蘇浙滙 (太古城中心) (太古城中心)

营业中

休息中

今日同舊同事食飯，去左太古蘇浙滙，叫了幾樣很好吃，之前去過黃埔那間詠x x ， 真係差天共地，詠xx完全唔掂！今日叫左黃金炒飯，香煎小黃魚、炒鱔糊同埋生煎飽(熱辣辣又多汁)必食推介👍🏻，碟碟有驚喜，完全沒有違和感！仲有出色嘅服務，我跟同事講食唔晒要包走，部長唔駛叫就埋黎問我都係咪要包走，幫我處理，扺讚！好貼心❤️服務一流🫰🏻

服務態度非常差，樓面上菜係掟碟落枱，服務完全沒有水準，叫職員幫手追單、換碗碟、加茶，態度極不耐煩。價錢唔係平，食物尚算可以，不過出邊大把選擇，點解要俾錢受氣。絕對不會再幫襯。上湯碗拍拍聲掟上張枱，又倒瀉湯；切松鼠黃魚職員制服成個手袖hi晒落條魚度；叫聲唔該幫手追單，職員又唔耐煩又大聲叫‘等一陣等一陣’ 四千幾蚊幾個人食唔算貴唔算平，但係啲咁嘅態度真係唔直👎🏻👎🏻👎🏻。唔係一個職員係幾個都係咁，究竟間餐廳發生乜事

平日星期二中午，返工lunch time, 叫咗3個lunch set $178@, 12:38 order, 主菜要45分鐘才上齊，叫侍應跟下，就hea 你話係咁耐，追咗3次先話幫你睇吓，完全唔helpful，可能真係無辦法快吧，但打工仔lunch hour 只有一個鐘，又點會唔趕呢….主菜分別叫了蔥爆牛肉，糟炒魚片，醬炒雞丁，沒有鑊氣，差不多味，很普通….茶錢$18，裝修不錯，但行高級餐廳路線食物普通卻給這種服務質素，無下次

一家之主生日🎉我揀咗間米芝蓮一星餐廳，同佢去撐檯腳。呢間主打新派上海菜，裝修高雅座位舒適，特別一提佢哋服務真係好好。米芝蓮一星真係名不虛傳，我哋兩個人點咗5樣食物1️⃣黑魚子煙熏蛋，真係食得出外皮有煙熏味，勁勁勁好味😋2️⃣蒜香椒鹽骨，椒鹽骨切到細細舊，一口一舊，非常貼心，熱辣辣上檯又脆又香口。3️⃣印尼蝦餅，睇menu幅圖已經覺得吸引成個pizza咁，食落口外脆內軟，每塊都有一隻蝦响面，香口嘢食到停唔到口。4️⃣蝦籽撈面，勁多蝦籽，個麵撈埋個汁食very good。5️⃣蘇浙湯包，signature菜色，食上海菜必食！

近排份工要走嚟走去，可以試到平時未必食嘅嘢，第一次嚟蘇浙滙，同事訂咗枱，有得坐卡位，環境同床位都舒服，但性價比真係有啲低🧐叫咗嗰午市套餐，佢係按照唔同人數有唔同組合，3位可選兩個前菜、三個主菜、三個湯羹同埋甜品前菜嗌咗古法煙燻蛋同香茜撈咸雞，好普通😅 真係有啲失望🥹主菜叫咗糖醋魚片、賽螃蟹同黄金蝦仁炒飯🧐 魚片味道OK，但口感麻麻，賽螃蟹正常發揮，最好食反而係嗰炒飯，足料，份量夠亦炒到粒粒分明👍🏻湯羹兩款都OK，無乜特別🧐 甜品有酒釀丸子或者楊枝甘露揀，我自己揀咗酒釀丸子，多丸子，但唔夠味😂埋單位位$200幾，就算加埋環境同地段分，性價比都好低🥲 唔會再嚟食🥹加上佢有漏單情況，要自己對一對😅

天氣太熱 ，不想吃米飯， 擔擔麵是個好選擇 。今日點咗兩個小菜， 蘇浙招牌樟茶鴨， 砂鍋扁尖豆腐煲 ，加一碗擔擔麵 想不到 最出色的是擔擔麵， 麵靚湯正， 令成餐飯都生色不少。 樟茶鴨都幾好食， 可惜肥咗啲 ，皮多肉少 ，好似都唔夠半隻鴨。 另一個豆腐煲， 就整得太鹹。 筍尖同青豆都少， 有少少失望， 好彩碗擔擔麵補番數。 一碗好味嘅擔擔麵， 最緊要係麵底靚 ，加埋一碗上湯， 花生醬 ，香蔥， 個湯底唔好太傑 ，最好有少少醋， 咁就最正啦 ，今次碗擔擔麵又特別大碗 ，兩個人食都夠 下次嚟都一定要食擔擔麵😋😋。

I dined here at the taikoo branch with my husband and his elderly grandmother for lunch on Tuesday 4 January. We had the set menu and three hours later I was vomiting and had the worst food poisoning of my life. I’ve basically been bedridden without any food for the past 24 hours - never have I had this issue before dining in Hong Kong.

以前食過兩次，都係$168一位套餐，價錢唔平，但尚可接受，但食埋今次，唔會再有下次，CP值極低，㺅頭菇湯得幾粒0.5cmx0.5cm菇類，味道非常淡，肉碎青菜炒飯無料多油，蝦仁兩面黃變素麵，糖水得兩啖，回窩肉同肴肉還可以。

睇完戲8點半去食， 9點15last order. 服務員個個有禮好有誠意。 feel到好想serve我們。 野食出得快，唔洗等咁濟。 食物合乎價錢上的預期。 茶都幾好飲，可惜10點要，如果唔係可以飲多幾柸坐耐d。 會再黎食。

呢晚我地去左太古城揾食， 家姐話想食上海野， 就揀左去蘇浙滙。✨蘇浙湯包 $68湯包熱辣辣，鮮味非常，係必食既小點心。✨山藥雙瓜炒秋葵 $138每一餐我都堅持要均勻飲食， 必定要有蔬菜。山藥秋葵都好有益，仲有可降血壓既西芹， 成碟夠哂營養高纖， 可惜略為多油。✨松子魚 $398每次必點既，味道酸甜開胃， 魚肉嫩滑，表皮炸到脆卜卜， 加上有一堆我至愛既菠蘿， 必食推介。✨紅燒肉 $198我一向怕食肥豬肉， 但呢個我都好ok接受， 肥瘦均勻， 唔會食到一口肥淋淋， 肉質軟糯，味道濃郁， 配上白飯食就更好。✨脆皮龍崗雞 $198皮脆卜卜，食得出係鮮雞，唔係冰鮮，肉質彈牙，味道剛剛好。雖然價錢唔平，但有如此質素， 絕對可以接受，會再encore!

老闆又即興請客，當然一如既往都係揀中菜，太古地區都無咩行政級食肆，蘇浙匯都係其中一個選擇，😎———————————————————————————🥢涼拌海蜇、煙燻蛋🥚💬前菜點了兩款，精美而且味道佳，尤其係燻蛋，簡單而隆重嘅感覺😌.🥢煎鍋貼、小籠包🥟💬都係指定動作，小籠包要夠皮薄多汁💦，鍋貼要煎香口肉嫩，都做得到😌.🥢砂窩雲吞雞🐔💬好似已經唔係再用砂窩上菜，精製雞湯加埋雲吞，夠熱辣辣又夠濃郁😌.🥢鎮江排骨🐽💬醬汁掛在排骨上，酸甜度適中，「濃油赤醬」嘅效果絕對是真理😌.🥢炸脆鱔💬脆鱔又係另一款常規菜，唔係度度好食，同炒鱔糊一樣，要有功架😌.🥢蒜子魚湯浸菜苗🥬💬吃咁多濃味嘢都要清清口腔，點返碟菜加埋魚濃湯先滿足😌.🥢樟茶鴨🦆💬樟樹葉加茶葉煙燻味滲入鴨中，配上荷葉包子一拼進食，先夠正宗😌

今時今日嘅經濟環境, 每間餐廳服務態度應該比以前好，可惜呢間餐廳服務態度實是意料之外⋯⋯差差差！！！我跟同事二人在7月9日中午在這間餐廳食午飯, 叫了兩個冷盤，兩碗湯麵，一碟菜，一個蘿蔔絲酥餅. 冷盤是兩條小黃魚，有手掌般大，我叫侍應切開，佢用把刀切開一半，我跟他說幫我切細件些，佢竟然俾把刀我説《妳自己切》🙄後來埋單，食物多了要帶走，夥計給我三個盒（但佢沒有問我要多少個盒）之後就比張單我，我說只要兩個盒請扣起一個盒的價錢。夥計沒有反應，我望住佢，佢背住我說得啦。唔好講食物質素，有呢種服務態度幾好食唔使錢我都唔會再去。埋單+1服務費再加兩個盒要$700⋯⋯聽聞是米之蓮餐廳🙄🙄係咪搞錯咗呢？

今天中午經過蘇浙匯，見到宣傳168自助午餐便進入一試。地方寧靜服務熱線情。湯好一贊！主菜點了糟炒魚片又咸又不新鮮、點了肉片兩面黃結果兩面都唔黃、甜品掦枝金露尚好。平均每人$200價錢不算便宜這個食物水準差強人意。

是次份量3人同行咁一枱食。.午市自選套餐 $168位,最少2位起。(只限平日星期一至五).冷菜 Cold Dishes🍴糖醋小排🍴香茜撈咸雞.冷菜方面, 3人可自選2個菜。糖醋小排同撈鹹雞份量上都令我地都好滿意, 起初以為前菜實好細碟, 點知冇令人失望。味道上,糖醋小排d醬酸酸甜甜咁,真系令人好開胃。咸雞就啖啖肉冇骨同真係幾鹹。.湯羹 Soups🍴圓肉猴頭菇燉豬展.湯, 個湯一聽落就知系好補。因為平日工作辛苦,都打算叫黎補下。由d湯渣見起,碗湯都好足料下。飲落都幾清甜。可惜有位朋友碗湯入面有隻昆蟲,餐廳方面都有換過另一款湯羹俾佢。.熱菜煮食 Main Dishes🍴八寶辣醬炒年糕🍴糖醋魚片🍴蝦仁兩面黃.主菜上, 3人就每人可揀一樣主食。3個主食份量都叫大份, 個年糕煙煙銀銀咁,又有少少辣味,個汁又夠濃,唔錯。糖醋魚片酸酸甜甜, 又冇骨又大片,好岩送飯黎食,可惜我地冇叫碗白飯。另外,個蝦仁兩面黃個麵食落都仲系脆,好有口感,好有食媽咪麵個口感。撈埋個汁一齊食,食落就更加多層次。.甜品 Desserts🍴楊枝甘露.甜品,我就選擇左楊枝甘露。份量唔大,但都好足料系入面,正面發揮。.環境上,枱與

從來未試過呢間上海菜，雖然，聞名已久喇！心諗都係一般嘅上海菜館⋯⋯朋友約晚飯局，抱姑且一試的心態，並沒什麼期望⋯⋯準時到達，舉目所見已經有不少人客，卡位早已全部滿座...被帶到一個角落，位置很清靜，沒有侷促感。張枱很夠寬，2人面對面坐，都不覺得太接近，頗安心也！而與其他人客的枱，距離都很寬敞，及格的！（連鄰枱的談話，笑聲，完全沒有傳送過來...）前菜：黑醋松子牛油果蝦球，配搭新，黑醋味道剛剛好，酸酸甜甜，好醒胃，松子很多，牛油果香甜可口，蝦球爽口新鮮....好正呀👍👍佛門腐皮卷外層香脆，內層軟，夠香口，送酒一流酸菜筍奄尖桂魚份量大，好正宗，酸菜，筍奄尖及粉皮，皆入味，桂魚片，無骨，有魚味，滑溜，麻辣味調較得恰到好處，湯夠香濃，夠清甜👍👍生煎包，不過不失甜品楊枝甘露及紅棗泥拉糕很精彩，好吃很值得推薦的上海菜