茶古道 (已結業)

今天拿到荃灣的愉景新城，除了是大型的購物商場之外，也有很多美食聚集的一個地方，剛好遇到茶古道，所以跟朋友各自點了一杯台式飲品。 店舖的裝潢很特別，是那種日式風味，內裏和式的設計很有質感，店裏有少量座位，可以跟朋友坐下休息一下，我點了一杯濃白玉可可牛乳，很有香濃的可可濃郁味道，不是那種死甜的可可味，很值得推薦，他的珍珠是白色的，很適合拍照，而且珍珠口感很有口感。
另外點了一杯夕燒黑玉烏龍牛乳，這是他們這家店的招牌飲品，空間裏有很多黑糖牛乳的飲品，但這個除了外觀很美之外，黑糖味道甜而不膩，很適合喜歡喝台式飲品。總結，茶古道珍珠飲品類是很值得推薦的，尤其是他的可可牛乳。

最近一直未有時間同心情慢慢寫食評突然驚覺自己都係唔可以咁懶🤣🤣🤣一於就回歸返黎寫下喇😝♥️今日出街行過呢間茶古道🍵一直行太無聊一直都想飲返杯野然後就諗不如撞到邊間就飲咩喇之後我就撞到呢間茶古道🍵二話不說就入去買杯黎飲😆♥️------🍵🐄凍夕燒黑玉烏龍牛乳 $36:未算太好飲~因為啲黑玉(姐係珍珠😆!)煮得冧咗! 好似有少少過咗火咁，所以無咩口感可言🤣我自己都係鐘意食啲煙煙韌韌既珍珠多啲! 不過佢啲烏龍茶牛乳就幾好飲既😝烏龍甘香，牛乳淳滑，加埋一齊我叫咗半糖所以唔太甜，凍冰冰飲好舒服，飲完都唔會覺得啲牛乳太lup口😆👍! 但36蚊值唔值就見仁見智喇🤣🤣!·-

今日放工真係好攰，所以同朋友搵咗個地方坐吓飲吓嘢。呢間台飲鋪同其他唔同係佢有得堂食，甚至有埋叉電位俾你添。我嗌咗個御抹茶，朋友就嗌咗個紫薰香芋。我個杯抹茶有少少回甘，個奶蓋係好耐冇飲過嘅甜奶蓋，略嫌個甜味有啲假。朋友個杯香芋鮮牛乳就好濃，熱飲就更添風味。我地仲嗌咗個芝士蛋糕，呢度蛋糕冇得堂食，所以我地就算係鋪頭入面坐，佢都係用紙袋裝個蛋糕俾我地，比較唔環保。蛋糕就真係麻麻，冇芝士味得嚟個質地咬落竟然有啲似擦膠，個餅底又鬆散，所以嚟真係嗌嘢飲算!

今日陪小朋友去荃灣玩完，個人差點虛脫，途經一間日本風的珍珠奶茶店，點了一杯夕燒黑玉烏龍牛乳，一飲好香的茶味，伴隨著一陣好香奶味，因為夕燒的關係，有一點點夕燒，飲完好似充完電一樣，滿分💯下次去到必定再試，入面亦都提供座位，下次行到累都可以入去休息一下同飲杯野充下電

行過愉景新城，見到呢間茶古道好似都唔錯咁，竟然仲有堂食位就係咁俾佢外表吸引咗，所以就諗住買返杯試下。等緊飲品嘅時候，見到佢地仲有啲芝士蛋糕本身都想買返件試下，但見到個蛋糕size好細比起一般一件cake嘅size細，諗諗下咁都要$35都唔係好平如果坐係度慢慢嘆就可以諗諗，所以都係決定試咗杯野飲先。一飲落去，唔，基本上無咩奶味珍珠都係好一般，都有少少韌度嘅$35其實唔係好值。早知就咁飲杯茶好過🤷🏻‍♀️

現在沖飲料開到盛行盛市，但好多間都真係一般，而且價錢都差不多$40起，但好飲嘅都話值，但唔好飲嘅就真係😟....話說今日去到愉景新城行街行到口乾，附近沒有什麼商舖可以買飲品，看見這間裝修不錯嘅茶古道，別無他選的情況下就試一下吧。叫左一杯玫瑰花茶，由於心急的情況下忘了叫走糖(本人好怕甜)，取茶時見標籤寫100%糖心想大獲了... 但係自己忘記了只好都要飲，但飲左一啖之後心想：下！？全糖？都唔係好甜接受到，而且玫瑰味重，但重得黎又唔會過濃適中的，茶味也甘香。非常滿意，覺得這間沖飲也不錯👍

今天和家人去完飲茶後一齊去愉景新城行一下街，但行左冇幾耐就發覺好口乾，唔知係唔係酒樓的食物咸定濟呢⋯⋯🤭但我記得呢個商場好似冇咩地方可以買野飲，行行下比我見到有一間賣茶嘅，唔理貴平同好唔好飲，買杯飲解渴先。竟然有我鍾意飲嘅玫瑰花茶🤩，一於就試一試這間的玫瑰花茶好唔好飲，就叫左杯玫瑰花茶微糖。因為新鮮沖製的都需要等10-15分鐘。當我入左一口發覺玫瑰味真係幾重，但甜度比起出面既少糖了一點，應該需要叫返半糖，但也可以接受，依茶味也重得來帶甘也不錯，不會令我太失望的，有機會都會繼續幫襯👍

第一次飲呢間野，比起平時其他台式飲品店佢既味道比較淡，叫左少糖都唔錯，都好飲到茶味，而完全無苦澀味，淡淡茶香。如果有玄米粒粒就會比較好，有啲咬口，但其實個玄米味飲得出又唔會搶左啲茶味，所以感覺更清新。至於奶蓋都唔錯，都滑身，咸咸地，但如果份量多啲會好啲。總括都唔錯。

行愉景新城，比佢日系的門面吸引咗，就叫咗杯白雲宇治金時（$32）試。奶蓋好稀好淡，唔太厚，叫咗小甜，但都仲係過甜，可能係因為紅豆嘅甜度令成杯飲品都好甜。抹茶味都算濃，不過整體唔算抵飲～

上年12月，經過荃灣愉景新城2樓，即將開日式飲品 <茶古道>，1月頭終於開了！除了日式飲品之外，亦有蛋糕！設有堂食及外賣，堂食位置在商場內及店舖內，以飲品店來說，已算是多位嘞！有舒適地方堂食慢慢飲用或者食蛋糕！不過，有不少學生在商場內的餐桌上做功課！弄到桌上好多擦紙膠碎，影響衛生！店內算好大！以木色為主，有面壁思過的座位，亦有卡位！店內製飲品的地方，企企理理好乾淨！店員有男有女，大約 3~4個，他們也勤快有禮！特濃鮮牛乳 熱紫薰香芋 $30  (M$30/ L$34)等上大約5分鐘，賣相呈粉紫色，入口香滑而熱燙！甜度恰到好處！並沒有預期的香芋粒，純粹香芋牛乳飲品一杯！御抹茶 $28 + 白玉丸子 $6  (M$28/ L$30)等上大約3分鐘，賣相呈青蘋果綠色！質感濃稠，白玉丸子口感比較坊間的黑珍珠軟腍一點，同樣帶有些少煙韌！

夏日炎炎荃灣行下街，又唔想飲水，而且突然又好想飲凍咖啡，行過呢間茶古道就叫左杯「濃霧咖啡鮮牛乳」$41，咖啡味其實幾濃味的，但驚喜唔大，只係普通凍咖啡，好大杯，飲完好飽。

肥髀生日之旅，最後係去睇戲，睇戲前佢話口渴，咪去買台式飲品，呢間無試過，門口有自助落單機，都可以去櫃臺落單！我哋自助落單，取票等叫號碼，呢間台式飲料🥤有座位，可以坐低飲，和式淺木裝修，簡潔舒服取飲品位置已有晒冷熱飲需要的配件（粗幼飲管、封口蓋）青梅綠茶（$34/m size）無糖，50%冰，係杯蓋唔係膠膜，我用細飲管係紙飲管，透明杯見到原粒醃青梅，飲落唔知點解走甜都仲有甜味！🤔（可能啲梅有？但又再甜啲，真的唔明）因為有甜味，茶味唔突出！夠凍ok蜂蜜柚子檸檬茶（$34/m size）半糖，50%冰，水玄丸子（+$4）肥髀飲因為自助落單，只有攞飲品嗰刻接觸店員，不過都係無接觸，因佢地沖好只係放在枱面，叫一聲號碼，就會走回沖飲料位置，都無核對票無收票！所以攞錯絕對唔出奇！無乜驚喜嘅台飲

噚日(8-6-2019 Sat)同老公送發泡膠後行愉景新城,我哋先坐坐,見到有呢間賣嘢飲嘅,老公話睇睇就出事喇,就係佢買o左一杯$34.00嘅凍青梅綠茶,甜度同冰都要正常.呢個味道似酸梅湯多啲,冇乜綠茶味,而冰嘅份量好似唔多,唔係好凍.而粒梅係脆口唔係酸梅乾.不過我哋欣賞佢個杯嘅設計,係唔使用飲管都已經飲到.味道: 1  環境:3  服務: 3  衛生: 3   抵食: 1           喊面 

自問都算得上珍珠奶茶熱愛人士, 飲了不少間珍奶, 對珍奶的要求有返咁上下.今次經過愉景新城見呢間茶古道門面幾靚, 又有唔少人等緊, 當然要湊下熱鬧唔可以放過啦.今次揀左一杯烏龍黑糖珍奶(確實名唔記得左了XD), 一杯白云宇治金時.烏龍茶味香濃, 奶的比例份量剛好, 不會搶了茶味, 珍珠口感亦不錯, 有黑糖香, 只是與大部分茶店一樣忽略了溫度對珍珠口感的影響, 很快便會被冰冷卻而失去彈牙口感.作為成間舖的招牌, 抹茶果然冇失禮, 濃濃的抹茶微澀而不苦, 亦不會濃得滿口苦澀, 值得欣賞.另外店員服務幾好, 有笑容有禮貌, 又肯細心介紹, 加分!

這裏環境寧靜，飲品味道很好，本人最喜愛是他們的抹茶雪糕，試得太多台灣的飲品，日式系列是新嘗試，效果不錯。據說飲品材料是源自於日本，抹茶愛好者不能錯過，他們的奶是用名治牛乳，一分錢一分貨，感覺不錯👍🏻！