芝味鳥

营业中

休息中

本住試下嘅心態, 行咗咁遠先嚟到呢度, 好彩基於偏僻嘅關係, 唔洗等位, 不過人流都幾多, d人食完就走, 唔錯!兩個人叫咗個$118三人餐9吋墨西哥批 嘩...我同男友都食到出哂汗....可能自己本身唔係好食得,肉就少咗d, 不過芝士真係幾多下, 批邊又脆, 不過好快個底就淋哂炸雞4件 真係好味到不得了, 勁juicy!好滑!勁脆皮!全部即炸!對我嚟講好食過kfc嘅雞, but kfc係食佢嘅香料, 又唔同咁講嘅, so男友仍然覺得kfc嘅比較好, 因呢度嘅一d都唔辣, 同得個咸味囉, anyway, 好味!不得不試!海鮮寛條麵 我們覺得唔夠味, 得個cream, 冇乜cheese, 同埋撈汁唔夠, 有d水味, 不過海鮮都算一般份量, 唔會少到離哂譜, 不過對我們嚟講冇下次粟米湯 幾多粟米嘅都, 味道還可以P.S. 以咁嘅價錢食到咁嘅野簡直impossible, 未試過囉, pizza叫個普通批都$118啦~so 我忍唔住帶埋外賣紙返去比屋企人睇, 一定要下次帶埋屋企人去食多次先得

週日，懶洋洋的太公不想出門，兩個人的午餐就外賣解決。本來，可以叫水準尚可的pizza box, 但新近發現了pizza & chicken的傳單，一個有飯/意粉/小食連pizza和飲品/蒜蓉包的套餐才$95元，當然要一試。但其接綫的效率實在嚇人 - 太公打了好幾次，都未能成功被接聽，直到第五次；後來忘了說明要薄批，再打，十多次才成功，該店接線同事真可稱「千呼萬喚始出來」最失望的，是原來薄批竟缺貨，只得厚批；甚麼？傳單上明明就寫著可選薄批和厚批，一家稱自己作「薄餅店」的店家竟連批底貨存量也不齊全，實在不太可接受。算了，既然落了單，唯有接受；雖然據說這裏的炸雞好吃，但唯恐運送時間太長，炸雞外皮都不香脆了，只能放棄，要了個墨西哥香辣普通批、海鮮寬條麵配蒜蓉包。蒜蓉包出奇地好，四片小小的，但很鬆化，除了蒜蓉香，也有一點點香草的香味。墨西哥香辣普通批賣相很好；批底搓得不錯，夠乾身不糊口，也有嚼勁，就算不太欣賞厚批的太公也覺尚可接受，比Pizza hut 的要好得多；餡料沒有太濕，也做得不錯，唯不夠香口 - 我們要「墨西哥香辣」就是希望要夠香夠辣，但事實上這批用的辣椒不對，香與辣都欠奉 - 這一點

經過上一次的外賣正PIZZA: )好飛又去光顧多次..今次就選擇堂食: )雖然周遭都係車房，但無損光顧的人量..仍然係滿座我倆點了一個二人套餐-燒烤味迷你PIZZA-烤豬骨拼薯角-焗海鮮飯-忌廉粟米湯每樣食物都很滿意!!好好味: )豬骨較有驚喜...很有水準: )份量適中: )一定會再食

本來今日想去薩利亞到食，點知連pizza都無得賣，就走過來呢度解決個lunch。都十二點幾，所以人都ok多，但好彩既係都未坐滿。我地今次食二人套餐，都唔錯既。炸雞保持高水準，好食過KFC之餘。皮脆肉滑。肉質鮮嫩，我覺得炸雞只要肉質juicy，又唔好炸到太乾已經太好。香辣pizza都係咁好食，又多料。芝士又拉到好長，而且辣度又夠。雖然份量唔算太大，但我覺得已經好夠食。香辣海鮮意粉我唔覺得好辣，要加辣椒仔先叫做辣小小。呢個意粉好多海鮮，果然係平靚正。食完今餐，實有下次既。好食既野果然要付出先有收穫既。

第一次食..其實我留意左佢好耐啦hee好想食今次係叫速遞pizza餐(1+2組合$148)即是一個大批pizza加2個小食OR意粉飯我點了千島熱情-薄批..一個小食拼盤..香草烤雞焗飯Pizza送到黎竟然係厚批@/\@不過唔緊要..係大意左d..但味道令人對佢另眼相看好好味..芝士好夠份量..我食左好免塊=.=肥死..好味過出面d大牌pizza店: )小食拼盤就一般，其實好想叫炸雞..但驚送到黎軟哂=.=焗飯都唔錯，個汁同雞都好夠味，但飯就硬左d: 期待下次的光顧

蒙前輩嘅推崇，W同A好友黎到Pizza and Chicken食晚餐。呢間餐廳最大特色係「自便」，除左食物之外，餐碟、刀叉、調味料都放左係門口嘅小櫃度，需要GE話就自己拎，但地方狹小，無論你幾瘦都好，都要打側身出入，W就覺得有點兒不便，見人見智啦…另外一提，點菜要自行到櫃檯處，並且先付款。1)忌廉玉米湯(跟餐)-普通，懷疑係罐頭，但又比罐頭鮮甜DD。2)招牌肉醬意粉($25)-好味，好足料，塊芝士蓋晒成個飯，同埋D意粉煮得唔錯。但有D油積住左係角落度，影響視覺…3)鴨胸肉焗飯($25)-Ａ好友說鴨胸肉超咸。同樣有D油積左係角落度。4)千島熱情pizza(普通size $52)-千島醬係皮下面，唔會整到個pizza太淋，好味。但好多油，一拎起成隻手指就油lup lup，發生咩事？最後，兩人埋單$102，捧住個肚腩走。

下午三時,行經pizza店,看似外賣為主 , 推門進內問清楚 , 原來可堂吃 ,於是乎坐下來 。跟收銀員 order 了兩個套餐有意粉﹑焗飯﹑炸雞和pizza。食物好吃 , 份量十足之餘 , 更加有汽水和湯。今時今日以這樣的消費能夠吃到有一定水準的店舖已極少 ,可說是pizza店的「表表者」*皇牌炸雞 ( 入口卜卜聲炸得很鬆脆 ,雞肉又滑又嫩)*香草烤雞焗飯 (雞肉焗的時間剛剛好 , 搭配上濃濃的白汁熱辣辣 ,入口香滑撲鼻)*肉醬意粉(醬汁為基底,茄味完全滲入肉醬內, 灑上芝士粉吃,特別好味)*薄餅(鬆軟,上面鋪了一層厚厚的芝士. 吃起來會拉起長長的絲 , 餡料充足)

同男友一齊食0左pizza and chicken 兩次la!~真係好味呀...要了二人餐...第一次食pizza..要了50/50..(要加$5)要了啖啖肉同櫻之花。(我0地覺得啖啖肉0岩口味d,所以第二次都係要啖啖肉)d pizza味道真係好似某大連所店0個d...仲可以任加芝士粉1個6吋2個人食份量0岩岩好!~燒豬排骨...好大條...又有薯角..好底食..(其他地方有類似..都好貴ga 嘛?!...)要了海鮮闊條麵...好多汁..好多份量呀..加了芝士粉同黑椒..perfect...第二次試埋炸雞...juicy...皮脆肉滑呀...(男友自始覺得k x x 0個d 唔好食la)飲品好多選擇...第一次要了一湯一飲品..粟米湯...夠熱..yummy!~第二次想encore粟米湯...但賣晒呀!~(因為第二次我在chirstmas 正日去呀)p.s...飲品是自助形式在雪櫃選....同埋有時拎刀叉用具..黑椒粉都係自助...總括:全部都好食呀...encore!~$100有找0既好味pizza店...

好耐未寫過食評, 因為未有店舖可以令到我想寫食評的衝動~睇到呢間咁多好評, 一於去試下7 點多, 有四枱客.決定叫網友介紹的'二人套餐' $85粟米忌廉湯x 2 , 質地望落幾稀, 但飲落幾香ribs: 一來到嚇一跳, 咁大舊的!! 好夠味,但有少少dry, 薯角外脆內軟, 吃到最尾仍然脆口~南丫島海鮮pizza: 雖然得6 吋大, 但好厚, 比pizza hxx 的還厚, 但很鬆脆, 餡底唔太夠蕃茄味, 材料都ok 煙三文魚焗飯:有三文魚碎係裏面, 芝士好厚, 但唔太濃味, 一般...店員無乜表情 , 但仍有問有答, 刀叉唔太夠乾淨, 要改善...總括來講$85 咁多野吃(唔駛加一, 平過pizza hxx 多多聲), 質素又幾好, 選擇又夠多 (pizza 有16 款) 一定會再去~

先說缺點：地方不就腳、沒有服務可言（全店好像只有一個侍應，不過他禮貌很好）、環境如飯堂（白燈、摺椅）「著名」的海鮮寬條麵的白汁沒有味，麵條太稔，失望食物：薄餅：跟 pizza hut 完全一樣，即是不會比較難吃或好吃；但問題是我們叫了兩個薄餅，一個餅皮夠鬆脆，另一個則稔，所以可能有水準不穩的問題炸雞：超級好吃！外層是極脆的外皮，雞皮已被炸至半透明的薄脆，雞肉熱燙多汁，全港第一！隔天我們再叫外賣，薄餅仍是連鎖店水準，但雞就真的沒有堂食那麼脆。總結：就算此店位於車房街，我依然會繼續支持它的炸雞！

好耐都無食過薄餅店，今日得閒就去呢度食啦。我落左車行成兩個字先到，入到去一個人都無，我以為未開舖啦。原來只係係入面做緊野，之後有個員工幫我落order。今日食海鮮闊條麵同炸雞，飲品係汽水。等左兩個字，炸雞終於來啦。果然名不虛全，真係好好食。因為佢既皮好脆，我用刀叉切到好多脆皮。而且肉嫩多汁，好有辣味。仲好味過肯X基，最正既係舊骨好細舊。好抵食呀，呢個每次一定叫既。闊條麵都有得食啦，個面好多芝士呀。海鮮又多，有蝦、八爪魚等等。真係落左料，絕不欺場。表面上個麵既份量唔算太大，但食完都好飽。雖然行過來要兩個字，等食物又要兩個字。但都係值得既，因為野食真係好正，價錢又合理。但我覺得多點人食會更抵食，因為可以叫多種小食同pizza。實有下次既。

食過幾次，都叫過外賣，pizza的價錢只係某大型pizza店的6成,個人認為都幾好食,不過佢有某d辣味的pizza比較奇怪,會放辣椒仔辣汁,搞到個味怪怪地, 炸雞幾好, 炸槳好脆, 拍得住某大型炸雞店, 不過就有少少油膩, pasta都做得好好, 主要係呢個價錢, 係超值.

呢度地方唔算隱蔽，對住大馬路，不過就偏僻咗D，隔籬左右全部都係車房，估唔到會有間食肆響中間。對面係工廠區而門口又泊咗幾輛電單車，睇嚟都係做外賣為主。落地大窗，地方光猛，裝修簡約，以快餐形式經營，食物種類唔多，不外乎pizza、炸雞、麥香雞、焗飯/意粉，要咗個開心套餐（$28）有pizza、炸雞、麥香雞各一塊，炸薯條同湯，份量不少最啱後生仔而學生仲平$3。忌廉湯比較稀但都幾好味，炸雞、麥香雞同薯條係即炸，上檯時好熱，其中以炸雞最正，外脆內嫩，D雞仲有肉汁，正過上校個D，而塊pizza都唔錯，檯面有芝士粉任落，加D響面零舍好味。個開心套餐無改錯名,以呢個價錢食到咁有水準嘅食物都算係好超值,梗係開心啦。

上來見到lee間竟然一個話唔好食都無~咁當然要來試下la~~雖然...我減緊肥......o係荃灣做野關係~收工行過去就ok la~~不過...佢個地點真係有少少唔就腳~行到去~入面有好多車友(有好多頭盔丫ma...)o係度食野wo~而staff就有4,5個人la~~舖仔細細都幾舒服~唔會太迫~可能唔係好多人la~~~燈光好充足~好光....我決定好就行出櫃台叫野食la~叫左一個輕盈套餐同一件炸雞~本身想飲汽水~不過最後轉返湯la~~跟餐有一個細意粉/焗飯(牆身有個牌,只可以選o個幾款)一件pizza/炸雞(pizza我都無問可唔可以改要其他款tim)我揀左最平常既肉醬意粉+pizza(佢比左夏威夷pizza我)薯仔濃湯入面有雞肉,香草~好香牛油味~~而且濃淡適中~好好味~炸雞無花巧野~~就係一件外皮脆得出奇但入面d肉仲好嫩滑既雞上脾~我食得好施文都成台面係脆皮~~好香好野味~又唔會太鹹~比肯德基更好味肉醬意粉同夏威夷pizza一齊上用即棄錫紙6"兜仔裝住既熱熱肉醬意粉~焗到o岩o岩好~而肉醬唔會太酸~肉醬同意粉比例都o岩o岩好~~唔係好多油~食完個兜仔都無油淨~~good!!!夏威夷

叫左個二人套餐:墨西哥香辣 煙三文魚焗飯 炸雞炸雞唔洗講,正!!!煙三文魚d cheese都好多呀!!!幾好味由於我唔識得辣,已經叫左少辣,但我都頂唔順~下次唔敢叫辣啦