茶大爺 (已結業)

茶大爺既雞米花一向都唔差既，不過最近新出既幾款食品就真系令人幾失望！我同幾個朋友去食個下午茶，見有新野咪一人叫一款諗住share試下。我揀左個芒果仙草，睇圖片好似幾精緻，點知出到黎系另一回事。碟野整得唔企理，仙草切到極不規則，份量亦算少。我明白圖片與現實確系會有差異，但心諗仙草味道應該間間一樣，唔會差太遠。點知味道同佢既賣相一樣，都相當唔討好！仙草既味道有d似膠，質地仲似膠，涼粉水味好重，花奶又太稀。可能新產品未太成熟，質素有d差，其它朋友試既都差唔多。睇下過多一排會唔會有進步喇！

咁耐冇黎過;成個樂富果然唔同左好多;見開左而間新野;當然入去試下啦;簡左勁耐;就簡左杯紅豆抹綠冰沙果然冇令我失望;面頭仲淋左d原粒紅豆;仲有d綠茶香;而且即叫即打;值得一試

已經幫襯過大約 8 次但起碼有 4 次都係要受一個體型較大既店員氣有次幫襯買杯野飲見出新產品 - 炸雞好啦 咁試下啦點知加左炸雞就冇印花好荒謬 可笑更荒謬既係當我用印花換飲品時竟然 FIX 實只可以換 13 蚊或以下飲品就算補錢都唔得 原因係電腦冇得入實在令人啼笑皆非除此之外其實飲品質素唔差但份量實在太太太細一杯大杯 = COMEBXY 中杯份量而且 d 珍珠有少少涼粉味食完個口會涼珍珠份量過少價錢真係算貴 唔應該咁既價錢

港島人平時多數出沒銅鑼灣,旺角,極少會去樂富未行出商場已經見到茶大爺以黃色做主題既鋪位,顏色夠eyecatching茶大爺除左做take away drinks仲有堂食位,大約坐到10個客人環境都幾舒服,台與台之間有足夠既距離 野食order完5分鐘內已經到齊我地叫左珍珠奶茶($12),百和果寒天凍($15),仲有炸雞($16)只怪小妹平時對於呢d台式飲品無咩熱切既追捧覺得飲品同市面上台式飲品店都無咩分別,奶茶較淡百和果寒天凍味道唔會過甜,岩哂我地呢d注重體重既女士!聽講寒天對減肥有用!!?!!??台式炸雞夠足料,炸粉份量岩岩好,所以食到啖啖肉略嫌味道過咸,有d油?(定係我呢個on diet中既人有bias!?!?)今次消費送左2個印仔儲齊8個可以換一杯$13蚊以內既飲品員工態度親切,有笑容店內仲有個corner賣盒裝朱古力

尋日無無聊聊去左樂富搵朋友,好耐冇去樂富,環境靚左好多,簡直好似去左D大型商場O甘。原本諗住去Mc記HEA下等個朋友,點知行到去,發現Mc對面開左一間新野,見個名就有D土,叫"茶大爺",但個裝修都幾OK,於是就行左埋去,睇真D,原來係賣珍珠奶茶,見佢D位好似好舒服,橫店都要搵地方HEA,加上睇佢D價錢唔算貴,於是就去買左杯珍珠奶茶,買O個時,個收銀好鬼有誠意叫我加$9換佢地D炸雞,其實我都唔知咩O黎,不過見價錢唔貴,個收銀又O甘有招呼,我就是但加埋,杯飲品加埋個雞都係$20,價錢都OK LAR....,我杯野飲好快就有,飲落去,味道都OK,雖然唔算特別正,但係都有返價錢的水準,都有茶味,D珍珠都幾Q.....約4分鐘後,我個雞終於都到左,打開個盒,原來係雞粒O黎,食落去,我第一個感覺就好似去左台灣食O個D雞扒味O甘,好濃味,我都覺得不過不失.....起碼俾我FEEL到係新鮮炸,好過係旺角街邊食O個D番炸野.....

今日約左朋友係樂富食飯,食完飯行過見到間鋪叫荼大爺,睇吓佢賣咩,原來係賣珍珠奶茶,因為平時我係唔會去樂富,於是就買咗杯熱珍珠奶茶飲,因為食完飯所以我就無試佢D雞,第一次飲一間連名都未聽過的鋪比起我第一次飲曾生個間好飲好多,起碼佢唔會只得糖水味,D珍珠口感我都好鍾意,個度有坐位,需然唔係好多,但係都幾舒服,而店員D笑容又好好

見佢新開張 諗住幫襯下啦叫左杯「珍珠奶茶」($12)加$9換左個「香香雞米花」杯野飲好快就整好糖系標準份量但系杯野淡而無味d人又好似趕住收工咁(9:30pm)珍珠口感幾好不過飲左兩啖就冇飲等左10分鐘 個雞米花先整好唔知點解 個盒上半部好熱 下半部好凍 原來有半盒好生既椰菜響底面頭得10粒雞粒-_- 雖然系新鮮炸起 不過咸到爆炸見過鬼 仲唔怕黑咩...