花羨沐嵐 (已結業)

經過金魚街發現開咗間新嘅台灣鮮果茶，咁熱嘅天氣忍唔住要飲返杯☺我叫咗杯芒果多多加布丁小冰，同店員講唔想咁甜，佢提議可以 50% 甜，甜度剛好very nice，下次想試伯爵茶嘅系列同埋葡萄鮮柚綠茶

上個禮拜同老婆去花園街買啲嘢，一落車真係熱到唔想行，要搵啲凍嘢飲下。原本想去前面幾間台式手搖店幫襯，點知發現臭豆腐對面新開咗間花羨沐嵐，呢間係香港比較少見，但肯定係台灣過江龍，之前係高雄飲過佢哋啲水果茶唔錯既。於是決定試下呢間香港既得唔得先。老婆要飲甜嘢，好啦，我都要甜既。買咗一杯火龍波霸奶我既，另一杯抹茶鮮奶茶，店員主動提醒我哋like 佢哋 fb有第二杯半價優惠，慳返十幾蚊，店員幾貼心。火龍波霸奶甜度足，珍珠有咬口，奶味濃。抹茶鮮奶茶，我老婆一直飲無停過，轉眼飲嗮，佢凈係話好正，無補充。新店感覺幾乾淨，店員有禮貌。但系店鋪位置有點唔顯眼，好易錯過。希望能繼續保持水準，一定會回頭再幫襯。後記：睇返fb，上面講既第二杯半價好似改咗滿 50打85折了，不過計落其實差唔多。

帶小朋友去金魚街睇龜, 天時暑熱就飲返杯嘢, 行過見到隻飛馬, 裝修好似幾靚, 即管入去試下, 我就要左杯益力多+西柚(半糖), 新鮮嘅西柚有澀澀嘅french 感覺, 小朋友飲伯爵三世奶茶, 估唔到有珍珠又有仙草, 小朋友超鍾意啲珍珠Q彈, 仙草又滑嘟嘟, 可以encore 紅粉菲菲$28伯爵三世奶茶$28

今天經過太子見到有間新店開幕，原來係‘花姿木嵐’。入去買咗杯伯爵奶茶加珍珠和芒果沙冰，老公話都幾飲可以再去。不過唔知係咪新開只收現金，老闆要快啲裝’八達通‘啦。

經過魚街見到有一間新開的台灣水果茶專店「花羨沐嵐」，我又即管試吓佢掂唔掂先，我買左杯「芝芝芒芒」半糖，估唔到有驚喜😍，唔錯唔錯！味道調配得很好😋，下次再出開來又試吓佢其他款味道先😆

好耐無飲台灣茶，經過通菜街試試新野～花羡沐嵐～令我找回在台灣飲杯裝茶的味道，我揀咗芝芝芒芒，芝芝唔好以為有芝士呀，只係個名叫芝芝🤣🤣芒芒緊係加啦，有小量粒粒，多沙冰和茶，用最時令的愛文芒打沙冰，加茶和 creamy的海鹽奶蓋，好好味，真係好味的愛文芒肉，好幸福的原味道啊❤️新張 like埋 IG or FB, 第二杯半價，梗係要加杯外賣柳丁青茶比阿女，佢話好味要再 encore, 但一啖都無留比我試囉😑😒

經過金魚街，發現有間新開張嘅水果茶店 . 見有新張優惠，就同朋友買來試吓. 可能係平日晚上，人流不多，等左一陣就有得飲啦我朋友飲芝芝芒芒🥭🥭， 我就叫左杯芒果多多. 試了一口，芒果多多對於我來講有d太甜，下次應該叫少甜. 又試了一口朋友的芝芝芒芒， 有驚喜呀， 沙冰細滑，芒果味濃, 加上厚厚的奶蓋，好滿足呀! 超級推介餐牌上還有特別推介3款波蓋奶蓋 ( 黑龍，青龍 ，火龍)， 為食的我好想試呀，但飲完應該飽到唔洗食飯， 唯有留番下次再試😋😋