影片
食家推介
老字号茶记买少见少，碰巧有时间来观塘。意外地最后一日都竟然唔使排队，老顾客表示，这里的食物不仅美味，而且还充满人情味。这经典美食有荷兰唂咕、滚水鲜蛋、牛奶通粉等...老板娘话九点到依家都未去过厕所，挂住招呼客人，所有嘢食一早卖晒了，还好仲可叹杯茶走回忆一下～老板娘只留返♡鲜油多 给些熟客～好多人熟客和老板娘影相，还互相交换电话no.，老板娘个女今日本来要喺机场返工，但特登请假因为last day帮手。结业潮｜往事只能回味｜结业2024｜昔日情怀｜观塘美食 ｜老字号｜
继续阅读
我睇到News发现呢间我间唔中会为咗想食新鲜出炉面包而去的茶餐厅年尾就结业！太突然啦，咁我以后点算呀？ 得返一个礼拜左右，所以有机会率即刻走咗去 食咗佢新鲜出炉嘅菠萝包 虽然唔系真系热辣辣捧出嚟，不过仍然keep到外脆内软。大到我都唔知应该用手食定系用叉食。 用叉又惊切落去碎晒。 我真系谂唔到观塘仲有边度有传统新鲜出炉面包啦。有冇人可以话俾我知啊。可惜可惜。
继续阅读
观塘怀旧冰室出炉蛋挞-英发茶冰厅呢类型嘅怀旧冰室好少见，好多都变哂连锁式，冇晒地道风味🙂今次嚟到观塘呢间冰室，本身谂住嚟食早餐，食食下，听到店员叫卖，见到佢嘅新鲜出炉蛋挞好吸引，即时叫咗一个🤣系曲奇皮㗎，外面好脆，而入面既蛋浆都好滑，仲系热辣辣㗎☺️最后每台都叫1个，好快一盘卖晒😂其实佢仲有好多怀旧蛋糕㗎、卷蛋、蒸蛋糕，大家可以嚟支持吓小店👍🏻
继续阅读
呢一日探完病，落咗小巴就走咗嚟附近呢间古色古香，望落有几十年历史嘅茶记，餐牌选择唔多，碟头嘅就只有饭同意粉，其他乜都无，泡面就只有一款沙嗲牛肉面，啲饭同意粉款式唔太啱我，于是叫个常餐，有沙嗲牛肉面、火腿煎蛋跟牛油餐包，热饮我拣咗热奶茶，共银$38。茶记惯性先嚟，话明望落有几十年历史嘅茶记，设备当然都唔会与时并进啦！砂糖系其中之一，呢间嘢仲用紧散装砂糖，而唔系独立包装，搞到我有啲唔知个份量添。茶杯够厚身，茶质亦够滑，唔错。另一样古色古香系会用个杯装红茶畀你洗餐具，呢样亦系依家茶记好少有。接住嚟嘅系火腿煎蛋配牛油餐包，半片火腿加只冻嘅流心煎蛋，两样都叫正常，最唔正常系个餐包，外型唔系旧式茶记用嘅十字餐包，明显系自家特色餐包，唔讲得系硬，但非常实心，非常饱肚，牛油少到几乎见唔到，餐包味道同牛油味道非常淡，即使我夹埋半片火腿都几乎食唔到有咸味，真系好健康。但「经典」嘢又点可以畀佢停，当然要继续啦！要讲嘅系姗姗来迟嘅沙嗲牛肉面，卖相已经完全唔吸引，完全睇唔到佢有沙嗲味，食落口当然亦无沙嗲味，只食到有姜丝，而当我一啖咬落片牛肉度时，哇！精彩！牛肉居然系冻冰冰嘅！令我精神为之一「震」！想我唔记得都几难啦！我亦醒目咁将啲牛肉潜入啲汤度，慢慢啃完个包先至食呢个面（个包咁实，真系要慢慢啃先至食得完），而事实证明我嘅做法系正确嘅，当我啃完个餐包，啲牛肉真系热返啲，好食啲，但依然无沙嗲味。而个面系扁身而唔系圆身，同大快活嘅泡面差不多质地，同样唔系我喜欢食嘅质地。另外，我望见隔离台有叫咖喱猪扒饭，好彩我无叫，因为卖相完全唔似咖喱猪扒饭嘅颜色，好似求其畀啲豉油浆粉淋起件猪扒上面就算数𠮶只。虽则话$38个常餐系好平，但居然交啲咁嘅质素嘢出嚟，绝对物非所值。下次嚟呢间嘢，如果有下次的话，饮杯奶茶，吔个包就算啦！
继续阅读
❤️🔥必必必试 🏆 世一菠萝包 隐世观塘街市茶记😍 脆到好似核桃酥咁癫 🤩 花生酱卷同样出色 🥜🐭 米奇老猪Vol. 360🐷呢间老猪经过过无数次嘅茶记坦白讲 真系正眼都无望过🫣好彩老猪爸爸系菠萝包狂热份子（佢入亲面包舖/茶记都一定会买返个😂）比佢发掘到呢间低调名店 🤭所以决定同大家开心些牙！.🐖🐖 《花生酱卷》🐖🐖🛑 8.2/10 🛑 💰$7💰系中式肉桂卷嘅变奏版 🤭室温食会偏韧用微波炉翻热之后就会更湿润软身d但仍然保留有嚼劲 🦷 老猪更爱 🧡每卷都涂左薄薄一层花生酱虽然唔算超浓🥜香但无skippy牌子果只咁甜带有轻微咸香 质地幼滑而唔章口如果有埋花生粒粒就更好啦 🤪.🐖🐖 《菠萝包》🐖🐖 🛑 8.9/10 🛑 💰$7💰呢个系重量级选手 唔系得个皮嘅空气包而且比起一般菠萝包大好多！小鸟胃甚至可能食唔晒一个 😂但黑洞胃嘅老猪可以食两个做早餐 🤫包身轻微回弹 食落松软绵密🤤包体有老猪最爱嘅港式面包果种淡淡嘅面粉甜味 😍重点来啦❣️菠萝皮 🥰无论系即日/隔日/室温/翻热/新鲜出炉食落都系脆㗎 👂🏻➡️ 新鲜出炉：脆而酥 油香而不腻➡️ 翻热：脆（偏软）➡️ 室温：脆（偏硬） 口感似核桃酥绝对系老猪食过最好味嘅菠萝包🏆.❣️🐭总评分🐷❣️味道：8.6/10 服务：8/10 （我问姨姨可唔可以影相，二话不说帮我拎住盘菠萝包，影完先话其实系新鲜出炉个盘超热🔥，太好人了🥹）环境：7/10CP值：✴️ 超高 ✴️ ENCORE：✅ （全家已encore左无数次😂）.自费️⭕/试食.📍英发茶冰厅📍观塘辅仁街16号地下#米奇老猪_观塘区#米奇老猪_包#米奇老猪_花生#英发茶冰厅 #观塘美食 #观塘好去处 #街市 #观塘餐厅 #观塘工厦 #骆驼漆大厦 #菠萝包 #菠萝油 #菠萝面包 #蜜瓜包 #花生酱 #花生包 #花生控 #肉桂卷 #香港茶餐厅 #茶餐厅 #茶记 #港式早餐 #港式面包 #香港面包 #蛋挞 #香港美食 #港式茶餐厅 #西贡咖啡饼店 #香港必食 #pineapplebun
继续阅读