花園餐廳 (東廣場) (已結業)

經過呢道見到花園餐廳，好耐無食過，來食下。午餐時段人好多啊，呢間餐廳面積都幾大，我們二人叫左香辣烤羊仔扒拼豬扒和肉眼牛扒，兩個餐都出色啊，肉眼都大塊，夠淋，但又不會太生，羊仔扒拼豬扒，有羊味但不會太羶，因為和豬扒放在一起，連豬扒都有羊味，煎得好香又不油膩，羊扒伴上香草，好香好味!!套餐還有湯和餐包，叫左羅宋湯，麻麻地，有d淡又無辣味連埋飲品，午餐又無加一，兩個餐加埋都係$140唔洗，好低食啊!!一向覺得花園餐廳都係麻麻地，只係貪佢平，呢一間花園真係有驚喜，會再來啊!!

觀塘區冇乜yellow店，所以求其行去食花園餐廳。我男朋友叫咗個純種黑毛安格斯西冷牛扒，我叫左個蒜蓉黑椒牛柳。餐湯一上，白湯飲落似雜草湯，紅湯飲落似木瓜湯 出晒事。餐包凍又乾。咁我諗住嚟鋸扒，餐湯都唔係主角唔緊要啦。主角一上，舊唐生菜加粒車厘茄真係嚇一跳。平時食花園餐廳 (MK)都唔係咁，應該係大肉茄同翠肉瓜同蘿蔔？薯條另上，都係好奇怪。點知原來佢啲汁稀到好似水咁⋯⋯仲要冇味嘅勁誇張。牛扒叫五成熟應該剩係得1-3成，兩塊都係咁。真係笑咗好似成塊牛扒浸左喺坑渠水咁⋯⋯牛扒未至於好難食都擺得入口嘅。我塊牛柳還好啦，但係我男朋友塊西冷牛扒好似未解凍中間係凍嘅⋯⋯最後杯檸檬茶甜到好似齋糖漿水，連杯檸檬茶都出事我真係唔知點畀分。唯一俾錢果下心甘情願嘅係侍應服務態度真係幾好，上菜efficient，同埋坐得好舒服。

有時想平平地据下扒，都會去花園餐廳，所以都算常去，而呢一間係去得最多個間，不過唔好意思，我以後唔會再黎。差不多每次都會叫巨型T骨食，而每次都一定會食晒(食唔晒都會有屋企人食)，今次係大家都唔想繼續食，差係2點:1: 服務一坐低就有位叔叔"扔"本餐牌比我地，當時都覺得好無禮貌，不過都忍佢每次落單我地都會唔該前唔該後，佢地唔講多謝、唔洗客氣又或者唔講野都算！大佬……我殺左你全家呀？塊面黑到好似你地塊鐵板咁。叫左凍野飲，點知又係同一位叔叔，今次到扔飲管我坐左係卡枱，張椅既中間再入小小，上扒時就咁放係近走廊既枱邊，要我自己攞返去自己面前淋汁個時，我都未開晒張紙巾，佢就已經淋汁，我仲要著住條短褲，辣到大脾2： 食物我第一次係花園餐廳食個咁難食既T骨，7成熟就整左全熟比我，啲肉嚡晒，又難咬，好似舊肉唔太靚。舊肉仲要落左勁多黑椒，好似要掩飾嚿肉唔新鮮咁（強調：我叫咗蒜蓉汁！我叫咗蒜蓉汁！我叫咗蒜蓉汁！絕對無落黑椒汁！）後尾大家都放棄左食佢，出左去再搵其他野食。我只能說，我以後唔會再黎呢度食。

不再是從前的花園餐廳， 由細細個開始食花園餐廳食到而家結咗婚， 就在今天 再次光臨花園餐廳叫咗個t骨牛扒， 牛扒是用黑椒 醃製 的， 食落口完全冇味道， 畀我一種感覺是為了蓋住不好味的牛扒， 專登用黑椒去醃製， 叫了七成熟來了的是全熟。我衷心可以同大家講可以不用去花園餐廳在食牛扒了。最後到員工的服務態度， 明白所有員工都上了年紀， 由送餐到落餐全程一句說話都冇， 多謝唔該什麼都沒有。 真的不敢相信他是做侍應的。

餐廳內下午茶餐有個餐叫海南雞拉麵/烏冬，心諗海南雞應該唔會難食得去邊，咁就叫左個海南雞烏冬。 野食黎到，烏冬是最難食果種普通烏冬，都算，再普通再難食嘅烏冬都係烏冬，照食！到碟海南雞黎到，唔係呀麻！白切當海南雞！碟雞完全無味，D雞皮厚到阿媽都唔認得，仲有，海南雞係跟兩款唔同嘅醬，佢跟果隻係蔥油醬囉，叫個侍應過來問佢哩個餐真係叫便海南雞？連個侍應都支吾以對無聲出！佢個餐唔叫海南雞一定會唔叫囉，哩餐係食過最難食嘅午餐，無下次！

2020年6月12日 (星期五) 11:10am 29°C 花園餐廳 ( 英語：Sweetheart Garden Restaurant )，始自1963年，是香港著名的港式扒房，出名之食品包括：T骨牛扒、西冷牛扒、牛柳及牛肉肉眼扒類，其牛扒所用的鐵板是香港飲食文化特色之一。 環境光亮整潔，餐具乾淨。 在新冠肺炎疫情之下，仍然座無虛席，證明食物質素佳，水準保持高。 人數：2人 HK$114 不用等位 芝士焗粟米雞粒蒜茸蜆肉意粉 - 份量相當豐盛，滿滿的一碟，本人幾乎吃餘呢，利害！雞肉大大塊，根本談不上是粒狀，哈哈 ~ 雖然蜆肉細細隻，但數量多，麵條軟硬適中。整體來說，焗得香口，雞肉質感少嫩，芝士汁夠杰身，蕃茄汁酸甜，一碟意粉，兩種口味，有趣呢 ... 【推介之選】❤❤❤ 芝士焗鮮什菌拼菠蘿豬扒意粉 - 同樣地，份量的確可觀，勁呀！豬扒新鮮，軟腍不靱，菇菌味香，芝士濃厚，茄汁開胃，相得益彰。【推介之選】❤❤❤ 餐包 - 雖然不溫熱，但是內層搽上牛油，吃起來香滑軟綿。❤ 忌廉湯 - 濃度適中，有粟米粒、洋蔥粒、甘荀粒，味道不錯。 羅宋湯 - 灑上胡椒粉後，味道更美味   熱奶茶 - 味道

路過官塘工幹到4:15pm打後,心唸一般快餐店剩下嘅選擇應該唔多,所以特別揀咗依間要上扶手電動梯嘅餐廳佢嘅下午茶可以食得飽肚啲,細食嘅咪唔使食晚飯囉太座點咗咖喱牛腩飯餐,賣相平平。跟住撥開睇真吓有幾多料先。大大話話有六七大舊牛腩,相當足料反而薯仔唔多得一舊。咖喱膽偏咸少少但相當有味牛腩亦偏瘦無乜牛筋腩。算係食過嘅偏高水平自己叫咗海鮮炒飯,非常乾身亦唔油膩但蝦仁唔多,只得三幾粒。奶茶好香滑,入口後留甘。好飲

好耐都無幫襯過花園餐廳，今晚心血來潮突然想食就走去食個晚餐。黎到觀塘嘅花園餐廳，完全唔使等位，即可入座。環境好光猛，卡位坐得舒服。除咗鐵板餐外，仲有小食同沙律可以選擇。套餐包餐飽，上枱前應該入了微波焗爐叮一叮，所以熱熱地，塗上牛油一陣就溶晒落飽上。跟餐羅宋湯，無特別。1. 鑊仔牛柳餐($136)，份量多，鐵板上枱時好夠氣氛，牛柳夠腍，食落有牛味，唔會比醃料攪到無晒牛味2. 紅燒原隻乳鴿(伴沙律)($98)，乳鴿上枱熱辣辣，肉質唔乾，如果黎到唔想食牛扒，可以試下乳鴿餐，都係一個不錯嘅選擇。兩個套餐都包飲品，凍飲只需加$2。

今天兩點半才吃午飯，突然想起來這裡吃扒。我點了一個鐵板肉眼扒，七成熟。跟餐配羅宋湯和一杯餐飲，還有一個餐包。點單後餐包和餐湯秒速送到，羅宋湯味道還可以，酸甜度不錯。萬眾期待的肉眼扒大大份，我點了黑椒汁，上了汁的肉眼扒好像在對著我流口水一樣。我覺得七成肉質還可以，某些位置有點韌，但可接受。黑椒汁非常出色，還有薯條做配菜。這家餐廳開了很多年，味道依然，還不收加一，下午茶的種類繁多，質素一般不錯，大家可以來試試。

咁啱平日夜晚同媽咪經過觀塘想食扒😍😍就自然會醒起香港曾經出名嘅花園餐廳我地7點幾入到去 場內都唔算多人環境比較靜 職員都好有禮貌我哋咗個精選晚餐套餐 其中一個叫咗一個澳洲T字骨同澳洲西冷照舊有包餐包同埋餐湯😋😋我覺得T字骨係幾抵食嘅 一係夠大塊啦肉質都唔錯 唔算話好肉味 但咬落好淋 唔會話好硬同好老（我地都係叫咗五成熟）呢個價錢都幾建議推介😍而澳洲西冷都不錯👌🏻 比較重牛肉味 咬落都好好食😋我覺得佢個炒飯好好食😋 有鑊氣但係個天使麵就真係麻麻 啲麵好硬 唔好食整體都不錯👌🏻👍🏻

好耐無幫襯花園嘅午餐,今日心血來潮想鋸吓扒;所以第一次上嚟就撞啱下午茶時段本來門口輪候等位處就擺咗幾個巨型餐牌,但唔見有人龍等位。入內見到個場都算大,比起從前旺角女人街果邊大好多老馬識途嘅當然係揀扒餐(牛扒跟飯黑椒汁)&炒飯。Partner嘅炒飯好香,好乾身唔油膩。大大碟又足料,試咗一啖佢原先話未必食得晒,終於係(照鏡)牛扒都係大大塊,出奇地焾身無多餘嘅筋。廚房煎得都算OK,如果再香脆啲更加好。食唔出煎牛扒應有嘅脆面,完全感覺無經過大火煎嘅效果還好刀鋸無難度黑椒汁味度比較淡,濃度亦唔夠。兩杯餐飲叫咗熱咖啡,OK嘅

由細到大都幾鍾意去花園餐廳食嘢、細個就去觀塘裕民坊嗰間！我諗翻起嗰啲鐵板炸炸聲出晒煙、真係感覺一流！咁而家就去我觀塘成業街公司旁邊嗰間。基本上啲食物咁多年來都維持着水準、平民扒房！👍🏻👍🏻昨日心血來潮自己一個去食咗個腸仔雞扒飯。一貫有紅白湯選擇，d麵包亦非常軟熟！買單50幾蚊好抵、正！但真係要提一提！呢間餐廳唯一問題係啲冷氣開得好大，實在非常寒冷！🥶🥶 你唔帶多件衫去食最多坐半個鐘就要走。奉勸各位如果想食花園、帶衫！！

帶阿女玩完playhouse, 就去醫肚。行行下就到左東廣場，揀間坐得舒舒服服，就上左花園餐廳鋸扒。 環境空間感十足， 裝潢港式西餐廳。餐包：熱辣辣 , 自行塗上牛油即時溶解，餐包超級鬆化。餐湯 ：羅宋湯及忌廉湯， 一般沒有太大吸引處。 羅宋湯沒有很多雜菜，忌廉湯也沒很一般。午餐： 蒜蓉西冷扒配意粉， 肉質嫩滑， 充滿肉味， 但超級超級油， 食完嘴唇搽咗超厚唇彩。 意粉指明叫佢煮軟身一點，但仍然是乾硬。 反而 條菜很好吃，好脆嫩。午餐： 黑椒雞扒煙肉配薯條, 賣相不討好 。黑椒汁微辣中帶點甜酸味 ，薯條有脆有淋， 雞扒大大塊， 嫩滑。

放工後約了好朋友一起晚餐。因是星期五晚，不想去 APM 因會很多人便在附近找了這家牛扒之家，因我們都喜歡吃扒。我們都叫了一個扒餐，有羅宋湯，餐包，白汁青口，A级肉眼扒和餐飲。羅宋湯不過不失，但白汁靑口好好味。兩隻青口好大隻，煮得剛剛好，肉嫩加埋白汁更带出鮮味。之後上了牛扒，好大件又夠厚，叫了6成熟。切落去好難切但原來係刀的問題，牛扒其實是好嫩雖然很厚，加埋燒计好好味。薯條在底吸了燒汁好正又肯定夠飽。凍奶茶茶味夠。道一餐十分豐富。

好多年前來過，記得細個同爸爸來食飯，印象最深刻係好大塊扒！當時服務員一捧上來，我地就嘩嘩聲～事隔多年，塊扒依然大塊，不過我地就再冇嘩嘩聲，但份量好夠，我仲食唔晒添！我特登叫左個芝士焗帶子，想試下新野，不過淨係芝士焗帶子已經好飽～芝士落重份量，帶子又好有鮮味，認真唔錯！朋友叫左會牛扒，覺得都幾有嚼勁，天使麵都唔差，男仔食都覺得好飽！值得一提係野飲好大杯！其實晚市食扒來講，呢間都算係幾抵下！不過上菜速度就有啲參差，扒好快上齊，反而麵就耐少少，但都係可接受的～