芝樂坊餐廳

First time, first impression: Very appalling, rude personnel at the reception! I was meeting 2 friends for an early lunch (11:30 AM). When I arrived 3 staff were at the reception. I told them the friend who made the reservation had already arrived.  I thought one of them would show me/take me to our table. Instead, I was told to look for my friend on my own without indicating which section! The same thing happened to our other friend as she arrived after me! We both felt that their attitude was

帶位hostess接電話已經冇禮貌.,在現場問佢野 ,話叫野食吾關佢事,要叫waiter, 好啦咁叫waiter 啦,侍應服務好差,燶口燶面,吾願郁咁,叫水要叫二次,四眼男唐人經理的服務都吾及茶餐廳, 感覺全部員工好似被逼返工咁🙈🙈🙈,食物份量不少,但比以前就少左,縮左水,d麵包凍的,去果日咁啱外面12度,真係貼心了,都費事同佢講！來呢間餐廳吾算平但原來吾可以有期望,要平常心茶餐廳的心態先得,明白了經理,放心,一定冇下次,咁吾會打擾您抹酒杯了.

主要想講服務態度都真係非常差😡 第一次響Open rice 留劣評😡嚟過呢間餐廳三次，之前兩次冇乜特別，唔叫好service但又唔係差咁樣。今次係遇到超級差的服務態度。星期日一行8人食晚飯，其實我唔介意落訂可以book位，因為始終8個人要Walk in一齊等有啲難度，但餐廳回應沒有這項服務提供，咁就唯有Walk in啦！ (呢方面我冇投訴，只不過我係覺得公司訂位政策可以改善。。)知道餐廳無論有幾多人食都係限時90分鐘,星期日7:40pm 到，我哋都預咗要等位到8pm後先有得食，reception其中一個姐姐就話現在有位，但由於我哋未齊人，佢就態度惡劣地話：「點解你哋唔係八個人一齊到？！ 」What ? 其實一唔一齊到又點呢，就算我一個人到咗，你照俾枱我，照計我90分鐘，我冇問題架。同埋正常食晚飯7點幾我都預攞咗飛再等位，點會諗住你而家即刻有位！咁好啦，個位reception姐姐話依家7:40pm入去都可以俾我地坐到9:30pm, 如果依家唔入就要等一個鐘先有位。。。但隔籬位肥肥的reception姐姐就態度惡劣話唔好俾客人預早入去，兩位reception姐姐爭議一輪後就決定俾我哋入！

家人推薦者餐廳，原因是菜式選擇多，蛋糕非常好食多元化！週末假期等候人客非常多，一直都沒有機會嘗試，趁着平日下午，經過入去試試！竟然有Lunch Set，價錢算是可以接受，份量也非常充足，我們三個人點了三個set加蛋糕，結果要打包走。首先Fish N’ Chips炸魚非常新鮮香脆，薯條也是有薯仔味的，最快搶食完；Pizza沙律也是十分好味，Pizza選了the everything，即是乜都有真係用料充足，沙律份量也不少，很多蔬菜，呢個套餐真係好抵食！Da Vinci Pasta 其實都好食，只係稍為有點普通；最後甜品，我們叫了一件Godiva Chocolate Cake 簡直超級好味，濃郁嘅朱古力味也不太甜，旁邊太多忌廉啦，如果唔喜愛忌廉，記得要走唔好浪費！整體而言，西餐來說，真的很不錯，氣氛也挺好！

落order-揮手無用-大叫無用-reception果兩位印度樣嘅人，佢有佢職責，只帶位架炸，見到你叫佢，望住你掂行掂過-cashier果幾位只負責甜品同埋單，見你揮手，都唔理你架，經理都係架，企喺果度唔理你架-要起身行埋去果啲傳菜員問佢Can you take my order?先落到單架記得佢哋嘅職責崗位，如果唔係錯果個係你吖知冇？埋單都一樣-叫破喉嚨無人理你，點解吖，因為佢哋各有自己嘅崗位，唔可以做其他位嘅野，要認住落order叫埋單搵邊位staff，佢唔喺場就等到佢出現為止，which is 8成時間都唔見左人？？？-如果唔係蠢果個係我地 -經理表示我話openrice反映，佢話好吖，叻 睇黎完全唔care呢度嘅留言已send email去cheesecake factory總公司果度反映。

作為一個芝士控點可以未食過芝樂坊餐廳The Cheesecake Factory美式餐廳份量絕對同美國一樣所以連蛋糕都係重量級入得黎食咪諗肥呀~~😋有好多款唔同既 cheesecake眼花心多樣樣都想食😍😍😍😍聽聞呢度出名無敵紅絲絨芝士蛋糕$84叫得無敵說就緊係正啦~紅絲絨蛋糕同芝士蛋糕層層相間外面裏面 滿滿嘅忌廉芝士糖霜仲有白朱古力口感軟綿綿❤ 佢比我想像中無咁甜但食得多會有啲滯另外叫咗個30週年紀念朱古力芝士蛋糕$84呢個冇記錯係攞獎架多層原創芝士蛋糕 特濃朱古力蛋糕再加埋松露朱古力忌廉食落好滑口😋😋😋 朱古力加芝士紀絕配👍The Cheesecake Factory尖沙咀廣東道25號海港城港威商場地下G102號舖#Foodie_aki #Yum_yum#尖沙咀美食 #尖沙咀西餐 #尖沙咀甜品#芝士蛋糕 #cheesecake #芝士控#紅絲絨芝士蛋糕 #30週年紀念朱古力芝士蛋糕#朱古力芝士蛋糕 #芝樂坊 #芝樂坊餐廳#TheCheesecakeFactory

食咗呢場營養滿分嘅美食足球賽後，我啱啱喺The Cheesecake Factory搞掂咗自己肚餓成個下午嘅事情。首先夾咗幾塊蕃茄肉丸意粉上嚟，真係入口即溶，肉丸彈牙又juicy，啲蕃茄醬味道勁勁地突出，鮮甜喺舌尖周圍打轉😋。跟住轉戰雞肉檸檬忌廉意粉，這個真係惹味到爆炸，個忌廉汁濃而唔膩，雞肉滑溜溜嘅，齊齊撞入我個口中間，大滿足。糕點就別提啦，紅絲絨蛋糕同Oreo蛋糕比賽睇邊個更識得引人入勝。紅絲絨蛋糕幼滑軟綿，每一啖都足夠令人心花怒放🌸，而Oreo蛋糕則係甜度上嚟講偏高一點，但對於鍾意甘甜嘅人黎講，絕對係滿足嘅終極體驗啊💯！後來發覺肚皮已嗌停嗌埋，唯有抱住一塊濕濡紮實嘅cheesecake，騰出手指祈禱下次再有空位讓我一嘗尊榮。温馨小貼士：來呢度食餐好嘢，一定要嚟早啲，唔係咁容易就等到位嘅！🍰🍴🧀

用英文溝通唔緊要，問多兩句，諗多兩吓，個疑似印巴藉嘅waitress對住我反白眼，表示唔耐煩。嗰吓我其實直接同佢講，不如你講中文吖，反咩白眼姐，嗰度嘢食係ok,但唔抵食，加埋啲咁嘅服務態度，完全唔需要再去！

-果然真係美國餐廳 D份量真係勁多😱可能叫2樣野食都夠3-4個女仔食~今次一同6人叫左5樣野食 先岩岩好食得晒😆 德州墨西哥脆卷💰$158呢個香脆春卷比我想像中多餡料同埋口感豐富😍入面有辣雞肉、粟米、黑豆、燈籠椒、洋蔥及熱熔芝士 配牛油果忌廉及莎莎醬☺️仲可以拎個醬黎點免費既麵包~水牛城香辣雞翼💰$198好多件雞翼又大隻 好似都有成6-7隻!!😌佢既汁(藍芝士醬+水牛城辣醬)係另上~呢點好加分比您有3種食法HAHA同埋本來的雞翼都炸到好香口 唔油膩👍🏼👍🏼 烤蒜雞肉蝴蝶粉💰$208每次都黎都係一定要必點!!!! 世一好食, Creamy好濃郁既醬汁!!😳😭❤️‍🔥蝴蝶粉入面配雞肉、蘑菇、番茄、意式煙肉、青豆、焦糖洋蔥及烤蒜巴馬臣芝士忌廉汁仲有粒烤蒜Wu😳~不過食完就會好快覺得滯左🥹 蝦及雞肉雜燴濃湯飯💰$208本來諗住係美式餐廳叫湯飯一定係中伏😥大癲 呢個湯飯真係可以一試😱個飯係好足料, 其中要點讚係個蝦 肉質好彈牙!!😍係用卡真風味辣肉湯同忌廉慢火煮配白飯 幾特別😆 朱古力慕斯芝士蛋糕💰$82蛋糕用左比利時朱古力做慕斯，好棉滑 不過就偏苦😗不過黎到唔食CHEESE CAKE又好似唔得喎!

大名鼎鼎嘅cheese factory估唔到服務態度超差，屋邨茶餐廳質素，真係大失所望。啲侍應喺你面前行過就扮見你唔到、聽你唔見，叫多幾次仲要惡過你， 餐廳所有員工全部黑面， 簡直貼錢買難受，除非你貪佢咁大件，如果唔係免費都唔會再食，喺香港食飯果然係貼錢買難受！

每次嚟海港城行街買嘢之後，嚟到搵嘢食嘅時間，唔知點解差唔多次次都係去咗cheese cake Factory度食雖然每次去都要排隊排一陣，因為佢實在太受歡迎，但係食完都覺得排隊係值得嘅。cheese cake Factory入邊提供嘅菜式超級無敵多，有意粉，肉類，漢堡， pizza，加埋可能超過100樣，基本上想食乜嘢都有。呢度嘅嘢食份量係美國菜嘅份量，大多數時間最後都會食唔晒要打包職員亦都好有禮貌同埋好願意幫忙，成個用餐經驗都非常好。

【偶爾就會想吃😋】 The cheesecake factory中學到現在，環境依然，食物依然，偶爾就會想吃😋Nachos(配辣雞肉)、無敵紅絲絨芝士蛋糕、Factory Burrito Grande(芝樂坊豪華墨西哥卷)都是現在必點的。Nachos的醬，還有小沙律，都十分惹味！其他蛋糕都偏甜，唯獨這個紅絲絨蛋糕甜而不膩，一口又一口的。Burrito入面包了雞肉和飯，超好吃😍這次朋友點了她最愛的Fish & Chips，也不錯👍 芝樂坊餐廳 (尖沙咀)尖沙咀廣東道25號海港城港威商場地下G102號舖

第一次黎食cheesecake factory，絕對會被食物嘅分量嚇親😂cheesecake factory d 食物好大碟，就算只係appetizers, 食物嘅分量可以當主菜黎食。今次同朋友叫咗個chicken tacos 同 carborna, 已經超飽。黎到cheesecake factory, 點少得叫埋個甜品。甜品蛋糕都好大件，我地叫咗30週年朱古力芝士蛋糕，呢個蛋糕已經係其他款入面唔算好甜嘅一個！

星期日又係家庭聚會日，今日一家十口走咗出去尖沙咀海港城The Cheesecake Factory 下午茶，我哋4點鐘到，門口個職員俾咗張飛我地，跟住竟然同我地講話要起碼半個鐘頭後先有位，我心入邊當堂”下”左一聲，明明見到入邊仲有好多位，點解要我哋等😅好啦真係等咗半個鐘頭就有位啦。其實之前已經食過，不過就冇拍片寫食評，今次的起心肝寫咗佢。其實佢哋啲食物真係好食，而且份量又好足夠，已餐廳呢個價錢，有咁大份份量嘅食物，真係成正比。好介紹吓啲食物先：我好鍾意食佢地既餐前soft brown bread，每次我哋都會encore refill 幾次，個包熱熱地+外脆內軟，真係好鬼死好味🤤今次我哋叫咗以下前菜+主菜：❤︎︎香脆蟹肉球❤︎︎墨西哥烤餅❤︎︎炸魷魚❤︎︎炸雞翼❤︎︎街頭烤粟米❤︎︎燒烤風味雞肉田園沙律❤︎︎墨西哥乾辣椒雞肉長通粉❤︎︎卡邦尼意大利麵配雞肉❤︎︎炸薯條全部都大大碟，全部都真係好味，我覺得最出色係個炸魷魚、炸雞翼、燒烤風味雞肉田園沙律同埋墨西哥乾辣椒雞肉長通粉⋯⋯個新菜式街頭烤粟米，麻麻地，味道酸咗啲。至於甜品，我哋每次都食到好飽，根本就食唔落，下次可能要淨係嚟幫襯食甜品先試到了。✪總括食物、環境一流，非常

呢餐係我同朋友的生日飯，食到好似受氣咁。我同朋友大概下午五點入去，出面reception個姐姐已經好唔情願咁帶位。明明入面有勁多吉枱，即使有人坐的四人位都係兩個人坐的。但帶位個姐姐就偏偏要我哋坐一張非常逼夾的二人位。第二，之前食過一次知道上菜前會送麵包。一直都冇開口講話要麵包以為佢會親身攞過嚟，點知上完前菜同主菜，都未見有免費麵包。跟住先即刻問職員，職員先肯攞過嚟。第三，我哋食完嘅時候，其實餐廳出面係冇人龍，冇人排隊，本身餐廳入面都好多吉位。但就係我哋偏偏食完嘅時候店員就立即收晒我哋枱面啲嘢，跟住叫我哋埋單，好似趕客咁。第四，真的真的店員嘅服務態度非常之差。同啱啱開張嘅時候非常不同，大部份店員都唔係好想理顧客，對顧客態度很不情願。最後，食物嘅質素一般般。