影片
今晚谂住食pizza, 见之前无线有出过呢间广告，谂住试吓新嘢啦！点知一试就出事，香港咁多间pizza 店我都试得八八九九，从未食过一间味道咁难食嘅pizza，本身嚟讲pizza已经唔系考功夫嘅菜式，要做到咁嘅水准整得咁难食都好难得，傻仔做一次就够喇？
继续阅读
行过路口见到佢个广告牌, 以为系新开就去试吓. 快餐店既格局, 冇人招呼, 坐低就睇下个餐牌, 然后去柜位买咗嘢食就等佢拎嚟. 餐牌仲有沙律同小食𠮶啲, 不过2个人食唔到咁多, 下次先试.有意粉、薄饼、炸鸡, 又有餐, 所以叫咗个2人餐就有晒哩3样嘢, 仲有2罐汽水.夜晚8点得1枱客, 唔知佢生意点, 不过见佢有人送外卖. 装修光鲜企理, 亦唔会有油烟味. 枱面得叉同匙羹, 冇刀, 唔知系咪预我用手食. 枱面仲有纸巾, 芝士粉同黑胡椒提供.等咗一阵就2件炸鸡嚟先, 鸡上脾同下脾各一. 个皮超脆, 用匙羹一敲就碎, 鸡肉唔会干, 好moisture, 但又唔会滴晒油, 好食过KXC𠮶啲.之后嚟肉酱意粉, 个底有好多水, 都好多意粉, 又系唔会干晒, 不过味道普普通通.最后6吋Pizza都嚟埋. 虽然系厚批, 但个边同底都好脆, 冇Pizza Hxt 𠮶啲咁包.食炸嘢嚟讲, 最怕整到干争争, 饮极水条脷都鞋. 哩到就唔会, 样样都好够水份, 食完嘢罐汽水都未饮晒.虽然话2人餐, 除开都唔平, 但咁多嘢食而且都好食, 都唔算好贵, 而且乐年花园附近系冇炸鸡、薄饼、沙律哩啲, 所以如果想食又唔想去到西九龙中心, 都会帮衬佢.区外人走过嚟食就免喇, 未好食到咁, 不过街坊就值得试. 后来问返个街访先知原来都开业有成年, 只系冇做推广.PS: 冷气劲大, 仲有冷气机滴水, 小心啲拣位坐.
继续阅读
同 d 同事谂左好耐都唔知食乜好，之前听人讲话芝味鸟都好似 ok，所以就叫左就近既深水埗分店 ..小食拼盘：春卷 / 咖喱角都系一般佳宝既货式麦乐鸡 - 冇乜味 & 林身 d (唔知系咪焗得耐)鸡 - 我冇食，所以唔评论味道，纯粹睇落好干身 .. 炸鸡：肉都算多，但炸皮都几厚下 .. 不过唔太肥所以都 ok！薯条：一般，冇特别 (如比多包茄汁会更好)烧排骨：都几好多，够多肉，味道都唔差，不过好似偏咸左少少！Pizza：料都够多够味，芝士够多够 ok，但饼底真系比较差，饼底同我系 "OK便利店" 买 $20 个果 D 冇分别，一个字"硬！"牛肉焗长通粉：汁够，长通粉比较硬身，同埋几个同事都同样觉得味道略为咸 .. 鸭胸焗饭：我冇食，但睇落汁够多 ..但都系果句，外卖既 .. 运送中唔多唔少都影响食物质数 ..同埋呢个价钱咁多野都都 OK la ...
继续阅读
在这里外卖过几次，觉得味道几好，所以食完一次又一次，pizza比起pizzahut，更好味，价钱又平，炸鸡比起肯德基更好食，皮脆肉滑，仲有肉汁，肉酱意粉更是值得一赞，值得大家去试下
继续阅读