英王麵包店 (已結業)

今日天氣吾係咁好都吾想周圍走，去到尖東又吾知食咩早餐就諗住去買個包食啦，竟然見到綠茶野，當然就即時買啦，再加個咖啡返公司食。綠茶布朗尼牛角酥 $11:當初以為好大件，點知一拿係手原來個牛角酥 只係紙袋袋住，吾係成個袋咁大，咬落去淋身冇脆口感，布朗尼 綠茶 味都濃但就偏甜左少少，口感吾錯吾會太硬，整體都叫幾特別，一試就夠。如果買左包只需加$10變做餐就有有美式咖啡，但味道好一般，咖啡味吾重，得個苦字，失望。

朋友公司附近有A-1 bakery.今晚同朋友食飯，所以叫朋友買個芝士蛋糕做甜品。上次食左無花果。今次食焦糖芝士蛋糕$53好似比無花果細啲咁嘅黑色盒，感覺好幾高級😎😎😎一個比手掌大啲四個人飯後食u，岩岩好。口感無new york cheese cake咁實，但又比日式cheese cake硬。想過下口癮。可以去呢到買返個食下

其實已經有呢款蛋糕好耐。但因為都有成6吋。太大個。一個人食哂會太邪惡。今日同朋友經過。一於買嚟試下次$58價錢絕對接受到。平時一件cake都要三四十蚊啦。無花果用紅酒泡浸過。所以會有啲酒味。不過不太重。但不是人人接受到。蛋糕夠芝士味。滿足到我呢個芝士控。我一個人食左起碼1／4個以上

今日跟媽媽到尖沙咀剪頭髮，染髮加剪髮用了三四個小時，眨下眼就到了下午四點多，已經餓到不行了。在翠華每人享用了一個小小四寶米線作下午茶後，但我跟媽媽可能因餓過頭，還依然感到肚空空，繼續想找點吃的。回紅磡火車站的路途中，看到A-1 Bakery，因我們一家都常光顧它的炸豬排包、樹頭包和蕃薯包作早餐，而它的各種口味的麻糬波波球深得我們全家的歡心，常常買來作下午茶，而蛋糕櫃中的藍莓芝士蛋糕或黑森林蛋糕作晚飯後的甜品。肚子突然又在叫囂，我便問媽媽：「要不要到A-1買個麵包作明天早餐呀？」其實潛台詞是「要不要進去看看，順便買個麵包再填填肚？」一進店，我們已經被一個個放在紙筒中，排列整齊的可愛牛角酥深深吸引了！Handy布朗尼牛角酥是A-1 Bakery的新產品，一系列推出了綠茶布朗尼牛角酥及朱古力布朗尼牛角酥，一個售$10，兩個售$16。雖然是Handy系列，但其實都不太細，一個牛角酥有IPhone 6 Plus的大小，當作小小下午茶茶點剛剛好！牛角酥放在印有A-1 Bakery Logo 及寫上A-1 Bakery Group字句的精緻綠色紙筒中，結實的布朗尼調皮地從牛角酥探出頭來，每個牛角酥乖

返工有好同事真係好難得!今次同事買回來的下午茶 - 泡芙!!!!買了原味及朱古力味~原味 - CREAMY味重, 泡芙外皮仲好脆口朱古力味 - 裡面的吉士跟原味是一樣的, 只是外皮多了一層朱古力, 吃下去較厚身, 但朱古力味卻不是很濃郁所以個人覺得原味好食D最好就係雪凍食~ 加多杯冰紅茶, 心情立即開心又輕鬆!!

今日買個件特色火腿多士做早餐!去到剩返2件, 諗唔到食乜咁就買了…咁我係等緊沖咖啡既期間…店員大叫…我好樣衰咁同店員講 哈哈哈…都換左新鮮既比我!佢既多士好鬆軟既, 有三層麵包! 入面除左火腿仲有一D醬汁, 好似係芝士同芥末汁!熱辣辣~醬料仲流緊出來的~新鮮出爐既麵包真係特別好味既~ 另外買個烘烤三文治 （碎蛋沙律）見到店員(即係收銀果個) 自己烘, 慢慢將每個出爐!烘烤三文治好脆, 碎蛋沙律好好味呀! 加埋佢地既醬汁! 味道不錯! A1 麵包款式多! 我最鐘意係度買早餐!!!因為比較新鮮同埋多款式!

今日竟然買到新鮮出爐面包，忍唔住上黎寫食評分享。今日買既係火雞肉火腿賓士，13蚊一個，中間既火雞肉粒同火腿片分量ok，味道可以，配埋上層芝士更惹味。加上熱辣辣新鮮出爐，簡直停唔到口

要買定早餐！經過見呢間麵包店新開，同肥髀入去睇下，裝修新淨，光猛乾淨，因為已經黃昏，麵包款式唔算多，我們各揀一款蛋糕做早餐，店員爽手袋好比我，可以八達通比錢方便！第二朝打開個袋食早餐，我食抹茶蛋糕，放了一晚，仲算鬆軟，蛋糕偏甜，好在有啲微甘抹茶味中和下，但肥髀嘅蜂蜜蛋糕佢話太甜（連平時食勁甜嘅肥髀都話甜）味道一般！