影片
一早到法院做嘢！都要食个早餐！附近都无乜选择，知道法院都有小食部，唔使行咁远，去到地方好大，光猛干净，食物款式比想像中多，唔想浪费时间，快快去柜台落单，咖哩鱼蛋汉堡扒福面，阿姐问我要唔要加多样𩠌（唔使价钱）我要多个煎蛋！阿姐收银柜边有架餐车，有已经放咗个福面发泡胶碗，落晒𩠌之后就加热水，盖好比我，攞埋热柠茶！餐厅边有张枱有齐餐具及调味料，搅好晒就坐低，不锈钢桌椅，几阔落，唔会好迫，椅子有高有矮，适合饮咖啡？焗一阵打开，鱼蛋嘅咖哩汁溶晒落汤，变成咖哩汤汁，味道惹味，鱼蛋弹牙，汉堡扒系现成雪藏货，味道偏咸，煎蛋滑溜，中间流心蛋黄，蛋白又唔老！焗淋嘅福面，无煮嘅咁滑，比较干硬（水已经够热，可能发泡胶碗唔及瓦碗存热！所以争啲！热柠茶够茶味唔涩！够热！不过用纸杯比较难攞实！呢度只有即弃餐具，自助式，阿姐都会出来执枱！简单快捷嘅一餐！
继续阅读