芝麻綠豆甜品屋

营业中

休息中

入舖頭叫外賣見到有外賣紙寫住歡迎取閱，叫咗個3.6楊枝甘露 $39我比$40.阿姐話咦係46喎！跟住話佢哋嘅價錢已經update你餐牌為準，但係我係拎住你外賣紙，擺喺門口嗰個價錢嚟睇嘅。好無言囉。加價唔係問題，但係你未加價嘅外賣紙唔應該出街囉！

好耐無去紅磡覓食.今日與家人一起到黃埔行吓街食吓野.掃街完街.買咗件台灣古早味蛋糕.大大件.再係附近行多陣就散Band.行到民泰街見到間甜品糖水舖.個名都記得意叫（芝麻綠豆）.都算幾大間.座位都幾寬敞.牆身還有啲明星照片.睇嚟都應該唔錯.便與家人相討入內食番個靚甜品.在枱上發現一張由新城財經台發出一張（食神爭霸戰)第三屆金獎証書.該証書發出日期係2005年度。不過已經係以前嘅事.唔知依家水準如何？要食過至知！點餐如下：1. 芒果珍珠紫米露 X1 $33元2. 金銀芋椰汁西米露 X1 $25元3. 雪耳馬蹄露 $22元X2 $44元🚶🏻‍♂️👉📌芝麻綠豆甜品屋 (紅磡)紅磡民泰街16號B地下

坐咗喺度食咗15分鐘同糖水（鋪頭仲有一半座位，仲未係關門時間）店員不斷想攞走我碗糖水（仲有三份一），好似想趕客走。隔五分鐘就過嚟問一次，態度好唔專業，唔會再幫襯。

｡✩*:ﾟ･⑅*॰¨̮♡•͈౿•͈ 芝麻蛋白燉奶 $26 (3.3/5)今次嗌咗招牌嘅芝麻蛋白燉奶🥛大大碗份量十足~ 芝麻溝燉奶唔係成日見 兩樣嘢都match嘅 但略為甜🤏🏻 熱嘅燉蛋好重奶香而且幾滑 芝麻糊就 不過不失唔算好香滑🥲 店方有教幾種方法食 個人覺得都差唔多冇話好特別 而且兩樣嘢溝埋一齊作為飯後甜品真係好飽肚 整體一般👌🏻

想當年（講緊都廿幾年前），拍拖時間唔中都會去食下甜品。當年紅磡嘅芝麻綠豆同天后晶晶就係我哋常去嘅甜品店。廿幾年過去，感恩是partner都係同一個人，只係大家嘅身份都同步upgrade咗。當日專登去成興隆買餸，拍檔話好耐無去過芝麻綠豆，不如去食返碗。重訪芝麻綠豆，環境同那些年都差不多。裝修佈局都似曾熟悉。坐低叫咗碗楊枝甘露，感恩同以往都分別不大。芒果汁濃，唔會似坊間甜品店稀如水。柚肉新鮮之如亦彈口。食完有飽足的感覺。另外叫咗個雪糕綠豆涼粉。各種不同的配搭混合後，非常和諧，絕無違和感。絕對可以一試再試

今天路經红磡，打算往我最喜愛的芝麻綠豆吃甜食。到埗後一看餐牌，餐單已改，沒有我最愛吃的芝麻爽，惟有選以往是皇牌的燉奶。不消一刻，合桃糊燉奶已到，嘗一口，味道已不如以往，没有清甜的奶香，不知做法是否與以往不同，過甜的奶味也遮蓋不了那濃濃的塑膠味。初嚐一口已失去興趣，吃甜食的興致也一掃而穿。我並没有放棄，試著用不同的方法把它弄得好吃點，但终告失敗。進餐廳不到五分鐘，留下一碗只吃了幾口的甜點，便匆匆賣單離開。這可是我頭一次以極速完成此壯舉。

難食燉奶，有膠味，合桃糊沒什麼味道！！環境一般，服務尚可，叫店員換匙也快。店內人不多，只有幾人。店内人員也多，有兩三人。餐單已改，沒有了以往的滋味。很懷念舊店。

專登去紅磡搵食， 最後一站就係食甜品。可能時間仲早 ， 店面人流好少。試咗兩款， 佢款係凍芝麻燉奶，奶味好香又唔會過甜， 質感啱啱好，中間嘅芝麻餡有流心嘅感覺好特別。第二款雙皮奶，就比較普通，正常雙皮奶嘅味道。

今晚我跟家人慶祝完父親節，大家興致勃勃，經過民泰街，有人提議食甜品，於是我們去了芝麻綠豆甜品店買外賣。眾所皆知，芝麻蛋白燉奶算是芝麻綠豆甜品店的其中一道招牌甜品。我幫襯過無數次，沒料到今晚買外賣返屋企食，打開是這個模樣 (附圖) 😱😱😱 我吃了一口覺得十分不對勁🤨，完全冇諗過這款甜品可以失準成咁，既失望又生氣😡 只好透過此平台抒發自己的不滿！請大家多留意，買完外賣檢查清楚，以免像我這樣中伏！失了金錢，還要影響心情……

Ouiii。WeeeEat - 黃埔港式糖水店 - 芝麻綠豆甜品屋 🌘Dessert 飯後時間去嘅話大多數都要排隊🥺！ 不過無論堂食定外賣，都唔駛等好耐就食得😚👱🏼‍♀️爽滑涼粉冰加芒果 $30試咗第一次就愛上咗佢地既涼粉，之後平時星期五落左堂後都會黎食😚～ 因為佢地嘅涼粉真係超級爽滑，唔係浪得虛名😝！ 唔算係好複雜既甜品，但鍾意食涼粉既人可以黎一試！ 尤其依家天氣咁熱，食碗涼粉冰配埋鮮甜既芒果，好滿足🤗～

剛剛在黃埔紅磡附近吃完晚飯後，想食甜品。附近看到有這間叫芝麻綠豆的店，這個名字令人印象深刻啦，哈哈。本身想顧名思義食芝麻糊加綠豆沙，但係頭先食得太飽，所以都係嗌返招牌的芝麻蛋白燉奶好似冇咁飽肚。這個芝麻蛋白燉奶有幾有創意，雖然芝麻糊同埋蛋白燉奶好似都好常見，但係將佢哋溝埋一齊，就有一種新鮮感。而且兩者的配搭也不錯，食熱的蛋白燉奶會比凍的更加有奶味同埋會更加嫩滑。枱面上有一個教學教你點樣食呢一個芝麻蛋白燉鮮奶。所以用一碗嘅價錢就可以食出三種感覺，食到一口芝麻糊的感覺，食到一種蛋白燉鮮奶的感覺，最後就食到入口芝麻糊溝蛋白燉鮮奶的感覺。令人哋覺得好抵咁同埋好似好過癮。推薦，可以再來。

新嘅一年由甜甜的開始，食咗三個糖水，分別地係雪糕涼粉、芝麻糊湯圓、雙皮奶。今日不論凍食或者熱食，對於咁嘅天氣都好適合，不過涼粉就好似比較清淡，可能我都係比較鍾意食啲濃味嘢。而佢嘅雙皮奶奶味濃郁，亦都好滑溜，喺熱食嘅情況裏面令人感覺好滿足。最後，芝麻糊湯圓，唯一嘅缺點係冇得選擇湯丸嘅口味，只有芝麻味。

聽人講呢間嘅嘢開左咗好多年，今日終於有機會是一事，台上3碗甜品我都覺得好好食，自己個碗黃金芋頭椰汁西米路超級足料，芋頭綿粉，對面嗰碗合桃露好滑好好食，難怪佢屹立多年都仲係咁好生意，下次必定會再幫襯！

帶小熊貓回娘家順路食個甜品下午茶當年經常宵夜食芝麻綠豆的甜品，搬左之後好懷念，今日見時間尚早食個甜品先做開街坊生意既小店緊係由老闆自己睇番，仲有對公公婆婆一齊睇鋪面相當有親切感芝麻蛋白燉鮮奶 ＄28Order熱既比姐姐同小熊貓一齊食，份量剛剛好，最後仲叫左2碗怕吾夠食添滑嘟嘟既蛋白入邊配有大半碗既芝麻糊，好適合呢個天氣食首創櫻桃小丸子 ＄33吾怕凍既我緊係繼續食冰冰啦個冰係用左櫻桃漿整成甜甜微酸既冰，配上熱辣辣既芝麻湯丸，新鮮香蕉 呢個甜品都適合小熊貓可以一齊食埋蕉蕉味道 賣相 衞生 服務 抵食 推介

我其實唔係好鍾意食甜品，但係今日中秋節前夕比屋企人拉咗去食甜品咁啱試咗呢一間芝麻綠豆甜品囉，原來佢都幾唔錯個喎我哋三個人嗌咗西瓜冰涼粉、芒果紅豆綠豆肉涼粉同埋紅豆杏仁。我個人最推薦芒果紅豆綠豆蓉涼粉，佢啲紅豆好飽滿同埋好甜，好似喺日本買返嚟嗰啲咁，芒果酸酸地甜甜地好啱呢一個季節，綠豆蓉就啱晒我清熱去濕，佢嘅賣相都唔錯，成個配搭嘅都好好味。至於我個朋友嘅西瓜冰涼粉簡直係消暑佳品，冰冰涼涼十足九分食嘅刨冰咁，勾起我對台灣嘅回憶。不過我自己唔係太欣賞紅豆杏仁，呢啲太養生嘅嘢都係唔啱我，下次我都係叫friend不如嗌燉蛋仲好，皆因我見隔離嗰台好鬼死正