花園餐廳 (銀行中心)

营业中

休息中

係旺角行街行到攰就諗住搵間餐廳食但下午茶坐下休息下，經過銀行中心見上面有幾間餐廳就上左去睇睇！經過花園餐廳啲朋友話入就入左去，入去睇睇但餐牌見到啲選擇都幾多，輕食嘅可以食三文治，熱狗，豬扒包嗰啲，呢幾樣都有配薯條同沙律🥗，但我就有啲肚餓叫左但蒜香雞扒意粉（$47），諗住下午茶唔會好大份點知一黎塊雞扒就好大塊，同煎得幾香，啲皮仲係趣！啲意粉唔係就咁烚完就算，幾乾身同有啲啲咸味！環境方便坐得幾舒服，啲位幾闊落不過有啲暗有啲想瞓覺😂

食過咁多間花園餐廳，呢間真差到要打差評比佢。侍衛叫左我地入最角落既位，但門面又少人，侍應成日見唔到我地叫人。落左order好快就上左包同湯，牛油係溶到搽唔到，又無牛油刀，要用切扒既刀黎搽牛油。個紅湯仲好笑😂肉係多過湯既，仲要唔好飲。食完個包，飲左兩啖湯就上扒，鐵板唔夠熱，好快就咋完。塊牛柳叫左五成熟但出到黎三成都無，生到咬唔到。我男朋友果塊美國西冷仲要有五份一係筋，都係五成變三成。最搞笑係個啊姐幫隔離枱對父子淋完黑椒汁就叫人落餐飲，洗唔洗咁快啊😑😑轉個頭第二個侍應又走埋黎問飲咩🤦🏻‍♀️埋單個啊姐仲同我地講你地走就自己出去埋🤦🏻‍♀️未試過食完花園餐廳係仲肚餓既😂😂😂千奇唔好黎呢間啊！！

今日同屋企人黎食据扒慶祝生日。一去到問員工有無卡位坐，坐得舒服d，點知個員工話: 「你地五個人，點比你地坐呀。」點知最後都係有個梳花卡位。。另外員工不停比漏野，比漏餐包，凍檸7無檸檬杯。最嬲既係上菜員工，態度好差，好似命令我地拎起紙巾電話既態度🙄(無記錯上次黎，d員工態度都唔係咁好)至於食物方面，叫左個蝴蝶型牛扒，正呀，好多塊，有得揀黑椒汁/洋葱汁，而塊牛扒叫左五成熟，但食落都係有7,8成，熟哂咁😂😂不過塊牛扒就煎得勁林，1d都唔韌，幾好味

花園餐廳真係經典中既經典食店，兩個男子漢唔想食麥記就揀尼間抵食夾大件既食下啦！講真以前食過，個質素係唔錯，又平又好味!但好可惜，尼間既質素係勁差!首先佢包餐湯我選了紅湯-淡如水然後餐包 - 又硬又難食 因為係用微波爐叮熱，個包都唔知擺左幾耐。。。點解我會知係用叮叮? 因為佢擺左個微波爐係某餐枱既角落，可以睇住個侍應叮包包!!我地叫左兩個雜扒餐，$88 食個雜扒都預左唔係咩好好既肉，但這次的扒是用差來形容。。。肉好老，又硬，味道一般。。我建議大家唔好去食啦。。。上次食叫左個安格斯黑毛牛扒餐。。。塊牛扒同豬扒一樣味道同豬扒一樣。。問經理佢話尼隻牛扒係咁。。咁就無左2百蚊。。So sad

朋友約晚飯在旺角等，我自己早到左就上左銀行中心個商場睇下嘢，見到有間花園餐廳，所以朋友到左之後，就叫左佢係昵到食飯😊坐底睇餐牌食物款式都算多，價錢亦吳算貴我地order左牛仔扒同羊扒，侍應問我地幾成熟，牛要5成，羊要6成🤔———————————————————-湯➕餐包➕牛仔扒➕飲品=套餐湯➕餐包➕羊扒➕飲品=套餐———————————————————-忌廉🥣——吳好飲，好似飲更奶粉味甘😰餐包——面包都軟熟既，不過我吳鐘意食所以只吃了一啖😅5成牛仔扒——熟哂既，不過朋友話味道都ok既😂6成羊扒——-又係熟曬既，好彩味道都吳係太差🤣飲品———凍🍋茶，正常無問題飲品———熱🍋茶，正常ok———————————————————聽到隔離枱落單D扒七成熟，但見到我們在說，熟哂，即刻同侍應講話要5成，但黎到都係一樣熟曬😎😎😎😎😎基本上你叫幾多成，黎到都係一樣熟曬😂（廚師既問題，食物味道都ok既，隨左個湯吳好飲，但控制扒既成數就差D⋯⋯⋯😅———————————————————環境都坐得舒服👌服務都無問題👌味道吳算差，我都會再去，😊（係扒熟左D，望改善）

百幾蚊据一個扒其實唔應該有太多要求，佢嘅羅宋湯味道正常有好多料！個餐包又係熱辣辣其實唔錯既！今次食咗黑椒牛柳，兩大塊扒其實一個女仔係食唔晒，因為佢好厚，好大塊，肉質其實幾林，不過就食得岀唔係靚牛肉，但都可以接受！雞扒亦算大塊味道都中規中矩啦！見好多人話服務好差，但係我今日又算OK喎，起碼叫佢俾多啲黑椒汁冇黑面好快就送上！預咗唔係高價錢，服務質素都唔會太頂級，尚算可以啦！

花园餐厅午餐食牛扒真系好抵食咯！一个牛扒set包括餐包，忌廉汤/罗宋汤，饮料，对于女仔来讲真系很大份，几乎次次都食唔晒。之前在旺角都是去其他几个分店食，今次在银行中心试下。上到2楼见到门口好多人排队，仲以为都系来食饭，后尾发现系排队去买野既。吓到我牛扒我中意食西冷，一个set系75蚊（或者73or78）记忆有小小错乱🤪 好平食啊！推荐推荐！不过今次点咗个咖喱牛腩，牛腩唔好食，都唔似系牛腩，冇咩食到，浪费晒

剛剛坐低 個侍應阿叔就不停問我食咩野 食咩野 都未諗好 不停咁催 好啦 諗到叫咩食 嗌完又話聽唔到 跟住黑哂口面咁扯走個餐牌 好似差佢錢咁 野食黎到 一野掉洛枱！拆枱咩 食物又垃圾 真係唔會再黎幫親

中午同同事出去食Lunch，都吾知食咩好，行去近近地既花園餐廳食個扒餐，款式都幾多，有牛、有豬、有魚柳，好多，價錢都吾貴。其實次次來都食牛扒，今次就食個豬扒拉每個餐都有個餐包，湯，同熱飲，吾洗額外加錢，好夠飽了，又吾洗加一，中午來講好化算人流多，薯條都吾算林哂，豬扒有兩塊，仲有司華力腸，豬扒吾會un到痴牙，中規中矩，份量多，性價比高，吾夠食既朋友又可以揀飯/意粉。下次中午吾知食咩都會來食平價扒餐過下口癮

諗住去隔離睇Lego，但又未食lunch，就先去食個飯先，填完肚先有力行。知道係旺角，食飯時間四圍都多人，每間餐廳基本上都要排。望過花園餐廳，見人少少，就決定入去食啦。員工好似見唔到人舉手叫野食，下下都要大叫先有人理。好不容易叫到個職員，點左個殼飼豬肉眼扒拼珍寶腸。點知黎到時，完全同我所認識既珍寶腸好唔同樣。味道又怪怪地，最後捨棄左啦！之後叫野飲都一樣，叫左幾次，最後等左15mins 先有人落個餐飲。食完埋單都仲係要等。職員係足夠，但係睇唔到客人舉手姐。

對上一次去花園餐廳已經係好幾年前嘅事，今日突然同朋友興起想去鋸扒，第一時間就諗起“花園餐廳”了。 中午時分黎到，都唔係太多人，唔使等就入得！！午餐都有幾多選擇，我同朋友都係點左豬扒薯菜餐，豬扒煎得好脆，而且肉質比較淋，但另外有一塊類似午餐肉嘅物體，食落口味道同埋質感都有啲奇怪，所以咬左一啖就無食了。豬扒有兩塊，而且薯條分量適中，食晒成個餐已經好飽了。一個餐50幾蚊，包埋飲品同湯，價錢合理，整體都唔錯！ ！

今日同老婆亞仔去買Lego，咁剛好係餐廳旁邊，而老婆又想飲紅湯，咁買完就食啦，係我字典裏面，花園都係比較平民小小架西餐，好似我呢餐叫左一個肉眼朳加焗豬扒飯，都係150，價錢算ok架啦，幾年前後生拍拖時，真係啱晒啦，平西餐喎，而且當時都幾好食，叫做合理價錢合理味道，但今日中午呢餐，就比較失色，咁當然呢個價錢係呢家都仲叫合理。肉眼就不過不失啦，份量都ok，剛剛好食得晒，焗豬都叫ok，亞仔都食晒個飯，整體尚可！

去了旺角花貴餐廳吃中午☆*:.｡. o(≧▽≦)o .｡.:*☆有餐牌上選擇了一會兒，最後叫了焗波菜魚柳，配飯。⁄(⁄ ⁄ ⁄ω⁄ ⁄ ⁄)⁄ (⁎⁍̴̛ᴗ⁍̴̛⁎)這個焗波菜魚柳的上面佈滿芝士。(≧▽≦)還有一隻車厘茄在最頂部。(>^ω^<)有2塊魚柳在中間。(≧▽≦)最底層，就是飯。這個飯有炒底，所以吃起來比較「香口」。┏ (^ω^)=忘了說，這個焗波菜魚柳飯，如果不想要飯，可以轉意粉。(o^^o)而且有送餐湯，可以選擇忌廉湯，又或者羅宋湯。而我選擇了羅宋湯，嘻嘻。(>^ω^<)和一杯熱飲送。(>^ω^<)

約朋友到旺角飯聚，突然想起已經很久沒吃過花園餐廳，叫了客7成熟巨型T骨牛扒餐，再加個焗肉醬意粉餐，T骨牛扒來到時顏色有點血紅，依舊用牛型鐵板盛著，正期待侍應倒下醬汁時發出的啪哪啪哪聲，可惜沒有聲。整塊牛扒份量是大，但T骨兩旁都是肥膏，切掉1/3骨和肥膏後剩下的只是普通手掌般大的肉扒，其中有一半是比較嫩滑，另一半肉質卻是「鞋」的，有點浪費。牛扒的伴碟有薯菜，但大部份都被醬汁浸透了，剩下的又沒有一條是脆的，竟用一條小棠菜做西餐的伴碟，很奇怪。相對來說焗肉醬意粉比較滿意，醬汁甜度適中，意粉的軟硬程度恰到好處。總之牛扒的水準比以前差了很多。

🐹花園餐廳一向午餐是抵食的，簡簡單單又平平地滿足鋸扒的慾望今晚鼠友說帶我鋸扒，來了花園晚餐。不過晚餐真心不抵，lunch去吃就不錯。例牌白湯，之前飲過紅湯太酸，就沒有在花園叫過紅湯。又是一般普通西餐廳的缺點，紅湯會酸，白湯會辣。這個白湯正常，因為沒有胡椒不會有過辣的情況出現。鼠友不是很好牛，所以次次鋸扒都是鋸豬扒。但這個豬扒真是鞋過鞋底雖然豬扒是一定要熟，但熟都不一定會鞋，還要鞋成這樣鋸牛扒是不錯的，肉很淋很軟，雖然是食得出是因為鬆肉粉才會這般軟，但這價錢食到仿靚牛，算是這樣了。🐹：來花園就最好是食牛呢，不要食豬食雞了，平平地食餐牛都算是不錯的呢星期五Happy Friday 午餐來個小鋸牛會很開心呢～