芝樂坊餐廳

同大班朋友係尖沙咀想搵餐廳坐低食dinner傾吓計，就搵到呢間the Cheesecake Factory.本來侍應同我哋講walk-in要等1.5鐘，好彩咁啱有客人離開，侍應就即刻執好抬安排入座。最後同朋友嗌咗：蕃茄肉丸意粉、雞肉檸檬忌廉意粉、紅絲絨蛋糕 、同朱古力oreo蛋糕兩份pasta都好大粉而且味道都唔錯，比較推薦蕃茄肉丸意粉蕃茄味好濃，而且肉丸大大粒，好抵食。Oreo蛋糕偏甜, 而紅絲絨蛋糕啱啱好

今日去咗尖沙咀The cheesecake factory食晚餐，點咗2個paste (番茄肉丸義大利麵，雞肉蒜香檸檬忌廉意大利麵)，2個paste都好大份，味道好食。之後仲點咗2件cheesecakes (Oreo Dream Extreme Cheesecake, Ultimate Red Velvet Cake Cheesecake), cheesecake都好大件，都食得飽肚。

琳瑯滿目多到唔知嗌邊樣嘅menu係令人會一再光臨嘅原因當然每次都會有encore嘅菜式例如呢個燒雞蝴蝶粉Creamy得嚟又有香濃雞油味蝴蝶粉口感滿足3-4 個人叫一碟就啱啱好Nachos 係上次無叫今次專登叫番嚟試震撼嘅份量食3日都食唔哂😂上面有3款醬料dip 唔會食極都獨孤一味咁齋炸魷魚聽講係必叫之一呢碟反而無想像中咁溜可以一直掃哂全碟由於樣樣都想食 最後飽得制食唔落cheesecake😩上次食過朱古力cheesecake意猶未盡本身心諗今次一定要encore最終都係要留番下次溫馨提示：如果想食dinner最好6點左右去攞定飛先 否則分分鐘排個幾鐘甚至無得攞飛

今日happy Friday，收工同朋友去左食the cheesecake factory，兩個人叫左三樣野。牛油果脆卷，水牛城雞翼，四重芝士長通粉。牛油果脆卷就一般般，唔係太岩我口味，覺得個脆卷好油咁，牛油果炸左既感覺又怪怪的水牛城雞翼，我地就要求汁另上，但建議汁同個雞翼mix埋一齊好啲，因為汁既份量比較足夠，分開上就唔係好夠汁。但味道上好好食CP 值好高四重芝士長通粉，真係好好食，食完一啖又一啖，芝士味夠哂濃黎得呢間食既客人都應該鐘意芝士，不仿試下

这次来cheese cake factory 吃下午茶。我们点了一个原味的cheese cake 来share。我觉得超好吃 他的cheese的部分是属于比较软的 整体很浓郁很香。可是对于有些人来说可能会有点甜

約咗親戚兩家人食飯，四大兩小環境坐得好舒適最重要係d嘢食，每碟都好大碟，兒童餐成個大人份量咁，最啱多啲人一齊share，✅特別推介nachos有好多醬同埋好脆！✅意式忌廉闊條麵都好creamy好好食！今次叫得太多嘢食，食唔到cake，下次再嚟！✅four cheese pasta d芝士好濃

每次經過呢間餐廳，總會被佢嘅芝士蛋糕吸引住，受唔住誘惑入去幫襯🤣餐廳好適合大班人聚會，因為除咗款式多，一定有啱口味嘅菜式外，份量都非常大碟！The Everything Flatbread Pizza 材料豐富，辣肉腸非常香口。Flatbread焗至外層鬆脆，裡面煙韌。Chicken Madeira有雞胸肉，薯蓉，蘑菇，蘆筍。肉質嫩滑多汁嘅雞胸肉面層鋪上奶香味濃嘅mozzarella芝士，配着特製嘅madeira醬汁，味道一流。薯蓉打至細滑，cream味濃郁。 記得一定要留肚食芝士蛋糕！今次試咗Caramel Pecan Turtle Cheesecake。Cheesecake香滑，加埋面層嘅焦糖同胡桃，及底層brownie，上面再配上特濃嘅朱古力醬，令整件蛋糕口感更豐富，味道更有層次感。

今日同朋友兩個人嚟咗食尖沙咀嘅The Cheesecake Factory，第一次嚟食，唔知道全部嘢食嘅份量都咁大，似family restaurant ~我哋叫咗一個Caesar salad, carbonara 去share。結果咁都食唔晒，要帶走～我諗佢一點沙律嘅份量，大概都已經夠4-5個人食～意粉都夠三四個人食！個沙律真係好好食嘅，因為啲菜切到細細舊，好多凱撒沙律醬同埋芝士粉，完全符合我口味意粉就冇影相，普普通通嚟到cheese cake Factory喎，點可以唔叫件蛋糕，不過件蛋糕真係超級超級漏，我哋兩個人食一件都食唔晒

傍晚時分和朋友到此吃晚餐。因為上年中午我們在此店吃午餐後，念念不忘此餐廳的「芝士」。今晚再相約友人來此吃晚餐，門外見到人潮，正暗驚。因為此餐廳只有Walk in，沒有預訂服務，幸好很快就能被安排入座。我們點了香脆蟹肉球，份量不多，但蟹肉分量十足，惹味香脆。之後就是羅馬諾芝士脆皮雞扒配意粉。意粉味道清淡但美味，雞扒煎得香脆可口，芝士味亦恰到好處。接着就是芝樂坊漢堡，分量十足！法式酸酵母麵包配烤牛肉車打芝士，味道令人難忘。最後配上Adams阿當花生醬特濃朱古力芝士蛋糕。我們都捧着肚子離開，十分滿足。

這家蛋糕櫃檯可以只買蛋糕。我要了Linda特濃朱古力，自己說了很多遍結果給了個牛馬不相及的白色芝士蛋糕🍰。主要是我要求更換，服務員竟然還不停的說I should have told her…無語，我不需要她來告訴我們需要怎樣吧，而且我說了好多遍chocolate。然後突然留我在櫃檯，一聲不響地自己跑去找經理。我一頭霧水站在那裡，不知道是給我換蛋糕還是怎樣。有種歧視大陸人的感覺。

這次是外賣回家吃的。拎到返屋企味道都OK。排隊唔算好耐已經攞到餐。今次冇食蛋糕。淨係嗌咗主食。一個係長通粉一個係意粉。味道小朋友都啱食。一家大細食係一個唔錯嘅選擇🫰🫰🫰

今日朋友同我補祝番生日，黎左呢度dinner🤤之前都有黎過呢度幾次，但真係見到啲人龍都驚，唔敢成日黎星期六嘅晚上，6點半未到黎拎飛，告知要7:45pm先番黎到時候先會有位… 都無問題嘅，海港城就喺度，行吓街時間都好快過準時7:45pm番黎，等一等好快就山安排到座位有黎過呢度食飯都知，menu勁多，有選擇困難症嘅我真係好難決左🫣揀左好耐，最後決定叫左，炸魷魚、烤蒜雞肉蝴蝶粉同意式酥脆雞扒炸魷魚，一炸好就上枱，熱辣辣好酥脆，好好味，最啱就係配杯冰凍啤酒🍻 烤蒜雞肉蝴蝶粉，份量好夠好大碟，烤蒜巴馬臣芝士汁香濃唔油膩，味道剛剛好，好味道，唯一缺點就係有青豆🫠意式酥脆雞扒，又係好大碟，三大塊雞扒，雞胸肉煎到金黃脆口, 雖然係雞胸肉，但完全唔鞋，好食，伴碟薯蓉同蘆筍呢度份量真係好大碟，本身諗住食埋芝士蛋糕，但真係飽到食唔落🫣 唯有下次啦。。。

是晚女士之夜，女士們都愛甜品。有人就提議嚟呢間試吓，因為聽講甜品好正。呢度冇得訂枱，曾經有次想嚟呢度食，但要排成1.5個鐘，所以就放棄咗。今次就醒目喇，提前派定人過嚟攞籌，到差唔多有枱時再去攞枱，就唔駛喺外面苦等😑我哋坐低，侍應就送上一籃子麵包，女士們都話好香麵包味。見隔離枱點咗嘅嘢食都好大堆頭，於是我哋就點咗脆脆沙律，番茄大蝦天使麵。最令我驚喜嘅係墨西哥卷，呢個好有特色，好好味😋到甜品時間，女士們見到甜品櫃入面嘅蛋糕竟然雙眼發光🤩於是就點咗兩件嚟品嚐吓。點知朱古力蛋糕食落超級甜，青檸芝士蛋糕，青檸味蓋過咗芝士味，真係所謂「妹仔大過主人婆」喇😜總括而言，最好有得訂枱，否則就唔會排1.5個鐘嚟幫襯了😅

今次係第二次回訪同朋友聚餐傾下計玻璃櫃放左好多款式的芝士蛋糕😍餐牌食物種類多元化有好多選擇除左主打的芝士蛋糕外🍰仲有漢堡🍔，沙律🥗，意大利粉🍝，pizza🍕及扒類🥩等餐前麵包🥖麵包有原味及黑糖味，表面有燕麥，烘得香脆內軟，再搽上牛油🧈忍不住食完一件接一件，仲可以免費再要😂乜都有意式烤餅🍕薄餅底比較薄身及口感鬆軟，鋪滿辣肉腸，蘑菇🍄，洋蔥🧅等，切成8塊，細細件好岩4個人一齊分享雞肉蒜香檸檬忌廉意大利麵🐔🍋🍝一上枱意大利麵好大碟份量十足，雞肉🐔口感嫩滑，份量都算多，好多忌廉汁可以撈勻意大利麵好掛汁超creamy，加上蒜粒炒過更惹味，檸檬忌廉汁🍋酸酸地好開胃😋岩晒夏天食，推介推介‼️無敵紅絲絨芝士蛋糕🍰蛋糕以紅白相間，芝士好香滑，中間有紅絲絨蛋糕綿密柔軟，表面鋪滿忌廉芝士糖霜，食落每一啖層次好豐富，覺得好好食，值得再encore🤤鹹焦糖芝士蛋糕🍰由焦糖芝士蛋糕及焦糖慕絲組成，入口比較幼滑，加上表面的鹹焦糖醬，食一啖不得了，下層焦糖濃郁又厚實，越食越膩，需要配搭忌廉奶油一齊食反而無咁膩😂食4分之1已非常足夠整體來說，食物有水準及份量十足💯，而且環境坐得又舒適，鐘意食芝士及蛋糕的朋友可以不妨來試

幫襯咗The cheesecake factory 已經有幾年歷史，差不多每款菜都試過，疫情期間都不斷有買外賣返屋企食。今日阿女想食cheese cake，我就順便買埋晚餐，點知一收到件snickers cheese cake已經不對樣了，$84買咗件乜嘢蛋糕🥹一度懷疑不是那件蛋糕🙄 問多句收銀職員已經起晒弶，唔好老脾👎🏻而fish & chips嘅炸魚就比以前厚粉及深色牧羊人批上面嘅薯蓉好硬，大問題係個醬汁好鹹😳意式腸及蝦粗管算是最正常