良鮨壽司

营业中

休息中

一直都聽大埔朋友講良鮨好正，今日帶埋爸爸黎食餐飯，睇下係咪真係咁正🤓一入到去地方唔算好大，但好企理，店員都好有禮貌咁招呼我地。我哋係下午茶時間去食，所以餐廳唔算多人～焦糖鵝肝壽司 以往食鵝肝都係就咁煎或者燒，今次第一次試焦糖同鵝肝嘅配搭，鵝肝上面嘅焦糖燒到脆脆地，充滿油脂香味既鵝肝入口即化，爸爸都讚口不絕😋三色魚生丼 （定食）雖然睇落細細碗，但係麻雀雖小 五臟俱全既感覺！刺身嘅質素高、口感佳，最鐘意係三文魚！每一塊都新鮮肥美，有一定既厚度。壽司飯溫度啱啱好，亦唔會有奇怪嘅醋味。良壽司定食（定食）八件壽司包括火炙三文魚、火炙油甘魚、火炙左口魚、芝士熟蝦、蟹籽、玉子、北寄貝、八爪魚，八件壽司擺到靚靚仔仔，壽司飯大小剛好，個人最欣賞火炙嗰三件，鐘意火炙壽司既焦香同口感更好！其他壽司中規中矩，唔算好特別～玉子燒偏甜口既玉子燒，切成一口大細，十分貼心。唐揚魷魚鬚即叫即炸，炸粉啱啱好，皮唔會過厚，炸得好香口～食日本野必叫既炸物。定食會有埋沙律同麵豉湯～星期一至六都有lunch set，個人認為良鮨性價比好高，雖然份量唔算好多，但係重質不重量！今餐兩個人叫得唔多嘢，但都食得好滿足🤤下次會再食刺身同埋

🍪【#大埔】良鮨壽司 Laing Zhi Sushi Restaurant💥座無虛席壽司店 重量級飽滿海膽💥.🍪 大埔喺今年年中新開呢間良鮨壽司，好受街坊歡迎🥳！12點開門我地就即刻入坐，短短半個鐘已經坐滿晒人😨！✧ Laing Zhi Sushi Restaurant is a new star emerged in Tai Po’s ever-evolving dining scene, but given the fast-growing popularity, it could soon catch up with the experienced counterparts in the district👏🏻. Tables were almost immediately full after we entered at noon😳🏃🏻‍♀️. .🍪 成餐飯最有驚喜嘅係巨型海膽😍😍😍！估唔到會咁大份咁飽滿，味道鮮甜濃郁！💯✧ The top-notch sea urchin, incredibly massive😋, buttery😍 and sweet🤤, is the spot

在大埔開左一段時間的日式餐廳，評價好正面，lunch set幾抵食，之前係OpenRice訂左位試下晚市😋除左普通座位仲有bar枱😬睇住師傅工作🔆良鮨壽司拼盤$𝟝𝟛𝟠 赤身、中拖、大拖、牡丹蝦、蔥拖羅蓉及海膽各有兩件，仲有6件鐵火卷🍣呢個拼盤真係相當高質😍拖羅鮮味又充滿油香，最愛中拖油份適中得來又無筋❤️仲有日本海膽多到疊起，好鮮甜0澀味🔆日本北海道衛門生蠔1隻$𝟜𝟝 坐bar枱睇住師傅開蠔幾吸引就叫左隻試下🦪估唔到最平果隻都咁有海水味😍蠔身飽滿，加上特製的酸汁啫喱格外清新🤤🔆火炙鵝肝手卷1件$𝟜𝟝 壽司飯吸收左油脂香相當邪惡😼佢唔係用一大塊鵝肝，而係幾舊仔咁。雖然睇落無咁美觀，但咬落方便😆🔆芝士吉列蝦卷4件$𝟛𝟝 剛炸起的吉列蝦🦐鋪上炙燒過的芝士及大量蟹籽，十分融和🔆厚燒玉子$𝟚𝟠 個人偏好口感嫩滑一點的玉子，呢個普通🔆冷稻庭烏冬$𝟜𝟠 胡麻醬同烏冬向來都係最佳拍擋🤝味道好穩陣🐰食物相當有質素，用料都好新鮮💛雖然同區黎講價格會高少少，但食到好西都值得啦😝

每天上下班,看著這間店裝修,開張~現在終於有機會來試一試!這間店在廣福道大馬路上~甫入店門,就好像去了另一個空間~可以安靜的欣賞一下師傅切魚生做壽司~因為見到有原隻活赤貝,所以點來試一試~很喜歡吃赤貝,因為又鮮又爽脆~不過一般壽司上面的赤貝都不夠爽脆,不太好吃~現在原顆即開,這個赤貝特別鮮特別好食~而且一大片赤貝放入口真的好滿足~我最愛三文魚子,沒有之一~有看我的食評都會知道我有多熱愛三文魚子~😂所以,就算已經點了饅魚飯,還是要點壽司🙈三文魚子當然是又鹹又香~連包壽司的紫菜都保持得十分香脆,實在抵讚~ 鰻魚燒得非常焦香,加上魚皮的油份更加甘香~軟熟的白飯配上甜甜的醬汁,實在很好味~如果拌碟的雜菜都可以有點味道就更好了~ 而且以這麼便利的地點而言,價位實在相當親民~以後想吃日本菜都會來這裏~

夜晚係大埔，兩條友諗唔到食咩，路過見“良鮨“個名好似好吸引，門口望咗望個menu，價錢屬於中上，但見新開，就試試你。今晚入座率唔算full，直入有位坐吧枱。吧枱位同位之間都算闊落，唔會學得好迫。今日唔太肚餓，所以簡單叫咗少少。芝士蟹子軍艦蟹子沙律三色魚生飯煎餃軟殼蟹卷芝士蟹子軍艦：即叫即整，片紫菜係脆嘅，但個芝士蟹子偏咸。蟹子沙律：正常發探，無好大驚喜或失望。三色魚生飯：兩片帶子（應該係一粒片開），三片三文魚，三隻甜蝦，三樣食材係新鮮嘅，三文魚算厚，因為飯面有啲伴飯粉，唔係好食到壽司飯嘅味道，加上可能隻碗太細，飯唔算多，所以感覺好細碗。軟殼蟹卷：一客四件，唔算話好大件，軟殼蟹係脆同暖嘅，算正常。煎餃：味道正常，但少咗一份焦脆感，可以有空間改進。總括：份量唔算大，食物味道正常。店員同師傅好好禮貌，會介紹下食物。：不過，呢個價錢，大埔會有其他選擇，暫時未搵到要再去嘅理由。

前排發現大埔開左呢間日本料理小店，試過佢既lunch set後就一直好想試下晚餐，今次終於試到喇😆2人食唔係叫到好多🙈#蟹子沙律 🥗係一道穩陣好難會伏的前菜，份量夠，又醒胃，清爽青瓜絲加蟹柳絲加沙律醬，要自己撈勻，有種新年撈起感覺😆HKD35#唐楊魷魚鬚 🦑熱辣辣炸起，皮薄，魷魚鬚唔會太硬，調味惹味，幾岩送酒既小食🍻HKD48#焦糖鵝肝壽司 🍣見幾多人介紹呢款壽司，size唔大，用鵝肝cream brulee 黎形容就好貼切，表面燒到勁脆既焦糖，下面係軟滑鵝肝，壽司飯啲醋味都好夠出，唔會俾鵝肝蓋過。不過略嫌層焦糖有啲過厚，變相甜味好出蓋過鵝肝，焦糖薄薄一層已經足夠😉HKD42#蟹子軟殼蟹卷 🦀 卷物size細，入面只有軟殼蟹，軟殼蟹粉多過蟹😢外面一層蟹子，整體味道單一，呢個就較普通，可以不試HKD35#軟殼蟹手卷 🦀🍙軟殼蟹加蟹子加埋沙律醬，紫菜夠脆，飯量都好夠，如果軟殼蟹可以係新鮮炸起就好了HKD28#牛舌 👅燒既火喉控制得岩岩好，牛舌質地唔韌，有彈性又夠軟淋易咬，調味既鹽同黑椒都岩岩好，讚！HKD38#燒免治雞肉棒 🐥有期望過會有日本蛋黃配免治雞肉棒，不過係冇既😔係冇乜醬汁咁燒，不

見到個名食字食得幾有趣，就入去食下😋睇下食物質素有冇良知先！12:30黎到都唔係話十分多人😛俾佢地安排左坐吧檯位， 可以睇住師傅準備你個飯😮 件事都幾日本🤣前菜有個沙律同麵豉湯，沙律都係蟹柳絲同青瓜絲，同出面差唔多味😛嗌左個三色魚生飯，係三文魚、甜蝦同帆立貝🐟🦐🦪刺身都幾新鮮，唔會話覺得好腥肉質好梅👍🏼仲嗌左個辣味三文魚軍艦，幾出色😋唔會話突然間有朕死甜味，又有油潤感，推薦👍🏼晏畫食仲有一杯雪糕送，真係一個Full Set🤩睇黎下次黎大埔可以再黎🥰

今日去大埔搵朋友，中午時間就喺附近搵東西食，朋友想食日本菜就決定這間細看餐牌有很多選擇，每一樣我都係想食入到店舖這裏空間充足，環境舒適感覺乾淨，而且這裏裝修很有日本風格餐前小食有這個蟹子沙律，沙律用青瓜泡絲，刨得10分細條，食落口爽爽的感覺，清新可口，加上蟹子在口裏爆開，鹹鹹的清新感覺好味道這個午市套餐有很多壽司款式，每一件壽司都是師傅現場製作的，而且望落材料新鮮這個廣島蠔豆腐鍋，值得一讚，先試下是他的湯底，超濃的鮮魚湯底，喺其他地方很少食到，因為製作湯底用很長的時間，湯底鮮甜帶有魚香味，送到我的面前他的湯很熱很滾，一試就已經愛上湯底值得一讚，是用鮮魚來熬製的，奶白色的湯底，連鍋裏的菜一齊食，菜本身吸收左鮮魚嘅湯，食落口10分好味，非常好味食一口新鮮的廣島蠔，蠔味甘香而且濃郁， 10分好味這個北寄貝壽司，一放落口爽脆鮮甜，食材10分新鮮，這一款壽司我非常之喜歡食，差不多每一次食日本菜我都會叫的八爪魚壽司，加上自家新鮮磨製的芥辣，八爪魚一放落口煙韌爽脆，一食就知10分新鮮，八爪魚帶有鹹鹹的海水味，越嚼越鮮甜，非常好味

前幾日同朋友嚟到大埔呢一間良鮨食日本菜，喺大埔火車站行10分鐘到就到。店舖環境都幾企理。入到去坐低，佢會比張qrcode你電子落單，好先進，比起傳統用紙落單亦更加環保。我同朋友都好肚餓，所以就急不及待咁叫咗個蕎麥麵、紫薯餅、蟹膏蟹肉手卷、炸魷魚鬚、玉子燒，仲有一系列嘅手握壽司。整體食物都幾好食，令我留下最深刻印象嘅莫過於火炙帆立貝同鰻魚壽司，帆立貝大大粒，厚肉身，食落好滋味。而本身就勁鍾意食鰻魚嘅我都覺得呢間嘅鰻魚壽司好有水準，鰻魚魚肉厚身，無骨，鰻魚肉唔會林啤啤，食得出係新鮮嘅食材，配上適量嘅鰻魚汁，真係好好食呢！最後食咗勁多野，買單都唔使$400 ，又幾抵喎。下次再嚟要喪食鰻魚壽司同帆立貝壽司。

平時多數都係係屋企食住家飯，難得出去食梗係要食好D，所以今晚同fd 2個人去左大埔墟呢間＂良鮨＂食，六點幾店入面已經有幾多客人。通常去日本餐廳我一定會點壽司，但今次我竟然係餐牌見到有＂日式鵝肝飯＂，仲只係$108！難敵鵝肝既誘惑，今次我都係冇點到壽司。而我fd 就點左＂安格斯牛肉稻庭烏冬＂($88)，聽到個名都流哂口水。鵝肝飯到個陣真係＂嘩＂左一聲，四塊鵝肝大大塊，今次可以食鵝肝食到飽照燒的鵝肝十分嫩滑，很神奇的是味道完全不油膩，可以多吃幾塊也沒問題，何況還有清爽的秋葵和粟米仔。稻庭烏冬就很適合我個鍾意健康同怕肥膩既fd，安格斯牛肉冇多餘的脂肪，唔會好似肥牛咁令湯底多了一層油，湯底能保持清香，烏冬也是符合期望的彈牙。今餐滿足到我地拍哂肚皮，我下次一定要再來食呢個鵝肝飯！

平時都係大埔區出沒多，都知道啲食店大概咩質素。良鮨壽司算係區內坐得舒服、價錢唔算貴、味道都唔錯嘅日本野。最重要係有良心🤓今次同朋友一齊食中午，最鍾意叫火炙丼飯，火炙個陣被燒過嘅味好好味🤓火炙海鮮丼$68裡面有三文魚 八瓜魚 希靈魚等嘅角切海鮮套餐包埋面鼓湯同青瓜蟹柳沙律個沙律好正，清新得黎個蟹柳又足料👍🏼👍🏼👍🏼另外朋友叫咗三文魚汁燒丼 $58有八片三文魚，好足料💓💓不過提一提呢度中午套餐都會收加一服務費😄

廣福道新開良心魚生店😋🐠🐡店舖寬敞舒適光線充足🤩魚生亦非常新鮮😍😍食物壽司全部都係即製😚😚-🔻芝士年糕 $28@2兩粒年糕都脹卜卜🥰外面嘅米皮好煙韌好chewy 🤤🤤入面芝士熱辣辣 好鹹香 一咬就流哂出嚟😻芝士唔會過份濃烈😈食完都唔會有滯嘅感覺🤓🤓🔸鰻魚牛油果卷 $35@4餐廳用上好新鮮嘅牛油果🥑配上好惹味嘅燒汁鰻魚 原來嚟個組合都幾唔錯😋😋-🔸蟹子軟殼蟹卷 $35@4味道正常 軟殼蟹炸得幾鬆脆👍🏼👍🏼🔹北寄貝 $38@6食得出好鮮甜😻😽望落去立立令✨✨都睇得出佢幾新鮮🤤🔺火炙角切三文魚丼 $88雖然份量唔多🙇🏽‍♀️🙇🏽‍♀️但味道食材高質😎魚生新鮮😋😋三文魚炙完食落味道更豐富🔥魷魚好爽甜 魚塊鮮甜 仲有隻蟹鉗仔做點綴💥值得一試🤩👍🏼

🍣 焦糖鵝肝 84蚊2件估唔到焦糖同鵝肝甘夾。焦糖嘅香脆同清甜令到鵝肝本身嘅蘇味大大減低，亦突顯左鵝肝嘅creamy同油香。呢個係一道好少喺日本餐廳見到嘅驚喜壽司💛🍣蔥拖羅蓉軍艦壽司 28蚊1件拖羅蓉好好食，油脂夠，魚蓉鮮甜新鮮。面頭嘅蔥絲同醋飯好夠味。基本上呢個壽司唔洗加豉油都得。🍡芝士年糕 28蚊熱辣辣嘅芝士年糕表面脆身，年糕嘅軟糯同芝士嘅咸香幼滑好夾。算係我食過頭一二名嘅芝士年糕，值得一試。海膽爆丼飯 188蚊一個爆丼飯有齊我鐘意嘅拖羅魚蓉，海膽， 蟹肉，三文魚子。價錢唔過200蚊，一見到已😍😍。拖羅魚蓉同軍艦嘅一樣好食，蟹肉有咸香海水味加鮮甜蟹肉味。三文魚子大大粒，一咬開佢，啲咸香味四溢。

朋友話我呢排工作實在太辛苦了，日日都要加班。所以，佢專程帶我到佢屋企附近嘅大埔“良鰭壽司”，吃番餐日本餐。我就順佢意嚟到呢間日本壽司店。未行入去單看門簾，就已經感受到日本風情，門簾掀起，左邊就是長檯，右邊就是雅座。完全是日本劇集嘅壽司店佈局。朋友與我點了，一個抄飯同一些壽司，雖然份量不多，但已經足夠了。志在大家吹吹水。海膽海鮮炒飯🌟🌟🌟🌟🌟～大大塊海膽鋪在飯面，Yummy😋😋😋. 飯軟硬適中，炒粒粒分明，炒飯配料有魚子，洋蔥粒，魷魚粒，紅蘿蔔粒，小蜆肉。香噴噴，見到咁靚就想馬上食。🥘金目鯛壽司🌟🌟🌟🌟～魚肉新鮮，不會太淋身。食落有質感。🍣火炙三文魚壽司～以為會好似出面咁薄，點知切得都算厚身。👍火炙左口魚壽司～左口魚係我至愛，無得輸。💗💗💗油甘魚壽司～好味，魚生好新鮮。腐皮壽司～中規中矩，可以啦！總括而言，魚生非常生鮮，鈔飯也令我有驚喜，出非意料的好味。

搵日本嘢食搵到去大埔廣福道77號。餐廳幾多客人，燈光足夠，播住音樂，氣氛幾好。餐廳有幾個師傅，人手足夠，上菜速度快，啲食物熱辣辣。整體體驗唔錯。餐廳選擇都幾多。有丼飯，刺身，壽司，串燒等等。 同行友人唔食生嘢，所以我地都叫咗幾樣串燒。 餐廳嘅串燒幾特別！白鱔同埋雞頸肉都好少喺出面見到有得叫！我哋叫左3串串燒：牛舌， 鹿兒島雞頸肉，白鱔。 牛舌嘅位靚，冇根， 燒得剛剛好，一啲都唔老。調味適中，非常惹味。白鱔都出色，師傅將白鱔嘅皮燒到香脆，加上適量鹽同埋黑椒，惹味香口。白鱔冇鰻魚咁油膩。魚肉厚身冇骨，啖啖肉，係幾正。鹿兒島雞頸肉比較大串，唔會燒到太老太乾，保持到外脆內juicy。 食到少少軟骨，有少少似雞軟骨，幾香口。唔錯。