影片
招牌菜
最近帮衬左几次黄店【花果园餐厅】，食物外表看似平平无奇，但食得出其心思同真系好健康！早午餐选择超级多，奄列/常餐/欧陆早餐应有尽有，Lunch仲多选择，是日精选/皇牌沙律组合/番茄汤/鱼汤米线，真系要睇一阵先决定到食咩。鲜竹墨鱼卷番茄浓汤米线 $46番茄汤底清甜健康，米线较硬身，系我中意的口感。鲜竹、墨鱼卷亦非常足料，墨鱼卷大概有6件，质感又香又弹牙，食出淡淡的鲜味，鲜竹超多片，浸到软身但唔会过烂，整体觉得好好食而且无味精。日式饺子鱼汤米线 $44用鱼汤熬制，特别鲜甜美味，配搭超多的酸菜、芫荽，加添食材香味，亦有助解腻消化。饺子有4只，煎得热辣辣但未够香脆，猪肉馅料几好味。
继续阅读
天气炎热，lunch想食d清新食物，于是去左花果园，门口好多人等位，但入坐都算快，餐厅坐位比较窄，亦预左要搭枱。沙律餐感觉比较健康，而且系稳阵之选，叫左白汁吞拿鱼牛角包，个包夹住好多生菜吞拿鱼，酱汁都几多，拣配杂果沙律＋吞拿鱼沙律，杂果沙律竟然有椰果，整体份量大，材料丰富，真系铺满哂成只碟，而且都几好味，价钱＄56，跟餐配饮品，精选热饮加＄4，试左热黑糖姜茶，好重姜味，都几辣，另可选配新鲜果汁加＄10。偶然唔想食咁漏既野，呢间系唔错既选择。
继续阅读
我好钟意食生果，直头可以当正餐食，不过主打生果嘅餐厅唔易揾，好彩最近喺屋企附近发现咗一间，仲要质优价钱平🤤。花果园餐厅位于九龙湾工业区，剩系做早午市。叫咗个皇牌经典套餐，包括一份三文治，两份沙律同饮品，三文治嘅面包有五个选择，馅料则有八个选择，我拣咗黑椒牛肉香草包。一啖入口，只觉面包充满番茄嘅香味，入面嘅馅料除咗黑椒牛肉之外仲有青瓜片，两者一荤一素，味道搭配非常得宜，好食👍。沙律方面，我拣咗花果园沙律同埋吞拿鱼沙律，前者全部都系时令生果，我帮衬𠮶日就有奇异果，菠萝，苹果，哈密瓜，火龙果同士多啤梨，全部鲜甜多汁，食到我欲罢不能😂；后者用沙律酱捞匀吞拿鱼，粟米，火腿同生菜丝，好似细个读书时圣诞联欢会同学仔整𠮶啲沙律，虽然简单，但系既饱肚又滋味，仲有点点怀旧嘅感觉......
继续阅读
每次经过都见到有好多人排队，见到佢有鲜榨果汁都几吸引第一次试咗佢嘅番茄汤底米线个汤好清无油花，如果你系莞茜怪，真系好啱食成碗有好多鲜切嘅莞茜劲香😂咁当然你可以走青啦😆嗌咗杯鲜榨密瓜汁，非常真材实料好好饮个餐本身唔贵，加鲜榨果汁都系加$10，价钱好ok佢仲有个水果加包嘅餐，食过一次但唔记得影相系超级饱，同埋啲生果系好新鲜好甜，份量又好多如果夏天到我应该会成日食🥰最紧要系啲员工好好人，放心倾计🥰
继续阅读
人人黎到都会食沙律餐，但我偏偏唔钟意食沙律，所以每次嚟到都会点墨鱼丸米线。今次第一次叫蕃茄浓汤墨鱼丸米线。汤底，很清甜，坊间的番茄汤饮落好多时好味精同加左茄膏，但呢度既相对健康，墨鱼丸，系我大爱，一碗有六粒，又好食米线，正正常常，而份量相对比较多，食完必定饱加埋热柠茶，合共46蚊
继续阅读