英記食店

营业中

休息中

有咩餐廳系你成日一返到香港想食？就緊系地道嘅茶餐廳啊。呢度啲嘢食唔系咩特別但係勝在夠地道,同埋有屋企味,炒飯腸仔米粉加雪菜雞翼麵煎午餐肉煎蛋同埋煎豬扒麵,魚香茄子飯等等全部都系星期六瞓得晏同屋企人一齊去食嘅野,系最好最快嘅方法～所有煎嘅食物都剪煎得很香很有味道,唔系出邊茶餐廳求其煎嗰種,配個公仔麵或者米粉都好適合放假唔知食咩嘅時候去食。凍檸茶同埋熱奶茶嘅茶膽都很香濃,每次去飲都味道保持水準。唔會有太多驚喜亦唔會令你失望,鋪頭唔算大全部都係圓台要搭枱,乾淨程度都算OK。

上水食早餐，可以的話我會選擇食英記，一個人也會食得很開心心，因為呢度 ge 店員好 nice 先 order 返我 ge 自選早餐，餐肉、太陽蛋配牛油多士(烘底只需 +$1)，仲有份鮮牛肉米粉，$31，抵食，上枱時熱辣辣用心之作鮮牛肉米粉配上小店自家制的辣菜寶(不可睇少他的吸引力)配上我不少得的晨早回魂茶走，茶味夠香濃呢度早餐供應到正午12:00坐位唔多，但夠貼地

三點幾四點仲未食午餐 聽過人介紹依間話平靚正 經過即試啦 而且入到去又唔會太多人 叫下午茶餐啦 晏喲要食晚餐所以唔叫太多西多士 凍奶茶炸雞翼 薯條 熱檸水西多士好味 即叫即整 仲好熱 牛油 加蜜糖（自己加） 一食落去好香 好軟 吾會好似其他果喲咁 食落好乾 依個餐唔係我叫但差唔多被我食曬奶茶 我依家冇乜點飲架 因為好多都唔好飲 但我覺得味道岩岩好 可能岩我口味 我都飲左幾啖炸雞翼 我以為佢係雞翼黎 但佢上既時候係全翼 有 雞脾仔 中翼 同雞翼尖 岩岩炸既 食落仲好熱 乾身但雞肉入面仲有汁 出面係乾身 但我覺得太乾啦 不過我都食曬薯條 佢係大條果種 唔係m記幼身果喲 又係好熱 喲呀姐係個餐黎之前已經預先係雪櫃拎茄汁出黎 熱辣辣嘅薯條加凍嘅茄汁又幾夾喎 哈哈 仲有個呀姐問要唔要落「懷」鹽 我話要少少 點知佢話自己加架 之後拎左俾我熱檸水 見到都覺得檸檬係新鮮嘅但係由於我整完檸檬後冇拎出嚟搞到最後變苦左（以上為個人意見）

今日去文錦渡不毛之地做野,搭的士昭下上水有乜野好食,司機哥哥介紹去英記,話飯夠白,湯足料,廚房火氣十足,一定要試下去到叫左椒鹽班塊飯,班塊炸得夠香,椒鹽炒得唔乾,另有汁上,夠惹味,加埋菜甫,好好食湯亦足料,唔似味精湯,凍檸茶好飲,不會澀.....唔怪得咁多人食!!下次來都會黎食值得一試!

下午三點，本來諗住去廣成碰下運氣，當然係要等啦，就上openrice睇下附近有無其他選擇，結果黎咗英記，一入去最正係冷氣夠凍，又唔駛等位，見之前有人提過雞翼，就點咗午餐A，雪菜肉絲腸仔雞翼麵，豉油雞翼夠入味，跟麵的菜芯好甜，會再黎試埋其他食品。

今日起上水考完試...就掛住英記....因為之前裝修裝修完...環境好左...冷氣大左..哈哈好....今次都係叫左我平時叫開既 洋蔥豬扒飯水準依然甘好..火氣十足...去相

詳情請看: http://www.fotop.net/tonykafai/cateringartwork/090316ssyingkee有人問過，上水有好吃的東西嗎？住了這區廿多年，未有好好「搵食」，實在可惜。於是左行右逛，給我撞到這店「英記食店」。臨近收鋪，於是看過餐牌，問到沒有飯的提供，唯有吃個飽肚下午茶: 豬扒公仔麵配汽水。以為打烊時的水準可能下降，但桌上的豬扒麵一點也不馬虎。豬扒的柔軟度適中，而且還是熱烘烘的，配以公仔麵，非常可口。雖然只喝了汽水，但是18元的價錢讓人覺得滿足，已物有所值了。

去親英記，我必食雞翼麵，下午茶雞翼麵連熱飲 $16~d雞翼夠入味，配埋佢枱上果d辣菜莆粒~一流

呢間野已經有好多年歷史~~咩時間都好多人~~佢d班腩真係好好味~~有汁嫁~~好多時12點幾已經冇得食~~因為好多人食~賣晒就冇嫁喇~~就算班腩飯比其他飯貴d~都抵呀!!仲有好多野揀~豆腐班腩/茄子班腩/蕃茄班腩etc~~如果唔飲野就有大湯~飲野(+$1)就細湯同熱飲~凍就+$2~~d湯仲好足料~~好好飲~~

環境就唔會係好架啦不過飯既口感好好,唔會一pet最好味係班腩飯!仲脆個汁都好味!食過豬扒米都唔錯,以佢環境黎講唔算平,$26個飯,飲品另計不過真係好味,值得一試

沙嗲牛肉最正~~不過只限朝早,, 下午~~lunch 冇得食~~咁多款麵之中米粉最正~~~~~~~~~~~同平時茶餐廳食倒果d 唔同~~服務好好~~

以前做學生時代,午飯時間一定係來呢度食...老闆娘同伙計的服務都好好,仲成日俾優惠學生食物水準都好高椒鹽豬扒簡直正到無野講

經濟~ 唔算貴~好味既野：雞翼、雪菜肉絲米、豬扒(煎得好正~)華田夠滑~服務態度幾好呀~

地方衛生~0野食又好味~又平~~~侍應服務態度又好啦~﹗﹗