影片
平安夜打算买两个pizza过下瘾，特登上网查资料，发现黎间两个大批$176，谂住几平，而且又近屋企就去舖头买，去到舖头，写$160两个大批，即刻好开心去落单，点知店员话$92算啰，都黎左费事再去第二度，局住买左一个千岛海鲜薄批，一个环游世界厚批。千岛海鲜好食，个底几脆，都OK多鱿鱼同蟹柳，但系好似食唔到虾(睇返先知有虾同蚬)，芝士分量还可以，算系值得推荐。另外既环游世界就麻麻地啦，肉就真系唔多，睇返餐单系有猪肉同牛肉，不过本人食唔出，个底其实都几软下，但同另一个比似乎味道就几一般，或者薄批会好食d。都试过其他食店既pizza，例如pizzahut, pizza box 个d，感觉黎间性价比都高既，但系个价钱就真系好乱，既然唔系𠮶个价就唔好贴出黎嘛
继续阅读
仲记得三年食过呢一间PIZZA店 记得当时觉得D野又几好食... 咁岩今日揾朋友黎到天水围,所以同佢试下呢间麦当劳形式营运既PIZZA店 实情我都唔知会食乜餐, 因为我个FD话佢自己帮我选埋食咩最后,我朋友叫左个肉酱意粉而帮我叫左个焗白汁海鲜饭成个试食埋单$36+$36=$72 但每个套餐有餐汤,小薄饼都唔错了!! 同一般既茶餐厅既午餐价钱差唔多!! (茄汁肉酱意粉配是日小薄饼)我个朋友钟意食茄汁肉酱意粉, 所以试下呢到既出产既肉酱意粉眼见个餐都应该相当之足料!个意粉上面有7成左右都系肉酱同茄汁 眼见我朋友将成碟清左 其中,我都有试下个肉酱意粉发觉味道一般 我个朋友讲番,原来佢觉得个意粉味道一般.. 佢仲要同我讲呢个意粉餐比唔上格离大快活既肉酱既意粉咁好食咁当然大快活既茄汁肉酱意粉$34冻饮要加$3,即系要$34+3=$37贵多一蚊先有完整既餐 精明既香港人你会识选既!!!食多D可以饱D,定系味道至上...??? 自己选啦.__."(焗白汁海鲜饭配是日小薄饼)讲番我个主餐...个白汁真系唔错...唔会太淡或者太咸!!! 热力非常之平均配料同海鲜既份量十分足够同饭既比例有50/50真系完美既比例!!!海鲜有八爪鱼仔!!!真系唔错 白汁又非常分布得唔错...!!!成个焗饭都COVER到真系好好味!!! 各位有机会可以黎试下呢间PIZZA店既焗饭!!!不过呢个白汁焗饭系唔错...但唔知其他焗饭实际系点...大家量力以为吧!!! (忌廉汤)是日餐汤个汤真系唔知点讲.... 基本上唔可以讲佢系一个汤只系话佢只系一忌廉汁,用黎LO饭既汁.. 饮落去基本上感觉到无水份 之前做过麦当劳,仲好记得呢只汤同麦当劳用既材料应该一样都系杰到无朋友系汁黎,唔系汤黎 差D唔得呢到PIZZA店既套餐有送埋小PIZZA呢个配餐小PIZZA味道无咩特别...只可以话同一个小面包份量差唔多以我推测...间PIZZA店同麦当劳既套餐差无几...而麦当劳配餐系薯条...而以一间PIZZA店系用小PIZZA做每一个套餐既配餐作用都应该一样系用黎填饱你个肚... BTW...成个餐食埋呢个小薄饼真系好饱饱饱!!!呢个试食埋单,都系$72都市人番工食一个餐都差唔多$40左右但系要食得饱真系好难...呢个PIZZA店都几地址都几入...系天水围入面...讲真呢间PIZZA店都唔错地方都几清静,都几多中学生放LUNCH黎食...年青人既聚脚好地方!!!
继续阅读
放假唔想出街排队食野，所以落街买takeaway叫左个二人套餐a可以拣1个普通批、1个焗饭或意粉、一个小食同二个饮品。我拣左夏威夷批、肉酱意粉、炸鸡同百事可乐。夏威夷批不过不失，菠萝同蕃茄既比例几好，食落唔觉得酸，口感唔错。肉酱意粉普通，无咩特别，系入面会有埋青椒，但味道影响唔大。炸鸡方面皮厚而脆，一d都唔肥，肉方面正正常常唔油腻，系热气左少少。overall 7/10，$115呢个价钱黎讲算唔错。
继续阅读
同老豆每人叫左个皇牌套餐 大家同样都系选择pizza但唔明白点解可以相差咁大啰 一个有料一个冇料 咁都可以拎比客人食汤有d油 我老豆叫螺丝粉 我叫长通粉 但大家既份量系相差成一大半 真系好求其 炸鸡就好厚粉 所以唔会再黎食了
继续阅读
话说,星期日早上起床,突然想吃pizza,想起芝脆鸡的pizza好吃,就决定叫它了10点半打过去,有位阿姐听电话,说12点才有人返(咁阿姐你到底系...?XD 讲笑XD我估阿姐意思系12点先有送外卖既返??),12点半才可以送到,没问题吗?我想著反正也是当午餐吃,就说OK~然后向阿姐落Order阿姐礼貌好好!其实我一向不太喜欢电话叫外卖(所以倾向KFC/Pizza hut可以网上落单),就是因为有时听电话的员工礼貌不好...但这阿姐的礼貌要比个赞^^果然,12点半~一份A餐(2-3人)准时送到~承惠$167,当然我一个人唔会一餐食晒啦XD放入雪柜可以食到听日XD睇睇个样先:大家睇相见唔见PIZZA盒右上角好多食物痕迹?因为...大虾沙律PIZZA d大虾跌晒过去呀><我唔系要垢病外卖哥哥，毕竟外卖有小小摇动好正常，不过，设计个pizza既时间唔系应该考虑堆送外卖会摇动呢一点架咩?><比如上面再加小小芝士黏实佢?不过小问题者,自己执返放返(影相时我已经执返上去pizza上面),当然照食无问题~PIZZA照旧好好食!芝脆鸡既PIZZA我一向推荐,唔会太干,厚但软,口感好~而且又整得好好味~不过可能因为唔似PIZZA HUT有保温袋,已经有些少凉了,自己家有焗炉可以轻轻焗返会仲正跟住食香蒜肉丝意粉，无乜特别，不过不失～有小小咸但可接受范围内～小食拼盘亦唔特别，但胜在咩都有，炸得都叫好食（但你地知啦，春卷咖哩角呢ｄ，只要无炸衰，好难难食，另一方面亦好难特别好食）顺带一提以前饮过个餐汤，忌廉汤系好似豆粉水咁的。。。唔好中招呀。。。所以以后叫芝脆鸡我都要可乐XD整体而言，芝脆鸡一如既往，PIZZA好好食，小食拼盘同意粉一般（＂快餐丫嘛，算系咁啦＂既程度...间间都系咁啦XD又有边间小食拼盘系坚好食丫？）P.S. 填价钱果度因为我分三餐食(本身系2-3人餐),所以我自己除左3啦XD
继续阅读