花園餐廳 (東廣場) (已結業)

上個月經過觀塘見到好耐冇食過既花園餐廳諗住懷緬下一嚟到唔使諗一定係雜扒餐童年回憶嚟架嘛雖然價錢比以前係貴左但係都仲叫做抵食 100蚊食到呀嘛味道同以前食差唔多 都係食個回憶最懷念就係侍應叔叔拎住兩兜汁問想要咩汁 我每一次都係揀黑椒汁呢個餐雖然唔係話超級好食但係飽肚得來又抵食已經算係咁啦

花園餐廳在眾多的便宜西餐廳中，我最愛花園餐廳。這麼多年和男友興祝記念日少不了它。平時到花園餐廳，也要等上半小時才有位，萬幸今天一去便有位。我們叫了兩個不一樣的餐，套餐還可以選擇跟薯菜、意粉和飯。我們叫了一個牛扒，5成熟，男朋友不喜歡吃太生。牛扒很juicy，配上汁很好吃。這個價格來說，是合理的。另外還點了一個豬手加魚柳，魚柳是剛炸起，很香口。豬手雖然份量不算很大，但兩個人吃絕對足夠。我們還吃剩了意粉。

在日出康城下班，於是熟識的觀塘走走。晚了，靜靜的一個人晚飯也不錯，於是來此店。一個人的時候，總是吃什麼也沒所謂的，於是要了一份香辣羊扒拼豬扒。送上的時候，兩塊扒帶著點點的香氣，還算不錯，到底這店是普通的餐廳，也頗著名的。先吃羊扒，小小的羊扒並不羶，油脂豐富，羊肉味是有，個人覺得未夠濃，並不太難咬，算是容易入口。豬扒反到覺得不錯，個人總覺得豬扒都熟透，定是又乾又硬的，這個尚算軟硬適中，不太硬，上面的香料帶點微辣，很配合豬扒的味道。有時一個人靜靜的吃著，香著餐廳內的人們，也不失為一種放鬆心情的好方法。

尋日同朋友做完運動去食晚餐， 9點到咗之後就10點趕你走。一開始餐包硬過啲石頭！立即叫人換過！之後主菜到啦！鑊仔牛柳好食！羊扒差都好緊要！肥膏佔咗九成！白色碟上面全部肥膏！實際得少少羊仲要有骨喎！羊so味又唔夠⋯⋯十點前5分鐘⋯⋯兩個侍應都分別走過來同我地講話要閂門⋯⋯比小小時間飲埋杯飲品都得掛⋯⋯ 有另一個後生啲嘅侍應話裕民坊嗰間關夜啲叫我地去喎，唔好叫我去旺角尖沙咀嗰間！玩野咩！失望，呢間一定無下次⋯⋯

身為花園餐廳既熟客仔，每次都心思思唔知食邊款扒好，不過睇睇下餐牌，發覺佢有沙津叫，所以一於試試兩款沙津，咦又唔錯喎！呢個燒乳鴿，整隻擺放得靚靚仔仔，一上檯已經加左唔少分食落同樣有驚喜，皮脆好重要，估唔到佢都做到喎！本身預左乳鴿會無肉食，但呢隻都算有啲肉食，收貨啦！同時好彩佢肥膏唔算多，如果唔係成碟就會好油膩，而同時沙津都唔算少，鮮果沙津再加埋少少青瓜同埋蕃茄仔，即刻成件事變到好fresh哈哈！下次如果大家唔想食太多肉，呢個係花園既另類選擇架，但預左唔會太飽

花園餐廳應該都算歷史悠久, 但說真的, 我一次也沒有來過, 可能因我偏愛用筷子食的食物有關。以前細路女時, 食鐵板餐都會喜歡叫什扒, 因為有香腸及雞翼。這麼多年冇食, 當然要叫番一個什扒餐來重拾童年回憶啦冇諗過花園餐廳的鐵板什扒會這麼大份, 大得我可以分兩餐享用。包括有牛扒, 豬扒, 雞扒, 煙肉, 大腸片, 菜及薯條。豬牛雞扮大大件及厚度十足, 當然不可要求是神級的美味, 扒的味道較淡, 肉味亦稍為欠奉, 但對於食量大的朋友來說, 這是一個很好的選擇 不過沒有我期待的香腸及雞翼, 難免會有點失落感

平時喺官塘一般食個午餐都要4-50蚊，行過見到花園餐廳都係做緊$50蚊，即刻上去試下。餐廳都算幾大，有好多卡位，好多人一個黎食飯都有卡位，好舒適。餐牌既午餐由$53-$63，有扒，有意粉，有飯。每個午餐仲跟埋餐湯，野飲，算係幾抵，今次我就點佐D餐，天使面首先餐包好夠熱，牛油微溶，幾好味羅宋湯好大碗，好多菜，好味食完包飲完湯，等多2分鐘，主食就黎啦，望落好大碟，帶子大大隻，面質麻麻地，有d硬，帶子好似煮得唔係好夠熟，吞拿魚都幾多野飲點佐凍朱古力，要+ $3，不過都好好飲埋單$56，唔駛加1，算係咁啦，環境舒適，野食ok，午飯又多一個好選擇

花園餐廳都幾出名既其實 今日就興致勃勃想食多次 點知就出事喇 牛排就好多血 事關個適應根本冇問我要幾成熟 就問左我個fd就走左 之後我叫既係類似三寶既 個名唔記得 有蝦有乳鴿有牛排 乳鴿就凍曬唔好食之餘就有陣味 總而言之 唔好食 類似三寶既呢個餐真係好伏

觀塘區美食林立，唔洗驚LUNCH無野好食~當中花園餐廳係我最中意去食晏既地方~午市套餐抵食又好味~焗白汁蟹肉石斑飯白汁既濃稠度調得十分得宜，而且焗到有少少微燶，十分惹味~蟹肉石斑唔會有腥味，食落口啖啖肉，十分美味!餐湯選擇左忌廉湯，忌廉味濃郁但唔會太鹹

 中午突然心痕痕好想鋸扒，於是就黎左呢間香港老字號扒房。午餐時段人比較多，自己一個人都要等5分鐘先入得，既然黎得就當然唔可以顧忌熱唔熱氣啦，即刻叫個鐵板西冷牛扒餐。等左10分鐘就有得食啦，有得揀洋蔥汁或者黑椒汁，雖然係中午時段，但份量一D都唔會少，塊牛扒成塊鐵板咁大，仲要幾厚身，我要六成熟，用刀好易切開，肉的中心部分是小小粉紅的，對於唔食太生的我黎講o岩o岩好，食落肉質嫩口彈牙，一D都唔韌，而且牛肉味好濃，邊位仲有一小塊肥膏，咬落去D牛油標曬出黎，好香好醇，係有小小油膩lo，但幾耐唔一次放縱下，無所謂啦。牛扒下面是很多薯條同蔬菜，可以中和一下食太肉的罪疚感，又是好滿足的一餐，花園總不會讓我失望。

在APM睇戲後知道呢度有間餐廳而且我都嚟過三次覺得環境幾好仲有大家都喜歡剧扒，所以嚟呢度八點兩邊卡位無哂但仍有大把中間枱我叫咗虎蝦牛扒，朋友叫西冷牛扒我要七成熟，先來兩個海鮮忌廉湯夠熱濃度亦啱啱好，餐包大家都無食大概十分鐘食物到，兩份野都大份啊虎蝦都大隻，不過啲肉吾爽吾彈牙有啲梅我想是雪藏貨，而且雪過龍佢上面舖了好多蒜蓉想蓋了那雪味仲有虎蝦中心位還有點吾熟所以我放棄隻蝦牛扒有兩塊七成熟剛剛好雖然話溥牛扒但都有上下厚肉質好爽，黑椒汁都吾錯薯條就淋咗少少不過都幾好味朋友切了件五成熟西冷比我感覺肉質都好嫩，而且好有肉味我地兩個喜歡食扒都對呢度滿意美中不足就係隻蝦，少少缺點環境到八點半已經有大量卡位，清清靜靜如果這個時間上來傾計就一流整體來說都叫做可以

下午往鯉魚門，於夕陽底下拍了好幾輯相片，風景實在一讚！太陽下山後，同時感覺好像要起雨，馬上收拾搭14X離去，於觀塘下車，友人說不想到APM吃，因為平日都在那邊吃，我們唯有一直沿著地面找茶餐廳隨便吃，可惜都沒有找到合心意，最後竟又回到APM附近的成業街7號東廣場。上了一層，友人便說算了，然後隨便進了花園餐廳。我記得很久以前，我也曾到過花園餐廳，只是非觀塘分店。當時，給我的記憶是，不平也不貴，份量極大。現在又回到花園餐廳，說實話，份量同樣非常大，薯菜躲在牛排底下，黑椒汁把薯菜浸得有點過淋，而放在牛排上的蝦，味道算是不錯！有濃香的黑椒、蒜茸配搭蝦，而蝦殼和蝦肉能用刀叉輕易分離。UM...牛排，這個價錢，已是抵吃！只是我本來就對牛排有一定要求，而且因為肉的份量有點太大，沒法吃得完，過於飽肚。

自從裕民坊分店因官塘重建關係结業後已沒有再光顧的花園餐廳，今次到官塘廣場後面間分店再品嚐番當年至愛的T骨扒先可能牛價太貴了，昔日大過塊鉄板嘅T骨扒已不復見，但在重質不重量情況下是冇問題的，只是我要求六成熟的情況下，塊扒就似橡膠一樣，單是切開已有困難，像全熟透一樣，但奇怪骨後的小肉就是血淋淋全生的搞到真係唔係咁開胃，下次都係穩穩陣陣叫返西冷算了。

今天與家人相約到花園餐廳同進午餐，原來在12：30pm前下單的午餐會比較便宜的，大家可以留意下喔！我選了芝士焗吞拿魚拼黑椒牛肉意粉，芝士味十分濃郁，配上有帶微辣的黑椒牛肉，令吞拿魚和黑椒牛肉竟然變得十分配，醬汁很多，每一條意粉都能沾上，吃得暢快。雖然，在我一放下餐具的一刻，碟子就馬上被收了因為午市多人的關係吧HKD 40的午餐，食物質素算是不錯了

我今日午餐係花園餐廳lunch，我叫了焗芝士肉醬意粉，等了大概十分鐘就上枱，賣相很好，意粉鋪了一層厚厚的芝士，表面稍燶，很香口，很濃味，因為我極喜歡芝士，一絲絲芝士入口即溶，完全係焗熟，唔係整熱晒求其焗五分鐘個種，而肉醬份量好多，茄醬味道很濃厚，酸酸甜甜配上意粉，好美味！