苡喬餐廳

营业中

休息中

今日貢左黎荔枝角呢邊, 呢間苡橋係第一次食, 外觀幾有格調門外面放左餐牌, 午餐50-60左右, 比同區平衡黎講係貴10-20入去一睇就知小本經營, 枱唔多, 地方其實幾細,不過我去果陣差唔多兩點, 所以無咁多人點左個鴛鴦扒飯, 連湯+茶1. 羅宋湯: 有菜無肉, 無落辣油, 跟一般餐湯無異2. 燒汁: 調得好, 味道有少少扒房feel3. 豬扒: 配角, 細, 薄, 過熟, 無味, 失望, 完全唔配呢個價4. 牛扒: 主角, 實質係牛柳, 午餐黎計size算大, 係薄左d, 仍然保持牛肉既肉汁味道            唔算靭, 絕大部份咬得爛, 中位價錢算好5. 凍咖啡: 啡味偏濃, 接近炭燒果種, 我個人黎講滿意既常餐$58 + 凍食$3

平時好少機會過去青山道長沙灣過邊食野，事關又曬又熱，啲港女同事都好抗拒⊙ω⊙不過，最近聽講附近開左間新既日本餐廳，仲要大件又好食，咁就拉隊組團去試一試啦!! 1點鐘左右過到去已經差唔多Full晒人，好彩咁岩有張枱吉左，所以好快就入到去食Lu。 午餐套餐由$50起跳，配有一個餐湯。 因為我好鐘意任何既鳥冬，所以就點左個豚肉餃子配烏冬，睇睇佢點解咁多人都會黎食 ©©首先，黎左一個餐湯先。我就要左個白湯，驚喜就欠奉架啦，個湯就略為吉身左啲，可以花多啲心機整得滑身啲>< 不過原來有少少海鮮既湯料，所以口感都唔錯。之後，就上主食啦 先講一講豚肉餃子先，四隻餃子，分量唔細，都岩岩好夠我食既⊙⊙ 餃子既涵料自然選用左豚肉，味道鮮甜好香 另外，煎得好好，餃子唔會太脆身;加上個面皮微厚，食起來較有咬口。總體而言，質素尚叫中上啦。 然後就點評一下個鳥冬，豬骨湯既湯底飲唔出好重既味精味，配上鳥冬的清甜，效果不俗。配料不多，有魚餅，西蘭花，栗米，味道唔特別，就係平時食開個啲。PS 侍應好有禮貌 但要注意空間比較迫隘，未必食得好舒適##

咁啱要行一行去荔枝角搵朋友，順便入個地方快食個靚飯。行過呢間名叫「苡喬餐廳」，當我倆仲諗緊個名解作乜之際，原來同英文「E.Q Restaurant」perfectly match！門面似茶記嘅格調，但入面又有類似中檔餐廳嘅佈局，引起咗小妹同朋友嘅興趣一於入去試試佢。入到去，見到所有座位都有厚身座墊，連餐枱都有鋪塊袋喺面，環境感覺係比普通茶記係稍為舒服。由於食午餐嘅關係，基本上係一塊「午市套餐」牌通天下，一望餐牌，二話不說就叫咗「雙重芝士焗鮮茄豬頸肉飯」，而小妹朋友就叫咗「鮮茄豚肉丸天使麵」。（編按：餐牌會日日轉款，相中餐牌同唔係食個日有少少出入）主食未到，先上餐湯。我倆叫咗一紅一白，事後小編眼見朋友叫嘅羅宋湯原來好足料，湯裡成碗都係豐富雜菜，早知都跟埋一齊叫紅湯。跟著「鮮茄豚肉丸天使麵」先上，幾粒豚肉丸伴隨著中間塔狀嘅天使麵，鋪上帶點茄肉嘅茄汁，望落個感覺幾Fresh。上面仲有少少沙律菜做點綴，淨係睇賣相都有少少喜出望外。食落口，茄汁夠開胃，天使麵亦煮得唔會有太「淋」，keep番應有嘅硬度同咬口，唯獨是肉丸稍為覺得煮得過熟，乾咗少少，唔夠Juicy。隨後小妹嘅「雙重芝士焗鮮茄豬頸肉飯」

公司搬咗嚟都新快一年咁滯 平時來來去去都係同同事落樓條街果幾間舖頭食晏 過多條馬路都嫌費事 有時都食到好厭… 咁啱 有朋友仔約食妟 話帶我去青山道個邊食 好 反正冇主意又冇所謂 到咗係門口企咗陣順便叫埋餐 我叫咗個午市套餐- 燒汁豬排漢堡飯 之後安排入座 坐低先嚟個紅湯 夠熱 味道唔錯 如果以晏晝餐嚟講 算係水準之上

公司附近新開食店，招牌仲貼住紅紙，所以開頭都唔知間鋪叫咩名！今日食晏時間特登早啲去見識下，坐低見餐牌有鋪頭名「苡喬餐廳」唔太特別，英文名「EQ」就令人印象加深。餐牌清楚到一睇就明有咩食，符合晒商品說明條例。試咗腸仔肉醬意粉、咖哩雞扒烏冬同肉丸天使麵，先講餐湯羅宋湯，估唔到好足料，飲(食)完飽咗一半，烏冬先上，睇落無咩特別，有咖哩味，但雞扒就比附近餐廳大件，煎得好香；跟住肉丸天使麵，無諗過會有沙律菜同蕃薯片伴碟，成件事高貴咗，肉丸食落味唔濃有別一般餐廳，天使麵份量足，但略為'淋'咗啲；肉醬意粉出場，可能焗所以耐啲，同樣有律菜同蕃薯片伴碟，但重點係芝士，芝士同肉醬比列剛好，唔漏又唔會搶咗肉醬味，意粉仲唔係茶餐廳式發脹意粉，感覺好意式，係三款中最好食的，但肉醬好似加咗少少少少汁咁；最後飲凍檸賓超足料，飲到尾都唔好淡咗。總括嚟講係值得一試