芝脆雞 (已結業)

今日係第一次試呢間外賣95元meal. 包括1pizza (直徑約8吋)--我選泰國味果隻. 薄批(5mm 厚左右), 邊位香脆, 近中間的有趙口. 味道okay. 飯--我改為香草豬排骨(加$6 ) : 真有香草味, 但偏鹹. 肉質一般, 唔夠嫩. 飲品--我改為炸雞. (原來每張單夠$100, 佢地會送炸雞, 早知係咁大件, 就唔改喇) 共3件, 今次全係雞下槌(以肉黎計,每隻等於兩隻kfc 果d下槌咁上下). 我不嬲唔食皮既, 只食肉, 香滑夠入味. 唔錯. 整體上, 我收貨. 會再試下既. 巿場多d 選擇, 係好既.

係討論區成日聽人講Cheese Pizza好好味岩岩就叫左個啦 觀塘區果間聽講裝飾 飛線去將軍澳都好 等多一陣姐 照叫 就叫左個便利餐試下先就叫左"歡笑樂園"同"香脆油魚圈"+二個汽水咁 諗住二個人食咁啦 飽唔飽就一回事然後佢就話一個鍾三個字左右到 我都ok 但過左時間多半個鍾之後先到聽人講就即叫即做叮埋50分鍾左右 叫過黎觀塘係遠d 都係耐小小姐 無問題問題係...重點啦!一開始食個Pizza...無乜味既! 油魚圈又係...我shit!中哂伏唔脆 茄汁味重 無芝士味油魚圈一樣 根本無味既 除左外圍果d粉有dd脆之外 無乜可以評論..早知第二間野啦....不過好彩都唔算太貴既我諗我應該唔會再叫 可能係我口味太挑剔啦建議大家食左一次岩唔岩自己口味先 唔好叫貴住唔係可能後悔....

之前曾經去過坑口的分店吃了炸雞,薄餅,燒豬骨,好鍾意個炸雞同薄餅,因為個炸雞又脆又嫩滑,個薄餅底又夠鬆脆!今次響觀塘開OT傾野想食小小野先再番屋企同家人再食o知道呢間野最近響附近有新外賣分店,咪諗住再食下個炸雞係咁兒填下肚,唔好邊開會邊挨餓,最後比個同事老點左打電話去叫外賣,另一個同事去自取,今次叫了4件炸雞同海鮮寬條麵大家分來吃個炸雞依然維持到水準,咬落去仲係卜卜聲,但入面仲熱同D肉好嫩...真係食極都唔厭,而今次膽粗粗叫了既海鮮寬條麵就碎了D,冇PIZZA乞咁好食,但都入得下口!整體黎講係幾抵食,味道OK,最正係個炸雞!下次要叫番薄餅同燒豬骨,睇下係咪咁好先!

三個人食叫外賣送上門.勁抵食.食物都ok.咁的價錢真係超值.大胃a餐:櫻之花pizza(獅子狗和紫菜等材料),吞拿魚蘑菇螺絲粉,三碗粟米湯.散叫炸雞4件(肉味夠味,但外皮有少少油"億"味)呢餐食得好飽.大家都試吓喇.食物都有好多選擇和配塔.www.cheesepizza.com.hk外賣電話 tel: 2572 8000