蘇菲熊茶屋

营业中

休息中

今日要去荃灣處理一些事情，就再去惠顧呢間小店。我幾個月前來過一次，試左佢地既意粉同漢堡，佢地大廚好掂，食物色香味全，性價比高過noc。今次就試左全日早餐同黑椒鴨胸pizza。全日早餐既窩夫口感鬆化，蛋香同牛油比例岩岩好，其他包括炒滑蛋，薯仔沙律，車厘茄都得好好，細節都好認真處理。pizza餅底係薄脆，芝士同茄蓉份量合適，配上鴨胸同黑椒，非常美味。飲品叫左Latte同京都極上玄米茶拿鐵，我吾係飲咖啡專家，不過都飲得出呢款咖啡豆係優質貨，非常好飲。今時今日經營食店非常困難，我見佢地生意吾算太好，但都好認真做好每個細節，係難得有誠意既小店，希望大家去開荃灣可以試下，支持下本地經濟。

我通常好少寫評價，但今日食過呢間性價比極高嘅隱世Cafe，忍唔住要留言讚一讚。今日同friend聚會，揀咗呢間係荃灣嘅日式Cafe，三個人叫咗pizza，大蝦明太子忌廉意粉，同埋all day Breakfast。Pizza好特別，個Pizza皮好脆，上面嘅肉亦都好juicy好好味，忍唔住食咗幾塊。另外好鍾意佢個明太子意粉嘅sauce,味道剛剛好唔會太鹹。最驚喜係All day Breakfast個pancake，好香蛋味，外脆內軟，食得出係用心之作!飲品方面杯玄米茶latte都幾有驚喜，好好飲，甜度適中。小店雖然唔太大，但啲位都坐得幾舒服，下次會再嚟！

久違的去行荃灣，係小商場嘅一個安靜小巷試咗間小Cafe, 卻發現出品誠意十足，有驚喜！呢間小cafe係對年輕夫婦開，店小小的，座位唔多，但勝在夠整潔，環境靜靜的，坐得舒服。食物選擇唔算多，但係試咗幾款嘢食都十分有水準，係呢個街坊小商場裡面都幾令人有驚喜跟餐嘅粟米湯同蒜蓉包個粟米湯係我暫時試過最好飲嘅粟米湯，除咗有原粒粟米，仲有打碎咗帶點爽口嘅粟米碎，好有層次，質感同罐頭粟米湯或一般餐廳飲嘅完全唔同，明顯係自家心機製作，極力推介大蝦忌廉明太子意粉明太子一向係我喜愛嘅，呢個意粉嘅大蝦十分爽脆，配上份量唔少嘅意粉，食得我好滿足手工製吉列蝦扒漢堡配薯條朋友叫咗個大蝦漢堡，我試咗少少，用料都好新鮮，塊蝦扒幾嫩滑，薯條都炸得好脆，唔錯唔錯，只係漢堡飽一向唔係我至愛。日本黑芝麻拿鐵cafe比較少見黑芝麻拿鐵，所以試試。芝麻味好香濃，唔會太甜，飲到杯底最後幾啖仲有點芝麻糊嘅感覺朱古力心太軟寫係小店牆上嘅期間限定menu就有呢個心太軟。呢個係小店自己整，唔係來貨加熱嘅，濃濃嘅朱古力味同流心效果交足晒功課。老闆娘知道我哋有人最近生日，仲寫埋生日祝福語係碟上面食埋呢個甜品，今晚好滿足下次我會再黎試埋個雞胸意

係屋邨商場𥚃店舖位置不多 但都坐得舒服叫咗兩個意粉 兩杯嘢飲卡邦尼意粉 個蛋係水波蛋 好味！蝦意粉有6粒蝦俾足料嘢飲叫咗焦糖咖啡，芝麻拿鐵兩杯呢度味道都好好 價錢合理推薦可以去食！

機緣巧合之下幫襯了一間剛開張的隱世小店～同朋友過咗一個悠閒的星期五～走入小店嘅原因係同附近嘅餐廳非常不一樣～餐廳光猛舒適～十分舒服～同朋友叫咗四個意粉share～本身諗住價錢唔貴都冇咩特別期望但出奇地四個都好味～個人最鍾意菠菜蓉雞胸意粉個雞胸好嫩同忌廉白酒蜆意粉～食到淡淡白酒味同店員閑談之間 發現原來店員就係老闆娘負責水吧同蛋糕 。廚房嘅廚師就係老闆～佢哋放棄咗高薪厚職嘅銀行同IT工作～去咗唔同嘅機構去學煮嘢食同蛋糕開舖頭追夢～現今嘅世代真係好難得～可能因為投緣 老闆娘仲請我哋食佢新鮮焗起嘅伯爵茶蛋糕～極級推介蛋糕鬆軟，入口即溶 ～連從來都唔寫食評嘅我～覺得都要出寫返一封食評支持支持～佢哋嘅食物質素絕對有保證～我一定會回頭 試吓今日未有機會試既Burger

今日去開荃灣買嘢，行到有啲餓又見到新開cafe，就去入試吓個下午茶… 地方雖然小小但環境都很衛生亦不會很迫，所以坐得舒服。由於店舖位置在商場1樓（較寧靜)，加上是星期日的下午，所以感覺十分悠閒～點餐的時候，店員親切有禮，對客人的提問都樂於解答，很有耐性，讚！今次試咗朱古力雪糕窩夫，嚟到時已經見個擺盤都感到很用心，而且發現有爆谷，感覺很特別！暖暖的窩夫和冰凍雪糕好夾，非常好味！呢個價錢($55)包埋餐飲，都算幾抵。呢餐體驗不錯，食到用心製作，下次嚟開呢邊都會再試埋lunch！