茜廊餐廳 (上水匯)

营业中

休息中

難得今個星期六是短週，梗係訓到王朝八妟，起身已經12點！於是約埋侄女去左食tea，侄女話附近既茜廊有買一送一優惠，2個全餐都係100蚊左右咋於是我同埋2個細路去左食平野～牛扒餐最抵食，叫左一份同埋豬手鐵板牛扒超巨型，就咁睇有成16安士！好耐冇食過鐵板扒啦～三個人食都有d吃力呀，好好味！叫左5成熟但會慢慢熱到近7成，仲係好稔同有牛肉香而且仲有埋薯條，薯條勁粗，係粗薯皇黎，好食過麥記好多！另外一個set我地叫左豬手，又係鐵板上，keep 住熱，下午茶都冇偷工減料，而且超稔好易切，好好食！結果我地3個人都食唔曬2份餐，總共都係$200到咋！

本來是想到酒店去high tea的，但閨蜜說上水有一間餐廳也有得hightea! 同閨蜜來到見到上水超多人！這餐廳下午茶也是一堆人坐滿滿好大一盤！最上層有煙三文魚跟巴馬火腿多士，中間有泰式春卷跟炸蝦，下面還有法式macaron! 首先煙三文魚多士不是很咸的那種，味道剛剛好！巴馬火腿油香好豐富，顏色好深，應該是醃很久了吧！春卷應該是新鮮炸起，咬起來還有煙！炸蝦還是口感很彈牙的Macaron應該是最吸引女孩子的吧！沒有很甜啊味道就是剛剛好，也不會像風一樣吃完就沒有

見旁邊一粥面同KFC 都滿曬人，再加上樓下味精拉面成日都唔夠人手做野(慢吞吞)，一於試下呢間茜廊。閒日中午，冇乜人食，3,4成台是空的。環境都幾舒服，似椰林閣親民西餐廳feel。紅豆冰 - 另外加了$20。紅豆好好，夠蓉，唔會太硬，甜度適中。但奶方面就似冰水，完全冇奶味，似奶白色的冰水。絕對不是愛好清淡或不清淡的問題，是真的冇奶味。乳酪忌廉雞球焗飯 - 有炒飯底，但個樣真係唔似焗過，似茶餐廳d 碟頭飯。味道普通，似茶餐廳快餐既質素。(其實我覺得普通茶餐廳既焗飯反而好食d。)整體冇乜驚喜，價錢比茶餐廳貴些，野食都黎得快。如只為飽肚可一試，但如想食好野，不試也可。

我一搭入門口就有個疑問，到底茜廊是讀西郎，還是善郞呢？可惜侍應未能回應我這問題，就要點菜了雖然是茶餐廳餐牌，但裝修卻有中級餐廳的質素，坐得人很舒服呢！個湯其實平平無奇, 但少少辣辣地酸酸地, 湯渣唔會過多, 岩岩好! 先點前菜青口一碟，任頭不大，清湯底突顯出新鮮海鮮味意式闊條麵有整整5層，上面一層超惹味芝士，中間幾層牛肉碎 非常滋味還有一個羊扒拼豬仔腳，豬腳的皮燒得香脆，肉質juicy, 燒得很是出色雪糕你估唔到佢又真係幾滑而且冇雪味, 食落酸酸甜甜幾解膩!

大家最近都喜歡隱世小店，在上水的話，不知算不算是？茜廊這名字好熟，但就是想不起來，隨便就坐下來。一個餐的定價處於100-200之間，配搭裝潢，大概是中價西餐廳的感覺吧點了一個餐，想像不到沙律的鮮度不錯，煙三文魚也是不會過咸，水份充足主菜的牛排有一點點肥，不過就很稔，一定不是鬆肉粉作怪，反而是夾雜了脂肪，而且點了5成熟的緣故肉用鹽巴跟黑胡椒調味過，燒汁變得可有可無另外伴碟的是一條大青椒，有點奇怪，燒過的大青椒很甜不油膩，如果可以加點西蘭花，那就完美了另一大賣點: PIZZA，竟然是薄底的，我的最愛，雖然不是非常脆口，但論芝士的味道已經十分出色

平時經過茜廊，印象中都係賣麵包呀三文治個類,唔多覺眼有正餐食，見今日有興致就試試佢啦！去到門口睇一睇，見到menu都幾岩心水，價錢都合理，再由waiter帶位入座我坐係餐廳既卡位，隔離有落地玻璃窗，比啲自然光透入黎，唔錯唔錯，幾舒服！好肚餓呀！一入到去忍唔住要即刻嗌野食！等左唔算耐，大概十分鐘咁上下就有野食啦首先黎左蒜蓉包同個湯先～可以揀紅湯或者白湯，識飲一定飲紅湯！！相較其他餐廳，呢度碗羅宋湯真係幾足料！飲落酸酸甜甜有少少辣，仲有唔少蔬菜同牛肉食，唔錯唔錯，夠哂開胃～跟住就到個意粉講真，個意粉一黎到係有少少失望，個賣相同我想像中有啲出入...點知食落口又ok喎意粉偏'林'身，有唔少蜆肉，而蜆肉食落都爽滑無沙，唔太重蒜味，陣間唔洗驚口臭但意粉有少少太油，如果改善返應該會好d~食食下又有d口渴，所以加錢嗌左杯特飲呢杯朱古力雪香上面有唔少cream同埋syrup，連個杯身都有，哈哈幾有心機喎！不過因為最後太飽，所以飲唔哂

朋友搬到上水後要經常照顧兩位小朋友已經很久沒有自人時間，那就等我到上水跟她聚聚。準時的她一早已到了這餐廳等我，踏進餐廳便看到坐在落地窗透的她。我們決定點一個小食及一個薄餅分享：白湯不過不失。《芝士煙肉焗蠔(兩隻起) $80/4隻》焗蠔雖不算大隻肥美，但味道鮮甜多汁；而芝士味道不太搶，合我們的胃口。《風乾火腿意大利薄餅 $128》主菜加$28配餐湯、餐包及咖啡或茶賣相跟圖片有出入，起初還懷疑送錯餐，原來風乾火腿都被芝士蓋著。薄餅易入口，但芝士跟醬汁不平均，令薄餅會有無味的部分，而且芝士焗得太乾，但整體味道還是不錯。各加了$20點了特飲：《比利時朱古力雪香 $38/$20(套餐升級)》《士多啤梨雪香 $38/$20(套餐升級)》甜品：《朱古力心太軟雪糕 $58》店員推介。但味道偏甘苦，幸好有雪糕中和苦味。服務令人服意，所以加分⋯

陪朋友到了上水這商場看貨辦，工作了一整個上午後肚子開始作響，就知道是時候吃午飯了！看看水牌見這間茜廊這個面熟的名字，原來朋友說有好幾間分店的，那就吃它吧！兩男點了<磨菇忌廉意大利特色飯 $98>和<烤扒特級牛柳 $158>各自食。<磨菇忌廉意大利特色飯 $98>飯煮至7成熟，有嚼感，對於我來說還好，但吃不慣的朋友可能會覺得硬。飯充滿了磨菇忌廉汁，很入味，飯中亦拌入了很多磨菇，很豐富。<烤扒特級牛柳 $158>襯熱時倒上醬汁很夠鑊氣，牛柳亦計按照的要求煮至7-8成熟。開頭對牛柳抱著無期望的心態，但反而有驚喜。牛柳夠稔亦不失牛味。其實每道主菜都可以加$28配餐湯、餐包及咖啡或茶(小食、沙律、甜品外)。我們各加$20點了<比利時朱古力雪香。然後再點了<紐約芝士餅 $42>, 雖然賣相跟餐牌的圖有出入，但味道還不錯，不會太甜。

今日因為工作關係去左上水，問下住喺上水既朋友附近有咩地方可以舒舒服服食個晏，朋友就介紹左呢間茜廊比我，話上水難得既開揚西餐廳。12點去到未算太多人，所以唔使等位。餐廳有落地玻璃，果然幾開揚。見佢地個［限定優惠午餐 配餐湯+主菜+餐包+咖啡/茶］都幾岩胃口，於是點左：白湯，無溝水，不過不失。西西里帶子三文魚燴闊條麵 （$62）： 一粒粒煮熟左既三文魚粒加埋闊條麵既份量都幾多，西西里醬汁亦夠多所以成碟好夠味，又唔會酸。唯獨覺得闊條麵可以燴多一陣，稔身d易入口d。飲品方面加錢點左芒果雪香（+$20）：味道比較似奶昔，但都幾清涼解渴，好有夏日feel。因為好鍾意食田螺，所以散叫左：西式焗田螺 （$38）：薯蓉焗過好香，漲卜卜既薯蓉山下有肥美既田螺，好滿足。店員有問必答幾友善。

男朋友知道我愛吃西餐，所以特地為我找了一間西餐廳，他說早前到了位於上水的「茜廊餐廳」，餐點精美，服務良好，所以這次和我一同前往。今次一試，男朋友果然有眼光，這間餐廳的水準很高，餐點無論賣相、味道和份量毫不遜色。當我準備為「茜廊餐廳」擇寫食評時，才發現「茜廊餐廳」在九龍灣、天水圍和樂富均有分店，對於各區的市民亦相當便利！餐廳燈光柔和，給予客人舒適放鬆的感覺，可以好好和朋友或另一半共晉晚餐。安坐位置後，當然是先點餐。「茜廊餐廳」的餐點選擇十分豐富，亦配有多款豐富的套餐可供選擇，我們則點了一客二人套餐，因為這份套餐的餐點相當豐富。二人套餐先配有兩款主菜又配有餐湯、頭盤小食、沙律、甜點、餐飲和餐酒，除了它可以說是別無他選吧！同時，點套餐更可以優惠價換購開心小食，受到價錢和食物款式吸引，我們也點了兩款開心小食，分別是串燒沙嗲雞肉(半打)和香煎法式鵝肝(兩件)。開胃菜煙三文魚沙律率先登場，想不到頭盤的沙律也有大片厚肉的煙三文魚，帶有微微的煙薰香氣，再加上爽甜的沙律菜，真是十分開胃。這份是頭盤的白酒煮青口，賣相看似平平無奇，但是味道和品質是相當出色。白酒味既香且醇，少了一陣苦澀味，更多的是青口的鮮甜

又越過高山又越過谷，由大圍租車踩到來上水，整整花了半天，大家都身心俱疲，最可惡是go bee bike在這邊還未有站！鎖好車，先在上水匯找間餐廳坐坐，就見到這間茜廊，順便吃個early dinner隨便就點了個餐，跟上的忌廉湯十分普通，不過上面有幾片包，還頗有情趣的送上8塊麵包，除了蒜蓉包還有麥包，很健康，烤得不太乾身但雞扒黑松露意大利飯就想不到那麼美味，黑松露份露很多，一湯匙就聞到很濃的香味！飯雖然煮得比較稔，但完全就是亞洲人的口味雞扒也很juicy, 醃得剛剛好，完全不輸日式鹽燒雞排又叫了個pizza, 竟然是意式傳統薄底！芝士同蘑菇一起吃就是出色，沒有肉減了肥膩感，脆邊也很好吃

身邊越來越多朋友都已成為媽媽，聽到佢哋湊小朋友嘅辛酸，都知道養大一個小朋友絕對唔係一件容易嘅事，都要花好多心機時間去教，所以母親節依個日子，當然要同媽媽食一餐好既慶祝，但因為媽媽鍾意係屋企附近食，所以就黎平時食開既依間我地點左「窩心母親節二人大餐」包括有餐湯、沙律、兩款主菜湯我地選擇左「蜆肉忌廉湯」粒粒蜆肉，上面放左麵包粒湯好夠熱，而且忌廉湯一啲都唔膩配佢烘左既麵包一齊食，唔錯「煎吞拿魚菜沙律」吞拿魚外層煎到好香酸酸甜甜的沙律醬汁食落仲更加開胃「香煎比目魚扒配牛油刁草汁」比目魚扒份量都好大魚皮煎到好香，魚經煎過之後，釋放出的魚油令魚更惹味魚底下配有雜菜可以平衡魚的油膩感「意大利香草野雞特色飯」另一道主菜我地就選左飯，比想像中大碟飯與白汁混和，有啲似燴飯每粒米都吸收左汁既味道再加左菇粒同洋蔥粒係飯食落特別有口感最後再配有「朱古力蛋糕」唔算太甜，媽媽都話好好味整體黎講，店員服務都好好而且原來點依個二人套餐會有張即影即有相送番可以為我同媽媽母親節晚餐拍底作一個紀念依個都幾有意思

朋友屋企準備大裝修所以啱啱過去嘅星期日就同佢地返大陸去睇傢俬唔經唔覺都差唔多要晚上先返到嚟香港因為太過肚餓，所以我哋喺上水食咗嘢先返屋企可能因為係母親節嘅關係佢嘅套餐餐牌都轉晒係母親節套餐有二人餐、四人餐我同朋友就分別選擇左一人果款套餐先飲羅宋湯平時配湯既餐包只有一塊依款係每人都有兩款，每款一塊其中蒜蓉包烘得好香脆，蒜蓉味好香濃，出色「香煎鵝肝保濕豬柳蘋果茸醬」 $148不愧係保濕豬柳，豬柳經過煎過入口都唔會好乾身，鵝肝味道帶甘食完仲齒頰留香因為食完呢個鵝肝覺得太好食所以我哋加左$25 點多一件香煎鵝肝同埋仲加左$38 「白酒煮藍青口」用白酒煮不但無蓋過青口鮮味青口味道仲更加突出，青口肉質好嫩，完全唔韌「歐美海鮮堡」$268包括有西班牙大紅蝦、芝士焗扇貝、鰽魚扒每件份量都好大，鰽魚扒肉質無咁鬆散，魚皮亦煎到好香，扇貝有兩粒，雖然用芝士焗過，但一啲唔膩，海鮮底部仲配埋紅椒、黃椒，食晒咁多樣都已經好飽 食到最尾當然要食甜品呢套餐包括埋個朱古力蛋糕味道口感有啲似brownies 甜度適中，剛剛好

上水一直比較少入去，一直只記得有一個大商場命為上水廣場，殊不知柳暗花明又一村，行過少少，就有個比較新嘅商場叫「上水匯」，賣嘅東西比較親民，不過商場細細，只能向高發展。今次就嚟到上水匯嘅茜廊，食返個親民西餐！餐廳間局冇太大特色，不過旨在環境舒適，等咗10分鐘，啱啱好有人用餐完，餓到急不及待同朋友要坐低menu~~~~因為太飯嘅關係，點都要order咗個小食，頂一頂個胃先！｜白酒煮藍青口｜熱辡辡出枱！經已聞到好香白酒味，份量雖然唔算好多，但因為朋友唔食青口，最後由我一心包辦。啱啱好！青口入口都有鮮味，肉質彈牙，大概有10隻左右！10分滿分我比7分啦！最重要係價錢公道！｜西冷扒配芝士焗龍蝦｜Order咗4成熟，不過上枱成7成熟，好彩都預鬆咗。肉質方面不錯，入口肉味濃，肉質尚算嫩滑；而芝士龍蝦則偏鬆散，芝士係好香，但有啲蓋過龍蝦嘅味道，龍蝦並唔係原隻，而係龍蝦肉係肉碎，呢個位係有少少失雍，不過整體而言味道幾好！

講到上水嘅餐廳真的不少，每次要揀去食乜，頭都大埋...今次揀左間以前喺德福食過嘅餐廳..原來佢哋喺上水開了一間分店！羅宋湯好足料嘅羅宋湯，飲到蔬菜嘅甜味同肉味...都算係一個幾吾錯既餐湯！鐡板西冷牛扒這個價錢也不會太大的期望吧！不過真的不算差...吾會太韌..亦有牛味...份量剛好流心蛋卡邦尼意粉原來卡邦尼同流心蛋都幾夾架喎⋯⋯雖然嗰汁吾算出色同濃郁...但加左隻溫泉蛋，都算係一個食得下嘅意粉兩個人都食得飽飽，埋單連加一$13x..真抵食