芝麻綠豆甜品屋

以前经常帮黎食，但有一段时间冇黎了，大热天时咁啱经过，想食个冰冻甜点，本来想叫 樱桃小丸子，以前黎帮衬必食这个，但近一两年都停售，唔知系咪转咗手冇做呢个甜品。睇完个餐牌都觉无咩冰冻嘅嘢，最后叫左 芒果西瓜绿豆蓉冰、芒果西瓜西米露冰。2碗甜品黎到，表面有d冰，以为好冰冻下。点知喺碗底 “不” 一羹食，是室温的，无错，一d都唔冻。我觉得真系好离谱，叫碗冰食就梗系想食冻嘢啦，点会整碗唔冻嘅出嚟俾人食。虽然味道唔错，但系好唔专业。…查看更多

今日叫左个香蕉船比个女食，见隔离枱个小朋友食的同餐牌张相一样（上面有两球雪糕一球紫色一球粉红色）㖞，我叫一个一样比个女，个侍应送上枱个阵，咦，球雪糕点解变咗绿色？之后我问个待应，点解变咗绿色嘅同张相唔同嘅？佢话你冇要求到个雪糕，下，你都冇问多句，我话你张图咁样，我仲要另外叫雪糕个味, 我问可唔可以转返球士多啤梨，因为小朋友唔食，之后一句话冇架啦，冇士多啤梨味！ 我望见隔篱枱就系士多啤梨味，你话俾我听冇。我话你要钱你咪出声啰，唔好话俾我听冇，你可以话俾我听你唔愿意做！后尾个老板出嚟比返球士多啤梨雪糕我，话好少事。哩D咁既帮手，请到佢真系福气！叫咗三样甜品 ，所谓嘅招牌杨枝甘露不知所谓，冇芒果味超级甜既黄色水，杂果凉粉冰，冇乜生果净系食凉粉，香蕉船更加唔使讲，差👎🏻三样都系唔好食。唔会再浪费我嘅金钱…查看更多

甜品永远系女人用第二个胃品尝的🥰我都唔例外，今晚去咗红磡试吓这间由朋友介绍嘅甜品店！朋友话杨枝甘露好食就点左个！- 杨枝甘露🥭好杰挞挞，唔太有芒果味- 合桃芝麻糊👍🏻不错几香滑- 喳咋🫘豆豆种类不多，朋友话味道麻麻地😌…查看更多

餐牌唔算太多选择，见到餐牌张相写住万众期待就试一试，这款养颜蛋白杏仁茶味道真的不错☺️味道不太甜适中的，入口口感不错，今日年初三专登过嚟食，算真的不错，下次会再嚟！ …查看更多

同友人们喺红磡附近打完边炉，心思思想食埋碗糖水先打道回府 就喺OpenRice度search吓附近有咩好食E? 见芝麻绿豆甜品屋咁多个笑哈哈，10点几爆场要等位，心谂实冇死啦！等咗将近15分钟终于有位 我哋怀住兴奋嘅心情坐低叫嘢食。不过好可惜，佢哋因为太好生意嘅关系，我哋基本上要乜冇乜，唔通…. 系我哋中六合彩嘅先兆？ 咁系冇乜得拣嘅情况之下，我哋就order咗腐竹糖水，红豆沙加芝麻汤圆，绿豆沙，同埋芒果紫米露。率先登场嘅系我碗腐竹糖水，系煲到维他奶状态嘅样，唔太甜，豆味偏淡，冇乜特别。继而系红豆沙同埋绿豆沙登场。当红豆沙放低嘅时候，我心谂：“乜红豆沙有西米嘅咩？” 然而，西米似乎都系冰山一角 除咗友人们一致认为红豆沙同绿豆沙唔系甜嘅而咁啱都系苦既之外 原来最后上场嘅芒果紫米露先至系今日糖水嘅冠军 因为…….入面竟然附带真既粟米粒呀OMG⋯⋯…查看更多