芝寶堂 (已結業)

繼續養生排毒日﹗操完拳體溫過熱不停飈汗，都係去嬸嬸道涼涼冷氣降降溫先行去遙遠的火車站。嬸嬸真好，每次我坐低都立即開晒冷氣幫我降溫，多謝您啊。茶葉蛋，每次路過都被她們的香氣深深吸引，引力萬軍！平靚正 $10 雞 3 隻炙手可熱，燙燙的！溫柔地將黏手彈殼退去，應該有加冰糖所以痴痴的。五香蛋黃味道醇美，好綿好可愛！好想全部食晒去呢，但要克制不能過份，少食多滋味，食半隻黃好喇。蛋白呈現亮麗淺啡色，實淨帶彈咸香四溢。極入味的茶葉蛋，就連蛋黃都散發迷人的茶香及香料味道，綿得像芋泥一樣的蛋黃忍不住吃掉一個。龜苓膏，歸零膏真係得喎！真材實料質素高，不苦不澀，清爽舒服涼浸浸連糖水同吃，比涼粉更嫩滑！甘甘的越食越起勁，越食越想食。夏枯草茶，最隱陣的選擇，甘甜苦澀都非常平均。排毒三寶果然好掂，即刻有便便！原來只係因為晏晝麻辣湯發作。雞骨草送龜苓膏，雙管齊下通通任督二脈。食完有點暈暈地，近星期飲太多啤酒，硬係覺得體內濕氣好重，經常咸咸濕濕，唯有雙管齊下急速排毒，事半功倍！雞骨龜苓膏。係咪虛得滯呢？雞骨草茶，淡淡藥草味，清爽不苦不澀，甜味輕輕剛剛好。野葛菜水，野菜味不太接受到，間中一年兩三次算喇，排清毒素身體好

長期怨氣沖天降降火先﹗繼續排毒降火，有病醫病、無病補身！牙肉腫足兩星期仲未好，連牙都刷唔到，密密飲涼茶開始好轉喇。夏枯草、廿八味、五花茶、銀菊露、崩大碗、雞骨草試勻晒。唔願訓覺休息，煙酒過多，操極都唔夠體能，老喇！長期燥底，牙肉仲有有點腫，飲支茶潤潤去先得。食盅歸零膏降降火先！原來雞骨草可護肝架，咁真係要飲多幾劑喇。雞骨草茶，甘而不澀，少少甜少少糖不過份，冰凍順喉。招紙寫住煙酒過多、眼睛赤痛、睡眠不足，我都有齊。銀菊露，飽滿滑滑的質地，最緊要清新不太甜，菊味得宜不苦澀。崩大碗，超凍凍透心涼打冷震！隊草汁好青啊，幾乎純天然，只有淡淡甜味吊一吊。連環灌一氣呵成，最尾幾口差點受不了，軟完成個虛晒，火都熄晒。依排血壓高啱晒我，崩大碗好青呀！免強頂得住，不過飲完好涼爽。寫主功效係腹瀉？止腹瀉定堅腹瀉架？好驚喎。無鬼佬涼茶就隊住中國涼茶先！川貝雪梨茶，都係厭甜左少少！川貝甜味出而濃，還嚐到一絲雪梨果香。夏枯草茶，兒時阿媽經常煲，芝寶堂都有少許相似。枯草味厚厚，少少糖最喜歡，不笠不膩。突然右眼痕痕地痛痛地，是否近來唔夠瞓太燥呢？啤酒成日飲，好耐無飲支涼茶排排毒。裡面實在又毒又燥，要連排幾晚毒先得！野

食完飯，直接的來到旺角，電一電眾女士們，知曉她們仍在拚殺。獨個兒行行自己想行的地方後，本來已經入了一甜品店準備落order，突然她們來電，她們準備過來會合我，而且不吃東西.....那我就拚了命的準備會合。於是逃離甜品店，我就改了在涼茶舖，快快趣飲碗走。既然要等她們來，那我就入去慢慢的坐低等。看了一看個drink list，覺得此傳統式的涼茶舖，售賣既涼茶種類也真不少。涼茶，其實是中藥的一種，所以要一次過試勻所有涼茶是沒有可能的。而近日，感覺有點浮躁，就決定來一碗夏枯草。一碗涼茶，涼茶味應該是有返咁上下，然而這一碗夏枯草，味道是有，但因為commercial的關係，茶味是比較淡的，幸好，甜度適中，不然就等於飲緊糖水，完全失去涼茶意義。小小的涼茶店，看得出是原店的製作，有一份傳統，有一份人情。現今的涼茶，可能要符合年青人的要求吧，一向都不僧太濃味。然而，這兒的，保留到藥味而不太濃，是恰到好處的表現。不過，以個人口味來說，我倒是喜歡味道受濃的.....X和堂是最啱我口味的....這兒...普通。