影片
附加资料
只供外卖
营业时间
今日营业
11:00 - 22:30
星期一至日
11:00 - 22:30
以上资料只供参考，请与餐厅确认详情
今日6个人夜晚嗌咗pizza bird外卖食，大概等咗一个钟头到，都算满意嘅。🥳「皇牌炸鸡 12件」🍗（$193）我地分别拣咗原味同蒜味两种炸鸡🐓，炸鸡味道好好，口感酥脆，肉质唔错，而且冇乜雪味，咬落去仲带啲肉汁🤤。我特别推介大家拣蒜味🧄，因为蒜味嘅味道比较浓，啱晒啲钟意重口味嘅人。「暴龙兽」🍕（$162）跟住我地就嗌左一个全肉嘅pizza。pizza既配料都算丰富，有辣肉肠、牛肉🐂、鸡肉🐓等等。但系成个pizza味道好一般，略显平淡。特别系个饼底，好似面包皮咁，唔系好推介大家食😖。「海鲜阔条面」「葡汁烤鸡焗饭」🍝🍚 （$63）我哋拣左两个主食，海鲜阔条面同葡汁烤鸡烩饭。两样嘢嘅味道都好唔错，尤其系烤鸡烩饭，加左葡汁同芝士汁，味道几香浓😚。「小食拼盘」🍿（$63）小食拼盘嘅味道就好一般，里面嘅都系啲大路嘢☹️，有啲咖喱角同春卷咁。不过最重要嘅系送到嘅时候成盒已经冻哂，口感有啲欠缺，霖晒同埋冻冰冰咁🥶。总括黎讲，pizza bird嘅味道都算唔错，价格亦都好合理，人均只要$100左右，不妨试下啦。🫶🏻
继续阅读