影片
去心经简林途中一定经过茶园, 去到简林遇上一位行山叔叔, 闲谈之下佢话三十年前呢到系一块烂地, 附近地皮当年都系由茶园拥有...回程中又经过茶园, 见地方都骨子价钱都OK兼且有d肚饿, 就坐低叫左两碗丁面, 同一壶中国茶, 系咩茶叶就唔记得(亦唔识分), 只系好记得个壶茶真系茶有茶香, 甘甘地, 食完个丁面再饮真系好解渴, 而且有一大壶热水俾你饮完再冲, 真系可以坐低慢慢叹. 呢日唔系假日无乜游人, 老板/老板娘招呼周到, 坐得好舒服.上网揾返d旧报纸, 茶园历史如下曾活跃香港政界争取普选的已故英国御用大律师贝纳祺, 因爱好饮茶, 晚年在昂坪创立茶园现, 现时由陈先生接手, 茶园发展成旅游景点, 茶园内种有不少茶树, 并有一间茶园餐厅
继续阅读