影片
平日都会系旺角周围食野 经过麦花臣球场见到花臣车仔面，我谂个名系咁改出黎！价钱合理 又多选择 餐牌设计精简叫左好多港式小食猪皮相当入味 菜亦不会太老而且仲系热辣辣～鸡翼非常入味 牛腩非常林身仲有炸蒜比你选择 加埋会更加香 汤底好浓味 系瑞士汁 好正！份量十分足够蟹棒超级大条！ 冬菇很入味，面都相当爽口 口感不错仲叫左咸蛋蟹肉 十分有惊喜，有丰富蟹肉，加上咸蛋碎粒和浓厚既酱汁，配搭很好！最后仲叫左野饮 ～
继续阅读
老公转左去旺角番工，佢话平时行过见到一间新开嘅车仔面，装修好特别，话我应该会钟意，今晩我放假就去旺角等佢收工一齐去试下，佢带住我穿过横街窄巷，终于都到达，装修的确系几特别，一入门口有个机械人，店内亦很多铁链铁钉，几有特色，我地坐左楼下，得三张枱，楼上应该仲有坐位，但我地懒得上去，有位就坐餐牌简单清晰，选择都算几多我叫左牛肚鱼蛋配乌冬，榨菜芝麻免费加的，牛肚卤得好林好入味，正呙，值得推介，汤底都好够味老公叫左肠仔、日式叉烧、虾饼配油面，佢话虾饼好旦牙，叉烧好有水凖饮埋忌廉同奶茶走人lu埋单89蚊扺食丫
继续阅读
真系。真系。真系唔明点解会有咁多好评 ?!我 系第一次专诚开account 上黎写食评因为真系好想话比大家知呢间野几咁差首先，一入到去咩都系自助式，都算。咁我同我fd谂住上楼上坐啦，点知乜都冇，点菜纸又冇，真系 真系 得枱同凳，同埋仲要系劲污糟，冇抹既。咁我地点餐啦，然后系要自己捧碗面上去，完全系冇人主动serve, 亦都feel唔到佢地有想serve 人既意欲，两个员工坐系到倾计，都都算。仲要落错单，写错三样野，明明碗野系冇猪皮就加猪皮，明明碗野应该系有萝卜就冇萝萝卜。要！𠮶！样！冇！𠮶！样！冇！𠮶！样！整！𠮶！样！仲要！要咖哩鱼蛋就落鱼肉烧卖！我想讲 𠮶阵间铺10个客都冇！根本就发紧梦！然后烧卖都要等10几分钟，真系怀疑佢岩岩先捉条鱼上黎起肉，仲要好难食搞到我同我fd来回行左十几转，又上又落，一啲唔好意思都冇，又唔系平过人，又冇人serve 仲有 两楼 近楼梯位置既地下有兜唔知乜野，以为系其他客人食完野冇手尾摆落地下，总之就劲不雅观，对住食野真系好核突。呢一刻，我同我fd终于知道，点解，星期五既晚上，处于旺角地段既呢间野会冇客，真系好怀疑啲食评就算要花人生宝贵既时间，我都要上黎打呢篇100%真。差评差，差，同差，落楼下茶记食都好态度过佢地，真系好野
继续阅读
有次系白布街食甜品，行出黑布街见到一间蓝色餐厅几靓，望一望原来系食车仔面？哗！乜车仔面店都咁靓嘅？店舖好特别又干净，完全有别于传统，很喜欢这店舖的装修，很有趣。最近经常下大雨的天气，外出的人少左，所以唔洗等位就可以随便拣位坐，点餐纸系枱上任你点，每个位都整齐摆放好酱料随你添加✌🏼我点，通菜、鱼片头、炸虾饼、鸡翼尖、加葱花炸蒜榨菜，选了薯粉配虾汤加辣酱，热柚子蜜，还有特色的咸蛋蟹肉，个炸虾饼好好味，鸡翼尖好入味，薯粉就无咩特别，虾汤加辣酱的确鲜味秘制辣酱辣而香，钟情咸蛋的人士可以试下咸蛋蟹肉，这里的很不错，总括而言，我觉得好抵食，平民价得来又有水准，一定会再黎帮衬
继续阅读
一种能够代表香港嘅美食----车仔面, 好耐冇食过啦，放假行完街想去食一下，今日介绍呢间 ~~ 花臣车仔面。位于黑布街, 地铁站步行约6分钟就到达。餐厅装修有怀旧特色，而且仲有楼上雅座 ! 最搅笑系有个白武士喺度看舗 !!! 车仔面配料有60几种咁𩠌，由＄8蚊去到最贵都系＄15蚊一味𩠌，又多选择, 多样化!仲有最爱街头小食：~~咖哩水鱿、咖喱鱼蛋、咖喱萝卜、南乳猪手、韭菜猪红、牛柏叶、瑞士鸡翼等。一人一张点餐纸，可以点D自己最爱食嘅嘢同埋饮品。瑞士汁乌冬🍜：汤底非常浓郁😍，仲有最爱的瑞士鸡翼🐣、黑椒牛柳粒，煮得非常入味! 而咖哩水鱿、咖喱鱼蛋都非常好味，大肠同猪红口感细滑，泡菜饺又不太辣, 乌冬亦很弹牙。咖喱鱼蛋泡菜饺通菜麦精 ~~ 太好味了 ! 总结：花臣车仔面真系材料都系分量充足款式选择多, 而大部分人都认为, 材料、汤底系好重要, 但其我觉得最重要的, 一定系「性价比高」！加上价钱相当合理，下次一定要会再黎！
继续阅读