影片
这一天，因为想去八卦一下在将军澳新开业的日式超市。于是，一放工就同太太在沙田会合，直指将军澳市中心。在车上，我们开始搜寻将军澳站周边有没有提供素食的好地方。而在搜寻网站中，我看见了《艺 ‧ 文食馆》这一个名字。我们在车上看了小店的餐牌，确定有素食之后，一下车就立即来找了。找到后，更发现一个好消息，原来这《艺 ‧ 文食馆》，是由久违了的《菓一道》经营的。我们立即确定，这是一间健康餐厅。这《艺 ‧ 文食馆》不算是好找的一间餐厅。像我们这些非将军澳居民，甚么天晋汇，甚么 Pop Walk，真系听都未听过。若不是有电子地图，同带口问一问管理员，我谂我有排揾呢一间小小的餐厅。更令人感难找的，就是这餐厅位于整个商场中最宁静的一角。因为餐厅要照顾素食人士，所以餐汤是素的，而该日的汤是一个蕃茄燕麦汤。我可以说，这是一个很浓的蕃茄汤，酸味中又带点甜。汤内有可爱兼健康的燕麦粒同蕃茄粒，味道就是纯正的蕃茄味加糖，味道不错。太太说，很久没有食过素食既日式拉面了，所以她一看就看中这木耳金菇鸳鸯素鸭蔬菜汤拉面。何谓鸳鸯素鸭? 就是一半是炸，一半既蒸的素鸭件。纯蔬菜汤底清淡，但绝不是没有味道的，煎的素鸭很香口，蒸的味道也不差，只是拉面面条是一般质素而已。带子蒜香蚬仔肉炒意大利粉。淡淡地带出了应有的咸香味，入口少油，连橄榄油都少。意粉保持有少少的爽脆感。食惯香口味浓的朋友，或许会对这儿的食物出品有少许不满，因为这儿的出品以健康为主，味道绝对是偏淡而且少油的。喜欢清淡口味的，这儿的食品一定会令你满意。咖啡，其实没什么好评。因为一饮就饮得出这是即溶咖啡冲出来的。这一餐，可以说是久违了的《菓一道》的健康清淡好味道。不一定要茹素，而又想吃得健康一点的话，《艺 ‧ 文食馆》是一个好选择。
继续阅读
睇戏睇完早场，午饭和老公去试下这间餐厅。好耐无去𠮶边食饭，记得前身系「果一道」（素食餐厅），现在易手了。餐厅环境系ok ge, 我点左黑松露杂菜炒意粉，老公要食肉，所以点左鸡扒意粉。黑松露杂菜炒意粉先上，侍应刚端上来，我看到西式既炒意粉配搭左中式既黑木耳已心知不妙。然后我就闻到一阵古怪既酸味....我以为系松露酱配搭左黑木耳所出的「古怪味」，所以傻傻的照食（左半碟）。蔬菜都唔叫有问题既....唔知「酸味」系咪来自意粉....碟炒意粉一d 松露酱既味都无，因为佢实在加得太少。接著侍应把老公点的鸡扒意粉都端上来了，老公分左d 鸡扒俾我....又闻到「酸味」，同我碟炒意粉一样既味....咬一啖鸡扒就知d 鸡扒「酸左」。佢未去到「酸宿味」，不过好明显系「酸左」，开始变坏/夏天天气热，食材响厨房放得唔好。我哋只怪自己倒霉，埋左单，临走前忍唔住同貌似老板既男人讲「你哋d 鸡扒酸左」。佢只系「哦」左一声。我哋单都埋左，无谂住R 咩著数。只系觉得钱花得有点不值，点都要反映下。今次系我第一次写Open Rice 既食评....因为真系忍唔住，未食过一间咁差既餐厅。连最基本既食材都处理得唔好。
继续阅读
Magic的皇上金舌食评识我嘅人都知我食嘢奄尖食咗佢个下午茶1.) 蔬菜上汤谷饲猪柳煎蛋米粉佢个汤清淡，好似有啲姜味，猪柳应该冇腌过，啲菜有啲草青味(煮唔够熟定想保持营养？) 。2.) 蜜汁香煎鸡扒大麦汉堡包(推介 - 但包要走汁)估唔到32蚊加一嘅下午茶， 比到我惊喜， 一上枱好似人哋60蚊𠮶啲， 佢个大麦包口感好特别，鸡扒真系煎出嚟仲走埋皮， 沙律蔬菜好新鲜， 唯一美中不足嘅系，佢鸡扒嘅蜜汁嘅味好怪， 完全唔系蜜汁味， 如果大家叫呢个，我建议个包走汁， 因为佢本身个鸡扒煎得好香。3.) 热柑桔青柠十分之重料， 可以加水冲多半杯饮。4.) 冻柠茶绝对系小糖，几乎无糖， 有清清嘅柠茶味，唔太啱我口味。一入去，会提客人量体温。客人一走，𠮶张枱会马上消毒清洁。总结：其实呢间餐厅主打健康， 有英文名你叫HEALTH CULTURE，所以佢鸡扒会走皮，亦都完全唔会有炸嘅食物， 冻柠茶 自动少甜，如果追求调味嘅味道，呢间就未必适合你， 追求健康饮食，呢间系ok。
继续阅读
因疫情严重打击，艺文食馆很快便会结业，有机会的话，可来一趟。真的不舍得，健康餐厅又少了一间。因支撑不住原因是疫情时候，大业主一毫纸也不肯减，所以如果支持果一度的朋友，不妨来帮衬堂食或外卖La！
继续阅读
每次遇到一啲极品难食嘅餐厅，都好想喺度出post表扬一下佢哋！咁啱今日喺宝琳收工，呢排食开素食见将军澳好似冇乜素食嘅餐厅，呢间系其中一间所以选择走过来将军澳站试吓，你之前其实都睇咗几篇腐评而且日子都有啲近，不过真系冇乜素食餐厅之下走咗过嚟试一试先，去到点知就咁嗌个简简单单嘅黑松露意粉都可以炒车炒得好过分！真系唔怪得知得一台客！根本就系将意粉过完热水，又将啲蔬菜果下热水之后倒少少罐头黑松露汁捞埋一碟上俾你，算系我食过有素食嘅餐厅之中最求其最难食嘅一间！完全冇任何诚意去对待自己煮出嚟嘅食物同埋客人！食咗两啖之后唔想嘥食物打包走人，走过隔离间Coco番叫返个蘑菇黑松露蛋包饭顺一顺返条气！
继续阅读