影片
港铁西营盘站 A2 出口, 步行约2分钟
继续阅读
开饭介绍
英记火锅海鲜酒家当然以火锅为主,但亦有小菜可叫,火锅材料十分新鲜.而且系一年四季都有供应,绝对适合一些在夏天依然想打边炉的人,而冬天亦当然系良好的选择.
继续阅读
以上资料只供参考，请与餐厅确认详情
招牌菜
有一日...我男朋友仔话带我去英记～😱😱吓死宝宝，以为买茶叶…原来唔系....原来系带我去历史悠久嘅英记火锅🥰🥰我一去到以为自己去错地方呀...点解系商厦入面嘅？？ 男朋友见到我咁迷惘都比我吓到😂以为迷路了入到去 人流唔算话好多～ 即刻有位～ 然后睇下食咩先依～～发现原来有二人套餐...可以自由简想食的东西海鲜🦞方面可以自选3款！我地就选择了 虾🦐，贵妃蚌 ，大花甲其实系想点日本和牛～ 但佢地话无货再选择了脆鲩片丸类可选4款 共16 粒我哋选择了鱼皮饺 ，菜肉云吞，水饺，墨鱼丸菜方面都可选4款 我地选择了豆腐，豆卜，黑木耳，金菇😂都几好架～ 份量唔会好多。但两个人一定会饱饱仲点左竹席茅根水～ 好饮 唔会太甜！岩晒我我地点了胡椒猪肚汤底。一煲滚打开盖一闻😍哇系我喜欢的味道呀😍胡椒带有层次香气、开胃的辣度～ 饮左几碗落肚...暖粒粒最值得一赞系英记嘅海鲜...非常之新鲜..所有都系识郁架～ 扎扎跳！好生猛...我食果只虾仲要好多膏...哇～ 真系食到Lam Lam俐水饺🥟都要赞一赞❤️❤️饺皮做得好簿。煮耐左都唔会烂～馅料非常足～ 无偷鸡！食上黎有弹性！肉汁丰富 ～好惊喜脆鲩片 更加真系要比个赞佢！一上枱晶莹剔透～ 已经想即刻食左佢落肚～食第一啖～～～Mama mi呀超级弹牙，咬下去甚至能听到「咔嚓」的清脆声响。其他食物都唔多讲了❤️总括来说！火锅店像繁星一样～ 多不胜数。但真系物超所值的！英记绝对配得上🥳
继续阅读
今日同我;Mentor聚会,第二次嚟应记食。呢间路牌火锅店水准保持得不错。但因为疫情关系所以其实都系一半枱有人。叫咗一碟牛肉, 两款丸。鱿鱼，白菜饺同韭菜饺。汤底系酸菜猪肚汤。觉得物有所值,牛肉好乱但系价钱不菲。要成二三百蚊一碟。鱼蛋麻麻哋好食因为好似缩左水咁。翠玉鲩都OK。最后埋单每人$500。
继续阅读
𠵱家香港真系一年四季都可以打边炉，或者已成为香港人出街食饭一个好选择，因为系星期五晚所以预早一星期前打电话book位，当晚7点上到去已经全场满座，好在book左枱，一行四人坐底就叫嘢食，先拣汤底，我吔拣左苹果海底椰汤底，因为大家都喜欢食牛肉所以就点左碟鸟取和牛同本地肥牛，再叫左大花甲，猪什，响铃，牛脷等食物，食物全部都好新鲜，尤其大花甲好鲜甜值得推介，鸟取和牛可以当刺身食亦可以轻轻灼几秒食，虽然当晚全场满座服务员都好忙招呼客人，但佢哋嘅服务一样维持住有笑容好有礼貌去招呼，呢样真系值得一赞，𠵱家香港揾到一间食物好而服务又好嘅食店就要多啲支持。
继续阅读
好多人唔知西营盘英记除左出名打边炉外， 饮茶 点心都好得。呢度分两层，一楼主要搭台，二楼 有2间房，约共6张枱，需订台。请注意 : 一楼比较嘈及冇咁干净。这里大多是服务多年及已上左年纪的待应，眼见他们常跟客人寒暄，估计多为熟客。本人较欣赏他们会不停斟水给客人， 不会视而不见。 另外，除了写纸叫点心外，偶尔， 侍应会捧著特别的食物款式推介给客人。 有惊喜！食物方便 ;虾子柚皮……罕有！！！无得顶、柚皮入味，不会过淋或太硬。赛旁蟹饺……又系外边极小有， 热辣辣， 皮薄馅靓，顶瓜瓜！北菇棉花鸡……冇乜特别，可以不试。蚝仔汤饭……汤多以为小料，实属错觉，超野味。莲藕炆火腩……细细碟， 莲藕爽爽非常入味。因不是太大碟，可以多叫其他款式。
继续阅读
英记一直都是亲戚最爱的火锅店，今次系第二次去食，每次都食得很畅快、大满足。首先必食的，一定是俗称夹万牛的本地黄牛切片！牛肉的油分分布平均、入口即溶，还充满牛味，质素可媲美日本和牛。对于牛肉控的我来说，一食难忘，当然价钱也不便宜。我哋四个人一共叫了两大碟！另一样必食的，系每天新鲜包的云吞鲜虾水饺，真系超好味，我哋又系嗌左两大碟！其他推荐的，还有膳片、即炸响铃及东星斑鱼片。值得一赞的是，火锅店嘅混酱款式非常够，仲有XO酱添！员工好有礼貌、非常attentive。价钱唔平，但食物质素上升，会再帮衬！
继续阅读