英皇餐廳

营业中

休息中

早就被大橙檸吸引，長洲之旅當然要去試。用大大個啤酒杯盛載著，對於我呢個未落過pub既人來說，感覺很新鮮很爽，結果就是拿著杯子不停拍照扮豪飲。講返杯大橙檸先，很明顯是來鮮橙榨出來，見到粒粒橙肉。再加上近乎半個既檸檬片，橙橙黃黃，酸酸甜甜，極之醒神鮮豔，很襯夏日feel。要多個牛肉三文治，可惜會錯意，還以為是咸牛肉，原來是疏打牛肉片，幸而麵包厚厚很鬆軟。

主人與奴隸獸在島上轉了一圈，已是下午二時多。雖然是週末，島上遊人如鯽，但此食店的顧客不太多，（記得上次途經此店是人頭湧湧的。）所以決定在此光顧一個簡單的午餐。我們點了：1. 鮮炆魚炒麵（HK$36）：原來是紅燒鯇魚腩炒麵，鯇魚新鮮，味道OK。炒麵就普普通通。2. 大杯凍橙加檸檬（HK$26）：鮮搾橙汁加糖水及檸檬片，味道甜甜酸酸，非常開胃。加上當天有些熱，所以覺得此杯飲品更怡神解渴。P.S. 當天有一只好乖巧的貓咪，陪伴我們共享一個愉快的午餐。

3月14日~ 白色情人節快樂~ 星期五同呀比夾埋一齊偷懶, 走左入長洲賞櫻花同埋食食食! 下晝點零2點入到去, 出左碼頭向左行一陣就見到英皇茶餐廳啦, 即刻走入去試下個凍橙檸先!::: 凍橙檸(細) ::: $14其實話細杯都等如人地普通茶餐廳個size. 大既就係啤酒杯. 好夠凍既鮮橙汁. 但係檸檬作用唔大, 篤左都冇乜酸味. 不過成杯野都幾鮮甜既.::: 焗雞翼::: $16有2隻掃左蜜糖既雞全翼. 但係好細隻. 同埋有d乾瘦. 仲有碟底好多油!! 同埋佢地d蜜糖有d癡牙. 人工色素實在勁!!! d 雞翼橙到呢... 但係幾好味wor. 哈哈哈.::: 炒飯::: $26都可以叫係楊州炒飯. 飯炒得夠乾身, 有油光, 配料有蝦有叉燒有蔥有蛋. 都唔錯~ 基本上我覺得呢度既食物只屬合格. 不過如果可以坐係出面既室外位, 望住人來人往既長洲街道同大海, 再吹住微涼既海風... 呢份寫意係可以為一餐午餐加好多好多分~!!

25-03-08假日一家人到長洲郊遊中午俾海龍王海鮮大排檔嗰間黑店扼,食咗一餐垃圾,什麽心情都無晒,下午行長洲行到肚子餓,行到英皇餐廳食嘢,每人一杯凍檸橙,令人精神一振,再來個星洲炒米使人悶氣全消,心情滿足,正!!!

我地3個女仔黎到長洲,第1時間就去食lunch去左"英皇"食..叫左"凍橙加檸檬",雜薈炒河,洋蔥豬扒飯雜薈炒河- 真係好好味,食到停唔到口^^但洋蔥豬扒飯就好唔掂....好似,飯還飯,送還送,汁還汁囉!!而大檸橙都係一般^^""

上星期五去長洲，中午本來去樂滿堂，但係門口竟然貼住「休息數天」...最後行行下黎左呢家叫左三樣野:凍橙檸:見到個個都推介，所以都叫左杯，但係其實只係普通一杯鮮榨橙汁，冇驚喜豬扒湯米:豬扒硬而無味，個湯底亦都冇黎聞味，下品廈門炒米:一啖淡，一啖咸，未抄均就上檯，叉燒超咸，蝦又梅，有驚無喜

行到攰攰地去左呢度飲杯野叫左凍檸橙同埋雪糕好豆冰凍檸橙酸酸地幾開胃同解渴我仲以為係用橙汁汽水點知係用鮮榨既都幾好呀健康啲雪糕好豆冰幾好飲唔似得大家樂果d無味架個雪糕成個溶左之後幾creamy唔錯唔錯環境就唔多乾淨d木台幾dirty下不過個景都叫幾好起碼望到個海先

星期日一家到長洲玩,到三點九左右,去到英皇食下午茶,睇完個餐牌,先至知道無下午茶餐,維有叫多士類食物再加飲品。我老婆叫咗杯大橙檸，足夠兩個人飲；而凍檸樂有好多檸檬，起碼比其他餐廳多兩至三片。多士類食物就一般。

在長洲行到累,男朋友話想搵個海景位坐下,咁我地就去左呢間.我望到入面個水晶燈幾靚,不過都係想坐出面睇sea view.他要了一個凍檸橙,個名都好特別,我就要一個紅豆冰,我男朋友話不如+多個雪糕啦,咁佢就幫我叫左個雪糕好豆冰,太好啦~ 一次滿足兩個願望呀.雪糕紅豆冰----------好好味啊~ 紅豆同埋奶的分量剛好,雲呢拿雪糕都好正呀,補番頭先食果碗豬排米線的不愉快經曆.如果佢用上碎冰就更正.凍檸橙-------------哈哈,男朋友話好酸啊~我試飲一啖,都幾酸啦,但好飲喎,好得意,又橙又lemon咁.睇下海景,飲下野,好嘆.如果有時間在長洲留番一兩日渡下假都幾舒服.

呢間野呢,其實只係晌約四年半前去過一次.不過都幾記得佢.因為佢整既焗飯算係好食.而且服務態度係幾好.好多長洲人都對呢間舖有正面既評價.如果唔係長洲真係太多好食既食肆,我諗次次入長洲我都會食呢間.

元旦假期，同老B及小B到長洲玩一日，晏晝到英皇用海景襯托。大檸橙小冰，鮮茄牛燴意及生炒雞絲飯；大檸橙送上，老B馬上大叫，因實在夠大杯，經過途人個個則目，新鮮橙汁加上足半個檸檬，需然$26杯都OK；鮮茄牛燴意幾好味，牛肉有鮮味；生炒雞絲飯居然加入薑絲一同炒，另類。因坐露天，烏蠅幾多，小心偷襲。

yesterday 去了drink 凍檸橙汁, really 好正!the food is quite good also!

好正架!

特別推薦這裡的"凍檸檬橙汁", 營養豐富, 清涼解渴, 有大杯及小杯兩款, 在炎熱的夏天, 喝一杯大的恐怕也不夠, 要留要其營業時間, 星期六及日通常都會開, 但平日的話, 就要看緣份了.

見佢有好多本地人幫襯,試一試佢地的星洲炒米, 夠辣又唔係好油, 但個咖哩牛肉飯D 咖哩唔夠味.其他的就唔知得唔得.