蛋黄酱同啲吉列猪扒都几邪恶好浓烈嘅咸蛋味所以用嚟捞饭食都唔错猪扒个感觉麻麻地炸到有啲黑食到尾段发觉有啲硬硬地嘅嘢唔知系玻璃定硬胶我冇特登去研究但就应该唔可以食落肚嘅比较失望喺度啦唔知系咪包装𠮶啲黎最后一人一杯餐饮味道ok嘅不过接受唔到啲碎片啰…查看更多

餐厅位于旺角砵兰街，位置静中带旺，室内布置用咗小灯串，好有情调餐厅亦有室外位置，不过冇开放，有啲可惜，希望下次嚟嘅时候可以坐外面啦金黄色嘅咸蛋黄酱汁，非常吸睛，酱汁非常浓郁，捞饭一流，一口酥脆炸猪扒，一口爽口椰菜丝，口感丰富牛丼面层放上洋葱、葱粒，旁边有两面切开一半嘅溏心蛋，牛肉嘅厚薄度恰到好处，唔会切到过薄，配上微甜嘅烧肉汁，同埋溏心蛋嘅流心蛋黄捞饭，令人赞不绝口而白饭比满满嘅牛肉覆盖住，在下索尽酱汁，原来白饭先至系精华饮品选项都系一啲健康养生饮料，朋友选择咗桂圆红枣杞子茶，饮起上嚟清清甜甜，更有清喉咙嘅用途…查看更多

去旺角朗豪坊睇戏前系佢旁边栋大厦食个饭先，我地去到4/F哩间餐厅，原本以为系食台湾食物，上到去睇到餐牌先知好似又唔系，但赶住睇戏就入左去，叫左两个饭加两杯饮品餐厅布置柔和舒服, 周围挂满闪烁的灯饰，旁边仲有些饰物可以比你随意拎黎影相打卡，我地坐左系最后面既位置先发现前方有个透明大玻璃窗，刚巧有对情侣坐低左，系后面望落似幅画，打卡一流杂果沙冰：因为用矮身杯装住又红红地，黎到感觉有点似溶岩般慢慢地溶化桃莓梳打：蓝莓同青柠味比较饮得出先黎牛丼配糖心蛋饭，满满的牛肉、洋葱片盖过饭面配埋只糖心蛋，感觉太大碗自己应该食唔哂，便分左些给朋友享用朋友叫既黄金咸蛋酱脆脆猪排配饭都到，个酱似芒果色的鲜黄，猪排餐厅巳预先帮你切成细块兼系无骨，食落酥脆啖啖肉，点埋咸蛋酱食几新颖特别食完嗱嗱声落返楼下睇戏…查看更多

今日放工嚟到旺角朗晴坊，揾到呢间选择唔算太多但系制作超用心嘅中日fusion餐厅🥰今次拣咗蜜椒薯仔牛柳粒同埋日式牛丼配糖心蛋🙂首先讲吓𠮶个蜜椒薯仔牛柳粒，佢个薯仔外皮好趣加埋蜜糖食真系一流！牛柳粒唔硬份量都算多，成个𩠌配饭食真系好好食😍日式牛丼配溏心蛋份量好足，唔算太浓味，牛肉汁配埋饭食都好夹(⁎⁍̴̛ᴗ⁍̴̛⁎)呢个叫做黄金西多士，本身以为系会有咸蛋，不过食落又冇咩咸蛋味🥺不过值得一赞嘅系个外皮都几脆，食落有少少有少少花生酱嘅馅料，再加上侧边嘅蜜糖酱，整体不过不失！呢一餐嘅体验非常好下次你会再试吓其他食物😍😍😍…查看更多