花園餐廳 (金百利廣場)

营业中

休息中

還是銅鑼灣的花園餐廳比較好食，服務員態度也好好。牛扒多汁夠肉味而且好大份，個人比較喜歡牛柳多過肉眼/西冷！不過龍蝦頭啲膏好似霉霉地？但係個身啲肉好實（食落都幾正），係細舊咗啲，如果大隻啲就好啦😆整體都值得嘅聖誕節嚟講，食到好飽😋

銅鑼灣餐廳選擇好多，但都好多人，搵食tea既地方突然唸起好耐冇食花園法式西多士烘得表面脆卜卜，冇燶到架乾炒豬扒日式麵第一次食呢個，好好味份量完全唔似tea，但就tea既價錢，有好多件豬扒架，真係好抵！Tea既選擇好多，而且唔貴架！同埋坐得舒服

D伙記打牙“較”好似叻d, 氹小朋友客係有d過人之長。但service有得比負分我會比夠負九九點七七。就講我隔離枱先。第一個伙記突然望住我隔離枱面碟鐵板，再自言自語問自己點解用鐵板上菜？本身個客未load到咩事，不過後來個伙記自打嘴巴話本身個客係想要焗ge形式上，但個伙記落錯左單做鐵板，道歉認錯，但都冇後續話點樣處理番，講完就算。個客都好迷茫唔知個伙記想點。到我自己喇。我嗌左芝士薯蓉焗帶子加$10由薯菜轉飯。食食吓摷底唔覺眼有飯，咪嗌人啦，今次黑衫伙記應機應該高少少級, 一黎就問答“咩事”，我後來發覺佢應親機都係咁，口頭禪黎。我問佢我加錢轉飯個飯係咪要另上啦，佢話我呢個跟薯菜冇飯ga wor，我叫佢睇左menu再答我，佢睇完就話整錯左幫我換，不過我話唔駛喇你唔好收多我$10就算。我認得落錯單嗰個唔係你就唔會奢望你幫其他細ge道歉啦，不過你溫番熟個menu先啦，我都唔明你點解咁都可以升到高級少少。同枱朋友話去澳牛d service都唔會差到咁。真係豈有此理，唔好侮辱澳牛d哥哥，人家醒好多。一個二個唔知點做伙記，喺d客面前講野都唔經大腦！以為你地扮蠢原來唔係扮！就係呢班伙記搞到d客要寫op

服務感度極差侍應們講野超大聲大大聲講粗口嬉笑怒罵像開party一樣身穿高級一點那個疑似經理到處搬動大件貨物影響衛生落單是被質問要咩咩汁要咩湯上菜是飛上檯香港服務業竟能差到如此田地食物質素差牛扒要medium黎到變全熟咬唔開沙律 湯 配菜等只屬低劣茶餐廳的質素食物不值這價錢CP值其低 反而銅鑼灣好多年輕人小店的西餐做得更好這大牌老店應向年青人或自家小店學習不然自己執粒之餘仲破壞香港形象希望老闆如知道這情況不應只顧賺錢應好好培訓員工

一行兩人到了銅鑼灣花園餐廳吃晚餐。剛坐下，就點了兩份鐵板牛排餐 。約兩分鐘後，湯和餐包到了，才剛開始喝的時候，鐵板就突然出現了。有一個身穿黑色上衣和戴著深藍色領呔的男性服務員竟然突然把桌上還沒吃完的麵包拿開，我回了一句我還沒吃完，他就以非常不友善的態度跟我說：我知啊，幫你搬開啫！接著他又說：拿開你的電話，我要把湯放在那個位置。那時我心裡的不滿就爆發了。首先，客人在剛喝湯的時候點解要這麼快上主菜呢？其次，試問餐廳服務員有何權利去控制客人放電話的位置，更何況他是用大喊的形式去吩咐，這是什麼時代啊！其後，他更和我對罵，認為自己是可以這樣做的。作為消費者，我是感到非常的不滿和心中有著很多的怨氣。店內的侍應非常無禮，語氣和服務態度都很差。對此，我是很失望和絕對不建議大家來吃，以防有同類事情的發生。

今時今日咁嘅服務態度仲得㗎咩 ？2018 年 10 月 17 日 ，下午 7 時 10 分 ，一行兩人到了銅鑼灣花園餐廳吃晚餐。剛坐下，就點了兩份鐵板牛排餐 。約兩分鐘後，湯和餐包到了，才剛開始喝的時候，鐵板就突然出現了。有一個身穿黑色上衣和戴著深藍色領呔的男性服務員竟然突然把桌上還沒吃完的麵包那開，我回了一句我還沒吃完，他就以非常不友善的態度跟我說：我知啊，幫你搬開啫！接著他又說：那開你的電話，我要把湯放在那個位置。那時我心裡的不滿就爆發了。首先，客人在剛喝湯的時候和解要這麼快上呢？其次，試問餐廳服務員有何權利去控制客人放電話的位置，更何況他是用大喊的形式去吩咐，這是什麼時代啊！其後，他更和我對罵，認為自己是可以這樣做的。作為消費者，我是感到非常的不滿和心中有著很多的怨氣。店內的侍應非常無禮，語氣和服務態度都很差。對此，我是很失望和絕對不建議大家來吃，以防有同類事情的發生。

今天上班有比較多時間去吃午餐所以去花園餐廳慢慢地吃下午茶,不想吃澱粉質所以點了一個雞扒拼魚柳鐵板餐,雞扒很大塊, 但魚柳略嫌有點腥,與黑椒汁不太配,鐵板底下有薯條和青菜, 套餐有餐湯和麵包,整個餐都非常抵食,因為如果在晚餐時段需要一百多元, 現在只需七十元就可以吃到,不錯喔！

我是7個月的孕婦，和老公去花園餐廳吃晚餐，去到要等一陣安排坐位，當時餐廳內有8成坐位沒人坐的，只是卡位坐滿，我request可否先坐住其他坐位，若有人卡位走了安排一下？有一位穿黑色制服waiter説不可以，要出去再等，我摸著肚再請求幾次，他幾次回覆都要我出門外再等，咁我們就坐其他坐位啦，佢安排我們坐員工室隔離張枱，我們就點餐，點知餐都未黎，就越來越多員工出出入入員工室，沒有誇張，頻繁次數多過去洗手間的人，點解d員工可以係咁不停出入員工室？仲有人在我隔離出入員工室的時候撞到我，我成餐飯食得好煩好唔安樂。食物又不好，杯果汁一大半是冰，老公點了豬扒，入面是粉紅色！我們很不愉快地走了，我很想反映，回到家打番去問花園餐廳的意見及投訴方法，佢哋俾左個電郵我，但等了很久都没有人回覆，所以我選擇在這𥚃留食評，和記録一下，希望吃了生豬肉會沒事，會保留追究權利和向食環署及消委會及香港顧客服務業聯會等有關機構反映及投訴，在此向孕婦們及想去這裡用餐的各人提醒要注意！

相信花園餐廳大家都吾陌生 因為無留意時間 其實去到既時侯已經十點 入到去見倒有空位但經理叫我地等一陣話執個car位比我地 等左一陣都未有人執 之後叫左我地坐第二張枱 坐底之後餐牌都無比到 之後到我地問佢拎到order其實態度都好差 我地本身以為係因為我地阻住人地收工 畢竟都十點鐘了 但上網search左一下餐廳係收十二點 🤷🏻‍♀️但野食依舊都係大件抵食 叫左一個肉眼扒同 有餐飽 湯同埋餐飲送 另外有朋友單點左杯飲品 本身拎左餐飲既size比我地 但店員話有吾同 幫我地換返 但個人覺得同餐飲既size無咩分別

久未光顧過花園餐廳話說尋日先食完西餐，今日又食，個人有無咁“西”？！😂太耐無幫襯，唔知而家啲白湯好唔好飲，都係飲紅湯最穩陣！其實佢係雜菜湯定羅宋？不過唔緊要啦最緊要好飲 (呢個好難唔好飲😂)今次揀得好快可能好肚餓呢塊肉眼七成熟左右(其實我嗌五成，可能做唔到掛)好大塊，肉好淋。叫蝴蝶肉眼可能因為中間無片開，有少少反開，造型嚟嘅😎不過唔知係咪用咗好多鬆肉粉呢，食完棚牙嚡“十十”，唔舒服真係好巨型，走出咗個鐵板完全唔知點處理點樣切好彩頭先有隻麵包碟未拎走，可以搬咁啲同埋又係叫五成，但似三成仲要大部分唔係筋就係膏，食唔到幾多肉不過同蝴蝶肉眼比，呢個個肉味好啲雖然知道少食肉(尤其牛肉)會環保啲，但真係好香好鍾意(侍應們好厲害個個隻手都放到兩三個鐵板，手又長又唔怕熱咁)

晏晝去咗銅鑼灣做嘢，去咗附近金百利食lunch，因為周圍都好多人，所以費事等太耐～ 呢間花園餐廳比較大，所以唔使等位就可以入去食！佢嘅午餐選擇都好多，不過都係扒類同意粉類～ 我要左佢嘅招牌，肉眼扒薯菜～ 等咗大概15分鐘左右，就見到用鐵板上嘅肉眼扒了！見佢熱辣辣，好似好好食～ 我要左黑椒汁！佢落汁嘅時候仲係渣渣聲！本身叫咗5成熟，可能由於鐵板嘅關係，切落去竟然大概七成熟了～ 難切之餘，食落肉比較難咬，🙈係薯條好食啲！ 但呢個價錢黎緊，算ok了

花園餐廳嘅午餐我成日都食，價錢合理，又有湯飲。今日嘅午餐有三款，分別係香煎牛扒拼豬扒、煎龍脷柳、芝士焗肉醬吞拿魚意粉。奉送粟米忌廉湯同熱飲，凍飲要加兩蚊，凍華田、凍好立克、凍朱古力或者汽水要加$5。餐湯都係大路嘢，好多蔬菜，味道有啲淡。我最鍾意食焗飯，因為焗飯或者焗意粉一定係大大碟一定食得飽。我點左一份芝士焗肉醬吞拿魚意粉。意粉上面有好多芝士醬，撈埋一齊食，味道唔會好好食，但係亦都唔難食，午餐就係求穩定姐。食得飽已經夠啦，放假先食好嘢啦。

有得食港式鐵板扒既餐廳買少見少, 花園餐廳應該係唯一一間全港都有分店既鐵板餐廳!西冷牛扒 (5成熟)先上羅宋湯同餐包, 好多羅蔔同菜餐包預先烘定, 黎到仲係熱既 值得加分。湯都未飲哂西冷牛扒就上菜喇, 黎到waiter先會問你揀咩汁, 我揀左黑椒汁!叫左5成熟, 但其實食落已經係7成, 好彩本身肉質都唔會韌, 牛味還可以, 以HK$100上落既價錢已經算係咁整體表現平均啦~間唔中想食鐵板都會黎食下架!

今日中午去咗銅鑼灣做嘢，就諗住喺嗰邊搵吓午餐食，我同同事唔係好熟嗰邊，所以諗住行到邊食到邊~ 經過金百利，我見到有好多宣傳人員派宣傳單張，有個阿姐叫我試吓花園餐廳，我地見好耐冇食過，又無乜所謂~入到餐廳，已經見到好多人 我地3個人坐4人枱，見佢既選擇都幾多。午餐選擇就得扒同焗野，有啲似茶餐廳 我叫咗芝士焗肉醬意粉，都係感覺幾安全~ 佢送忌廉湯或者羅宋湯，仲有餐包～5分鐘都唔夠，餐包就嚟左啦，但係凍冰冰，同埋好硬，所以我哋就放棄左！我叫咗忌廉湯，但係忌廉湯質素都好一般，因為剩係得湯水，無料🙈我飲咗一半，就冇飲到，再等咗大概15分鐘，焗意粉就到～ 用叉一拎起，就見到好多汁喺意粉下面，應該屬於湯意粉，而唔係焗意粉🤣 不過我就冇要求再換過，照食！味道唔算好差，意粉都算林身既，但係同期望有少少差別。服務方面，可能人手太少，所以有時叫極都無人招呼，落左單，轉頭吹單，原來冇落到，又要重新再落過～ 不過我都體諒午餐時間多人，所以唔好咁高要求

有朋友係外國黎香港玩，問佢有咩地方特別想去，佢竟然話想試下香港既平價牛排😂 我都唔係好知有d咩餐廳選擇，只係知道一間叫花園餐廳，所以就帶左佢黎食下啦。我地同樣都係點左肉眼扒，佢要5成熟我就要7成熟。成個餐仲包埋餐包，餐湯(可以選擇羅宋湯或者忌廉湯)，同埋一杯飲品。以晚餐黎講百幾蚊就可以有齊咁多野食其實都真係幾抵。牛排係以鐵板上，要小心唔好燙親。醬汁方面有黑椒汁同蒜蓉汁2款選擇。既然係平價牛排，當然品質上唔可以有過高要求。不過侍應服務態度就真係麻麻。