良記餐廳(老鳳冰室) (已結業)

懷舊控的我.....最近又有新發現, 就系呢間位於深水埗嘅老馮冰室。冰室面積不大, 每一個角落都充滿懷舊擺设, 懷舊海報, 懷舊感覺, 懷舊.....這個懷舊信箱裝什麼？兩封家書？其實呢兩個系餐牌黎架。波波紅豆奶茶 (套餐升級+$16)波波冰用奶茶制作, 波波溶咗都唔會溝淡奶茶, 紅豆煮得頗腍, 如果再棉d就更正, 奶茶夠濃, 也算滑, 但可以再滑d, 那就更perfect。老鳳多士($40)嘩！好鬼邪惡啊！即制多士, 上臺熱辣辣, 芝士鹹香飄飄, 多士焗得爆脆.一口咬落去...黑松露香氣都幾突出, 分佈於整件多士, $40件多士....係貴少少, 但貴得有道理, 還有厚厚的半溶狀態拉絲芝士, 香濃惹味, 番茄粒及青瓜粒添清爽, 可平衡番芝士的濃.....平民美食燒羊扒 ($88)原來茶記都講排場了, 羊扒已木砧板登場, 有三大件, 羊扒上面鋪滿蒜蓉芝士, 焗得香噴噴出塲, 羊扒表面也燒得金黃焦香。羊肉肉質嫩紅, 質素不錯, 加埋焗過的蒜蓉及芝士, 惹味非常, 略嫌蒜蓉及芝士下得太多, 太搶羊味, 如果減番少少份量, 個人會覺得更好食, 不過口味嘅嘢有人鍾意濃, 有人鍾意淡, 哈哈..

I would rather use English for this comment as I hope more foreign visitors who can get to know such a good small local restaurant, which presenting our Hong Kong local culture pretty well through food serving. This is typical local Cha Chang Tang, it serves many of local HK dishes in a innovative way. The restaurant is decorated with many cultural posters, photos, slangs to track the local heritages. Even the restaurant name means a lot. 老鳳(lo fung) means taking it for granted. the menu is full

今晚黎到深水埗覓食，估唔到冰室都會令我地咁喜出望外！裝潢有舊式香港味道，甚富心思。芝士豬頸肉撈丁$48呢款一定要趁熱食，否則會覺得味道偏鹹。豬頸肉一流，芝士也極為邪惡，但偶爾放縱一次不為過啦！黑松露炒蛋多士$38超愛這一款！！！多士又香又脆，炒蛋滑溜，最重要係黑松露香氣無懈可擊！必點！芝士牛肉濃茄湯通粉$48製作湯通粉果然難唔到冰室，番茄湯底濃郁，通粉煮得剛好，質感適中，牛肉也香噴噴，果然是推介之一。蜜焦雞翼$38調味既鹹亦甜，重口味人士一定會喜愛！原味波波奶茶$24懷舊雪糕紅豆冰$28飲品的賣相也實在叫人驚艷，非常大杯，仲加入左雪糕、糯米糍、日本啤牌薄餅等，見到都開心！本人嚐過後十分推薦，一定要來試試！

有日要去深水埗買野，見有幾間茶餐廳都好出名，而呢間又好似幾特別，就一於去試下。可能因為落大雨，門口無乜人等位，所以一入去就已經有枱。地方真係細，坐得都幾逼下，不過裝飾幾別緻，好有港式懷舊風格。下午茶時段都唔算好平，呢杯特色朱古力都幾貴下，味道唔算好好味，不過真係幾大杯，上面有塊食得嘅蝦餅。除左gimmick，無乜特別，有d後悔加14蚊咁貴！芝士雞翼撈丁，賣相唔差，味道都ok，唔好睇佢好似好細碟，食完都真係好飽。

假日同男朋友係open rice搵有咩好食，見到老鳳既評價唔錯，就一於試下～名牌用顏色燈膽點綴閃閃下，裝修有d懷舊，用懷舊poster同霓虹燈加以襯托，極之吸引眼球，食慾大增。老鳳除左裝修夠懷蕭，menu外型都夠晒配合老鳳推介~ D名都好得意，幾有創意我分別去左2次，第一次去叫左芝士蕃茄湯鮮牛肉通粉+肉醬薯蓉炒蛋，餐黎既。蕃茄湯偏甜，甜到好似食緊糖水咁，冇蕃茄既酸味，食得出係大量茄膏加少少茄蓉同糖開出黎，勝在牛肉夠份量，夠稔身同芝士算多。同樣地肉醬薯蓉都偏甜，用通粉作為同一個餐就真係甜到"確''喉...隻蛋反而幾嫩同可以清清口入面既甜味。難得試新野，當然打算試下吸精又相機先飲既飲品，叫埋杯飛女可力試下。其實可力本身已經好甜，加埋面頭既cream同脆脆，唔好話唔膩，不過係幾足料既，而且好大杯，不過跟餐都要加多18蚊就貴左d，試完後，決定下次再黎食叫番普通野飲算～男朋友就食芝士豬頸肉撈丁跟多士，佢話個汁都偏甜，但算唔錯。我有試過豬頸肉，煎到香口同幾爽口同份量都多。第二次去食就食左肉夾饃加豬排上海麵，肉夾饃個皮好厚身，但入面d餡唔多，一啖已經食晒，淨反個齋包冇食。至於豬排上海麵其實唔差，面頭

今次係我第2 次嚟「老鳳」！無論係裝修、擺設、menu設計都仍然係咁有懷舊感覺，第一次嚟嘅朋友都覺得牆上面d 畫嘅slogan 好抵死搞笑haha啱先食完糖水冇耐，所以冇嗌到好多嘢但必嗌嘅一定係「波波奶茶」，連粒冰都係奶茶雪嘅！再嗌咗一個「蝦多士」同「蜜椒雞翼」，兩樣都咁「惹味」，但勁熱氣haha下次都係嗌返黑松露蛋好d

茶記成行成市，不過當中都有唔少有特色嘅，就以老鳳冰室為例，店內所有裝修擺設都睇得岀店主花過唔少心思，凝造岀一種懷舊地道嘅感覺，再加上別樹一格嘅食物款式同飲品，真係非常值得一試架😋.👱🏾同👩🏼已經係第二次黎呢到喇，今次就試咗焗安格斯牛腩飯（HKD48) 同老鳳多士.焗飯梗係要配炒飯底先好食架啦，牛腩亦煮得好淋好入味，👱🏾誠意推介.老鳳多士 （HKD40) 嘅配料包括芝士，茄碎同黑松露，食落口感非常豐富，另外仲跟一個mini沙律。但👩🏼就比較喜歡第一次嚟食嘅黑松露炒蛋多士，真係好大份同好香㗎！.飲品方面，我地分別叫咗原味波波冰鎮奶茶同飛仔華田，天時暑熱，入到黎飲番啖野攤抖下，即刻爽番曬🤤.奶茶不嬲都係港人致愛，為咗避免冰溶咗之後會溝淡奶茶嘅味道，餐廳直接用兩大粒奶茶波代替，咁就唔驚會影響味道啦👍🏻.而飛仔華田，當你見到上面嘅朱古力粉，脆脆同cream堆到好似山咁高，你就知道有幾邪惡啦，不過可以飲杯咁香濃嘅華田，放肆一次半次都唔緊要啦🙊(上面個張啤牌雖然冇咩味道，不過用黎做裝飾都幾得意呀，💯再加1分bonus) . Follow us on ig By Foodastics💕

放工來深水埗買手機配件, 順便吃個快捷的晚餐, 我的要求是有特色, 以及要快的, 因為接著要去上課。深水埗可算是個平民美食天堂, 來這裡能找到香港不少特色美食, 而且價錢也不貴, 就像這間老鳳冰室, 以懷舊為主題, 我也喜歡舊式的東西, 特別愛看香港八九十年代的電影, 總覺得那時的香港很有希望, 很美好。飛女可力+$14比想像中還要大杯, 有點嚇了一跳呢, 底下是味道很濃的好立克, 上層是cream, 女生都很怕cream, 但這cream令我捨不得棄掉, 它很幼滑, 且彷彿有陣椰香, 不是令人討厭的cream, 就給自己藉口喝一點吧, 有隻啤牌好吸睛, 原來是食得的餅, 但它口感也真像紙, 也沒什麼味道, 所以咬兩口就不咬了, 而杯上的早餐穀物配搭, 是個創意做法, 我幾欣賞, 不過口感稍腍, 如果更脆身就好。肉燥扒菜心$22菜心夠新鮮, 煮得夠腍、嫩綠多汁又無渣, 肉燥能為菜心作調味, 沒那麼單調, 唯肉燥味道稍鹹, 只能配一點點用。黑松露海皇炒飯$68炒飯賣相很好, 滿滿是材料, 包括有大蝦、魷魚、魚塊、瓜粒、蛋、蔥、仿魚翅, 當然不少得黑松露, 黑松露份量剛好, 不會太少又不會

想不到香港仍然有如此富特色的餐廳，走進餐廳內，恍如回到70年代。從外到內的裝修都一絲不苟，壁畫、相片、大鐘、燈牌、招牌都令人不禁緬懷一番。連放餐牌嘅袋都設計成舊建築的郵箱模樣 。餐廳內還播着耳熟能詳的舊歌。餐牌封面設計成舊日信封的模樣，還有女王頭像郵票圖案，很有心思。點了芝士豬頸肉撈一丁 $48 ，+$16配了波波紅豆奶茶。邪惡的芝士醬滿佈整碟的豬頸肉同公仔麵。豬頸肉又多又大塊，絕無欺場。波波紅豆奶茶啲紅豆好大粒，茶味香濃。重點係啲冰都係奶茶做，飲到尾都唔會淡咗。雪菜豬扒上海湯麵跟肉夾饃 $38，+$16配了雪糕紅豆冰。雪菜豬扒上海湯麵，大大碗，分量十足，湯麵上整齊咁佈滿雪菜和肉粒，仲附送咗塊生菜。大件、好味又抵食。肉夾饃，第一次聽，係用好似燒餅嘅嘢填滿惹味肉醬，少少辣的，特別又好食。店員好好咁提我哋襯熱食，唔係個外餅會硬。雪糕紅豆冰實在係超讚，奶味濃、紅豆香甜，仲有意想不到嘅配料。有三粒雪米糍，分別係士多啤梨味、芋頭味和黑芝麻味，仲有塊啤牌造型嘅威化餅，店員唔講都唔知原來係食得。呢杯可以話係我飲過最鍾意同好飲嘅雪糕紅豆冰。兩杯餐飲各比原價平左＄12一杯。雖然原價＄28一杯呢個質素嘅飲

本來約了老公食飯，最後無情地被放飛機，幸好有貼心的媽媽請纓出來陪我食晚飯，兩個人決定在屋企附近的茶餐廳解決。餐廳走懷舊風，裝飾品全部都帶有古舊的味道，好像穿越到70-80年代，親身體驗當代面貌。室內的座位較迫，幾乎背貼背。蝦多士：一份有八小件，是在麵包面塗上一層薄薄的蝦膠，再醮了麵包糠再炸成，所以外層十分香脆而且不油膩，裏面食到有蝦膠的彈牙，再醮上千島醬，帶有一點酸甜味，忍不住一件接一件地食。另外還配有一小份的雜果沙律，一碟非常豐富，下午茶時間還加另配飲品。澳門豬扒包：包是脆豬搽了牛油，牛油很香，包焗得很鬆脆，豬扒不算薄，醃得很入味，肉質很鬆，炸得香脆，還加上少許炒香的洋蔥。焗芝士海鮮保齡球：外層的農夫包很香脆，醮上芝士醬吃，味道非常合拍，裏面的海鮮有魚柳，蝦，魷魚及蜆肉，海鮮是用雪藏貨，味道一般，海鮮份量不多，下面是炒飯，又包又炒飯，其實都幾飽。雪糕紅豆冰：外觀精緻，除了是以三種不同口味的迷你雪米糯代替雪糕外，還有一層忌廉做裝飾，最特別是自製印有餐廳名稱的啤牌，其實是一片威化做成，但非常精緻及有心意，另外杯底有很多紅豆，紅豆煮得很腍但依然能保持粒狀，味道甜及有花奶香。跟餐只需要$16

Date: 9Aug朋友選的餐廳，環境佈置得很懷舊，但座位偏小（不是卡位），基本上坐下之後椅背會撞到後面的人，一直都坐得很小心。看得出食物名稱的用心，但食物味道有待改善。黑松露炒蛋多士：炒蛋夠嫩滑、夠熱，多士也脆芝士豬頸肉撈一丁：點菜的時候大家都很期待，覺得它既邪惡又吸引，但一吃下去就很失望。麵身較硬，撈完不會一pat pat，這是不錯的。豬頸肉已煮入味，不是平時的普通燒，有趣（還是奇怪？）的是有幾塊帶微甜，有2塊卻酸了（懷疑變壞了所以沒有吃）。另外多士凍了，沒有牛油香，邊位是脆的但內裏很乾，應該不是新鮮烘的老鳳多士（朋友點的）澳門豬扒包（朋友點的）p.s. 桌上還有茶記少有的芝士粉提供，芝士怪們可以無限芝士

一入到黎，環境裝修得似八九十年代既香港，裡面亦有不少八九十年代既poster或者裝飾品，真係估唔到係深水埗都可以有咁特別主題既茶餐廳。韓式炸雞拼芝士竹炭保齡球 $76韓式炸雞醬上面𣺉左BBQ醬，所以會帶點辣味，炸雞唔會太粉亦唔會太油。另外，芝士竹炭保齡球係一個驚喜位，味道唔錯，芝士裡面混合忌廉以成，味道唔會太漏。芝士牛肉濃茄湯通粉跟牛乳炒蛋肉醬焗薯泥 $48濃茄湯甜味適中，甜酸開胃，通粉好爽好彈牙，牛肉吸收蕃茄精華，不錯不錯👍我喜歡炒旦半生熟，食起上黎唔會太老又滑，薯泥食得出係自製，加上肉醬一同食，效果不錯不錯。原味波波冰震奶茶 $24一送上黎就見到兩粒大大粒既奶茶冰，配上傳統既茶餐廳奶茶，真係既傳統又搞笑之作菠蘿薄荷七喜 $22薄荷溝七喜整體唔錯，但係波波奶茶比較特別，我比較鍾意波波奶茶多啲。

好耐都未嚟到深水埗啦。友人介紹過話唔錯，就嚟試吓！今次叫左波波奶茶同芝士撈丁配雞扒，奶茶好滑，加埋奶茶冰，飲到最後都唔覺得淡口。個芝士撈雞扒就不過不失，普通野。佢裝修得好復古，仲播住90年代明星唱嘅歌。

今晚去咗深水埗買玩具，順便發掘新美食，行行下發現一間門面超懷舊充滿玩味嘅冰室，所以決定入去試一試。店內裝修懷舊又不失玩味感覺，牆身有好多海報，燈飾，餐牌仲有特別tim。餐廳有很多特色食物同飲品。原味波波奶茶茶香味超濃，加上用奶茶製成嘅波波冰，所以飲到最後味道都不會變淡，保持茶香味。飛仔華田飲品一枱簡直嚇了一跳，點解可以咁豐盛，華田上面唧上忌廉，忌廉上鋪滿不同款式的朱古力脆餅，而且餐廳還特別在日本訂購特製威化啤牌紙加在飲品上，又特別又有特式，華田仲超級濃郁。焗安格斯牛腩保齡球保齡球外脆內軟，沾上濃郁芝士汁，又脆又濃味，安格斯牛腩肉質軟嫩，牛味濃，配上炒飯，份外滋味。除咗餐牌之外每日都會有不同晚餐供應，今次揀選了鮮茄焗豬扒飯。面層鋪上大量芝士烤焗，內裏豬扒軟稔又鮮美，加上鮮甜嘅蕃茄汁，酸酸甜甜配上炒飯底，簡直起夾。睇得出餐廳用心製作每款食物，唔單止味道出色，連外型都充滿特色。

星期五無飯局,男朋友又唔係香港,約返舊老友出黎見下面~大家住付近,照舊去老鳳食個靚飯今日早放工唔洗排隊$22肉燥扒菜心,肉燥好入味,甜甜地辣辣地好好味菜心好大條,唔難得叫做扒菜心$48瑞士雞翼撈出前一丁瑞士汁好香,雞翼又大隻肉都算淜好多瑞汁汁,撈丁一流,面質唔會太淋,好功夫$68芝士海鮮農夫包好大碗芝士,香濃芝士點農夫包農夫包好軟,暖暖地,沾满芝士流晒口水無得輸有海鮮有飯,用芝士忌廉局好足料~雪糕紅豆冰好多紅豆,紅豆好淋有3粒糯米糍好味~