花園餐廳 (已結業)

以前在花园餐厅食牛扒午餐腌制广东港式牛肉即鼓油糖 盐 豆粉全部都落的腌半小时试过后就做过逃兵现时生意难做见到佐敦伦敦广场分店唔加一便走上去看餐牌心知如果叫59元西冷牛扒后果自负一不做二不休要一个铁板耙鱼块上得70元好唔同罗宋汤够热够味而家花园个午餐面包都软熟左无以前咁*求其铁板餐很认真克意扭转背后惊讶两大条小裳菜很粗煮熟放铁板上 我选了黑椒汁效果_-因为旧鱼不错空前的好鱼块肯定唔系我平日食3-40元午餐那种最平的鲶鱼本港统称龙脷柳轻炸醮过蛋酱的鱼大块炸功一流要赞鱼肉新鲜不腥70元食鱼扒已甚久未遇上咁抵食的加2元冻饮平时一定唔会但今日竟然在花园大破悭囊原因除了撞彩食到超水平黑椒鱼扒仲要送的午餐包都超软滑好吃环境好靓对正落地玻璃窗…查看更多

有一段时间冇黎花园餐厅食嘢⋯今次黎系试佢新推出左新嘅「战斧猪扒」！！！「战斧猪扒」虽然只系买$88 ，但系都系用铁板上，而且仲一样会有：餐包、餐汤、薯菜同嘢饮，系价钱同埋份量上面，可以话系真系好抵好抵！店员上「战斧猪扒」嘅一刻真系好震撼，个猪扒仲大过个铁板（可以睇我下面嘅图片），同时因为太大块，所以我要郁一郁块扒，先有空间落啲蒜蓉汁。虽然份量好吸引，不过味道方面就⋯只可以话不过不失啦:)比较适合追求饱肚、同只系想过下铁板瘾嘅朋友。反而，佢嘅餐包同埋餐汤，好值得一赞一赞㖞！！佢嘅餐包仍然保持好松软（唔系嘉X餐包），而且上到嚟嘅时候，仲有少少微暖，揸嘅牛油融系面包度，一流！另外，系下面张相可以见到：佢嘅罗宋汤（红汤）材料十足！…查看更多

夜晚肚饿，望到花园餐厅仲系营业紧，就入咗去食:)一心想食牛扒餐，但就睇错咗要咗个杂扒餐个set包埋面包牛油、罗宋汤及一杯饮品猪扒唔好食厨师将薯条放系底，上面放扒，然后淋上肉汁，导致啲薯条吸晒啲汁、好淋，完全冇咩意欲去食…查看更多

因为今日要去上堂，咁就约左仔仔同老公出街食饭啦，顺便都想去睇下激安殿堂。唉，失望，又细又冇乜野买，又唔抵买。极速行完激安就去揾食啦。因为我想去Sanrio买野，所以就向佐敦方向行，同揾食啦。本来老公话想食鱼旦面果D架，但行行下发现有间花园餐厅㖞。其实以前行过都唔多觉，可能唔系揾食就冇向上望啦；难得见到，我地就入左去花园餐厅啦。后生时成日去呢，果时好多地方都有，平得黎又唔会难食；今次算系怀旧一下。不过因为我其实都唔算肚饿，所以就同老公Share一份牛柳，加个田螺啦。同老公Share的牛柳，加左个意粉。睇落都OK既，食都淋既，不过总系觉得同以前的不同，系一旧肉啰，但冇乜味。可能我既回忆太美化左佢，所以真系有D失望。仔叫的西冷，同牛柳差唔多，都系好淋啰，但食落冇乜味，都系一旧肉啰。都系靠个汁先有味。田螺，都系有D唔够味。以前食完粒肉，可以倒好多汁出黎，再捞落D薯蓉度，咁个薯蓉就劲好味架啦。但今次系冇汁啰，变左个薯蓉完全冇味，粒田螺肉亦唔系好够味。真系回忆几时都系美好既，以前既花园餐厅真系几好味架，又平又靓。依家...平又唔系特别平，好似都成百蚊一个餐。咦，系㖞，我唔记得影餐汤，餐包同冻饮。讲埋个汤同包先，包系好味既，上枱暖暖地，搽牛油系溶到的，点汤真系冇得弹。不过个汤呢，好多料，系好多料，但我唔系想赞佢，系成汤都系薯仔啰，想揾下其他料都冇。而个汤都系冇乜味，但系辣辣地咁，感觉得，煲完卖左半后加水加薯仔再煲下果D咁。唔，老实，又唔系难食，都坐得舒服的，只能说咁既价钱，都冇乜好弹。只系因为回忆而失望。…查看更多

夏日炎炎想揾个地方坐低倾下计，顺便食少少嘢，于是就走左上黎庄士伦敦广场1楼既花园餐厅。花园餐厅系香港都算历史悠久，属于平民价既连锁扒房。 岩晒我地呢啲平平地又想锯下扒既食肉兽由于我地入座时间已经过左中午繁忙时间，所以除左午餐之外仲有特价下午茶餐（下午3点后开始）。餐厅环境宽敞，环境宁静。最钟意佢有卡位，可以舒舒服服坐1-2个钟倾计。下午茶餐既选择都几多，全部都系$40-$50左右。我地两个个下午茶餐，黑椒牛扒饭 + 炸鱼柳薯条。牛扒都几大块，7成熟左右，味道唔错。鱼柳都炸得几香口，薯条正常。每个下午茶餐都跟1杯餐饮。…查看更多