花斑茶社 (福昌大廈)

营业中

休息中

花斑茶社喺觀塘嘅手搖店裏面我既Top3! 身為奶蓋愛好者🫡 佢大部份唔同嘅茶底嘅奶蓋都俾我試曬，茶底好清之餘，仲好香，奶蓋夠芝士味同cream😍 今次試左黑糖珍珠厚鮮奶~黑糖珍珠厚鮮奶 $33珍珠好好好煙韌，黑糖味又吾會太甜。我平時飲珍珠奶茶最驚就係太多珍珠😂 好彩佢個份量又啱啱好。味道: 8/10環境: 8/10服務: 8/10人均: $20-40

雖然觀塘返工真係好多人 但係勝在好多好野食今日同同事食完Lunch就口痕想去飲花斑茶社🤤最近仲要同胡老太做緊Promotion 連啲杯都好可愛呀花斑茶社既茶真係幾出色 搞到次次經過都好想飲珍珠奶茶 飲落茶底夠香奶茶都好香又唔會甜得滯珍珠口感都幾煙韌白桃烏龍 🌱呢杯都係我的最愛食落個白桃味好出 茶底又夠香 真係會係咁Encore

叫左花豹芋圓，已經唔係第一次叫，之前已食過好幾次。由落單到自取，足足用左半小時，仲要催。返到屋企飲發現係凍嘅，以前係熱嘅，而且明明寫左走珍珠，結果無走到。感覺質素差左，店員無乜禮貌。

黑糖珍珠厚鮮奶雖然冰度，糖度不能調整，正因為咁，個比例調配得剛剛好，微甜而不膩。黑糖珍珠有口感，大粒又煙韌。厚鮮奶喝起來更多了一種厚實感。宇治抹茶紅豆鮮奶香濃的抹茶與微甜、綿密的紅豆混合，很融合。我鐘意2款飲品都用鮮奶，不用奶精，飲落好幼滑，而且可以加料，例如：仙草、蜂蜜珍珠、寒天、芝士奶蓋、小芋圓，幾多組合。花豹芋圓-薰花底我比較鍾意茶底冇咁濃，清新、花香味嘅綠茶底就正合我心意！一打開係滿到瀉，好足料，有芋圓、珍珠、芋頭蓉等等，不同口感，有彈牙，有滑溜溜….炎熱天氣就到，一定要買番屋企做飯後甜品👍🏻

晚上9:45pm 入去問佢關左門未，佢話未，所以叫左杯芋頭鮮奶+寒天，收左$41之後佢叫號碼我就拎走左，返到office發現杯野根本唔係我既，變左白桃烏龍+寒天$34， 我懷疑佢左右手倒轉左～ 亂打去問佢可以點處理，第一次聽係個女仔，話杯野係到叫我去拎返，我問佢關左門未，佢話關左，之後叫我等等（我一路都好好態度），突然就cut左我線～再打去第2個男仔聽，一聽就D9我話係我自己冇睇清楚，掛住玩電話，拎錯關佢咩事～ 我話你叫號碼我拎，你同事叫錯號碼你冇責任？同埋我而家係想解決問題，唔係怪責你點解比錯我wo大佬！我話咁我而家落黎換返，佢勁串話已經倒左，因為奶唔可以放咁耐～ 我話下，你頭先個女仔又話仲係到？ 同埋我拎走15分鐘都冇叫耐？佢仲串到叫我打去總公司投訴佢果下我真係想拍手話佢勁～最後我真係忍唔住同佢講，我一路都冇怪責過你地點解會比錯我，我只係想問你可以點處理再者，我比$41要芋頭牛奶，你比杯$34白桃烏龍我，你點都退返個差價比我啦下話真係未試過買杯野飲可以嬲成咁，一黎就怪責我玩電話拎錯關佢咩事，再叫我打去總公司投訴果下真係唔知佢咩玩法～ 你想收工唔緊要呀，我問你關門未你咪話關門唔做囉，

普普通通茶飲🥕鳳梨冰茶$28⭐️⭐️⭐️☆☆🐰揀左綠茶微糖少冰，鳳梨好足料，甜度尚可接受，茶味都幾出下，但茶味5夠香，不過飲落夠解渴夠fresh。 🥕桂花烏龍$25⭐️⭐️☆☆☆叫左少冰微糖，但🐰同朋友都係感覺太甜了，係慢慢等冰再融左d就好好多，會飲到茶味，桂花味一般般。======詳情======花斑茶社 (福昌大廈)觀塘開源道63號福昌大廈地下A1號舖👣觀塘站B2出口步行3分鐘================#香港美食指南  #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #觀塘好去處 #觀塘美食 #RR觀塘  #RR飲品  #飲品控 #桂花烏龍 #鳳梨冰茶 #冰茶 #鳳梨 #桂花 #烏龍 #烏龍茶 #花斑茶社

以前嗌開都好地地 (無 漏嘢/出錯）今日經 Openrice 叫三杯其中兩杯有加奶蓋嘅結果得一杯有加奶蓋，因為個杯唔同所以即時發現到 (同埋佢張單都無打到奶蓋，可能落單時錯），前台店員都講晒唔好意思，加返個奶蓋俾我，態度好好；點知自己杯無加奶蓋嘅原色奶茶由 原色奶茶 少冰 加寒天變咗做 原色奶茶 正常冰 無寒天由於唔係透明杯，拎嗰時又睇唔到；返到去飲咗幾啖，心諗 咦 點解無寒天嘅，明明張 Label 有寫 寒天 +$5，結果飲到尾都係得 冰奶茶！齋奶茶+冰嘅話，求其嗌個茶記都得啦。咁就俾佢呃咗我 $5, 唔係多錢但對為咗寒天而嗌呢杯奶茶嘅人嚟講，好失望！無諗過 唔見奶蓋 之後會 唔見寒天再係咁，真係會趕客，幫襯咗好多次都咁話。（又或者，可能你哋根本唔稀罕)

我係呢度附近做野其實都成日飲但近來換左d 店員越黎越西今年我已經係第三次買珍珠奶茶 冇珍珠❗️但我做野地方好近所以落去換都冇所謂頭兩次都係用番我飲過個杯茶放番d 珍珠入去但今次杯奶茶係成杯整錯左有d 唔知薰衣草定咩嘅花係入面所以要成杯整過， 我就成杯比番佢之後以防再錯我即場飲左先， 我買嘅係珍珠奶茶少甜少冰但一飲甜到傻左 好明顯佢係做左正常甜冰嘅比我我比番前枱話佢冇少甜冰比我前枱拎入去問， 廚房個女仔勁大聲態度又差咁"又咩事啊？" 佢其實就係冇睇我原杯個貼紙就做， 話冇得再換話蜂蜜珍珠就係咁甜， 一就要轉無糖我隔兩日就飲一次都會唔知咩甜度先係正常嘅？ 如果d 珍珠真係咁甜就之係佢成兜珍珠都出左問題啦嬲到我話佢整錯唔只一次仲咁大聲講野之後我選擇退錢呢班員工仲係度我都唔會再去買野飲， 貼錢買難受

自從疫情以來，我已經漸漸成為這間的常客，試過一次叫四杯，杯杯都好正，我們各人都好喜歡，所以自此之後，就常常光顧他們。原因是：我們怕肥，不喜歡飲味精或添加劑，但這間的飲品好新鮮，可以選脫脂，無糖，適合減肥、愛美、修身、注重健康的人士。如果不想太淡，可以另選微糖，比少糖更少，但仍好好味。外賣送到上樓，一樣無問題，包裝保存得好好，一滴都無漏無瀉，所以誠意推介！特別喜愛：大甲芋頭鮮奶、宇治抹茶紅豆鮮奶、葡萄冰茶、芒果冰茶。一流！

食完lunch,想買杯甜甜的飲杯，行過幾個圈都無擇到心水店，行多一陣間，經過這間門口，諗起有朋友推介過，見無咩人排隊，又無試過，就同同事一齊買杯試下！黑糖珍珠烏龍奶茶 HK$34.0👍• 可熱，可凍• 勁大杯，超值• 甜度可選：微甜• 可加：寒天/仙草/芝士奶蓋• 最重要是好有味，會再幫襯宇治抹茶紅豆鮮奶 HK$43.0👍• 可熱，可凍• 份量和配料超足• 甜度可選：無甜（超好味）• 抹茶紅豆簡直是絕配！• 新鮮，好飲，飲過翻尋味

$28烏龍鮮奶茶 微糖正常冰…一啲茶味都冇， 微糖=全糖 奶味都冇 飲落成杯煉奶溝水咁 正常冰唔使1分鐘啲冰融晒一粒都冇…建議嗌返白桃烏龍走甜…其他可以唔洗嗌🤔員工都唔友善我張飛207 只係嗌一杯嘢飲，三點嘅時候仲要冇人等，只係有啲外賣，等咗15分鐘有多…到212都未見過杯嘢飲嘅蹤影 ….

朋友一直推介呢一間，果然同其他珍珠奶茶連鎖店唔同。趁佢閂門之前5分鐘入去買，收鋪之前都有幾多人排隊白桃烏龍加珍珠（$32）個茶底好濃，叫咗少甜啱啱好，飲落去有一路都有細細粒嘅白桃，好似飲緊果粒橙咁，有驚喜！多數舖頭收舖之前珍珠都會麻麻哋好食好冇甘彈牙，但呢間珍珠keep到好有咬口！

一直想試花斑茶社，經過就去試吓🤭叫咗白桃烏龍+寒天，有意想不到感覺🥰白桃烏龍內有白桃肉，好有誠意！果肉甜甜的，好有口感！再加上寒天，口感更豐富！成杯飲品不太甜！

今日同屋企人一齊去觀塘行街 口渴就想飲下野黎到呢間買左3杯其實唔算多客 但最尾差唔多等左半個鐘先有野飲我既number 288 後面29幾都出左幾張單去催佢 佢話好快 等等 一等又等左十幾分鐘 再催 又叫等等 話差一杯 點知原來佢地一早得 擺左落外賣既袋到 所以其實一早沖好 但佢地搞亂哂 要白等半個鐘到搵到野飲出黎 冰又融哂 味又淡哂 仲要蓋住杯既杯貼 係穿既 一攞杯野飲就漏哂同佢講成杯野漏既 佢只係態度好差咁 加多個蓋

本身自己就唔係特別鍾意飲廢水嘅，但係因為要請同事飲嘢；所以就求其係網上外賣平台觀塘區搵咗間珍珠奶茶，有其他平啲嘅選擇，但係為咗靚啲，就揀咗呢間。第一次試花斑茶舍，整體評分7/10；整體感覺不過不失。個人認為珍珠奶茶幾樣嘢嘅姐，珍珠有冇咬口；茶味濃唔濃；啲奶香唔香。呢間一飲落去有小小飲緊冰水嘅感覺，茶味唔算特別濃；但係整體味道okay ge，珍珠唔錯幾有咬口，正常甜度唔算太甜。如果唔係一班人叫，應該唔會再叫，冇乜特別。。。