花斑茶社 (崇齡街) (已結業)

雖然黑糖鮮奶一直都係飲開李圓圓 但係呢間「花斑茶社」估唔到有驚喜😍我地叫咗杯「黑糖珍珠厚鮮奶」先講價錢 原價$30 所有客人都有九折優惠 然後憑學生證仲有得-$2🤣鮮奶濃郁豐厚 珍珠充滿黑糖香 雖然質感唔夠李圓圓軟糯 但亦夠彈牙煙韌😋👍🏻另外 我地亦試咗「黑糖珍珠烏龍奶茶」原價$26 九折再用學生-$2，只需要$21‼️配上小編至愛嘅烏龍茶 珍珠一樣彈牙有咬口 如果鐘意茶味重過奶味嘅話 呢杯會啱你💛🥰唔知佢嘅優優幾時完 但真係超級抵飲啊😍

日日路過都好多人， 今日見少d人 兼真係好熱， 所以買左杯白桃烏龍（少冰&正常糖）。第一啖已經覺得烏龍味剛剛好，唔係浸過龍嘅苦澀濃或淡某某；繼而飲到有果肉，真係意料之外。原以為只係白桃果汁加烏龍茶，但原來係白桃果肉加烏龍茶。兩者味道都出，唔會搶左對方嘅味道。夏日炎炎，雖然叫少冰，但有果肉嘅fresh，飲完都覺得透心涼。依個正，一定會Enoch👍🏻P.S.: 自己有不銹鋼飲管，所以無拎膠飲管，環保d麻。

成日行過呢間店見佢既tiffany blue真係好靚, 今次就試試佢先. 望望menu佢既飲品都唔錯. 大熱天時我就揀咗個鳳梨冰茶(少冰,正常糖), 朋友就揀咗珍珠奶茶(少冰,正常糖). 今日重有51活動有優惠添！我攞咗杯野唔係即刻飲, 基本上天口咁熱雖然少冰但都好快就溶晒.. 但我既鳳梨冰茶重好夠味, 有粒粒鳳梨果肉, 甜度剛好好解暑. 😋 但朋友果杯珍珠奶茶就好甜, (正常叫珍珠奶茶都唔會正常糖呀嘛.. 😆 ) 要提提佢下次記得揀啱甜度!

早排曾經黃店告急所以見到好多人飲同推介💪🏻 雖然唔係台灣進駐但從而飲到份香港人嘅味道，選材採用台南茶葉、日本及台灣黑糖。Openrice 間中有推出買一送一，大家可以留意下或者ig都有講😊⭐️學生雙重優惠，出示學生證或穿校服享9折再減$2(只限新蒲崗店)⭐️早晨優惠，下午一時前全線飲品8折 (只限新蒲崗店)⭐️益力多系列$18（全線分店）💛黃店認證：11.11罷市；推出區選勝利優惠；店內有文宣連儂牆；有寄賣抗爭相關產品。.👓黑糖珍珠厚鮮奶 $30一定要叫少冰，因為叫咗都仲有好多冰！唔使少甜！用咗4.3明治特濃鮮奶，奶味都幾重。無叫少甜而甜度剛好完全唔太甜，佢黑糖亦唔係死甜味，黑糖味香但唔算好重，整杯飲品比較重奶味而黑糖味唔夠。評分：7/10👓大甲芋頭鮮奶 $32同樣一定要叫少冰！建議少甜。無叫少甜而飲落係太甜。芋泥係足料有食到有一粒粒芋粒，但完全無芋香味，係芋頭溝奶，普通芋頭奶，味道比唔上迷夏客🤣評分：6.5/10

呢排飲茶飲要叫外賣，戴住口罩邊行邊飲唔太方便茶飲都要揀顏色近排黑糖珍珠奶茶嘅人流更少，呢間台式茶飲店以茶為主我鍾意佢主打香濃茶底，反而黑糖珍奶為副，茶味更香濃不過入口偏甜，建議叫少甜最初$32嘅黑糖珍珠抺茶鮮奶端出時好掛杯擺一陣就已無咗掛杯感，紋路漸沉底厚鮮奶充滿奶香味，又厚又幼滑抺茶味好香濃，抺茶同黑糖大部份都沉於杯底最好先攪勻，否則會太甜飲到最底抺茶味最重，我只係覺得黑糖味唔夠濃至於$26嘅芝士奶蓋名間四季春最好係芝士奶蓋等10分鐘都未完全溶化，最啱芝士奶蓋迷香港好少有四季春嘅茶飲茶香明顯，甘香茶味好天然，好解渴

真心推薦每次去開新蒲崗都會專登行過去買嚟飲事關佢有我最喜愛嘅四季春茶名間四季春：好有茶香味，飲落去有回甘嘅茶味；依家有得買四季春茶嘅店吾多，有得買高質嘅四季春茶更加係買少見少，所以就算要我專登行15分鐘都會過去幫襯另外，值得一讚係佢嘅“芝士奶蓋“喺26度大太陽天氣下，外賣拎住行左5-10分鐘，啲奶蓋同茶依然可以Keep到完整奶蓋喺上面，同啲茶分開，到我坐低一飲，果種感覺真係。。。 下次一定會繼續幫襯

聽朋友介紹話呢間黑糖烏龍茶珍珠奶茶好飲，適逢見咁啱呢種款有做優惠，只需$13。再善用openrice有優惠code,真係非常抵飲，只需$3。見附近新蒲崗有分店，同埋可以用openrice apps外賣定，不需企起門口等太耐，好方便。本身新蒲崗不是太多人，所以都好快就有。建議大家要熱飲，少甜走冰，可以試真d烏龍茶茶香，因為比起其他同類店舖，佢採用烏龍茶，飲起上黎無咁甜，同埋甘味d, 值得推介店面好易認，採用tiffany blue, 店員服務都不錯。

留意左呢間飲品店一段時間了，之前搭小巴經過見到好多客人排隊，個陣做緊promotion好似$5就有一杯珍珠奶茶，真係超級抵呀👍拖左咁耐我先黎幫襯，優惠已經冇左了，不過學生出示學生證可以減價呀😉上openrice仲見到有聖誕樹飲品優惠，大家可以留意下佢ig 或者openrice呀。最主要幫襯既原因都係因為黃店💛希望屋企附近越黎越多！等我食飯都多d選擇嘛💛左揀右揀，最後揀左呢款期間限定，黑糖珍珠岩鹽厚鮮奶🍼😍熱飲睇唔到掛杯，鮮奶味好特出😋記得搞勻，岩鹽同牛奶幾match層次更豐富😘黑糖珍珠夠q彈😎Tiffany blue 好靚💙😍

真心差評，1.等左20分鐘，如果係一杯好飲既產品等甘耐係值得，但呢間我已經列入black list2. 加左8蚊雞買個奶蓋，竟然佢奶蓋係流質都吾知有無一分鐘已經沈低，奶蓋係半固體好似cream一樣完全吾係既已經影唔切佢奶蓋同茶分開個一刻，真心💔26蚊買杯甘既野茶味1啲都無產品同價錢完全不成正比完全垃圾😶😶真心吾會再買

食完飯經過見到有優惠，就上網睇睇，經openrice落單外賣自助甘優惠，就決定落堂買泥飲。要左杯黑糖珍奶，少冰，微糖。拎得既時候，個店員仲問我係咪即時飲，係既就幫我插埋飲筒，我覺得甘既服務吾錯。不過我要影相就婉拒左佢。飲到有茶味，甜度可以，但下次會揀無糖。因為珍珠咬落係有黑糖味既，飲飲下覺得微糖都甜左少少啦，而珍珠但我就覺得偏淋左少少。但呢個價錢，完全值晒。佢本身26蚊，依家特價13蚊。用埋優惠碼都只係3蚊炸。有機會會試埋新出既奶蓋。

見到做緊Promotion, 仲要係我至愛嘅黑糖珍珠烏龍奶茶，即刻決定請同事飲嘢！ 兩個柯打，共7杯嘢飲，去到因爲烏龍茶未ready, 所以要我等陣（充滿歉意嘅感覺呢！），因為我有少少趕，所以決定轉晒普通紅茶算。 店面小姐因爲唔想我等咁耐，所以入埋後勤幫手，以縮短時間。等候製作期間，有位客人想買一杯飲品，店面小姐亦無為佢打我尖，如實告知要先完成我嘅柯打，所以要佢等數分鐘。 既然您哋如此老實，我亦不妨成人之美，多等數分鐘😉今次飲唔到黑糖珍珠烏龍奶茶，but I will be back😆

之前搭車經過見到呢間茶社多人排隊，而且我覺得個店名好特別，容易記，所以食完lunch同老公特登來試下。 去到現場諗住睇下飲咩之際，見到有個優惠好吸引，只要係開飯平台下單外賣自取就可以以優惠價$13買到杯皇牌黑糖珍珠烏龍奶茶同$12泰茶。入埋個優惠碼仲可以減$10，我同老公都要左黑糖珍珠烏龍奶茶，每杯都係$8，好抵呀。講番杯黑糖珍珠烏龍奶茶，我哋分別叫咗一杯凍一杯熱，我飲熱嗰杯，味道濃厚，偏甜少少，如果茶味再濃番少少味道會再出啲，珍珠好彈滑，份量都多。凍嗰杯試咗啖，甜度剛剛好。

平時都有飲開，之前飲過款黑糖鹽厚鮮奶 好味👍🏻推薦一試今日見有兩款做緊優惠，再用埋優惠券只係$3杯珍珠有甜味又好咬🤤 好味！ 烏龍奶茶都好香！員工好有禮貌👍🏻👍🏻

最近，經過新蒲崗呢間新開花斑茶社，試飲呢柸黑糖珍珠厚鮮奶，d茶係近期飲既至好味，甜道適中，奶夠滑、珍珠彈牙，茶味濃郁，下次要再試其他款，而且老板勁nice，推介不同款式，值得推介俾朋友