茜廊餐廳 (天盛商場)

营业中

休息中

九吋意大利原味Pizza正常發揮。pizza個邊好脆而個底唔會硬，蕃茄醬唔會太鹹，上面有原塊新鮮蕃茄同mozzarella 拉絲芝士。香煎鰽魚柳及鳳尾蝦配蒜蓉菠菜蘑菇汁鰽魚皮煎得好脆同唔乾，有魚油嘅香味唔無腥。蝦就係急凍嗰啲。忌廉汁好稀冇咩味 下面有幾條菠菜，冇蘑菇嘅香味。唔點汁齋食魚好味啲。香煎羊髀扒拼魚塊配蒜蓉汁及薯菜冇羊髀扒所以轉左T骨羊扒。羊扒厚1cm左右，個邊有少少筋。整體肉質都係好林嘅，有少少羊臊味。魚就識落似龍脷柳。扒同魚下面有白菜翠玉瓜鋪底一齊食冇齋肉咁飽。晚市套餐會送餐湯嘢飲蒜蓉包。餐湯有忌廉粟米湯同羅宋湯揀，羅宋湯入邊除咗蔬菜之外仲少有地有肉。蒜蓉包就烘得太硬。

📍茜廊餐廳（天水圍）-#5🫶🏻係最高 環境：🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-午餐套餐會配羅宋湯/ 忌廉湯 &餐包 仲有野飲！餐包係有烤過 所以好脆卜卜 而且仲搽咗蒜蓉牛油 所以好好食 唔係普通嘅嘉頓餐包特濃芝士卡邦尼蜆肉燴闊條麵 -$60好重芝士味 而且岩岩送上嚟仲會有芝士拉絲 份量唔少 所以食完都好飽 蜆肉份量都好足夠 但係闊條麵比較難夾起 好易就斷開 所以比較難好似意粉咁捲起佢西班牙紅酒汁牛柳粒燴闊條麵 -$69兩個嘅闊條麵都有呢個問題 但紅酒汁同牛柳粒都係好好食😋 唔會煮到牛柳粒好乾 咖喱牛魔王焗飯 -$72焗飯都有落芝士 所以有拉絲出現 份量都唔細 可能要兩個人share 佢嘅牛肉好好食 落咖喱汁一啲都唔孤寒 每粒飯都有咖喱汁喺上面 所以唔會焗到飯乾同硬 但係汁比較咸

今日介紹嘅西餐廳係比較大眾化，亦都好多分店，而我就鍾意食下午茶，因為比較抵食今日就叫咗個沙嗲牛肉公仔麵🍜同埋乾炒牛河肉河粉。呢個面嘅賣相好似好spicy其實少少辣，可以接受嘅，而D面比較硬身,冇咁淋，牛肉都好食，整體來講比想像中好食😋而個河粉賣相都炒得好靚，色水都好平均，睇落去令人好想食，但係食耐左會有少少鹹同有少少想飲水既感覺，牛肉都係好食嘅，整體來講都算係唔錯嘅。另外呢間西餐廳成日都會派coupon，所以下午茶會比較抵食，下次試埋其他美食介紹俾大家啦

抵食！下午茶  💕the food is yummy A lot of choices!!! 2:30pm到，要等5min.嘢食大大碟好抵食 就算好多人但係只需要等大概5分鐘就可以食到野不過服務員太熱心有啲驚haha 睇緊餐牌嘅時候不停喺側邊 推介食物The price is reasonable and the location is convenient too!

天盛商場一樓有間茜廊，見門口冇人排隊，又同同事一齊走去食先。基本上唔洗等位，行入去自己揀位。叫咗個鴛鴦焗飯，佢包蒜蓉包，同一碗白湯（忌廉湯）。忌廉湯好thick好肥，入面冇乜料，味道一般。蒜蓉包脆身，蒜蓉味唔算濃。鴛鴦焗飯一邊係龍脷柳芝士，一邊係鴨胸茄汁。鴨胸算多，番茄味道ok，唔會好鹹。芝士味濃，龍脷柳唔算大塊，不過煮得唔柴唔乾，個白汁好厚。成個鴛鴦焗飯都唔會好乾。檸檬茶，個茶底比較濃。總括嚟講，正正常常冇乜特別，但係都唔平，就唔係好抵了。

夜晚經開，諗住是但搵間野飽肚。點知難食到要比食評。杯檸水苦既！即係檸檬唔新鮮！其他唔洗講啦⋯⋯豬扒又無味，又乾，又鞋。我見間野都幾多分店，可能我要求高。挑戰劣食可以一戰！

黑松露奶油反，好難食，冇cream,啲雞一陣冰鮮味。焗雞超鞋口，淡某某，冇味。焗菜勁難食，一pat野，冇鹽冇味。仲有啲白湯，觀頭味仲好食過佢，紅湯好鬼辣。總結：垃圾！

放假同爸爸媽媽落樓下食下午茶，呢間餐廳開左好多年，我都食左好多年🙈平時都係食晚餐多，今日試下下午茶~超抵食，睇餐牌下午茶一般都係40$左右，唔預佢會好大份，而且應該都好輕食，下午茶跟埋餐飲。一出菜嚇親我，雞比薯條好大件，雞比炸得好透，好脆，本身有醃製過所以唔會無味，薯條亦都剛炸好，好脆好香，爸爸平時唔食快餐呢啲嘢，佢都忍唔住睇多次餐牌。爸爸食咗個雞肉飯，份量都比預期大，感覺似晚餐份量。雞肉有好多件，咖喱汁好食，唔會太辣，薯仔同蕃正常發揮，整體都唔錯。媽媽食咗個意大利飯，好好食所以我搶食左好多，香濃南瓜味，入面都有啲帶子(剪碎左)，好抵食。

雖然店名係Cafe，但似係一間茶餐廳feel 嘅西餐廳😅。位處屋邨商場，走大眾化路線，勝在街坊價，下午茶去到6:00，仲有幾十個餐任你揀。上星期嚟呢度食咗一次下午茶，送咗張小食券（只限星期一至五下午茶堂食使用），今次就乘機用咗佢。小食券送嘅係吉列炸蝦併西多士，原價$39免咗，但要收原價嘅加一服務費，即係$3.9。雖然係送嘅，但都唔hea喎，實物個賣相同coupon張相九成九相似，新鮮炸起，好脆，又唔會油淋淋咁，味道都好正常。唯一美中不足係西多士無餡（無花生醬夾心），所以略嫌乾。因為已經有送嘅小食，所以唔揀粉麵飯嗰d咁勁嘅下午茶餐，叫咗個相對「輕量」嘅焗墨西哥肉醬薯皮。焗薯皮有三件，醬料都豐富，整體份量同造型都ok。落order時我無為意墨西哥醬係辣嘅，我只係可以食到少少辣，呢個醬我尚可以接受，食得晒份薯皮，但一邊食一邊流鼻水囉😅餐飲即磨咖啡，就係一般平民西餐廳咖啡機沖嘅水準，正正常常。咁豐富嘅下午茶，連加一盛惠$40.2，味道同份量都唔差，呢個價錢，算係好抵。註：埋單時，又獲贈兩張優惠券，下次可以用😄

星期四1300去餐廳lunch, 不用排隊就直接入內因為餐廳的學生餐好抵食，包餐飲，又不用加一記得叫餐生餐時要出示學生證俾職員看學生餐-B餐-三色芝士白汁焗魚柳飯 $40味道方面：相當不錯上面有滿滿的芝士，魚柳都好足份量，有4條放滿整個碟面，不過因為有好多芝士好快就飽了我食淨4分1的飯不過我同事叫正價的餐就不抵食了，1個餐有$50-60幾都有，再加1就要$70左右先埋到單

早餐諗唔到食咩，求其去左屋企附近既西餐廳茜廊，入到去人唔多，環境幾大所以都坐得舒服既，揀左個 $43 烤雞肉，煎農場雙蛋配羅宋湯煙斗粉，牛角包。羅宋湯酸酸地係幾開胃，但雞肉超鞋，煙斗粉都好少，真係食幾啖食完，似飲湯多過食粉。仲有佢既牛角包係縮水版，勁細舊之餘再成舊淋哂真心一啖已經幾乎咬哂。唯一成功既應該係煎雙蛋，唔太咸可以入到口，橙汁就正常橙汁一杯對呢度既早餐真係唔可以有期望，今次大失望，又貴又唔好食冇下次

諗住隨便食過午餐，見茜廊都比較多位，就入去食過快飯。 之前去開德福嗰間，諗住天水圍呢間都差不多，怎料，截然不同，一進入內，同茶餐廳沒有分別，只是有播放音樂，但與餐廳的格局倒也有點格格不入，加上，衞生一般，有些客人的舉止也相當嚇人😖餐牌都有很多選擇，我倆就點了：🍝芝士卡邦尼蜆肉：份量算大，味道不錯🍛燴闊條麵鴛鴦焗飯（白汁龍利柳拼茄汁焗煙鴨胸）：份量尚算可以，鴨胸切到好似腸仔，不是一片片，魚柳都算大塊，味道也不錯午餐配以忌廉湯🥣、蒜蓉包🧄🥖及飲品🥤，典型的套餐，都算不俗。

呢間西餐廳啲野都唔錯。上次食咗個龍蝦汁意粉系其貌不揚但龍蝦味超香😍😍。今次試呢個忌廉明太子煙斗粉都幾滑嘟嘟唔會好霉。不過啲汁就無乜明太子味。So far啲蝦都幾爽口大隻。下次可能堂食會好啲，等外賣等咗超耐😅😅。

中伏了! 週日午餐，食物和環境差勁。背景音樂差，勁播快歌，好似打仗咁。出菜慢， 樣樣都要催。叫了一份葡汁牛脷飯， 牛脷只得幾粒，主要食葡汁撈飯，葡汁傑撻撻 ，非常恐怖， 食咗半碟就 支持唔住，逼住要倒。裝修， 座位開始殘舊。下次寧願挨餓都唔嚟食。一定唔會再嚟。

間舖頭本身開喺屋企附近，因為之前食都唔算太難食，有時經過都會幫襯。今日見都幾多人，就入咗去食。入到去嘅時候就叫咗一份鐵板西冷牛扒，佢就話可以揀生熟程度嘅，咁因為佢係鐵板上，我就唔想佢太韌就揀咗三成熟，屋企人就叫咗燒春雞同埋黑椒牛扒飯。大概等咗15至20分鐘，終於上主菜。但係嘢飲同埋湯未到，嗰陣時就提咗佢上埋。一上個主菜就即刻切開塊牛扒，一睇佢根本就係七成熟！食落去又好韌，一啲肉汁都冇！係勁乾，勁難食！然之後都提咗佢三至四次嘢飲同埋湯未到，直到就嚟食完個主菜佢先上湯，見到都嚇咗一跳，我以為係正常忌廉湯，點知個湯係忌廉洋蔥火腿湯！食主菜同埋飲湯期間都有再提佢上嘢飲，直到食完主菜飲完湯，嘢飲都依然未上。咁就提多佢兩次話嘢飲未上，而嗰個人都係記得嘅。雖然我覺得多人漏單都叫可以接受，但係實在太離譜，都已經叫咗佢六至七次由主菜嚟到嘅時候已經開始提到食完所有嘢。雖然價錢唔算貴，但係食物質素同漏單情況十分嚴重！越食越嬲，一句講晒冇下次！