茶東西

营业中

休息中

假期到了啟德新地標行下，啟德零售館有三期，食店確實唔少，轉了一圈決定食“茶東西”。店內幾濶落，環境不錯。兩點多來到，午餐還供應，亦快有下午茶了，心大心細唔知點咩好添。⭐雙色芝士咖哩牛腩煲仔焗飯朋友先點了一個咖哩飯，原個煲仔焗，上面嘅芝士香噴噴，而下面嘅飯亦有飯焦嘅焦香，咖哩汁唔辣的，牛腩軟腍，飯炒底，整體唔錯喎。⭐北海道男爵薯餅跟餐加配嘅薯餅，以為一份得一塊，原來一份係兩塊嘅😋即叫即炸外脆內軟，有薯仔香，好好食。⭐茶記鹹牛肉炒蛋熱狗配德國薯仔沙律再嚟叫咗個熱狗包，上面嘅炒蛋又嫩又滑勁正喎，條腸仔仲有芝士拉絲添🤤薯仔沙律個人覺得偏淡，可以落返少少黑胡椒調味。⭐芝士安格斯牛肉漢堡配美式炸薯角另外點咗漢堡包，入面夾住牛肉漢堡扒、蕃茄、生菜同芝士，醬汁係千島醬，咬落多汁又鮮味，好食喎🤤差唔多全場嘅人都係嗌漢堡包下午茶餐，睇下佢幾受歡迎就知好食啦。⭐雪糕西多士最後就係share食嘅雪糕西多士，西多士厚身，中間夾咗吉士醬，上面仲淋咗大量朱古力醬，加埋溶咗嘅雪糕又香又甜好好食。不過都真係幾甜，個人建議兩個人以上share食會好啲😆⭐凍檸樂 & ⭐即磨咖啡凍檸樂係原罐上加檸檬冰底，即磨咖啡啡香奶滑，好

［📍啟德｜茶東西］放工經開啟德，望吓附近有咩食，原來除咗airside，零售館呢邊都好多唔同餐廳，今次揀咗呢間茶東西試吓，呢度環境好闊落，裝修好靚，想簡簡單單食個晚餐，呢到係個唔錯嘅選擇。佢哋嘅港式鐵板餐好抵食，百零蚊就有，仲要有湯有嘢飲。紐西蘭草飼頂級西冷好大塊，好有咬口，而且牛味好濃郁。法式免翁牛柳相對比較鬆軟，肉質軟腍啲，配埋蒜蓉汁，非常惹味。另外要讚下，佢地既薯條驚喜地咁好食，非常新鮮熱辣，炸得好脆身，又唔會炸過龍，值得食！另外仲嗌咗個火山烏冬，一黎到係岩岩滾起咁熱，出哂煙好熱辣辣。湯底有三款，今次揀左豆乳雞白湯，湯頭味道好濃郁，調味啱啱好，配埋大蝦球同廣島蠔嘅鮮味，冬天黎食最適合不過。呢到用既烏冬係偏粗身的，煙靭口感嘅烏冬，每一啖都好掛湯。🥩紐西蘭草飼頂級西冷 $148(🍟炸薯條 另加$20）🥩法式免翁牛柳 $148(🍟炸薯條 另加$20）🦪廣島蠔蝦球火山烏冬 $88📍茶東西九龍城啟德承啟道38-39號啟德體育園啟德零售館3G樓M3-003號舖

茶東西位於九龍城啟德體育園。見餐牌好啱食同抵，所以入去食晚飯。天氣好凍，係出面行到好凍，見到餐牌有喜燒美國板腱牛肉，所以立即必點。牛肉片薄而均勻，保持著柔嫩多汁。與贊岐烏冬和蘭王蛋相伴，好美味。 非常好又可以追加肥牛，滿足到我呢個牛魔王。屋企人嘅紐西蘭草飼頂級西冷牛排，鎖住肉汁，外焦裏嫩，配以特製醬料，更顯層次豐富，是本店招牌中的翹楚。兩個餐可以升級套餐，有前菜和餐湯。另外加小食北海道男爵薯餅，鹿兒島國產豚肉餃子和七味椒鹽雞中翼，北海道男爵薯餅，金黃酥脆的薯餅，內部綿軟香甜，好香口，推介。鹿兒島國產豚肉餃子，皮薄餡足，優質豬肉。餃子的每一口都能感受到豬肉的緊實與調料的完美融合，再蘸上特製醬油，那是一種無法言喻的美味體驗，體現了日式料理的精髓。七味椒鹽雞中翼，炸至外皮金黃酥脆。雞肉的鮮嫩與香料的辛辣相互交織，形成了獨特的風味，讓人回味無窮。飲品白桃檸檬汽泡茶和熱情果多多梳打好好飲。食物質素好好，性價比高，職員服務又好好會再encore ！！

今日得閒，所以就嚟睇得行吓，行到晚飯時間，見到呢間餐廳，寫住一人晚餐$98 ，好似幾抵，於是就試吓。我就嗌咗個菠蘿炒飯、椰子雞湯同埋雪糕仲有梳打，我覺得都幾抵。炒飯勁大碟，個湯都好好飲同好足料。仲有，啲侍應都勁有禮貌同埋好Nice，十分推介

趁住放假到啟德逛逛 順便食個晚飯見呢間餐廳種類選擇算多 價錢平民 裝修簡約帶點少女味 一於入去試一試 壽喜燒美國板腱牛肉鍋 配讚岐烏冬及蘭王蛋 $108因為今次是2個女仔 所以追加了1份牛肉及蔬菜拼盤做主食 另外加2份小食及飲品 以女仔的份量剛剛好追加的是普通肥牛 肉質當然不能和板腱牛相比 但一樣滿足到喜歡食牛的人仕蔬菜拼盤就係將壽喜燒的配料多來一份 七味椒鹽雞中翼 (5隻) $58椒鹽入味 炸得香脆 加上惹味七味粉 吸引人食唔停口鹿兒島國產豚肉餃子 (6隻) $58皮薄餡靚 亦不會好油膩 典型日式餃子單邊煎脆百香果鳳梨冰紅茶 $48水果茶 $48茶味較淡，偏甜，order 少冰沒用，冰一樣多

位於啟德體育園的「茶東西」，店舖裝修以粉啡色系簡約風格為主，光線柔和，環境寬敞舒適，驟眼看以為係一般Cafe/西餐廳，再望一望餐牌原來係冰室特色美食😊餐廳提供多款美食例如鐵板扒餐、日式鍋燒飯意粉🍝火山石鍋烏冬、滑蛋蓋飯及漢堡包🍔薯條熱狗🌭輕食等等！我哋去到剛好仍有下午茶餐選擇，於是點了三個試試：🌟蘭王蛋煲仔焗芝士牛肉醬意粉🍝呢個一定必食‼️相信肉醬意粉食就食得多，但原個煲仔焗芝士肉醬意粉我哋就真係第一次見😋上層芝士香噴噴，加上蘭王蛋又香濃又嫩滑，配搭牛肉醬汁口感層次非常豐富，整體唔錯👍小朋友都清乾淨喔🤭🌟茶記鹹牛肉炒蛋熱狗🌭+薯仔沙律🥗賣相已經相當吸引🤩上層鹹牛肉炒蛋又嫩又滑好好食，而熱狗腸裡面仲有芝士拉絲😋味蕾超滿足‼️薯仔沙律正常發揮可以接受!!!!🌟蜜糖芥末板燒雞扒漢堡🍔+脆炸薯角漢堡包裡面夾有生菜、香脆雞扒及蜜糖芥末醬，咬落去醬汁豐富，雞扒肉質鮮嫩，好好食👍份量仲唔少添⋯性價比高嘅下午茶餐😋🌟另加+$18追加北海道咖喱飯🍛咖喱醬汁配料味道微辣香濃，撈埋白飯食一流👍整體來說感覺不錯！值得再來！

今日就同朋友去咗 茶東西餐廳環境光猛簡潔, 除左有日式鍋燒飯, 同港式鐵板外, 仲有西式意粉, 一應俱全廣島蠔蝦球火山烏冬配搭博多豆乳雞白湯底, 石鍋上枱既時候湯底滾到卜卜聲,雞白湯味道濃郁, 烏冬索滿湯汁, 配鮮甜蠔肉, 同大大隻蝦球，更加提鮮蘭王蛋壽喜燒汁牛肉鍋燒飯牛肉鋪滿飯面, 肉味香濃, 白飯沾滿半溶既芝士, 撈埋流心既蘭王蛋, 層次豐富唐揚魷魚鬚炸到金黃香脆, 魷魚口感煙韌, 非常惹味熱情果多多梳打味道酸酸甜甜, 飲落開胃白桃檸檬氣泡茶有啖淡白桃嘅清香, 飲落較清爽

🥳趁住放假過嚟最近好hit嘅啟德體育園行下食下野✅呢間餐廳裝修簡約❤️景觀夠晒開陽👍🍛板燒厚切牛舌北海道咖喱蛋：個咖喱汁香香甜甜超香口✅加埋幾片厚切嘅牛舌😋大大啖又有牛舌同埋好嫰滑嘅鷄蛋🉐配埋餐湯🔥大滿足呀🥳☕️熱即磨咖啡：呢杯即磨咖啡奶嘅比例較重🥛飲咖啡我就鍾意多奶嘅❤所以呢杯我就覺得OK🫘🍛安格斯牛肉漢堡北海道咖喱：呢個安格斯牛肉漢堡北海道咖喱滑蛋蓋飯都唔錯👍煎完嘅牛肉漢堡好多汁✅加埋咖喱飯甜甜哋辣辣哋好易入口添💯🍒乾果營養燕麥杯：非常健康嘅燕麥杯✔️唔好睇佢細細杯😍其實都好有飽腹感架👍配埋堅果同埋果乾❤️口感、味道都唔錯呢😌☕️熱港式鴛鴦：正宗港式味道👅口感醇厚濃郁✅咖啡嘅香醇同埋紅茶嘅茶底平均👍有水準呀💯

今日嚟到少去嘅啟德體育館行街見到一間充滿少女感 滿滿都係粉紅色嘅餐廳💕於是一探究竟 中途發現原來同組前Table係同一個集團嚟嘅食物款式都好相似 但就多咗啲小食😛✨紐約蘭草飼頂級西冷（蒜蓉汁）$148追加美式薯條$20 北海道男爵薯餅$20西冷以依個價錢嚟講性價比相當高肉質鮮嫩唔會難十十薯條同薯餅都非常脆 就算凍咗依然唔會淋✨京都鰻魚玉子鍋燒飯（加蘭王蛋）$123鰻魚真係完整一條 再加上芝士粟米撈飯簡直Perfect match 而且飯嘅份量相當多仲升級咗套餐 包括餐湯：忌廉湯 前菜係餃子 同飲品✨唐揚魷魚鬚$58有好多隻 每一隻都大大隻隻隻都外脆內軟㗎😌✨百香果鳳梨冰紅茶✨白桃檸檬氣泡茶兩杯都係出面少見嘅茶飲 味道特別又唔會甜過龍

「茶東西」終於喺啟德零售館開咗第 2 間分店，趁友人今日放假，即刻相約過嚟吃頓晚餐。 裝潢以米啡和淡粉色為主調，營造出簡潔明亮嘅溫馨氣氛！餐廳匯聚中、西、日美食，由港式鐵板餐、日式鍋燒飯，以至西式意粉等，一應俱全。點咗唐揚魷魚鬚、紐西蘭草飼頂級西冷、京都鰻魚玉子鍋燒飯同飲品。魷魚鬚炸至金黃色，外脆內煙韌，酥香又唔油膩，非常惹味。鐵板奉送餐湯及飲品，西冷揀咗 7 成熟，即席淋上醬汁，鐵板嘅高溫令醬汁沸騰炸響，超治癒！牛扒肉味非常濃郁，外焦香、內粉嫩。京都鰻魚玉子鍋燒飯，鰻魚原條上，豐腴肥美，肉質軟嫩富油脂，配上甘甜嘅醬汁，入口即化。米飯圓渾飽滿，面頭鋪滿芝士、粟米和蔥花，加上蘭王蛋，絕配。追加咗客北海道男爵薯餅 同 乾果營養燕麥杯，薯餅外層脆卜卜，內裡鬆軟綿香，啖啖滋味。燕麥杯含豐富膳食纖維，有助消化，健康好味又有飽足感 。飲品點咗杯水果茶，果香四溢，清甜又透心涼；另一杯黑牛，既有雪糕也有汽水，一次過滿足兩個願望，正。

呢間餐廳位於啟德門面光猛環境闊落，我地叫左一份鐵板牛柳7成熟，鐵板可以自選醬汁，黑椒汁味道濃郁好岩同扒一齊食，跟餐仲可以半價加特飲，當然叫左比較特別既雪糕咖啡啦～朱古力加咖啡飲落無甘苦澀又可以食到雪糕一舉兩得啦～仲可以跟餐加小食叫左兩塊蟹肉薯餅，好creamy。再加多杯燕麥杯，入面好清淡又多nuts口感煙韌有咬口，好好味。另外仲叫左一碗熱辣辣滾燙既石鍋安格斯牛肉烏冬，烏冬彈牙，牛肉份量都好多片，配埋白牛雪糕汽水特飲好滿足既一餐。

入座嘅時候話8:30截單，於是8:23我哋已經用電話app揀好嘢食，都唔想阻到佢收工，點知中途有少少問題想問，當時8:27 ，佢就當咗我哋好似殺父仇人咁過嚟吹吹吹，到5分鐘之後，已經上菜，食咗唔夠3分鐘，收銀就走過嚟催客人俾錢，又話咩咁多張枱等緊我哋最後一張未埋單，要清機，當時個店員仲要唔戴口罩走得好近……由於當時我哋先啱啱開始食嘢，決定起碼坐定左先理佢，呢個時候俾我哋發現咗，竟然第二張枱都未埋單，佢哋根本存心想張張檯都搞掂曬，然後準時收工。準時收工心態係冇錯，錯就錯在佢哋嘅Policy有問題，既然咁趕住閂門，咁倒不如叫個客買票先坐低，轉做快餐形式，大家唔使嘈。雖然佢哋嘅食物還可以，但如果大家唔想受氣嘅，還是過門不入比較好。🙏🏻🙏🏻服務真心西😇

啟德真係越嚟越多嘢睇、多嘢食，除咗 Airside 之外，零售館嗰邊都開多咗好多食肆同埋商舖，放假去行一日都唔會悶 😆 今次行到下晝有啲肚餓就去左茶東西食野，估唔到除左環境舒服，食物質素都好唔錯 😋生滾薑酒芫荽濃湯豬潤烏冬（加牛肉）湯底嘅芫荽味非常之濃，仲有少少薑味，配合埋爽口得來有啲起沙嘅豬潤，再加埋牛肉，唔錯 👍🏻原條蒲燒鰻魚北海道咖喱蛋蓋飯（甘口）甘口嘅北海道咖喱好香口，原條嘅蒲絲鰻魚好肥美，配埋雞蛋，口感味道都好豐富 😋北海道男爵薯餅估唔到有兩塊 😍 又脆口又香薯仔味 👍🏻

啟德零售館3的【茶東西】是一家清新日韓風裝潢的餐廳白木色系+綠植點綴 打卡位滿分整體餐廳又新又舒適食物選擇種類很多👍🏻跨國界混搭菜單 中日西fusion料理由石鍋烏冬到港式鐵板一網打盡石燒烏冬要一試呀!「火山系」料理 滾到噴煙的石鍋上桌打卡一流. 🐟💛「京都鰻魚玉子鍋燒飯 」原條肥鰻魚霸氣鋪滿！肉厚彈牙無骨蘸半溶芝士瀑布邪惡度爆錶白米飯沾上了滿滿芝士 溶化伴飯超香🤤配原條肥鰻魚 肉質彈牙 啖啖肉口感很不錯 配拉絲芝士 太爽啦！😌底部還有脆脆飯焦 一鍋三種口感.🌋🍜「 美國板腱牛肉火山石鍋烏冬」熱滾滾的石鍋上桌 滾得很誇張🤩湯底有三款 東京黑蒜豬骨湯/博多豆乳雞白湯/九州激辛地獄湯選了豆乳雞白湯 濃郁的奶香和雞湯的鮮🤤 (餐廳貼心 再給多一碗豆乳雞白湯)美國板腱牛肉4-5大塊 厚薄適中 烏冬麵彈牙有咬勁 ‘🍠 「北海道男爵薯餅」外脆內綿密，咬開是香甜番薯餡不油膩！追加必點---🍹 解膩神器飲品熱情果多多梳打｜白桃檸檬氣泡茶飲落不會過甜☺️清爽🤣

餐廳環境明亮寬敞, 中間有棵裝飾樹綠油油, 枱與枱之間有距離, 坐得好舒適。𓆹 法式免翁牛柳 $𝟷𝟺𝟾𓆹 紐西蘭草飼頂級西冷 $𝟷𝟺𝟾𓆹 美國板腱牛肉火山烏冬 $𝟿𝟾𓆹 唐揚魷魚鬚 $𝟻𝟾𓆹 北海道男爵薯餅 +$𝟸𝟶𓆹 白桃檸檬汽泡茶 +$𝟿𓆹 雪糕咖啡 +$𝟿法式免翁牛柳以鐵板上碟, 熱辣辣, 牛柳5成熟, 中間粉嫩非常軟腍! 伴碟嘅翠玉瓜, 椰菜花, 粟米同蕃茄都好鮮甜, 薯角外脆內軟。西冷牛扒一樣係以鐵板上碟, 肉質厚實, 配搭蒜茸汁味道香濃。牛肉火山烏冬配東京黑蒜豬骨湯, 豬骨湯味道濃厚, 烏冬彈牙。唐揚魷魚鬚非常酥脆, 唔會覺得好粉, 魷魚鬚好軟腍。北海道男爵薯餅同樣酥脆, 內裡嘅薯餅非常綿密, 口感順滑。白桃檸檬汽泡茶味道唔會太甜, 有淡淡白桃香氣。雪糕咖啡好有特色, 有咖啡香而且甜甜地。