芋圓屋

营业中

休息中

芋圓屋 (大圍)大圍顯徑街2號上徑口村地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：爆脆芒果西米撈(凍) $45，紫薯·開心大滿足(少甜)  $60，紅·白·綠茶凍(少甜)  $48爆脆芒果西米撈：材料有芒果粒、西米脆脆、芒果爆爆珠及芒果沙冰。芒果新鮮多汁, 西米晶瑩可口, 芒果爆爆珠有爽脆的口感, 芒果沙冰質地冰涼,香甜滋味, 確實是清涼消暑的高質甜品！😄😄😄紫薯·開心大滿足：材料有自家製三色芋圓、紫薯波、愛玉凍、珍珠、西米、寒天晶球、仙草凍及三色椰果。三色芋圓外皮Q彈有嚼勁,內餡濃郁香甜; 紫薯波有濃郁的紫薯香氣, 甜味會在口中化開; 愛玉凍清涼解膩,清新爽口; 珍珠Q彈有嚼勁; 西米酥脆可口; 寒天晶球晶瑩剔透, 清爽解膩; 仙草凍有清新自然的風味; 三色椰果椰香誘人, 增添了視覺上的層次！👍👍👍紅·白·綠茶凍：材料有白玉丸子、紅豆、綠茶凍、爱玉凍及荔枝椰果。白玉丸子Q彈滑嫩, 紅豆濃郁香甜, 綠茶凍清爽清新綠茶味濃, 搭配冰涼透心的愛玉凍和果味香濃的荔枝椰果,令人滿足！😍😍😍

呢排突然間好想食芋圓，於是就同屋企人去大圍顯徑，聽聞嗰度有一間芋圓屋好好食，一向都好鍾意食芋圓，想食好多嘅芋圓，嚟到覺得好有親切感好似返咗屋企咁，於是我就嗌咗呢個芋圓，味道好好食唔太甜，仲有啲綠茶芋圓好特別喺出邊好少食到同埋佢都唔貴❤️

之前黎到大圍，咁岩知道附近有間食芋圓嘅糖水舖，所以過黎試下，不過真係唔算太方便，如果咁岩係附近都可以黎試下😉<綠茶控🍵 💲48>入面有自家製綠茶芋圓、綠茶凍、桂花凍、迷你麻招、仙草凍。綠茶味好香，唔會太甜，啱曬鍾意綠茶嘅朋友。綠茶芋圓口感Q彈，桂花凍清新，迷你麻招又香又甜，每一種配料都同綠茶味好搭，岩曬夏天黎食啦，食完之後即刻覺得好涼爽😋<自選任你撈- 4款🍡 💲38>我今次揀左自家製三色芋圓 紫薯波 珍珠同仙草凍，我就鍾意自選多d，自由度好高，可以按自己口味揀配料。三色芋圓口感Q彈，紫薯波甜度適中，珍珠口感綿密，仙草凍清涼解渴，每一種配料都幾好食。價錢相對嚟講平啲，性價比幾高👍芋圓屋 (大圍)大圍顯徑街2號上徑口村地舖

買左個大滿足同埋自選等得耐都算星期五晚都預左大滿足入面得一粒芋圓兩碗都好似飲緊奶咁真係問心值唔值呢個價外賣仲要匙羹都唔俾要返轉頭拎等堂食真係等到天光所以我揀外賣位置又差 落雨天行入黎濕哂連搵企位等外賣都難好失望 完全哂時間 如果你有好多時間金錢就真係可以黎浪費下

上次去台灣旅行之後就好耐無食過芋圓啦🥰 經過顯徑見到有個招牌寫住‘芋圓屋’ 就同班芋圓控fd子試下🤤地點比較隱世 要跟住箭咀行入去夜晚8點幾去食要等一等位▫️開心。大滿足 ($60)一碗有齊三色芋圓、紫薯波、愛玉凍、珍珠、西米、寒天晶球、仙草凍、三色椰果啲料多到爆😳 超級豐富又足料！同個名字一樣 食得好滿足🤤自家制芋圓好煙韌 配上椰汁花奶底店員落單時會主動問客人需唔需要少甜好貼心！▫️點紅點綠 ($46)原粒紅豆+綠茶芋圓 再配上黑糖水晶同西米 佢個紫薯波用上紫薯茸 味濃香滑！▫️綠茶控 ($48)綠茶控咪走雞😂 大推綠茶芋圓👍綠茶凍好爽滑 加埋桂花凍帶出淡淡桂花香 仲有得食麻糬▫️寒冰愛芒 ($45)大大粒新鮮芒果粒 配上芒果沙冰好fresh！芒果夠哂甜 忍唔住整多杯▫️芒果沙冰 ($38)滿滿芒果粒攪成沙冰 飲完成個人都好爽😄呢間小店食材新鮮又足料！一定會再黎👍

芋圓屋🍡爆脆芒果西米露 🥭 $45芒果嘅甜品點都唔會輸，今次呢一碗芒果甜品嘅配料就包括芒果粒、西米脆脆、芒果爆爆珠、芒果沙冰🍧，其中我特別鍾意佢有西米脆脆，令到成碗糖水增添咗唔少口感！寒冰愛芒💛$45另外我哋都仲嗌咗另一碗芒果甜品，配料就包括芒果粒、愛玉凍、芒果椰果、芒果沙冰，值得一提嘅係佢哋嘅芒果真係原隻切出嚟，即刻切即刻用，而且唔會浸糖水，真正真材實料！🥰🥰綠茶控🍵$48如果你係綠茶控，千祈唔可以錯過呢個！佢係我食過最出色嘅綠茶芋圓 同埋 綠茶凍💚碗入面嘅材料包括有自家製綠茶芋圓、綠茶凍、桂花凍、迷你麻糬、仙草凍、椰汁同埋花奶！佢哋嘅綠茶芋圓咬落去有香濃嘅綠茶味之餘，仲非常有咬口！至綠茶凍大部份舖頭一係就冇味，一係就有苦澀味，而呢一間就真係可以做到啱啱好嘅平衡！🉐🉐🉐我會話呢個係嚟到一定要試吓嘅嘢食！✅✅香濃紫薯珍珠鮮奶🍠$35老闆娘話佢哋係用真正嘅紫薯即刻整出嚟，難怪飲落真係有濃郁嘅紫薯香味！🥰30士多燒賣（12粒）$25本來只係因為肚餓，所以想嗌燒賣，估唔到呢度嘅燒賣異常地出色，燒賣唔會蒸到淋晒，而且佢哋嘅辣油非常惹味！推薦推薦✅✅

今日返大圍嗰頭探親，好恨食芋圓所以上網搵到呢間。門口有啲隱蔽，跟住google map先搵到。舖仔細細，裝修同格局比較家居溫馨風，大部分都係街坊客。湯水選擇都幾多，除左芋圓仲有養身桃膠/薑汁蕃薯糖水等等。。我試左芋圓屋大雜燴，有自家製三色芋圓 (芋頭，紫薯同綠茶)，唔會太甜好味道。天氣又濕又凍唔想食咁凍，店家溫馨提醒可以走冰底，椰汁花奶底加上配料溫度唔會太凍，啱啱好，亦唔會好甜，仙草凍/西米/珍珠等口感豐富。朋友食左點紅點綠，都好味。綠茶芋圓同紅豆好夾！同場加映30士多燒賣，我知錯重點，但一次過滿足兩個願望🙈🙈下次想試紅豆鴛鴦圓💕

呢間之前經朋友介紹知道顯徑嗰邊有間村屋係賣糖水！嗰日經過嗰邊就買幾碗返屋企食🤤因為堂食實在太多人。💂🏼‍♀️《開心大滿足》 $60呢本嘢你講得嘅配料佢都有，包括自家製三色芋围，紫薯波、愛玉凍、珍珠、西米、寒天晶球、仙草凍及三色椰果！每一啖都好有口感！個紫薯波好特別，超濃味又有質感🤗因為好多配料同埋好大碗！所以兩至三個人share會比較好。評分: 82/100💂🏼《點紅點綠》$46聽個名都知係關於紅色綠色嘅配料🤭呢個有綠茶芋圓、紅豆、紫薯波、黒糖水晶及西米。個黑糖水晶好突出，令到成碗奶都有淡淡黑糖味🩷同樣又係好大兜價錢仲好平。評分: 84/100💂🏼《爆脆芒果西米撈》$45個人好推薦呢一款甜品！食完呢個真係好滿足透心涼🥭啲芒果超甜，有芒果粒、西米脆脆、芒果爆爆珠及芒果沙冰！每一啖都係充滿芒果嘅氣味，而且啲西米脆脆配埋芒果冰沙，令到成個口感更加豐富！🍧評分: 87/100總結：間舖頭開係啲村屋入面嘅地舖，所以地點會比較有啲難搵！但係都一路有指示牌😊如果咁啱去開顯徑嗰邊，夜晚可以過去食個糖水！老闆娘好好人，係家庭式嘅糖水舖~頒發軍階：上將🎖🎖🎖🎖

今日放假往外母家,之後往芋圓屋食甜品,我們點了開心大滿足和勁薑芋圓蕃薯糖水,開心大滿足可選紫薯波和芋泥波,開心大滿足材料豐富,賣相吸引,材料除了有芋泥波外,還有三色芋圓,愛玉凍,珍珠,西米,寒天晶球,仙草凍和三色椰果,甜度可選不同甜度,我選了正常甜度,食落甜度適中,芋泥波口感軟腍,三色芋圓食落彈牙,愛玉凍口感軟糯,珍珠和西米味道彈牙,寒天晶球和仙草凍食落爽口,最後三色椰果食落香甜,整碗開心大滿足,材料豐富,口感滿足,勁薑芋圓蕃薯糖水薑味十分濃,飲落有軀寒暖身感覺,芋圓有不同顏色,賣相吸引,食落彈牙,蕃薯大大件,食落好粉,整碗勁薑芋圓蕃薯糖水飲落熱辣辣,軀寒一流,餐店闊落,食物美味有特色,尤其是芋圓,食落彈牙,餐店甜品價錢適中,我和外母食了一頓好味甜品

芋圓屋••••••••••••••••••••••••••••••地址：大圍顯徑街2號上徑口村••••••••••••••••••••••••••••••睇到一個ig post 有介紹「芋圓屋」就入左顯徑到試下 舖頭喺村屋地下 都要花啲時間先搵到舖頭位置😂坐低之後,睇吓有咩好食 揀咗個芋圓屋大雜燴 入面有芋圓 芋泥波 仙草凍 西米 寒天晶球 珍珠 好鬼多嘢食芋圓番薯糖水入邊有好多番薯 而且薑味好濃 講真$38黎講 性價比都好高 當你入到舖頭入邊 見到一籃籃嘅番薯🍠你就會明白呢間小店嘅出品係10分用心。

這是我的第二次在OR寫食評：糖水] 食番薯糖水最緊要咩呀，梗係要夠熱，番薯軟綿綿，薑味夠，呢間芋圓屋全部做到，加埋大大粒滑溜溜嘅桃膠，加埋甜度啱啱好，真係要給滿分！ 裏面有，綠茶芋圓，綠茶凍，桂花凍，迷你麻糬，仙草凍，花奶，椰汁。 。唔係廣告，每樣都想講出嚟，喺因為每樣都好好食，煙韌度，甜度，無冰但涼透心，perfect match！一定會encore，因為高質，因為仲有其他甜品都想試，因為我識路嚟喇。。哈哈。。

之前喺社交平台關注組🆕見到有人介紹呢一間喺顯徑附近嘅芋圓糖水鋪作為甜品愛好者梗係要試吓🥰🥰.店舖位置都比較入我喺地鐵顯徑站出嚟大概行咗六七分鐘🕰店面唔算好大但係裝修得好溫馨仲見到唔同嘅新鮮食材擺喺籃入邊🥭🍠.食咗芋圓屋大雜燴入邊有好多款唔同嘅配料例如係三色芋圓🍡紫米、寒天、珍珠、仙草等等分量好大 口感亦都非常豐富可以食得出芋圓係QQ彈彈🤩十分煙韌綠茶味都好特別🍵唔會特別甜反而有啲甘苦嘅味道除此之外 我哋仲試咗綠茶控😍入面黑白淡奶同埋黑糖嘅比例整得好好我最鐘意桂花凍同迷你麻薯~非常清香 口感都好唔錯！成碗都係抹茶嘅綠色 淡淡色調賞心悅目🤩另外勁薑芋圓番薯糖水都唔錯暖暖辣辣地好適合冬天❄️番薯都好大塊 用料好足再加埋微辣嘅燒賣 食到非常滿足！

晚飯過後 就黎到甜品嘅時間🤭上openrice搵到呢間見到係村屋地鋪鋪頭仔細細 淨得幾個位所以就決定外賣返上車食原來鋪頭位置係第二排村屋所以馬路經過嘅話 真係會見唔到😅不過沿路嘅轉彎位都有個靚靚指示牌又唔洗擔心搵唔到路而且好多人都等緊位/等緊外賣😍三色芋圓味道都好突出有紫薯 番薯 同埋綠茶個人最鍾意綠茶 茶香味超級正🤤糖水底都特別 係黑糖味仲有得揀少甜👍🏻好食到我飲哂啲糖水😜本身想食埋個30士多燒賣咖不過好可惜 咁啱賣晒 冇得食😔一定有下次！

這家小店新開張後差不多一星期會幫襯1-2次，除了慢了一些，食品飲品都幾好，同埋見佢位置比較不當眼，為了支持店主所以都keep住買外賣回家吃。但自從有一次去買外賣時，見到地上有2箱蕃薯，聞到好香，便問一下其中一位年輕一點的店員：「請問這些蕃薯賣唔賣㗎？」，她面帶一點不耐煩答：「梗係買番黎㗎啦！」再用恥笑面口再講「唔通自己種㗎咩！」，我跟住就話「我唔係問你係咪買番來，我係問你賣唔賣！」就算佢聽錯我問佢蕃薯係咪買番來，佢都唔洗咁樣態度答個客，當刻真的好嬲，取完外賣便走人，自此再沒有幫襯。所以請員工真的很重要，可以幫你keep住d客，相反亦會幫你趕客。

1）爆脆芒果西米撈🥭一碗有齊芒果粒，西米脆脆，芒果爆爆珠，同芒果沙冰岩曬貪心既人試。芒果夠甜，但又有小小酸，令人食唔停口。特別一提芒果爆爆珠好似大大粒既三文魚子，一啖有齊唔同口感。一試難忘！下次黎到都一定會再叫。