花園餐廳 (英皇道)

营业中

休息中

好耐無去了，小時候媽媽經常帶我去的花園餐廳。今次食lunch叫左鐵板肉眼扒，餐前有舊式的餐包熱熱的，還有羅宋湯忌廉湯二選一，肉眼扒叫左5成熟，但個汁偏鹹😅。整體尚算okay,感謝。

本來平時都有去開依間花園餐廳因為住附近炮台山， 但係就因為上次同媽咪去個一次被一位服務員態度孽待就到依家都一直無去食因為極致不滿。上次媽咪叫了個黑椒意粉想用筷子食，同一位金色短頭髮的女服務員要筷子後來被佢罵；話食面唔應該用筷子唔北我地重一直係到講我地（但係過往同啲服務員要佢哋都北我地），後來有個阿伯都睇唔過眼就問佢點解唔用得筷子佢就話有錢人食面都唔洗用筷子話佢識啲外國人都無用筷子依家野？！佢個腦真係有啲問題重話cheap人先用筷子食飯！？！我聽完後簡直想爆粗但係阿媽好人叫我唔好計較因為我地係熟客。個女重周圍同啲同事講，我地都聽到晒！真係估唔到依家餐廳會請啲gum變態的服務員真係好有問題！ 既然gum樣同老人家講嘢重孽待客人！後來我媽咪個黑椒意粉唔知點解比平時多十賠黑椒真係好辣！我估係個條服務員搞的。後來回家後媽咪病了好幾日。我本來想同食環處投訴但因為時間過太久而且也沒證據。真係一間無良餐廳，以後都唔會去！簡直就係趕客！真心希望個條TB服務員會有報應！！！

諗住係花園餐廳嘅分店應該同其他都一樣，點知當我見到我份餐之後真係有啲嚇親！我叫佐份大蝦牛枊$148，但係既份量小得出奇！收咁既價錢重要完全唔飽！塊牛扒好似麵包咁薄重要用薯條撐起！吃完等於吃了頭盤，之後我還要去附近的かつや豬扒專門店食個$49元既滑蛋豬扒飯已經好滿足！份量又多！之後同朋友傾先知原來呢間花園餐廳分店份量比其他小好多，佢都覺得份量小得驚人⋯⋯我忠告大家如果唔係咁肚餓先去呢一間花園餐廳如果唔係你一定唔夠飽！

今日同幾個朋友去花園餐廳食下午茶下午茶嘅選擇都幾多我哋就食咗依個洋蔥雞扒意粉同埋洋蔥牛扒飯($41) 包飲品但唔包餐湯同埋餐包凍飲要加兩蚊首先講吓個雞扒意粉雞扒好大塊足足有半隻碟咁大而且佢應該係即叫即煎所以唔會話好乾身 仲有啲肉汁同埋佢唔係油炸嘅雞扒所以適合啲比較崇尚健康嘅人士意粉係白焯後加左少少油唔係炒意粉所以如果唔係特別鍾意食意粉的話 推薦選擇白飯！牛扒同雞扒俾你就相對油左少少但係都唔會話好銀咬唔開都有幾重嘅牛肉味總之要呢個價錢來講十分之推薦好抵食

今次係食咗佢嘅午餐 漢堡肉同牛扒加薯條牛扒份量好足夠 好大塊 肉質都不錯佢嘅薯條都係啱啱炸出來 份量都算正常另外漢堡肉覺得最好食 啲肉汁出晒嚟 唔會話好乾身 加1後大約＄60都接受到

今日到北角做嘢，發現成條英皇道都無乜嘢食，見到花園餐廳就上咗去。下午茶餐啲嘢唔岩食，最後都係食返午餐。羅宋湯味道偏淡同唔酸，而且好多湯渣，正!餐包熱辣辣，好軟熟!鐵板西冷配蒜蓉汁，西冷夠腍，薯條一般。

又唔係最繁忙時間, 揀set lunch 伙記都可以落錯單, 然後上菜既聽到又覆得無禮貌.鐵板既所謂石斑魚爛開, 唔知係太薄定唔新鮮喇, 薯條放係底淋晒. 其他野食麻麻.

今天和來自廣東省的朋友遊覽海洋公園, 在黃昏時份離開!可是不想去銅鑼灣此等旺區晚膳, 所以直接坐BUS去炮台山/北角.朋友想食西餐, 就在落車時見到有花園餐廳, 一於這家吧!由於星期日晚客人較多, 等候10分鐘左右才可入座了!大家都選了A餐: 鐡板紐西蘭牛扒, 包餐湯&餐飲餐湯:海鮮忌廉湯材料唔差喎: 有蝦, 魚肉, 芹唔係只有白汁咁單調.鐡板紐西蘭牛扒大家都選了7成熟,上枱時, 職員會按客人求, 倒入蒜蓉汁或黑椒汁.切開時, 中間的肉仍然是粉紅色.可能是薯條墊底, 鐡板的熱力未對牛扒有太大影響.食到後半部, 都不會鞋口/硬.這家牛扒基本上是不過不失!餐飲: 熱奶茶唔鞋口, 少少茶香.朋友表示這家的牛扒質素好好+好抵食!原來朋友所住地區的西餐, 又貴, 牛扒質素又唔得!佢地表示花園餐廳牛扒質素比果邊好好多.HKD 86有咁大塊!(佢地按RMB計算, 即係八折!)香港是美食之都, 食物一向都有水準!但朋友果邊的西餐廳可能對西餐認知唔深, 質素唔太成熟!2地牛扒對比之下, 香港西餐廳的質素當然處於上風!其實我覺得花園的牛扒OK炸,但係朋友覺得好味和抵食,仲表示係香港食野真係好幸福!

行過幾次都發覺北角有間花園餐廳但都無機會試今日終於有機會試下呢間分店好鬼意 條樓梯特別直 好難行我就lunch後少少時間食既 所以唔算特別多人等左陣就有得入呢間同其他分店一樣 都係以懷舊為主但係有D地方破損左 唔係咁好希望未來會裝修啦睇左餐牌好耐 唔太想食鐵板餐最後我叫左杯奶茶同牛扒飯然後就滿心期待咁等個飯汁好夠 牛扒都唔細我叫左7成熟 但唔係太夠 個樣好似得5成所以我換左塊扒一次味道方面雖然係頹飯 但味道好夠 好重肉汁個黑椒汁唔算太濃 可以接受但飯方面可以少D因為食到最後都食唔曬D飯同個汁可以稠D呢間分店個風景係幾令 一路望住電車路 一路食增加左懷舊既味道所以有機會都想食多次

其實我一早就聽過花園餐廳呢個名，但係次次經過都冇入去食不過今次朋友提議，就獻出左我既第一次....另一位同行既友人同我講去花園餐廳係食頹扒好！我就睇下你有幾頹！當時我地6:15pm就到去到，都冇咩人，唔使等就有位睇返之前既食評，好似話重新裝修過，D卡位都真係坐得幾舒服既講返D野食，我叫左個Set dinner肉眼扒配薯菜，配忌廉湯同餐包 ($77)唔係講笑，我真係未飲過咁難飲既忌廉湯個湯入面有魚，都令我幾意外，但令我最意外既係佢冇忌廉味但係極重味精！講真我對忌廉湯既要求唔高，佢只要飲喝落口感creamy都已經叫做合格，例如Pizza Hut個D我完全收貨（應該係話好好飲）但係佢只係用芡汁整到D湯杰身，似飲緊味精水多D囉結果我飲到一半就唔飲到左主菜肉眼扒我叫左五成熟，配燒汁，都幾大塊既淋汁個下原來要整裝待發咁拎起張餐巾擋住D汁，哈哈 的確係幾稔既，不過真係冇咩肉味囉我叫既5成熟同7成熟都冇咩分別，但係友人舊T骨既7成熟就好似3成熟咁 但係最得意既係佢既菜係小棠菜，果然係Hong Kong Style結果我地坐到10:30pm就走人，個時全場得返我地一檯....可能平日冇咁旺啦總括黎講偶爾

現家依啲中式扒餐廳買小見小....那些年的日子總會約埋同學朋友仔...黎依間食扒....好內無黎啦，上到去發覺裝修左，燈光好似光猛左，卡位既梳化全部係新，之前啲梳化都爛曬現家依到食飯傾計坐卡位，都係一個唔錯既選擇，環境比之前好好多次次黎，我都係食肉眼 or 西冷扒....皮膚敏感後，小食左5成熟...所以今次係叫西冷牛扒7成熟，羅宋湯....羅宋湯~熱辣辣...好飲至於個扒黎到時，落完汁已經好快切開黎食....點知...................好生完全唔係7成熟...之後叫左waiter黎...佢話可以幫我整熟啲....等既期間，仲係到諗緊....塊扒整熟...咁啲薯菜咪凍曬....唔似啲西餐廳成個換比你.....點知.....佢成個換新比我...好驚喜!!! 下面幅圖就係新換比我

花園餐廳迄立於北角已歷史悠久，當年，小妹仍年輕，在北角山上讀書，每次均過門而不入，全因一個字 – 窮也﹗今日機緣巧合下，又路經門口，張望期間，一年老食客由內而出，自言自語說：「明日起關門裝修，要食趁早啦﹗」就這樣，小妹走了進去，彌補多年的遺憾。誰知，去後，仍是帶著遺憾的……午市套餐由$42至$54不等，包餐湯、餐包及飲品，加一服務費，價錢大眾化。不知是小妹記錯，還是甚麼，印象中花園餐廳當年可算是中高檔次的，價錢較昂貴，窮書生的小妹根本花費不起。但今日所見，好抵喎﹗餐廳位於二樓，要走上十多級樓梯，再推門而入。老牌餐廳格局，以深啡色為主，光線較昏暗，除了卡位，其他枱椅均排得密密麻麻的，感覺與茶記無異，裝潢確實過時了﹗所謂「物競天擇，適者生存」，餐廳的確要大肆裝修，重新出發了﹗一中年侍應招呼小妹坐下，小妹要了香草蒜蓉雞扒薯菜。忌廉湯偏稀，味道淡淡的，毫無誠意之作也。餐包則熱辣軟熟，塗上牛油同吃，好味﹗主菜上場了﹗雞扒薯菜均冷冰冰的，唉，又是預先煎煮的貨色﹗即使如此，上枱前雞扒可否再放入煎鍋煎熱少少呢？雞扒及雜豆乃雪藏貨色，雞扒幸有蒜蓉醬掩蓋，除了凍外，味道還可以的；雜豆腍腍的、淡而無味，口感

到了下午茶時間，但仍未有一粒米落過肚的我，很想吃得飽一些。於是走到這餐廳，因這裡的下午茶是有飯吃之餘，份量還很充足的。今次點選黑椒牛扒飯特別欣賞是它的牛扒，很軟滑，一點也不韌，並沒有因為是下午茶的原故而降低了食物的質素，一讚。

今日係母親節，餐廳比平日多人，但都好快有位，唔駛等好耐！一入餐廳，已經聞到好香牛扒味，真係好想快D有得食！兩個人，叫左一份蝴蝶扒，一份田螺拼西冷。先黎兩碗雜菜湯加餐包，餐包上枱時仲係微暖，好有HEART！個雜菜湯都好濃郁，份量十足，真係一碗滿！半打田螺配薯蓉，不過不失，亦沒有太大驚喜。到主菜黎啦！蝴蝶扒好有牛味，叫左6成熟，加埋鐵板上，大約8成左右，好香，好軟，值得推介！而西冷叫左4成熟，真係有血出，絕對冇呃人，我比較鍾意食生生地，所以啱啱好！加埋個黑椒汁，真係好香口，好夾！雖然今日人好多，但效率一D都唔低，上菜快、準！而且仲冇遺漏！食過三間花園餐廳，都係北角依間最好食！咁多年都保持到水準，實在值得推介！

週一午膳時段在北角花園餐廳用膳，店內環境衛生情況和其他花園餐廳沒大分別，比茶記好一點。一份鐵板鴛鴦扒套餐$52+10%，凍飲加$5，計及份量，都算便宜。羅宋湯湯底略稀，似加了水，很一般。鐵板鴛鴦扒不論牛扒豬扒也很大塊，鬆軟度OK嘅，但肉味就很淡了，相信食材被大量鬆肉粉處理了好一陣子。