花園餐廳 (已結業)

我們點了一份「安格斯西冷牛扒」5成熟，鐵板上一份「A級肉眼扒」5成熟，碟上A級肉眼扒那份變成3成熟，上菜的時候無個聲，肉汁仲要整到我們，對吾住都無講聲服務員態度差黑椒汁個人覺得較稀，味道淡

只可以講一句係大件夾抵食嘅午餐你只不過可以當佢係茶餐廳如果你當佢係西餐廳認真便輸了紅白湯同普通茶餐廳一樣用罐頭但係其實你諗下幾廿蚊有咁大碟飯兩個人都夠食啦焗豬扒飯大到夠三個女仔食咁真係好食過大x樂大快x嘅連配菜都多啲又大份過佢地我真係好後悔每人嗌咗1個餐牛扒我淨係食咗啲薯條就夠好食龍利柳菠菜焗飯 有埋粟米粒 夠哂健康今次真係有焗 芝士又夠厚夠曬足料可惜龍脷柳有啲咸

以前讀書時好喜歡去旺角行街, 但去親都係食大家樂/KFC/麥當勞, 而家出來做野, 反而第一次去幫襯, 大約八點去到, 上到一樓, 侍應叫我上多層話大把位, 真係大把位, 卡位任坐.朋友個雞扒大蝦, 鐵板上, 來到侍應先淋汁, "咋"的一聱, 好有童年回憶, 塊雞扒大大塊(大X樂早餐雞扒 X 3 甘大)我個係海陸空餐, 有一塊薄牛扒, 半隻乳鴿, 一隻大蝦, 先講個羅宋湯, 好多菜, 味道亦唔錯, 但可惜只係暖唔夠熱, 餐包就好熱, 一搽牛油就溶晒.講番主菜, 牛扒OK, 乳鴿比較瘦, 連脾都無乜肉的, 隻大蝦亦唔大, 大約係白灼蝦X2甘大啦., 三樣味道都OK的.跟餐沙津份量夠, 面頭仲有兩片蜜瓜亦夠甜.食到呢度其實對環境食物都滿意的, 但一到飲品就出事了, 我見餐牌有凍MOCHA, 仲係特飲, 要加$11, 但一來就, 就知道係三合一沖出來的, 無睇錯, 飲落亦確認, 100%係三合一沖出來的, 好好地一個晚餐就甘俾杯三合一破壞了結果飲了兩啖我就放棄了.

唉...跟老公來吃扒，看見神戶這個名字就想點來試試啦，一來個侍應倒左勁多汁瀉哂出來，都唔緊要，但件牛柳就...好大塊，六成熟，但都鞋呀，個感覺有點似煲湯但少少鞋的豬展咁...雖然明知百四蚊都食唔到好正的神戶牛，但都不是這樣嘛...不過老公點的A級西冷牛扒就幾好食...他那個$126咋，還要平呢...總括失望，不會再去。

午餐想食飽點，在腦海中浮現「花園餐廳」即點返個肉眼扒餐紅湯一流，少少辣味帶出羅宋內的雜菜香，仲有塊細牛肉，十分濃味肉眼扒好厚肉，肉質鬆軟林身，蒜蓉汁好香蒜香，配合牛扒好夾，特出牛香薯條有點林有點脆，好重薯仔甜味呢個午餐經濟實惠

來個下午茶吧，兩大一細進入這餐廳，比張六人檯我們，叫了兩碗湯麵加一炒粉，豬軟骨分開裝了，唔駛浸住，可惜湯麵是暖的，向店員要求熱湯，竟然跟替我們叮熱好彩炒粉爭番啖氣，不過不失之作

高性價比嘅扒房，叫咗個龍蝦牛扒鐵板。呢度有得比大家揀幾成熟，我就叫咗7成。上餐時落醬時，店員好體貼，叫我地拿紙巾擋。鐵板夠熱有滋滋聲，牛扒夠軟唔硬唔會太熟，口感一流。另外半隻龍蝦都好味，但就冇咩特別。

花園餐廳自從返工就無時間過黎食，今日有幸拉到女朋友去扒房鋸扒🙈1963。歷史久遠的扒房。晚餐的餐包，無熱過，味道無當年好食。基本白湯，無咩粉味，足料嘅。主菜！七成熟牛扒，黑椒汁，經典嘅鐵板，肉夠juice，無咩根，易切。主菜二！羊扒，同樣黑椒汁，喜歡食膻味的可以一戰。

Just finished lunch there. Ordered Beef steak there, but came in Pork steak. Service real bad. When I speak the staff, the staff refuse to taste the meat himself and claim it was 100% beef.

從前小時食花園餐廳都有好多美好回憶，但依家再光顧感覺已不再重前，服務員同兩個好似係老闆既一男一女態度極差（特別係個一男一女），感覺令人好差、毫無禮貌。由我地落單、上餐湯、上主食、同埋單都係黑面對我地，埋單個時仲要等好耐先找到錢。服務態度整體好差！ 食物方面，我一家人食點左一個豬扒鐵板餐，一客火腿吞拿魚天使面同一客薑汁照燒雞扒飯。鐵板餐肉的分量還好，五會太細。但個焗天使面就太乾了，問服務員加汁，佢仲五情願俾我。但整體而言，食物質素不過不失，亦五算難食。

收工後同朋友想食牛，周圍行下搵下邊度有牛扒食下，去到多年嘅舊式扒房花園餐廳，大家都諗咗陣好無入去。。。我怕舊式會用啲自己嘅方法去那塊扒，令到塊扒望落大啲、鬆啲、好抵食啲，同埋環境好舊。最後都係懶得搵就入去了。上到去有2層，帶位嘅服務真係差，求其過求其，點我們又上又落。算了！我當然揀個A級肉眼扒，紅湯，咖啡。本來無咩預期，點知嗰紅湯總算保持舊式扒房嘅味道，不是好多料的，但好好飲，夠濃有肉塊，帶甜，送埋嗰熱到棘手嘅牛油餐包，絕配！到塊扒送上我面前時，我嘩咗一聲，真係好那大塊，啲黑𣙙汁淋落去時嗰鐵板gege聲，好夠熱，視覺好鬼正！我叫5成熟，一切開，有血出但又剛剛好，半生熟，大厨果然準確掌握到，好好味，肉汁好夠好多，味道不似那過，黑椒汁棘味夠但偏咸，不過薯條就差啲。

今日下午時間冇約朋友一個人搵飯食，行下行下就搵到呢間老牌餐廳餐廳環境幾舒服，一個人也可以吃得輕輕鬆鬆望落餐牌，除佐有5個午餐，仲有好多選擇俾你，最後我就揀佐芝士焗石斑飯叫完餐2分鐘，餐湯就已經來了，大大碗很濃味，幾好主菜 - 芝士焗石斑飯，好大碟，芝士汁好多，好香濃，石斑有2大塊，幾經辛苦先可以把它吃完，名副其實的大件夾抵！埋單$63，好抵食，食飽又要繼續努力上班了

午餐時間🕑想食飽啲，又抵食嘅，可以選擇花園餐廳呢個經濟午餐😊午餐仲有西餐包（暖暖地，好鬆軟，超正），紅/白湯加一杯飲品。西冷牛扒肉汁雖然吾系好多，但肉質都好淋，又吾會好多筋👍加上意粉食，真系好飽肚嫁☺️ 伴碟仲有蔬菜同粟米雖然份量唔多，但感覺上整碟意粉都無咁肥膩🤓🤓（自我安慰中⋯haha）

好耐冇去，所以今晚兩公婆再去食，情懷一番！坐底後一人叫咗一個鐵板，（鑊仔柳扣A級肉眼）黑椒汁仍然叫好...夠味夠辣口，牛扒肉質都可以（7成熟），但羅宋湯溝到冇味道，最致命係鐵板唔夠熱，3-5分鐘就凍哂！

前兩日聽Raymond講，花園餐廳每況愈下，服務唔好，野又難食，我心諗:唔係呀化？以前都無咁差架！是日一丁公出去旺角幫老婆大人拎藥，附近有花園餐廳，一去就知龍與鳳！去到要等喎，門口個經理好惡死！經理:幾位呀？我:一位經理:一位未有喎，等下啦！(惡+無禮貌)等左15分鐘，一個位都咁難...叫左個黑椒雞扒意粉，落單時，我話餐飲遲啲寫，侍應死都要我寫！飲熱飲，黎到咪凍晒囉餐湯係白湯，超級稀，我會形容為無味，話就話海鮮湯，但係我淨係見到啲紅蘿蔔，洋蔥之類...黑椒雞扒意粉個黑椒汁唔錯，夠辣口，汁都夠多可以撈埋意粉食。塊雞扒好大塊，成半隻碟咁大塊！雞肉肉質一般，少少嫩滑，唔鞋口，勉強都叫OK。仲有一堆粟米同白菜仔，健康的。野食麻麻，服務簡直就係差，唔會有下一次！