茶室

营业中

休息中

喺九龍灣成日都有一間無論堂食定外賣都好多人排隊既新加坡菜，淨係得一至五午餐同下午茶時段先有得食。講開新加坡、馬拉菜點可以唔食肉骨茶，今次就試左星加坡胡椒豬肚肉骨（$59）、巴生當歸肉骨茶（$60），主食方面就可以選擇配飯、米線、河粉或者淮山麵。首先講份量，兩款肉骨茶有成五到六條骨，巴生當歸既仲有油炸鬼、冬菇、豆卜同生菜，而星加坡既豬肚都有五到六件，夠曬份量！味道方面，胡椒豬肚湯底好香好惹味，送飯一流！而巴生當歸湯底既藥材味唔會好重，易入口，好啱想補身但係又驚太濃當歸同其他藥材味既朋友。午餐時段跟餐無飲品，另外叫左杯凍班蘭薏米水（$10），班蘭葉可以抗氧化、抗憂鬱，加埋清香嘅檸檬，令人好開胃同好想去旅行😂無論外賣定堂食，臨走記得拎埋杯免費薑茶或者薏米水，好足料㗎！

呢個星期真係凍咗好多🥶所以特別想食暖笠笠 出煙嘅野～是日Lunch就去咗《茶室》上到去見到門口勁多人 幾驚要等位🤦🏻‍♀️好在 原來係好多人等 #外賣自取 減$8所以即刻有位👍🏻巴生當歸肉骨茶飯 $60當歸肉骨茶 果然飲到有當歸味 但唔會太重當歸 有啲杞子夠哂滋陰上枱舊油炸鬼好吸睛，而且都仲脆卜卜 排骨唔太肥 而且份量多舊冬菇又夠哂厚身 不過再入湯底味多啲會更開心 配埋生菜更均衡👍🏻星加坡胡椒豬肚肉骨飯 $59上到枱都仲出緊煙😮‍💨 呢個湯底真係夠哂暖身白胡椒味都幾重 飲兩啖湯 即刻暖哂～豬肚唔太肥 更唔會煲得太耐 質地剛剛好排骨好多 有成五、六舊 食極都仲有 吸睛油炸鬼同樣都仲脆脆地～另加 油菜 $15是日係生菜臨走時，姐姐仲話俾完錢記得門口攞返杯野飲 有 #香茅薑茶 同 #班蘭薏米水 揀 🆓不過最攪笑係 堂飲的話，要加 $6 熱飲 $10 凍飲 =====================

🐖星加坡白胡椒豬肚肉骨茶飯 ($59)🐖🕰Lunch hour 上到國際交易中心1樓見咁墟冚, 🎟原來大家係攞飛食呢間星加坡餐廳. 🤑食物價位大約$58-$65左右, 我叫左個肉骨茶大大份幾足料, 豬肉同豬肚都多到浮曬出面. 🧂白胡椒味超香, 辣辣地越食越開胃. 油炸鬼又夠脆, 吸曬D湯汁食一流. ☕️另外佢仲有部自助斟飲品機放嚮門口, 俾你等位或者食完想嘆番杯茶既時候自己攞黎飲添, 不過就要出左鋪頭先可以飲啦!😂😋總體 (味道, 性價比, 環境, 服務態度) : 8/10——————————————————————————————🐖Singapore Bao-Kut-Teh with rice ($59)🐖🕰Once arrived 1/F of the Exchange Tower, 🎟there were many people waiting outside this Singaporean restaurant. 🤑The price for lunch is around $58-$65. I ordered the Bao-Kut-Teh and the portion i

之前嚟過尼渡食午餐！都好多人排隊！今日兩點見到原來有茶餐雖然份量比正常少啲！但包杯薏米水/薑茶（$39）茶餐～肉骨茶米線+薏米水份量都唔算太少！仲有隻大冬菇肉骨茶夠味佢仲有半條油條吸埋啲湯冬菇好好味薏米水

茶室是一間主打星馬菜的餐廳🪅由肉骨茶、蝦麵到海南雞飯也有，每逢中午時間也大排長龍。今天剛好早點做完工作去吃就比較容易找到位置。餐廳以粉綠色為主色💚比較淡素適合午膳時輕鬆一下，坐位是普通膠椅有點殘舊不舒服 .🥘巴生當歸肉骨茶配飯🍚 $60由於公司冷氣強勁，在辦公室經常坐到手腳冰冷，所以今天點了這個肉骨茶補身。這款肉骨茶是來自馬來西亞，藥材味道濃郁而不苦澀，肉湯更帶有鮮濃肉香，適合驅寒進補。肉骨燜煮至軟身，輕輕一咬便已離骨，還有其他材料也吸取了湯底的味道，例如大冬菇和豆卜。 🧋凍仙草豆漿 $10點這個其實是因為它的英文名｢cold michael jackson｣，單看已經覺得有趣，原來在馬來西亞這個真的是仙草豆漿的稱呼，意指半黑半白。口感清淡，豆味香氣隨仙草滑入口裏😚

性價比超高既午餐，回頭吃超過十次，個個餐都咁好味，不過個人唔太中意有藥材味既肉骨茶，因為馬來西亞吃個啲正宗肉骨茶係無藥材味🤔但佢個海南雞認真用心製作，特別係有油飯個款，好香滑，冬蔭公湯底同埋胡椒豬肚湯底都好正！佢啲海南雞配麵底咁食真係好入味，仲好食過配飯。另外佢個淮山麵底，口感有啲似公仔麵咁，少少硬身爽口，好特別。就算係最普通既油條豬油渣雞絲札肉河都一樣咁好食，因為佢枱頭個袐製醬料好濃味，好正😋

同事好介紹平靚正糧尾精選 $39蚊仲包飲品 可以要薑茶或者薏米水 聽到嗰陣簡直嚇我一跳 乜而家仲有啲咁平既野 真係買兩個好小小既麵包都要呢個價 但呢個係下午茶先至有呢個價錢 午餐就會貴啲同埋大碗啲今日試吓茶室燒肉蝦摻摻 有肉好似會飽肚小小 不過一碗其實份量都唔算細 米粉好多 燒肉有三舊仲有一隻蝦 湯都滿晒 第一次食呢啲燒肉蝦麵 味道都唔錯不過都好似鹹咗少少 但可以接受 我飲埋d湯麵冇好口渴 可能冇乜味精 我同事就飲左骨肉茶 佢話呢個巴生當歸肉骨茶好好飲 我就無試過味 就不便評論了

一到LUNCH就會有“沒完沒了”的排隊，呢間我最愛係馬來西亞海南雞飯,不過份量有點少,女士OK,不過男士就差少少首先講下D油飯先 有D香料既味道,D雞好滑,D小棠菜唔會"綠"得太老,仲有一碗湯味道係好味既,好驚喜食到咁正宗既馬來西亞海南雞飯有碗雞湯俾你飲下佢仲會有D自家制既辣醬 可以一試 唔係好辣 香口“小”店就會坐得CLOSE D,背對背咁樣

茶室午餐時段大部分時間都好多人排隊等候 如果想唔洗排隊 建議可以二點半後先黎食 但有機會好多野都賣晒😂😂巴生當歸骨茶米線呢個真係次次都會食 而家配湯既油條仲脆我諗都唔會太多間 冬菇厚身大隻香口 排骨有三四舊 仲有豆卜 湯真係好好飲次次都飲哂 完全無味精 飲哂都唔會口乾 仲有香濃既藥材當歸味 越式蕃茄牛骨清湯牛腩河蕃茄湯夠濃仲有牛骨香味 湯上仲有d蕃茄仔加埋牛腩 十分野味 呢個成日都好快賣晒 檳城燒肉蝦麵一碗入面有成七八舊燒肉 真係嚇死人 仲有一隻蛋 非常之抵食又好味😋 未發現肉骨茶之前 呢個成日都會食

馬來西亞真係百食不厭,lunch hour必食,馬來西亞肉骨茶有別於一般的茶，正確來說，它是由多種藥材煲成的湯。肉骨茶主要分兩派，新加坡的胡椒味較重，而馬來西亞的即較重藥材味茶室肉骨茶仲有D豆卜 ,D油條索晒D湯呢間係我食過最GOOD、回頭最多嘅LUNCH之選價錢雖然唔係話好親民,不過質素都幾好GE!!!門口仲有架飛機餐車 

一個人午餐。去左九龍灣湯好夠胡椒味。如果再辣啲就好了。米線都好食，但量少。岩女仔份量豬肚爽口。無怪味。好乾淨雞係海南雞的雞胸，有啲鞋口但有煮過嘅味道。普普通通不過不失

如果來九龍灣想吃點輕便的食物，首選一定非茶室莫屬。不過大家要留意他的營業時間，只有平日星期一至五，沒有晚市的胡椒豬肚肉骨茶淮山麵$39午餐的價錢是$59，份量太多，所以我通常在下午茶時段才光顧淮山麵看似和口感都像公仔麵，但它不經油炸，所以健康很多，能一解公仔麵癮又不會有罪惡感雖然湯底很清，但味道卻十分濃郁，啖啖的胡椒味，十分醒胃肉骨茶的下午茶份量大約有三件，看似平平無奇，驟眼看以為是煲湯的豬肉，但吃下去你就知道非常入味，肉質不會太韌，我和同事們都對它有讚無彈另外要重點推介的是他們的自製辣醬！這個一定要試，辣度適中，很香，當中一絲絲的是薑絲，配飯一流，我常開玩笑有這辣醬，我叫一碗白飯就足夠了

第一次來試試，一來到剛好2點下午茶時段開始，突然大量顧客湧入，由原本空無一人變全院滿座，看來這間店在九龍灣人氣都不錯還是大家都是貪下午茶時段比較平呢。可惜的是，一坐低就話海南雞飯賣哂，本想吃，結果冇但都仲有得叫雞，我們點了一份冬蔭公雞淮山面（大號），一份豬肚肉骨茶米線（小號），一杯凍檸茶同鮮草豆漿。加多個菜心。下午茶有分大號同小號，大號大份貴點，小號細份平點咁解先講肉骨茶，太淡冇特別。冬蔭雞ok雞幾好味，夠滑，新鮮，但面就似福面，冬蔭湯都惹味濃既2杯飲品嘛嘛，鮮草豆腐怪怪的。菜心就是普通白滾菜心。

第一次嚟呢間餐廳，入座坐底即點餐，馬六甲海南雞飯，等咗十幾分鐘都未到，眼見其他食客都好快可以上菜，就決定同侍應追單，始終放飯時間真係有限。　追單之後無耐，馬六甲海南雞飯終於嚟喇，但個侍應居然俾咗隔離個個坐底都無5分鐘嘅新食客。明明我坐得耐啲，明明我仲要追過單，有咩理由俾咗隔離個新食客先？仲要叫我等陣，我個飯嚟緊。咁即係佢明知我追過單喇嘛？！堅嬲！！咁我追單嚟為乜？？？　咁嘅服務態度，真係唔會有下一次。　

工商區放食晏永遠都係人多，等位時間都要一點時間，今日㨂呢間的等位唔算太耐，舖位細細和擠迫😆.....一坐下就諗下食什麼🤔好，食呢個當歸肉骨茶飯。賣相都可以，肉骨茶都夠味，有幾舊肉磚，唔夠腍和好淡味，好似白烚後放落個碗，好一般的。較喜歡有兩大舊好厚肉的冬菇，都食得好飽。