花千壽日式外賣專門店 (中華大廈)

营业中

休息中

經過土瓜灣， 想食壽司咁啱見到呢間花千壽壽司店，就入去行個圈，見到都有啲唔同款嘅壽司買，我就買咗呢個海鮮太卷返去屋企試下，佢一盒係咪有八件嘅，類似出面食嗰啲加州飯卷咁樣，不過其實佢一件都好大舊，因為啲飯好厚，同埋原來食入去入面嗰啲三文魚，有啲似堆砌嘅感覺，即係唔似原條切開，好似啲碎嘅三文魚卷做一條，再切返開拎出嚟賣咁樣，至於嗰啲蛋呀青瓜黃瓜蟹柳，其實都係啲正常味道囉，唯一有樣嘢好奇怪，就係唔知點解壽司入面係有加到白芝麻😕 整體感覺一般👌🏻

真心唔好幫襯！完全唔明點解可以開分店…第一次食甘難食既壽司！相中壽司無一件係新鮮，連加州卷同蟹柳小卷都係腥🤯太誇張了！完全食唔落去！HK$140買番爭鮮好過!

最先食呢間嘅壽司，係因為喺app叫外賣，咁啱見到呢間有discount，於是試咗第一次，水準相當唔錯，而且幾抵食。後來發現外賣自取，原來更加平好多，同埋更重要嘅係佢門口長期都可以泊車，停低架車買完即刻走都好方便。佢哋有印花卡，買滿$60有一個印仔，儲滿10個下次送一盒。自此，佢就成為咗我買午餐送去學校俾兩個小朋友時最愛的店舖。其中兩個小朋友最鍾意食嘅係下面幅圖呢款拖羅餐盒，有五件拖羅、兩件蔥碎吞拿魚軍艦、仲有吞拿魚小卷。$75一盒。