花墟茶餐廳

营业中

休息中

同表妹行完花園街， 買了T-shirt, 頸鏈，耳環，滿載而歸. 諗住搵間茶餐廳食下午茶，順便休息吓. 花生醬西多士 $32～西多士上的牛油，睇個牛油賣相已經唔滿意， 好彩西多士味道過得去. 洋蔥豬扒包 $36～豬扒肉質好乾，冇厘味道， 一個不合格的豬扒包.今日的下午茶，破壞我哋開開心心嘅shopping心情.

明明寫住包湯, 伙記話其實是不包需要加錢的, 那麼不應該寫在menu說包湯.. 明明是晚餐, 嗰個焗意粉細得可憐, 盤子已經很細, 還要意粉只有盤的一半, 餐廳內不停有很多飛來飛去的昆蟲... 很少有這麼差的茶餐廳, 絕對不會再回來！

喺花園街一帶行完有啲攰，所以想搵間茶餐廳飲杯嘢，見到奶油脆豬唔使$30有杯嘢飲都OK就入咗去啦，凍檸茶合格嘅，不過奶油脆豬就…..一般，唔夠脆唔夠熱，另外叫多咗一個咖央多士，呢個多士就真係難食到爆，話明多士就梗係烘底啦，但佢只係輕輕整返熱，同白麵包搽啲咖央冇分別，啲麵包「侃」嘅，賣相已經唔得，溫度又唔得，味道又唔得，口感又唔得，唔想食，我認為做一間茶餐廳製作多士係好基本嘅條件，應該唔難整，點解都做到咁呢？真係冇下次

走到附近，正好肚子饿，下午三点多，店里人几乎是满的，但不用排队，就坐下点餐了，味道不错，服务态度也还可以，属于是下次可以再来的餐厅，特别好吃也没有，但价格也很便宜，两个人吃不完，才 102 hkd省心

我家姐同我講佢係吧度食早餐。餐廳上菜非常慢，而且啲單頻頻攪錯臺號。侍應態度又差，係後面嗌係咪叫米線？咁正常唔係自己梗唔答，最終冇人答。佢突然大力放落我張枱。我話唔係我架。佢先死死地氣攞番走。如是者，幾枱都係有差不多經歴。我隔離嗰枱日本客，仲慘，攞着張單問侍應點解咁貴。跟著比個侍應耍一輪。佢地就話okok. 面上無半點不悅。跟著仲非常禮貌地拍埋張椅先走。初期我唔知佢之前點咩，所以唔明咩事。點知佢地走後，碟蛋，多士同腸先到。😢

上個星期末去咗花墟茶餐廳食個tea，下午茶時間要搭台對面差唔多完餐剛上就走，我叫夥計膜膜台夥計有D唔耐煩先黎咗碟咖喱，食Q曬都没仔細睇里面有D咩，味道還可以食曬碟咖喱后先黎碟焗豬，焗豬食到一半發現有隻小强有D想嘔，跟餐野飲一滴都沒飲就走人食咗一半發現有小强（有图慎入）

原來要200字先至可以俾評分我就係為咗要俾評分所以我都盡一切努力唔會懶就係希望大家睇到我呢篇嘢小心為上唔好去幫襯貼錢買難受尋日係星期六大約下午1:00係我嘅第一餐亦都係第一次幫襯見仲有類似早餐嘅通粉米粉火腿奄列多士就入去試吓點知🥶嘢食普普通通唔緊要坐得唔好都唔緊要班上了年紀嘅阿姐唔想做就唔好做無謂搵啲客嚟出氣服務態度真心差到一個極點👎🏼唔好再比佢哋影衰香港飲食業大家如果行過有勇氣可以去見識吓👻

如果一早嚟太子，我都會喺呢間茶餐廳食早餐，平時繁忙時間呢度都幾多人（似乎好多都係熟客），一定要搭枱。今日十點幾行過見冇乜人，諗住入嚟食個早午餐，叫咗早餐牌上嘅雞扒米線。平時早餐時間食啲雞扒新鮮炸，外面脆、入面嫩，好好食。今日叫咗雞扒米線配雙炒蛋、熱鴛鴦同多士走油。賣相唔錯，不過可惜入口就完全唔一樣。今日啲雞扒好肥，要去皮同埋切走啲肥膏，仲有啲米線漲哂，好似煮咗或者浸咗好耐，淋到「入口即溶」🤣，可能有啲人會鍾意咁淋，不過我就覺得麻麻。炒蛋同平時差唔多，不過如果你想要熟啲，記住落單嗰陣講埋。今日塊多士一定唔係即烘，平時又熱又脆，今日又凍又淋又靱，可能到放咗一段時間。😢好彩杯嘢飲仲好okay。今日呢餐有啲令人失望，以為非繁忙時間會好啲，點知原來唔係。不過$39咁嘅份量就抵食嘅。

未食過間茶餐廳服務態度又差野又唔好食頭頂成大個冷氣風扇吹住曬反映完全冇理冇處理過仲要態度奇差如果唔係因為落左單焗住要食都走左仲要啲野食一啲都唔好食喺太子食過咁多間茶餐廳服務態度食物質素最差就係佢地

入到見到已滿座，喺我前面仲有一家三口等緊。有個姐姐坐收銀位，見狀就叫客人去門外排隊等，識用把口叫人去門外等，個人就繼續坐收銀位慢慢揮筆寫餐牌。其他客陸陸續續湧入舖內，任由佢哋打尖，最基本寫張紙仔派籌都唔做(可能佢淨係識做寫餐牌掛)。未入到去坐低食已經一肚氣，本地飲食業點解生意咁差，呢啲舖正正助功唔小。最後本人即離場以示支持。

3月16日幫襯此店，帶位落單的侍應見我地生面口，態度很一般，但她帶熟客就很熱情，大細超。坐旁邊的侍應裝一大碗湯料配自己午餐，我們就得半碗湯還沒湯料。唔係貪啲湯料，咁樣明目張膽畀客人睇住就很不好！！

成條街啲餐廳都坐滿人，經過呢間見新裝修望落都唔錯，仲有位添 就行入去試吓，點知中伏😱。叫咗個湯飯試吓。點知苦瓜又黃又爛，咁客氣地要求更換啦，當時男服務員已經黑口黑面，換完出嚟仍是一樣，見到十分嘔心🤮，要求取消單，男服務員立即態度奇差，喵嘴喵舌，更出言侮辱，還說食幾十蚊嘅係咁㗎喇，呢度唔係五星級酒店，更被他大駡一頓😱😱😱。終於明白同－條街其他餐廳坐滿人，仲要排隊等位。呢間－入去就有位坐😔😟

#小秘書 自小就有磨牙習慣🥴 其實好幾年前，牙醫叔叔🦷已經建議我要戴住 #牙膠 瞓覺🥴 不過我當然轉個頭就無咗件事… 直至今年去檢查牙齒嘅時候，先知道隻大牙比我磨裂咗😅 搞到要比幾千蚊做隻牙套💔每次見完牙醫，都因為麻醉藥未過，起碼要禁食五六個鐘先可以食啲流質食物😅 所以我今次預早出嚟，食個 #下午茶 先上樓👀 #太子 一帶，其實都幾多選擇，不過時間匆忙，只好求其搵間餐廳坐低速食就算！左揀右揀，最終我揀咗街口嗰間「花墟茶餐廳」… 貪佢外型夠晒地道😆 呢餐我揀咗 #生炸雞髀 配 #沙律，#雞髀 名副其實 #即叫即炸，所以就算我趕時間，都需要啲時間等候😅 師傅控制得火喉都唔錯，咬落去仲有啲豬肉汁，味道都唔錯🤤 不過呢… 坐低冇幾耐就被阿姐無理要求調位，仲要邊食邊忍耐枱上飛舞嘅 #烏蠅 🪰 騷擾😅 … 睇嚟下次 #小秘書 都要做定research先好去新店幫襯喇🥴📍 花墟茶餐廳 (太子)花園街207-207A號

50/50 的茶餐廳今日兩個人點咗：常餐：雞扒通粉 + 火腿奄列雞扒炸得幾好味，火腿奄列煎得幾香公司三文治：入面嘅火腿好似炸咗好耐，好乾所以感覺 50/50，有好有唔好😅

因為參加咗旅行團需要喺土瓜灣等旅遊巴上車。早上7點幾已經到達土瓜灣。太早未食嘢😊見到這間茶餐廳。叫了早餐：沙牛麵+腸仔炒蛋配厚多及咖啡$39餐廳食物：牛肉麵可以都好味😋及公仔麵煮到剛剛好👍